Vom Beten und Fasten
Notes
Transcript
Vom Beten und Fasten
Vom Beten und Fasten
Die Wuche hani en Predigtusschnitt glost wo d Frag in Rum gworfe worde isch… ob lüt ufgrund vo Kaugumikaue ind Höll cho chönd… und d Antwort isch gsie ja das gids tatsächlich… Wenn du sälber d Regle ufstellsch das wärend em Gottesdienst nid daf Kaugummi kaut werde und dus denn sälber tuesch wirsch du vo Gott defür zur Rächeschaft zoge Wärde …
Hört auf, andere zu verurteilen, dann werdet auch ihr nicht verurteilt. Denn andere werden euch so behandeln, wie ihr sie behandelt. Der Maßstab, nach dem ihr andere beurteilt, wird auch an euch angelegt werden, wenn man euch beurteilt.
Mit dem steile Istieg es härzlichs Willkomme zum hütige Gottesdiesnt… i wett Bätte!
Dr Massstab wo du an anderne aleisch so wirsch du beurteilt wärde… Die ganz ufmerksahme händ jetz aber nid zu unrecht gstocket… Die Verse sind zwar Teil vor Bergpredigt aber nonig die Vere womer hüt wend aluege sonder denn ersch Afangs negstjahr… und gliech stuni immer weider wie i i de Vorbereitige uf die Predigte uf en Gedanke stosse woni merke wie fest das en Rote Fade i dere unglaublich ghaltvolle Predigt vo Jesus da isch…
i wet mit üs d Verse läse vom hütige Tag
Matthäus 6,5-17
Und nun zum Beten. Wenn ihr betet, seid nicht wie die Heuchler, die mit Vorliebe in aller Öffentlichkeit an den Straßenecken und in den Synagogen beten, wo jeder sie sehen kann. Ich versichere euch: Das ist der einzige Lohn, den sie jemals erhalten werden. Wenn du betest, geh an einen Ort, wo du allein bist, schließ die Tür hinter dir und bete in der Stille zu deinem Vater. Dann wird dich dein Vater, der alle Geheimnisse kennt, belohnen.
Plappert nicht vor euch hin, wenn ihr betet, wie es die Menschen tun, die Gott nicht kennen. Sie glauben, dass ihre Gebete erhört werden, wenn sie die Worte nur oft genug wiederholen. Seid nicht wie sie, denn euer Vater weiß genau, was ihr braucht, noch bevor ihr ihn darum bittet! So sollt ihr beten:
›Unser Vater im Himmel, dein Name werde geehrt. Dein Reich komme bald. Dein Wille erfülle sich hier auf der Erde genauso wie im Himmel.
Schenk uns heute unser tägliches Brot
und vergib uns unsere Schuld, wie auch wir denen vergeben haben, die an uns schuldig geworden sind.
Lass nicht zu, dass wir der Versuchung nachgeben, sondern erlöse uns von dem Bösen.‹
Wenn ihr denen vergebt, die euch Böses angetan haben, wird euer himmlischer Vater euch auch vergeben. Wenn ihr euch aber weigert, anderen zu vergeben, wird euer Vater euch auch nicht vergeben.
Wenn ihr fastet, so tut es nicht öffentlich wie die Heuchler, die blass und nachlässig gekleidet herumgehen, damit die Leute sie für ihr Fasten bewundern. Ich versichere euch: Das ist der einzige Lohn, den sie jemals dafür erhalten werden. Wenn du fastest, dann kämme deine Haare und wasche dir das Gesicht.
Im Kapitel 6 und somit em 2te Teil vor Bärgpredigt vo Jesus gads um 3 Grundpfiler au hüt no ir Jüdische Tradition… S gad um Almos, Bätte und Faste… je nach Bibelübersetzig gseht so d Gsamtüberschrift vo dem Kapittel “Von falscher Frömmigkeit” oder “Was echte und falsche Frömmigkeit ausmacht… wenn man giebt … wenn man betet … wenn man fastet”
Wenn du öppis gisch denn machs nid wied hüchler hämmer letsch sunntig aglueget...
Wenn du Bättisch denn machs nid wied hüchler und wenn du fastisch denn machs nid wied hüchler wemmer hüt aluege mitenand…
Dr erst Gedanke woni wet teile mit eu isch… Jesus vorderet sini Zuehörer da nid zum Bätte und zum Faste uf… nai er gad im Grund scho devo us das jede das tuet… und wenn ier das denn tüend so seiter hani es paar idee für eu wie das söll usgseh… und i glaube dases mier üs vo dere Selbstverständlichkeit söllend astecke lah… s kört dezue z gäh, s kört dezue z bätte und es kört dezue z faste…
Lönd üs aber ien Vers nachem andere mitenand aluege...
