VOLHARDING - Deursettingsvermoë

Menslike volharding in sonde

Romans 1:32 DIEBYBEL:A19331953

32 mense wat—al ken hulle die verordening van God goed, dat die wat sulke dinge doen, die dood verdien—dié dinge nie alleen self doen nie, maar ook hulle goedkeuring skenk aan die wat dit doen.

God se volharding om Israel tot gehoorsaamheid te roep

Nehemiah 9:30–31 DIEBYBEL:A19331953

30 En U was baie jare lankmoedig oor hulle, en U het hulle gewaarsku deur u Gees, deur middel van u profete; maar hulle het geen gehoor gegee nie. Daarom het U hulle oorgegee in die hand van die volke van die lande. 31 Maar in u grote barmhartigheid het U hulle nie volkome vernietig en hulle nie verlaat nie, want U is ’n genadige en barmhartige God.

Jonah 3:10 DIEBYBEL:A19331953

10 En God het hulle werke gesien dat hulle hul bekeer het van hulle verkeerde weg; toe het God berou gehad oor die onheil wat Hy gesê het dat Hy hulle sou aandoen, en Hy het dit nie gedoen nie.

Jesus Christus se volharding met diegene wat nie wil glo nie

Hebrews 12:1–3 DIEBYBEL:A19331953

1 DAAROM dan, terwyl ons so ’n groot wolk van getuies rondom ons het, laat ons ook elke las aflê en die sonde wat ons so maklik omring, en met volharding die wedloop loop wat voor ons lê, 2 die oog gevestig op Jesus, die Leidsman en Voleinder van die geloof, wat vir die vreugde wat Hom voorgehou is, die kruis verdra het, die skande verag het en aan die regterkant van die troon van God gaan sit het. 3 Want julle moet ag gee op Hom wat so ’n teëspraak van die sondaars teen Hom verdra het, sodat julle in jul siele nie vermoeid word en verslap nie.

Christene se volharding in geloof

Colossians 2:6–7 DIEBYBEL:A19331953

6 Soos julle dan Christus Jesus, die Here, aangeneem het, wandel so in Hom, 7 gewortel en opgebou in Hom en bevestig in die geloof, soos julle geleer is, terwyl julle daarin oorvloedig is in danksegging.

Volharding in gebed

Luke 18:1–8 DIEBYBEL:A19331953

1 EN Hy het ook aan hulle ’n gelykenis vertel met die oog daarop dat ’n mens gedurig moet bid en nie moedeloos word nie, 2 en gesê: Daar was ’n regter in ’n stad wat God nie gevrees en geen mens ontsien het nie. 3 En daar was in daardie stad ’n weduwee, en sy het gedurig na hom gekom en gesê: Doen reg aan my teenoor my teëparty. 4 En ’n tyd lank wou hy nie; maar daarna het hy by homself gesê: Al vrees ek God ook nie en al ontsien ek geen mens nie, 5 tog sal ek, omdat hierdie weduwee my moeite gee, aan haar reg doen, sodat sy nie eindelik kom en my in die gesig slaan nie. 6 Toe sê die Here: Hoor wat die onregverdige regter sê. 7 Sal God dan nie reg doen aan sy uitverkorenes wat dag en nag tot Hom roep nie, al is Hy ook lankmoedig in hulle geval? 8 Ek sê vir julle dat Hy gou aan hulle reg sal doen; maar as die Seun van die mens kom, sal Hy wel die geloof op die aarde vind?

Volharding spruit uit lyding

Romans 5:3 DIEBYBEL:A19331953

3 En nie alleen dit nie, maar ons roem ook in die verdrukkinge, omdat ons weet dat die verdrukking lydsaamheid werk,

Volharding bou en demonstreer Christelike karakter

Romans 5:4 DIEBYBEL:A19331953

4 en die lydsaamheid beproefdheid en die beproefdheid hoop;

Aanmoedigings vir Christene om te volhard

1 Corinthians 15:58 DIEBYBEL:A19331953

58 Daarom, my geliefde broeders, wees standvastig, onbeweeglik, altyd oorvloedig in die werk van die Here, omdat julle weet dat julle arbeid in die Here nie tevergeefs is nie.