Warnung vor dem Richten

Matthäus 7,1-6

Matthew 7:1–6 NLB

Hört auf, andere zu verurteilen, dann werdet auch ihr nicht verurteilt. Denn andere werden euch so behandeln, wie ihr sie behandelt. Der Maßstab, nach dem ihr andere beurteilt, wird auch an euch angelegt werden, wenn man euch beurteilt. Warum regst du dich über einen Splitter im Auge deines Nächsten auf, wenn du selbst einen Balken im Auge hast? Mit welchem Recht sagst du: ›Mein Freund, komm, ich helfe dir, den Splitter aus deinem Auge zu ziehen‹, wenn du doch nicht über den Balken in deinem eigenen Auge hinaussehen kannst? Du Heuchler! Zieh erst den Balken aus deinem eigenen Auge; dann siehst du vielleicht genug, um dich mit dem Splitter im Auge deines Freundes zu befassen. Gebt das, was heilig ist, nicht Menschen, denen nichts heilig ist. Werft keine Perlen vor die Säue! Sie zertrampeln die Perlen, drehen sich um und stürzen sich auf euch.

Ganz zu beginn… s isch mer Zietlich nid möglich uf d Perle und d Säu izgah… wenns öpper brennend interresiert wieni denke das die Stell z versta sig chömend doch nacher uf mi zue…

I wet mid eu es expereiment mache woni gläse han und sich letsch mittwuch im Unti wunderbahr bestätigt hed… die verse handlen vom chönne gseh und so wetti mid üs en Test mache wie guet das mier denn gsehn… aber es hed öppis wieters wo dezue chunnt.. die rächti helfti vo mierus hed en Zättel und en schrieber kreigt… eui ufgab isches eue name obe uf das Papier z schreibe und denn euri antworte zu de kommende 4 Frage z notiere… am schluss unterschriebend ier denn das das euri finale Antworte sind und i sammle die Zätteli ih… ier da i de Mitti nämend eues Telefon füre und notierend eu jewiels d Antowrt inere Notitz so dases niemer gseht und löschend die Antowrte aber jewiels nachdemm ier si gschriebe und niemerem gseit hend gad wieder… Die wo jetz da Sitzend und keis Telefon händ körend zäme mit dene wo da a de Bartischli sitzend zu de dritte Gruppe… ier denkend eu nur was di richtig Antowrt isch und kreigend absoluts verbot jetz oder später mid öpperem über euri Antworte usztusche… Also Bild eins mit erster Frag…. Isch de Mittelkreis vo rächts oder de mittelkreis vo links grösser? Bild Zwei… S gad um die 6 lange strich immer vo links nach rächts… schriebend uf ob de Strich jewiels zum obere gad oder wäg vom obere gad… Bild drü… sind di Röte oder di grüene pünkt wieter usenand? Bild vier… uf weli Siete isch die ober strucktur abfallend? Also isch sie rächts oder links tüfer?

So wener unterschreibe händ das das euri finale Antowrte sind den nimi die Zättle jetz zu mier und läse z eine oder andere vor…

Das alles sind Optischi tüschige gsie bim erste sind beidi pünkt genau gliechgross…

bim zweite sind alli linie paralell zunenand

bim dritte sind die pünkt ganz gnau gliechweit usenand vonenand…

bim vierte isch das obere teili uf keini vo beidne Siete abfallend…

wet öpper en bewies defür?

ok säbsltverständlich hani eu de Bewies mitbracht…

Jetz sind einigi Sache passier… und uf zwei devo weti kli nächer igah… und ier könd sälber prüefe bi eu ob das so stimmt

üsi Kultur isch Fählerfeindlich… an was machi das fest? Dere Gruppe wo sich mid unterschrift verpflichtet hed das das iri finali Antowrt isch het sich nid dra gstört wo si richtig gläge sind aber dött wo si falsch gsie sind kunnt so en innerliche drang sich z erkläre, bewies ha z wele vilicht hätt am öpper vo eu am liebste no en Masstab usegholt und würkli nagmässe gad villicht bi de Pfliel obi denn die Pünkt würkli exakt an glieche ort gsetzt han… und die wo mid niemerem händ däffe teile ier würend sicher lieber die sache benenne woner richtig gsie sind und sind froh über eues schwiegeverbott wenns um die Frage gad woner für eu falsch beantwortet hend Mer wend üs vo de beste Siete präsentiere nid nur i de Soziale medie sondern au i de begägnige uf de Strass und bevor Psuech verbiechunnt wird d Wohnig scho nomal kli mid me interesse Putzt und ufgrumet als weme gad niemer erwartet……

