Akosten Sang Me Insewowo, Seakosten Sang Selnga

Deuteronomy 28: 1-14 (Akosten), vv. 15-65 (Seaosten)

Psalm 76 (ESV)

7 A kom, LEUM GOD, mwet nukewa sangeng sum.

Wangin sie ku in tu ye motom

In pacl kom kasrkusrak.

8 Kom oru nununku lom in kalem inkusrao me,

Ac faclu sangeng kac ac mihslana

9 Ke kom tuyak in oru nununku lom

In molelosla nukewa su akkeokyeyuk fin faclu.

Introduction:

1. Ke week pal fohtohto somla, kut lutlut kacl Moses, su LEUM GOD El tohlokonwak in aksukosokyela tulik natul (Israel) liki kos lalos.

2. Ma Sumusla akkalemye la Moses el kolla tulik Israel ac tiana wi utyak nuke facl in Wuleang (Promised Land).

3. Ke sripa se inge, LEUM GOD El sap Joshua elan kolla tulik Israel.

4. Moses el tu tufalla Joshua oru Joshua el etu la me fal elan oru.

5. Meet liki Joshua, El oru kol lal, el orani tulik Israel in orella sie Wuleang Sasu fin an Shemchem.

6. Joshua el fahk, in Joshua 24:15, “Nga ac sucu luk, kut ac akfulatye LEUM GOD”

7. Akfulat lal Joshua pa, elan akos Ma Sap lun God (Exodus 20:3-17).

Body:

Me Rit lasr nu misenge oasr in Deuteromy 28: 1-14, ac ouyacpac 15-19.

Ke Deuteronomy 28: 1-14, akuteyac nu sesr la kut fin ukwe ma LEUM GOD El sapkin mwe insewowo pa ac tuku kac uh.

Examples ke mwe fahk luk uh pa ke fus ekacsr ten inge, ku ke fus ma kut riti kac tari:

1 “Kowos fin akos LEUM GOD lowos ac oaru in liyaung ma sap nukewa lal ma nga sot nu suwos misenge, El ac fah oru kowos in yohk ac fulat liki mutunfacl nukewa fin faclu. 2 Akos LEUM GOD lowos, na mwe insewowo inge nukewa fah ma lowos:

3 “LEUM GOD El fah akinsewowoye siti suwos ac ima lowos.

4 “LEUM GOD El fah akinsewowoye kowos ke El ac oru in puseni tulik nutuwos, fokin ima lowos, ac cow ac sheep nutuwos.

5 “LEUM GOD El fah akinsewowoye ima in wheat lowos, ac oayapa mwe mongo ma kowos orala ke wheat uh.

6 “LEUM GOD El fah akinsewowoye ma nukewa kowos oru.

7 “LEUM GOD El fah kutangla mwet lokoalok lowos ke elos ac tuku in mweuni kowos. Elos ac tukeni tuku ke inkanek sokofanna, tusruktu elos fah kaing liki kowos ke inkanek puspis.

8 “LEUM GOD El fah akinsewowoye orekma lowos, ac nwakla nien filma lowos ke wheat. El fah akinsewowoye kowos in facl se su El asot nu suwos.

Context Lun Me Lutlut Uh:

Ke pal se inge Joshua el kollac tulik nutin God nu ke Facl in Wuleang ac Ma Sumusla akkalemye la ke el Misa, na tulik Israel, elos tila akos sap lun God.

Elos ngetla in alu nu sin God sayac.

Timeline ke Bible uh, akkalemye ke yac 1380 nuke 1050 BC (meet liki isusla lun Wen Nutin God, Jesus), mwet Midian lokoalok nu sin tulik Israel, ac elos arulana pula ma upac nu selos.

Pa inge pal se ma, Mwet Nunuku (14) srike in oru kol la fin an Israel.

Gideon pa sie selos.

An Midian pa pangpnag northern Saudi Arabia ku southern Jordan misenge.

Ma sikyak pa, ke sripen SEAKOSTEN lun tulik nutin LEUM GOD, pwenang selnga sikyak nu selos.

Examples: Riti (DEUTERONOMY 28: 15-19, Ma Ac Sikyak Ke Seakos

(Leviticus 26:14–46)

15 “Tusruktu kowos fin seakos LEUM GOD lowos, ac tia oaru in liyaung ma sap ac oakwuk lal nukewa ma nga asot misenge, mwe selnga inge nukewa ac fah tuku nu fowos:

16 “LEUM GOD El ac fah selngawi siti suwos ac ima lowos.

17 “LEUM GOD El ac fah selngawi ima in wheat lowos, ac oayapa mwe mongo ma kowos orala ke wheat uh.

18 “LEUM GOD El ac fah selngawi kowos ke El ac oru in supuseni tulik nutuwos, fokin ima lowos, oayapa cow ac sheep nutuwos.

19 “LEUM GOD El ac fah selngawi ma nukewa kowos oru.

CONCLUSION:

Ma kut lutlut kac inge, ac sik pac nu sesr.

Ma Sumusla akkalemye in John 10:10, 10 Mwet pisrapasr elos tuku na in pusr, uniya, ac kunausla. Nga tuku tuh mwet uh in ku in eis moul — aok, moul se ma fas ke ma wo nukewa.”

Kalmeyen fus se inge, in akkalemye nu sesr la kut fin tia akos ma LEUM GOD El sapkin, El su koluklana elac tuku in use elyac yok nu sik kom ac tulik natusr.

Ma lasr in sulela oana Joshua, in akfulatye LEUM GOD wi sucu lal.

MEYEN YURIN LEUM GOD MUKENA, KUT KU IN MUTA IN MISLA AC INSEWOWO.