Matthäus 6,5
Und nun zum Beten. Wenn ihr betet, seid nicht wie die Heuchler, die mit Vorliebe in aller Öffentlichkeit an den Straßenecken und in den Synagogen beten, wo jeder sie sehen kann. Ich versichere euch: Das ist der einzige Lohn, den sie jemals erhalten werden.
Wenn ihr fastet, so tut es nicht öffentlich wie die Heuchler, die blass und nachlässig gekleidet herumgehen, damit die Leute sie für ihr Fasten bewundern. Ich versichere euch: Das ist der einzige Lohn, den sie jemals dafür erhalten werden.
Di wichtigsti Frag i dene Verse oder villicht sogar i däm ganze Abschnitt isch d Frag nach dinere Priorität...
Isch dine Blick uf Gott grichtet oder uf iged öpper oder igedöppis anders? Weli Absicht verbirgt sich hinder dinem Tue?
I han dä Morge gstartet mid de Frag obs Mänsche gid wo uf grund vo kaugumikaue id Höll chömend… und i muen a dere Stell säge dasi die Formulierig nid ganz passend finde willsi nid ganz z änd denkt isch… i glaube dases e Höll gid aber zum döt hie z cho bedarfs es unversöhnt z bliebe mit Gott… also müessti villmeh d Frag sie denksch du das gwüssi Mensche müend Buess tue drüber das sie Kaugummi kauend und dött isch denn d Antowrt au ganz klar ja! Aber i wet die frage gids au Mensche wo Vergäbig nötig händ für ires Gebät für ires Faste? Nid will du di nid an dini eigene religiöse Massstäb an anderi haltisch sondern will du d Massstäb wo anderi bewusst oder unbewusst an die stellend zum Grund für dis Handle nimsch! Die Gebät söll und däff nid durd Frag motiviert sie was di andere jetz ächt gärn wettend köre es söll und däf nid dur d Frag motiviert sie was wetti das sie jetz no körend und es söll und daf nid dadedur Motiviert sie das du dier überleisch was denkend die andere ächt über mie weni das jetz so oder andersch bätte! Und zwar nid nur im Innhalt vo dinem Gebät sondern au ir art vo dinem Gebät… I wet das abebräche uf de hüttigi morge und dier säge villicht hesch öppis id ornig z bringe bi Gott… mer händ dä Morge mitenand lieder gsunge sind so vor Gott trätte und händ dämm Lobpries gseit… wenn dine gedanke dadebie gsie isch i stah jetz uf das di andere gsehn dasi vollgas am Lobpreise bin oder wenn dini gedanke gsie sind i stahn jetz nid uf was denkend denn di ander über mie… denn stöhnd d chanze guet das das was du gmacht hesch nid lobpreis sondern Hüchelei gsie isch!
Luegend wenn ier Bezüchig zu Gott läbend denn däffs eu nid um eu gah!
Dann rief er seine Jünger und die Menge zu sich. »Wenn jemand mir nachfolgen will«, sagte er, »muss er sich selbst verleugnen, sein Kreuz auf sich nehmen und mir nachfolgen.
Ds Vater unser wo i demm Abschnitt drinn isch womer scho agluegt hend fangt mid dem Fokus uf Gott ah
Matthäus 6,9–10 (NLB)
›Unser Vater im Himmel, dein Name werde geehrt. Dein Reich komme bald. Dein Wille erfülle sich hier auf der Erde genauso wie im Himmel.
Es Gebät wo nid mid dämm blick afang staht fest i de Gfahr sich z fest um de Mensch z drähe… Probier mal dis Gebät z analysiere und azpasse…
Härr im Himmel i danke dier das du dä Tag so wunderbahr gschaffe hesch
gsehsch wie das da i zersch kume und denn ersch Gott
Härr im Himmel du hesch de Tag wunderbahr gschaffe dier kört Dank und Ehr defür
merksch wie sich de Fokus veränderet? Und i wet da nid uf stumpfi Linguistik use sondern i glaube würkli dases öppis mit üs macht wemer üs da bewusst defür entscheiden!