2. En offesichtliche Fähler wird verurteilbahr…… au wenn öpper vo dene wo in gedanke oder ufem Telefon iri Antwort gäh hend alles falsch gmacht hed wird niemer d chanze ha dezue stellig z bezieh im gägesatz zu demm wird dene wo iri Antowrt öffentlich worde isch au scho ein fähler chönne zur last gleit wärde

Mer befassend üs jetz scho einigi Ziet mid de Bergpredigt und öppis wo uffallend gleichbliebend isch isch das Jesus komplett neui masstäb setzt… und au da warnt er üs dervor üs dene Wältliche norme azpasse sondern en Kontrastgsellschaft z sie…

Im Römer 12,2 nimmt de Paulus das Prinzip uf und fassts unglaublich schön zäme

Romans 12:2 LU

Und stellt euch nicht dieser Welt gleich, sondern ändert euch durch Erneuerung eures Sinnes, auf dass ihr prüfen könnt, was Gottes Wille ist, nämlich das Gute und Wohlgefällige und Vollkommene.

Und i wet probiere en Antowrt z gäh wiemer das im umgang mit Fähler mit eigene Fähler und Fähler vo anderen umgah chönd!

Starte wetti im Umgang mit de eigene Fähler!

Jesus seit: Du Heuchler! Zieh erst den Balken aus deinem eigenen Auge;

Mer kennend die bezeichnig vo Jesus im Normalfall für di Schriftgelehrte und Pharisäer… aber i dämm Momänt redet er nid zu de Jüdische Elite sondern zu sine Jünger und sine “Normalo” zuehörer… und hüt seiters dier und mier als Läser… Villicht wetsch jetz ufschreie und säge also als Hüchler lahni mi denn sicher nid bezeichne… villicht hilfts dier weme das Griechische wort hypokrita wo i dämm fall verwendet wird andersch übersetzt… als Schauspieler zum bispil? Es meint nemmli öpper wo ds sichtbahre verhalte, sini handlige und Wort nid sinem Innere entsprächend… öpper wo sich, oder i dämmfall sini fähler versteckt… und da däfsch du di gad sälber erhlich frage wies i dinem Läbe usgseht? Jetz hesch vilicht gad ds eine oder andere vor Auge wod denksch… hmm da hani scho no potential mis läbe z verbessere… niemer vo üs isch perfekt!

Jetz gids en spannig wo ufzhalte isch…

villicht luegsch du uf dini fähler und du fühlsch die schlächt ja villicht sogar richtig mies wäge all dämm wo du immer und immer weider verbocksch… villicht sogar so fest das du seisch i bin doch sälber en fähler.. es chan entmuetige und me chan resigniere… wenn du zu dämm thendirsch und sigs filicht au nur in dämm eine spezifische fähler denn isch jetz ganz wichtig das du mier zuelosisch!

Gott liebt die nid ufgrund vo dine Tate und keis vo dine versäge chönnt öppis dra ändere! Er hed die mid allem drumm und dra gschaffe kennt die bis ins klinste detail und du bisch ihm z läbe vo sinem eigene Sohn wärt! Är bemisst din Wärt nid anhande vo gleistete sache und nid anhand vo dinem Versäge! Was är für die entschiede hed isch Liebi ir reinste und umfänglichste form und du hesch mid nütem d Macht da dra öppis z ändere! Die stimm wo dier seit ufgrund vo dämm wo du gmacht hesch segsch du nüt oder weniger wärt die Stimm kunnt nie und da meini gar nie vo Gott! Gottes Urteil hängt elei devo ab ob du Jesus als din Härr agnoh hesch oder nid! Er verurteilt die weder ufgrund vo dine tate no ufgrunde vo dinem sie!

1 Corinthians 6:9–12 NLB

Wisst ihr nicht, dass Menschen, die unrecht tun, keinen Anteil am Reich Gottes erhalten werden? Täuscht euch nicht. Menschen, die sich auf Unzucht einlassen, Götzendiener, Ehebrecher, Prostituierte, Männer, die mit Männern ins Bett gehen, Diebe, Habgierige, Trinker, Lästerer, Räuber – keiner von ihnen wird am Reich Gottes teilhaben. Früher traf dies auf einige von euch zu, doch jetzt sind eure Sünden abgewaschen und ihr seid für Gott ausgesondert worden. Ihr wurdet vor Gott gerecht gesprochen durch den Namen von Jesus Christus, dem Herrn, und durch den Geist Gottes. Mir ist alles erlaubt. Aber nicht alles ist gut. Es ist mir zwar alles erlaubt, doch ich will mich von nichts beherrschen lassen.

