Untitled Sermon (7)

ON LAL MOSES

Monday October 3 God El Pahng Ac Ahkoelah Exodus 3: 1-15

God El Panglol Moses

1 Sie len ke Moses el karingin sheep ac nani natul Jethro, su papa tumun mutan kial ac el mwet tol lun Midian, el pwanla kosro inge alukela yen mwesis ac sun eol mutal Sinai.*

2 Lipufan se lun LEUM GOD sikyang nu sel we in luman sie e ma tuku liki infulwen sak srisrik soko. Moses el lut ke el liye lah sak soko ah firir a tiana firirla.

3 El nunku sel, “Mea na usrnguk se inge? Efu sak soko inge ku tia firirla? Nga ac kuhfla nu kac ngan liye.”

4 Ke LEUM GOD El liye lah Moses el kalukyang, El pang nu sel liki infulwen sak soko ah, “Moses! Moses!”

El topuk, “Nga pa inge.”

5 Na God El fahk, “Tu na insacn. Sarukla fahluk lom an, mweyen kom tu fin fohk mutal.

6 Nga pa God lun papa matu tomom — God lal Abraham, Isaac, ac Jacob.” Ouinge Moses el afinya mutal, mweyen el arulana sangeng in ngetang nu sin God.

7 Na LEUM GOD El fahk, “Nga liye lupan keok lun mwet luk fin acn Egypt. Nga lohng pusren tung lalos ke elos wowoyak tuh in moliyukla elos liki inpoun mwet su akkohsyelos. Nga kalem ke lupan keok lalos.

8 Na pa nga oatume in molelosla liki mwet Egypt ac usalosme liki acn we nu ke sie facl lulap, sie facl mut ac kasrup fohk we,† su mwet Canaan, mwet Hit, mwet Amor, mwet Periz, mwet Hiv, ac mwet Jebus muta we inge.

9 Pwayena nga lohng pusren tung lun mwet luk, ac nga liye lupan sulallal lun mwet Egypt nu selos.

10 Inge nga ac supwekomla nu yurin

tokosra lun Egypt tuh kom in ku in kolla mwet luk liki facl sel.”

11 Tuh Moses el fahk nu sin God, “Ku su nga uh, tuh nga in som nu yorol tokosra ac usla mwet Israel liki acn Egypt?”

12 God El topuk, “Nga ac fah wi kom, ac pacl se kom use mwet uh liki acn Egypt kowos ac fah alu nu sik fin eol soko inge. Pa inge mwe akpwayei lah nga pa supwekomla.”

13 Na Moses el fahk nu sin God, “Ke nga ac som nu yurin mwet Israel ac fahk nu selos, ‘God lun papa tomowos uh pa supweyume nu yuruwos,’ elos ac fah siyuk sik, ‘Su inel an?’ Na mea nga ac fahk nu selos?”

14 God El fahk, “Nga Nuna Nga Ah Na. Kom fah fahk nu selos, ‘El su pangpang NGA,‡ pa supweyume nu yuruwos.’

15 Fahk nu sin mwet Israel lah nga, LEUM GOD lun papa tumalos somla — God lal Abraham, Isaac, ac Jacob — pa supwekom nu yorolos. Pa inge Inek nwe tok, ac fwil nukewa fahsru uh ac fah pangonyu ouinge.

----

Tuesday October 4 God El Acse Kutanglah Exodus 14: 21-31

Wednesday October 5 God El Esam Wuhlwelah Lal Psa 105: 26-27, 37-45

Thursday October 6 God El Tawi (Expect) Ahkostwen Hebrew 3: 7-19

Mongla Nu Sin Mwet Lun God

7 Ke ma inge, in oana ke Ngun Mutal el fahk,

“Kowos fin lohng pusren God misenge,

8 Kowos in tia akupaye insiowos, oana mwet matu lowos elos tuh oru ke elos forla lain God,

Oana ke elos tuh oru ke len se elos tuh srikal yen mwesis.

9 Ac God El fahk, In acn mwesis uh elos tuh srikeyu,

Elos ne liye ma nga oru nu selos ke yac angngaul.

10 Ouinge nga tuh arulana toasr sin mwet ingo ac sifacna fahk,

‘Pacl nukewa elos likkeke,

Ac srangesr akos ma sap luk!’

11 Nga tuh kasrkusrak selos ac orala wulela na ku luk:

‘Elos ac fah tiana utyak nu in facl se ma nga akoo in sang mongla nu selos we!’ ”

12 Mwet lulalfongi wiuk, kowos in arulana liyaung tuh in tia oasr sie inmasrlowos su inse koluk ac selulalfongi, pwanang el forla liki God moul. 13 In tia ouinge, a ke lusen na pacl ma kas se inge “Misenge,” su oan in Ma Simusla, ma nu sesr — na kowos in kasru sie sin sie len nukewa, tuh in wangin sie suwos kiapeyukla ke ma koluk ac ekla sie mwet likkeke. 14 Lulalfongi lasr tuh arulana ku ke kut tufahna mutawauk in eis Christ. Lela kut in sruokya ku lulalfongi se inge nu ke safla, na kut fah ku in mwet ipeis pwaye yurin Christ.

15 Pa inge ma fahk in Ma Simusla uh:

“Kowos fin lohng pusren God misenge,

Kowos in tia akupaye insiowos, oana mwet matu lowos elos tuh oru

Ke elos forla lain God.”

16 Su mwet ma tuh lohng pusren God ac forla lainul ah? Elos pa mwet nukewa su Moses el tuh kolla liki acn Egypt. 17 Ac su God El tuh kasrkusrak se ke yac angngaul ah? Elos su orekma koluk, su putatla ac misa in acn mwesis ah. 18 Ke God El tuh orala wulela ku se lal ma fahk mu, “Elos ac fah tiana utyak nu in facl se ma nga akoo in sang mongla nu selos we” — su El tuh kaskas kac inge? Kaclos su forla lainul. 19 Ke ma inge kut liye lah elos tuh tia ku in utyak nu in facl sac mweyen elos tuh tia lulalfongi

Friday October 7 God El Acse Monglac Kawihl Hebrew 4: 1-11

Saturday October 8 God El Wuhlwelah Sie Acn Sesr Deut. 1: 1-8

Sunday October 9 God El Wo Ac Suwos Psa 33: 1-5