Gömer en Vers wieter
Wenn du betest, geh an einen Ort, wo du allein bist, schließ die Tür hinter dir und bete in der Stille zu deinem Vater. Dann wird dich dein Vater, der alle Geheimnisse kennt, belohnen.
Wenn du fastest, dann kämme deine Haare und wasche dir das Gesicht. Dann wird niemand auf den Gedanken kommen, dass du fastest, außer deinem Vater, der weiß, was du in aller Stille tust. Und dein Vater, der alle Geheimnisse kennt, wird dich dafür belohnen.
Als ersts wetti da de Elefant aspräche wo im Rum staht… heisst denn das jetz das gmeinsams Gebät eigetli gar nid im Sinn vo Gott isch? Was bedütet das für en Gottesdienst wo bättet wird en Huskreis oder für en Gebätsabig?
Gad mit em Start is Vater unser gid üs Jesus da en ganz klari Antowrt… Üse Vater im Himmel… dis Gebät startet wenn du ganz ellei bisch nid mid üse! Und au an villne anderene stelle vorallem ir Apostelgschicht läsemer wie sich Christe träffend zum zäme Bätte und au vo Jesus läsemer wiener mit anderne zäme Bättet… Die Passage isch also nid es Verbot mitenand z Bätte wie chönnt susch Jesus im Matthäus 18,19 säge
Und ich sage euch auch: Wenn zwei von euch hier auf der Erde darin eins werden, eine Bitte an Gott zu richten, dann wird mein Vater im Himmel diese Bitte erfüllen.
es gad um öppis anders mid dere ufforderig Gebät und Faste im verorgene z verrichte...
Es sind nemmli zwei drei Sache wo da passierend
Erstens dur das i ohni anderi mitwüsser vor Gott trätte stellt mi ines Vertrauensverhältnis ja sogar ines abhängigkeitsverhältnis zu Gott…
Erstens chan mier niemer Anerkennig zolle für di schön gsprochene Wort sondern Gott muen in mier es Vertraue wecke daser mis Gebät kört und ärnst nimmt… es isch niemer da
wo uf mis flehe zu Gott chönnt mit tröstende Wort reagiere…
wo uf e an Gott gstellti frag chönnt antowrte…
es isch niemer andersch da
wo en an Gott gstellti bitt chönnt erfülle!
öppis wieters wo passiert isch du chunsch vor Gott so wie du würkli bisch…
will das was du bisch, wenn du ellei bisch, das bisch du würkli… s gid niemer wo chönnt verurteile das du Gott gad dine unglaube gestahsch
es isch niemer da wo chönnt mid em Finger uf die zeige wenn du ihm dini fähler zuegestahsch…
es isch niemer da wo öppis müesst köre und dus drumm jetz no säge wetsch es isch niemer da wo du en vorbildsrolle wetsch usüebe und es isch keis idol da wo du ihm wetsch naifere…
es bisch eifach du so wie du bisch!
Und d dritte wo passiert isch es gid niemer ohni Sicherheitsfreigab… Jede wo scho en Film gseh hed wo ums Wisse Hus gange isch oder um en militärischi oder polizilichi spezialeinheit kennt die szene wo gad nid chan gredet wärde will öpper da isch wo nid di nötig sicherheitsfreigab hed oder das en Akte übermittlet wird wo d hälfti devo gschwärzt isch will de Läser nid di nötigi Sicherheitsfreigab hed… So gärn dasi eu han weni da im Gottesdienst oder amene Gebätsabig Bätte denn gids Sache woni nid wärd in mini gebät integriere… und i behaupte jede vo üs hed die Sache womer dene Mensche womer mit ne Bättend nid gad würend avertraue und das isch okey… aber es isch unerlässlich das du mit Gott über das züg redsch! Das du Gott vilicht sogar demit bestürmsch vilicht au indämm das du deswäge fastisch!
Die Stilli Kammere muen übrigens nid en Rum sie sondern chan guet und gärn au en Spaziergang sie oder e rundi ufem Velo en Ziet im Auto ohni Radio und Telefon oder öppis ähnlichs und denn isch glaub au sälbsterklärend dases nid muen mit gschlossene auge und gfaltete händ passiere… klar wenn dier das e Hilf isch denn mach das gärn aber du dafsch di vo demm inspiriere lah wo du gsehsch i dinem Gebät und du dafsch dini Händ zum artikuliere bruche wenn du das gärn würsch!