Dini vergehe sind als ungültig erklärt worde und din Schuldschi isch mid Jesus as Krüz gnaglet worde! Dä wo das wieder füre nimmt und die wet under dere Last wet zämebräche lah und dine Sälbstwert wet schrumpfe gseh das isch Gottes gägespieler de Tüfel! S isch eini vo sine llieblingsstrategie die z verurteile und dier z säge wie schlächt du bisch! Gott gseht dini Sünd und hed was als Antwort? Dur de Name Jesu und de Heilig Geist spricht är die grächt und heiligt die! Mach dine Wärt a dämm fest!

Denn gids aber au z andere extrem wo du die Gnad scho so oft predigt kört hesch das sie alles übertönt! I bin ja grächt vor Gott und es gid kei Sünd wo öppis a dämm chönnt ändere! Warumm sötti denn öppis a mine Fähler ändere? Das isch asträngend wie verruckt!

James 2:19–22 NLB

Du glaubst, dass es nur einen Gott gibt? Da hast du recht! Das glauben auch die Dämonen, und sie zittern vor Angst! Aber trotzdem bist du ein Dummkopf! Wann wirst du einsehen, dass ein Glaube, der nicht zu guten Taten führt, wertlos ist? Weißt du nicht mehr, dass unser Stammvater Abraham vor Gott gerecht gesprochen wurde, weil er seinen Sohn Isaak auf den Altar legte? Wie du siehst, vertraute er Gott so sehr, dass er bereit war, alles zu tun, was Gott von ihm verlangte. Sein Glaube wurde durch sein Handeln vollendet.

Dr Abraham hed begriffe dases nur ein Gott gid und hed verstande das die einzig logischi konsequenz isch dämm Gott nid us furcht sondern als ehrerweisig eifach alles z gäh! Was Gott sich wünscht staht ihm zue und wenns alles isch woni han! Römer 12,1 verlangt dis Läbe als lebändigs Opfer! Es funktioniert eifach nid das dä Gott kensch wo parat isch alles für die z gäh, wo über allem Staht aber i dinem läbe em Moto folgsch “weisch mie kostets zvill mini schwächene azgah!” Es staht Gott zue das du die in sinem Sinn verändere lahsch! Mer händ d ufforderig kört üs nid dere Wält gliechzstelle sondern üs erneuere z lah! Du bisch zwar uf ein klapf ein für allimal reingwäsche und grächtgsproche aber du stahsch immerno vor der Wahl ob du Gottes Geist d Leitig über jede bereich vo dinem Läbe gisch oder ob du sälbstsüchtig und sälbstgrächt wieter wetsch z zepter i de hand ha… und dä kampf wird zu läbziete uf dere Wält nid ufhöre! Potential zu geistigem Wachstum isch bi jedem vo üs vorhande und hed jede vo üs nötig! Nid nur wills dier guet tuet sondern wils Gott ehrt!

Jetzt wie gasch das aber ah?

Mer händ in üsem experiment glärnt das fähler wo ufe tisch kömend verurteilbahr wärdend dases aber au die verurteilig isch wo üs dezue verleitet schauspilerisch drüber hinwäg z luege… i rate dier us tüfstem Härz sig muetig und suech dier en vertrauensperson wo du uspacksch, wo du din Schutz keielahsch und wo du vollumfänglichi autorität erteilsch dier is läbe z rede! Mini wärmsti empfählig isch mach das usserhalb vo dinere Ehe, partnerschaft und im glieche Gschlächt! Das kan klöfe und tätsche, das brucht Muet, Kraft und Ziet, das chan verletzend wirke aber wases ganz sicher tuet isch es bringt die Wieter es eröffnet dier noch nie gekannte Möglichkeite z wachse!

Proverbs 27:17 NLB

Eisen schärft Eisen, ebenso schärft ein Mensch einen anderen.

