Itna ultungsak ni

Khat le khat ki it ni

Leitung ah mawhna honglut na hang pen, “kei” cih lungsim neihna hang ahi hi. “Kei” ci a a kigen ngam ding pen, leitung van nuai ah mi 1 bek om hi. Tua pen Topa Pasian hi. Tua lo, kua kua in hih kammal lungsim manlo tawh a cih leh, tua pen mawhna or kiphatsakna ong lut khin na hi gige hi. A bul pan enkik le hang, Eden huan sungah maw, Eve in, pil nuam ciang, sia le pha thei nuam ciang hilo in, P/s zah a, “kei” pil thei ding ka hih takin, ut ngel mah lo dia, a ci ai ve. Isaiah 14 sung a, “kei” 5 vei a cihte khawng zong e maw, p/s tawh kitehna or kidemna hi in, hoih hetlo hi.

Tua hi in, P/s in bang teng deih a, bang teng deihlo ci cih kigelh sitset ahih manin ii lst neih pen manpha mahmah hi cih, amasa in gen nuam hi hang.

Tua a manpha mahmah lst pen, thu-um mite bek in phattuam nading a kigelh hi napi in, thu um lo tam pi in zong na phat tuam pih uh hi. A theih baih pen ding in Lst sung mah en le hang, Topa zeisu ni 40 an a tan lai tak in, Satan in LST mah zang in na ze et hi cih kimu thei hi. Tua bek hi lo in, hih lst mah zang a, mihingte thanemna tampite tungtawnin pawlpi ong khen kham lai hi cih kimu thei hi. Satan in zong hih ii lst na thei mahmah hi. Amah pen lst thei lua kisa a gelhpa a to ngam ci leng nak khialh lua kei leng kilawm sa ing. Tua zah khat in ah, p/s thu um lo te in zong, lst pen nak sim mahmah uh a, tua sunga principle hoih nonote etteh in phattuam pih mahmah uh hi.

“You Christians look after a document containing enough dynamite to blow all civilisation to pieces, turn the world upside down and bring peace to a battle-torn planet. But you treat it as though it is nothing more than a piece of literature.”

― Mahatma Gandhi

lst bang zahta in thupi hiam, cih tel lua ahih manin a gen khiat kammalte hi. Amah bek hiloin, leitung a makai tuamtuam tampi zong lst huzat tampi tawh lawhcinna na ngah uh hi. Tua makaite thugente hang ahi zongin, tua makai te thu ahi zongin mitampi in sin in study bawl uh ahih manin, lst huzap or influence tampi hong om toto hi. Tua sungah, den a ii gen “kei” cih kammal pen, hoih kisa hetlo hi cih pen thei gige uh hi. Tua aih cianga, thu a gen uh teh, “kei” a cih khak ding uh kidawm mahmah uh hi. Pil mahmah mawk uh in, “kei” cih kammal zang vetlo napi in, a thungai mite lungsim sungah, “kei” mahmah thupi masa pen ing ei, cih khaici hong tuh zo mawk uh hi.

Three ways to make the most of your investment (Warren Buffet)

1. Invest in improving your health and well-being

2. Invest in feeding your mind

3. Invest in doing what you love to do.

A thupi penpen in, “Nang” hi teh ci mawk hi. “Kei” cih lungsim nei in cih kul peuhmah loin, “nang” pen a thupi penpen hi cie cih lungsim hong guan zo zen uh hi. Leitung thu tawh kong gentehna pen, p/s nasem dangte gen khawng kookaa leng, kilung kimlohna tam thei ahih manin, leitung thu tawh hong gen teh hi ing. P/s thugen tampite in zong, hih banga, “self-help” “htet kyan” cih dante peuh tawh thugen theih mawk uh ahih manin, kidop theih ding thupi mahmah ding hi. Banghang hiam cihleh amau thugente lst tawh kituak lo hi.

Tulaitak aa la minthang te lak a kihel khat bang, “I am unstoppable, I am invincible”

Tu ni a ii kikup ding pen, “itna ultungsak ni” ci in thulu na pia ing.

Innkuan lst simna ah John 13:1 ka sim uh teh, “it tawploin a it hi” a cih pen ka sim laitakin ngaihsut tampi hong nei sak hi. Tua tawh kizawitawn in lst mundang te ah hih itna thu bang ci bang in a gelh hiam cih theihthak nopna ong lut in ah, tu ni tua a kikum ding hi hang. John sung mah bulphuh ding hanga, ai zong in, itna thu ong telsak zaw ding lst mun pawlkhat zong en veve ding hi hang.

“Tu in Paisan Pawi hong tung dekta a, Zeisu in leitung nusia in a Pa kiangah a ciah ding hun hong tung ta hi cih a thei hi. Amah in leitung a om ama mite it mahmah a, it tawp loin a it hi.” jn 13 :1

“Itna” in sum tang dan a, lang 2 nei hi. Passive skill le Active skill kici hi. Ei tel dingin gen le hang, english ii sin teh, 4 skills cih om hi ven maw. Tua lakah speaking le writing pen Active skill hi. Listening le reading pen passive skill hi. Sepkhiat or tatna a kihello pen passive cihna hi.

“Itna in lungduai in a migi hi. Itna in kuamah a haza kei hi. Itna in kisial loin a kiphasak kei hi. A kilawm loin a gamta kei hi. Ama angsung ding bek a khual kei hi. A heh baih kei hi. Midangte siatna a ciamteh kei hi. Thuman lote lungdampih loin thuman thutak ah a lungdam hi. Na khempeuh a hu hi. Na khempeuh a um hi. Na khempeuh a lamen hi. Na khempeuh a thuak zo hi.” 1 cor 13:4-7

“Muhdahna in kitotna piangsak a, Itna in thupalsatna khempeuh tuamcip hi.” Prov 12:10

Tua hi in, leitung mite in “kei” a cihcih laitakin Pasian kammal sungah itna na kilak un, khat le khat kikhual un ci in hong hilh bek thamlo in, Topa zeisu ngiat in ii gamtat ding zia hong hilh ngiat,in hong lak ngiat hi.

“Unau banga ki-itna tawh khat le khat ki-it kingai mahmah un. Nang sangin midangte pahtawi zaw in.” Rom 12:10