Unter dene Vorussetzige chan Gebät und Faste wägg cho vonere fromme verpflichtig vonere vorsichtig ghaltene formuliereig hie zumene ernsthafte Gspräch mit Gott wo du nüt muesch vorspile wo du nüt muesch verheimliche will jetz chunnt de so wunderbahr näbesatz wo in beidne fäll weiderholt wird
Und dein Vater, der alle Geheimnisse kennt, wird dich dafür belohnen.
Nid in Form vo weni nur gnueg lang bätte oder faste wird Gott denn scho tue wasi vo ihm verlange… au weni devo überzügt bin das Gott sich uf üsi Bitte ilaht so glaubi dennoch nid daser üs wiene Kagumiautomat zur verfüegig staht!
Er wird di nid demit belohne das er eifach tuet was du forderisch sondern daser die überrascht mit dere Art wiener no vill besser macht!
Mer sind iglade gsie mir Jaëlle und em Ben de Dokumentationsfilm über de Phillip Meckenbecker go z luege…
Er isch en dütsche Youtuber gsie wo mid sine Gschwüsterti en Kanal namens Reallifeguys betriebe hed… und me luegt eigetli dem Junge Mah über die 2h vom Film bim stärbe zue… er hed zum wiederholte mahl d diagnose Krebs und dasmal au ohni behandligsmethodene wo no würend hälfe… de Phillip isch sit churz vor em Tod vo sinere Schwester wo bi einem dreh vo dene Videos wärend me Rundflug tödlich verunglückt isch mid Jesus unterwägs… und au bi sinere krankheit vertrauter voll und ganz druf das Gott ihn heile wird… mer gsehn vili vili scenene wo bättet wird und mer kört wie er weiderholt zu sine fründe seit i glaube das Gott mi heile wird… er verzellt wiener inere persönliche gebätsziet Gott fragt waser jetz söll mache… ober hei söll und sini beärdigung vorbereite oder ober weiter söll mache im vertraue dass Gott in heilt… une er schlüsst mit Gott a demm Abig en deal und seit wenn Nordliechter z gseh sind denn weisi dasi mini beärdigung nonig söll vorbereite… und tatsächlich gsehns a dämm abig uf irem Roeadtripp dur Dänemark trotzdemm das kei Saisong isch Polarliechter… De Punkt isch dä… i has scho gseit… eigetli luegt me i däm Film em Phillip bim stärbe zue… de Kräbs wird schlimmer d Gebät intensiever ds Vertraue uf Heilig bliebt aber de Phillip stirbt… kurz vor sinem Tod uf der Intensiefstation chunnt eine vo sine Fründe zu ihm und seit lueg Gott hed zwar dine Körper jetz nid gheilt aber das du mid dinere Chrankheitsgschicht chasch versöhnt sie das du mit Gott chasch jetz versöhnt sie das isch Heilig nid am Körper aber a dinere Seel! Und es hed mi so fest berüert z gseh wie er uf dere Intensiefstation ligt. Er isch igliveret midere Wunde wo dre Kräbs entstande isch und ir Nacht vorher fasch dezue gfüert hätti daser verblüetet wäri e wunde wo d ärzt gar nümm händ chönne schlüsse und sini Fründe rückend ah mit Gitarre und Cajon und fangend ah Lobpreislieder z singe vor em Spital… und de Phillip kriegt es strahle ufs gsicht und stimmt mid letste kräft i das Loblied ih… Gott hed nid als Kaugummimaschine fungiert aber er hed d Gebät ernst gnoh und de Phillip gheilt… warumm bini mier da so sicher… nachem Film hämmer insiderinformatione kriegt… Bir Filmpremiere in Dütschland sind nordliechter z gseh gsie und bir Filmpremiere ir Schwiz sind Nordliechter z gseh gsei… das Zeiche wo Gott em Phillip geh hed ufd Frag ober sini beärdigung söll vorbereite… Ja Gott hed ihn nid gheilt wie sich der Phillip und sini Fründe das vorgstellt hättend aber Gott hed e gschicht gschreibe wo zur inspiration worde isch für vili wie es Läbe mit Gott cha freide geh… agfange dur eine vo sine Fründe wo sich no am Todestagabig laht la Taufe wieter zu hunterte und tusige wo de Film hüt däffend gseh!
Gömmer mitenand no en Vers wieter bim Faste simmer scho dure aber bim gebät nonig...