So öppis isch immer und in jedem fall en holschuld! Es vorderet das du uf öpper zuegasch ihn mid dere Idee konfrontiersch ihm autorität übertreisch und au wens mal verletzend wird immer wieder die grösstmöglich Protion an Vorschussvertraue mitbringsch! Aber Fründe sig de preis no so höch oder no höcher s isches sowas vo Wärt! Du bisch in dine usevorderige nümm elei du kasch erfolge fiere läbe Teile schritte mache seelsorg erläbe und fründschaft erfahre!

I wet a dere stell säge das seelsorg für jede vo üs eigetli zwingend isch und seelsorg nie heisst dasi en grossi sünd im läbe han woni muen agah oder es reise Problem da isch woni mid mier umeträge… sondern fürsorg isch min Glaube vorwärts z bringe min läbeswäg z korrigiere und mi em Ideal Jesus ir gmeinschaft z nähere! Das hed jede vo üs nötig!

Es gid en wieteri gmeinschaft wo du umbedingt sötsch in aspruch neh eini wo di i däm ganze nid verurteilt sondern füert und überfüert! Eini wo mängisch in üsne verkündigunge kli z churz kunnt… und zwar isches d Gmeinschaft mid dämm wo in dier wohnt sich sehnsüchtig wünscht vo dier im läbe inkludiert z wärde sich aber nie ufzwingt! Dr Heilig Geist! Er isches wo in dier di guete Sache zum vorschie bringt!

Galatians 5:22–26 NLB

Wenn dagegen der Heilige Geist unser Leben beherrscht, wird er ganz andere Frucht in uns wachsen lassen: Liebe, Freude, Frieden, Geduld, Freundlichkeit, Güte, Treue, Sanftmut und Selbstbeherrschung. Nichts davon steht im Widerspruch zum Gesetz. Diejenigen, die zu Christus Jesus gehören, haben die Leidenschaften und Begierden ihrer sündigen Natur an sein Kreuz geschlagen. Wenn wir jetzt durch den Heiligen Geist leben, dann sollten wir auch alle Bereiche unseres Lebens von ihm bestimmen lassen. Lasst uns darauf achten, dass wir nicht stolz werden und uns gegenseitig verärgern oder beneiden.

Mer sind so oft bemüeht üs die Atribut azeigne z problem isch dasmer üs so schwär tüend mid dere Herschaftsübergab… i bin individualist und demokrat da chani doch nid mis läbe vo öpper anderem bestimme lah… wüssender was? Z Rich Gottes isch en Monarchie! Ein Herrscher, Ein Gott, ein uhrsprung vor Macht! S isch en Monarchie wo die ganz Macht zum guete brucht wird und kein asatz vo machtmissbruch da isch! Es isch en Monarchie wo iladedt wenn du guets i dim läbe wetsch eini wo Liebi, Friede, Freud, Geduld, Fründlichkeit, Güeti, Treui, Sanftmuet und Sälbstbehärschig an dä verschenkt wo parat isch sich z unterordne und härrschaft abzgäh!

Das isches wo nacher au befähigt mid fähler vo anderne umzgah! Und das isch au de Wäg wo du sötsch ischlah zum mit Fähler vo anderne umzgah!

Überlahn z richte Gott aber füer anderi Mensche dött hie wo überfüerig passeirt! Wüssender wie das usgseht?

John 8:2–11 NLB

doch schon früh am Morgen war er wieder im Tempel. Bald hatte sich eine Menschenmenge um ihn versammelt, und er setzte sich und unterwies sie. Während er sprach, brachten die Gesetzeslehrer und Pharisäer eine Frau herein, die sie beim Ehebruch ertappt hatten. Sie stellten sie in die Mitte. »Meister«, sagten sie zu Jesus, »diese Frau ist auf frischer Tat beim Ehebruch ertappt worden. Nach dem Gesetz Moses muss sie gesteinigt werden. Was sagst du dazu?« Damit wollten sie ihn zu einer Aussage verleiten, die sie gegen ihn verwenden konnten. Doch Jesus bückte sich und schrieb mit dem Finger in den Staub. Aber sie ließen nicht locker und verlangten eine Antwort. Schließlich richtete er sich auf und sagte: »Wer von euch ohne Sünde ist, der soll den ersten Stein auf sie werfen!« Damit bückte er sich wieder und schrieb weiter in den Staub. Als die Ankläger das hörten, machten sie sich einer nach dem anderen davon, die Ältesten zuerst. Schließlich war Jesus allein mit der Frau, die noch immer an der gleichen Stelle in der Mitte stand. Da richtete Jesus sich wieder auf und sagte zu ihr: »Wo sind sie? Hat dich keiner von ihnen verurteilt?« »Niemand, Herr«, antwortete sie. »Dann verurteile ich dich auch nicht«, erklärte Jesus. »Geh und sündige nicht mehr.«