Matthäus 6,7–9 (NLB)
Plappert nicht vor euch hin, wenn ihr betet, wie es die Menschen tun, die Gott nicht kennen. Sie glauben, dass ihre Gebete erhört werden, wenn sie die Worte nur oft genug wiederholen. Seid nicht wie sie, denn euer Vater weiß genau, was ihr braucht, noch bevor ihr ihn darum bittet! So sollt ihr beten:
›Unser Vater im Himmel, dein Name werde geehrt.
Erkennsch di da drinn? Im Vater unser bätte womer uswendig chönd und eigetli gar nid wüssend wiemers meine söllend… oder ir diskusion wär das jetz hüt z Tischgebätt spräche muen oder i de möglichst schnelle abhandlig vo Danke Jesus für dä Tag schenk du mier en guete schlaf… Das sind so d Klassiker vo Plapperte Gebät vo christe hüt…
Aber Jesus gid da vorallem ufds gwohnte gebät vo sine Nicht-Jüdische zuehörer Antwort… Er lehrt inere Gsellschaft wo usserhalb vom Judetum Polytheistisch prägt isch, wo Gebätsläbe hochghalte isch vorallem mid lange, komplizierte, magische Wort wo denn hoffetli ir gnueg hüfige wiederholig de richtig Gott devo überzügt ihne guets z tue und wele Gott au immer gad chönnt hässig sie besänftigt… es isch vorallem es angst motivierts oder mindistens es mit unsicherheit prägts gebät gsie… sones Gebät sig nid das was sich de Vater im Himmel wünscht… aber was denn? Jetz hämmer so lang über Gebät gredet aber nonig würkli definiert was denn Gebät isch… i wet das mache mit de wort vom N.T Wright
Auf der untersten Ebene ist Gebet ein Rufen in den leeren Raum mit der geringen Chance, dass es da draußen jemanden geben könnte, der zuhört. Auf der höchsten Ebene geht Gebet über in Liebe, wenn die Gegenwart Gottes so real wird, dass wir über Worte hinausgelangen in die Wahrnehmung seiner Wirklichkeit, Großzügigkeit, Freude und Gnade.
Für die meisten Christen spielt sich das Gebet die meiste Zeit zwischen diesen beiden Extremen ab. Offen gesagt ist Gebet für viele Menschen nicht bloß ein Geheimnis, sondern ein Rätsel. Sie wissen, dass man beten sollte, aber sie sind sich nicht ganz sicher, wie man es macht.
Jesus gid i dene Verse au gad en inspirationsgedanke wie das denn sones Gebät chönnt usgseh… nid dases immer gnau so muen bättet wärde au nid dases nid gnau so däf bättet wärde aber vorallem dasmer es Bispil händ wie das sones Gebät chan usgseh!
lönd mi abschlüssend no es paar gedanke zu demm was üs ds Vater unser übers Gebät lehrt üssere...
1. Bruch ganz normali Wort. Z Vater unser isch nid en unverständlichi abrakadabrasprach und au keis zungegebätt wo nötig wird… du dafsch dini innerste bedürfnis in gängige Wort em Schöpfer vom Universum säge
2. Fang mit Gott ah… Es Gebät wo nid mid dämm Fokus startet staht ir gfahr sich z fest um de Mensch z drähe
3. Wemer mid dem Fokus bättend denn wird au klar dasmer nid nur um die persönlich versorgig vo üsne bedürfnis chönd bätte sondern für d Nöt vo dere ganze Wält bittend… Millione vo Mensche händ hüt kei Brot...
4. Wemer das ernst bättend wird üs bewusst wärde i sälber bin Teil vor Antwort uf mis gebät an Gott… nid inere überhebliche Art aber indämm dasi mine Uftrag vo Gott ernst nime
5. Weni me krüzigte Messias folge dafi nid devo usgah dasi sälber vor der Dunkelheit verschont bliebe. Da däffi drum bitte vor em schlimmste bewahrt und dure gfüert z wärde
Zämegfasst vom hütige Morge… Gebät und faste chan sehr guet usgseh und trotzdemm sehr falsch sie! S isch wichtig dasmer lärnend Sache eifach vor und nur für Gott z mache! Du dafsch getrost wüsse s gid keis gheminiss wo Gott nid kennt und kei bitt woner nonig weis was du bruchsch und gliech wett Gott das du mit ihm Läbe teilsch… Ehrlich, Vertrauenswürdig, mid em Fokus uf ihn, ohni zensur. Gott de Vater wirds belohne villicht nid i dere Art wie dus fordere würsch aber i dere wie ärs für guet empfindet!