Jesus Verurteilt nid är überfüert und forderet uf! Jetz hani das scho öppe brucht hüt morge… was isch denn de unterschied zwüsche verurteile und überfüere?

verurteilig wirft stei wend am Bode ligsch überfüerig hilft der uf, unterstützt di bim weiterlaufe und wiest di uf wieteri Stolperstei hie mid em Ziel die dervor z behwahre!

Überfüerig isch in Liebi usgfüerti Prüefig! Und mer söllend umbedingt prüefe. Da simmer in vilerlei hinsicht ufgforderet dezue. Üses Wese, üses Härz, was das guet und wohlgefällig vor Gott isch, üs sälber, enand, was das z beste isch und so wieter! Und i hoffe das du au prüefsch wasi dier hüt verzelle und z guete phaltisch! Au i bin nemmli alles andere als unfehlbar! So hani zum bispil kli pschisse bi de Optische tüschige… Guet das isch jetz harmlos aber mer wärdend imne Monet ir Bärgpredigt am Punkt vo de falsche Prophete acho wo d Gmeind ufgforderet wird sich dervor z hüete… und mer wärdend au dött wieder ufd Frücht zruggkoh wo als indikator gältend z guete z erkenne! und au de Römer 12,2 hed üs hüt ufgforderet z prüefe!

Wichtig isch dasmers üs au döt immer vor Jahreslosig asporne lönd! Alles was ier tüend, machends us Liebi!

Und liebi passt zum hüttige Thema wie d Fust ufds Aug! Warumm? Wenn du öpper verurteilsch denn spillt ds gägeteil vo Liebi eigetli immer en rolle!

Jetz fragsch di vilicht hä also Hass würi däm jetz nid säge… und i au nid…

Aber z gägeteil vo Liebi isch au nid Hass sondern Stolz!

1 Corinthians 13:4–6 NLB

Die Liebe ist geduldig und freundlich. Sie ist nicht neidisch oder überheblich, stolz oder anstößig. Die Liebe ist nicht selbstsüchtig. Sie lässt sich nicht reizen, und wenn man ihr Böses tut, trägt sie es nicht nach. Sie freut sich niemals über Ungerechtigkeit, sondern sie freut sich immer an der Wahrheit.

Öpper mid em glieche Problem wird di sälte verurteile… warum? Wil verurteilig fasch immer mid Stolz z tue hed dasme sälber nid so isch… wenn du uf öpper zuegasch und seisch wie chasch du nur? Lueg mal wie unglaublich falsch du bisch! Öpper wo so läbt chan ja gar nid gläubig sie… wenn du so weiter läbsch weisi nid obi wet Fründ sie vo dier… das sind ussage wod nid machsch wend im glieche Bot sitzisch… und fals scho trifft die Ussag vom Hüchler wo de Balke im eigene aug nid gseht doch zimmli gnau ufe Punkt…

Lönd üs hälfe debie Stolz abzlegge und Schauspilermaskene falle z lah!

Stellend eu vor mer hättend da am Mülibach en Ort wome sich gar nid müesst frage ui was wenn di andere das wüsstend… stell der vor mer hättend en Ort womer üs bewusst sind das niemer ohni fähler isch und niemer en stei wirft… stell der vor wenn dä Ort mid sovill Liebi gfüllt wär das du gar kei Muet meh bruchsch öpperem vo dine schlimschte fähler z verzelle well du weisch da wird mer ufgholfe und mer gholfe mid em Ziel dasi nüme keie! Stell der vor d Wält wär mid dere form vo Kile konfrontiert und nid mid dere wo alli wo sündig läbend verurteilend! Das isch en Kontrastgsellschaft woni mier bewusst bin dases für die Wält utopisch isch aber i mi wet defür isetze dasmer möglichst nah dra hie chömend? Lönd üs dött en unterschied zur Wält mache womer nid Stolz uf die abeluegend und uf die zueträtend wo am Bode liggen will si gstürzt sind sondern womer enand Liebend hälfend üsi läbe dött z Korrigiere wos nötig isch… indämm mer enand hälfend Geistig z wachse und em Heilige Geist immer wieder d füerig z übergeh!