Chum bring si hei

Ziel: Du darfst nach Hause kommen zu Gott und kannst andere nach Hause bringen. Fokus auf Mission!

Problem: Wir haben keine Leidenschaft und Hingabe, um Verlorene nach Hause zu bringen à Leidenschaft wecken

Bibeltext: Mt 28,19-20

· Me

o I chönt hüt en Hasserfüllte Mensch si. I chönt depressiv si. I chönt völlig broche sii, will i mini Emotione ned im Griff han und kei Selbstwert kenne, I chönt e Person si wo sich nur über de Sport definiert und viel z verbisse druf isch, oder i chönt hüt scho tot si.

o Aber das bini nöd! Will vor 12 Jahre hend Lüüt mir vu Jesus verzellt und für mi bettet.

o Du denksch ez vlt. wow das isch ez chli en krasse Istieg und das isches au. Aber i möchte eu dütlich mache, desi hüt nur die Person bi, woni bi, will Lüt mich so fest gliebt hend, des si mir vu Jesus sinere Liebi für mi verzellt hend.

o Will i bi ufgwachse, I han praktisch kein Selbstwert kennt und i han mi so oft ned gliebt und akzeptiert gfühlt für die Person wo ich selber bin.

o Doch denn hani irgendwenn müese id Chille für d Konformation. Und i ha jungi Lüüt kenneglernt, wo e Liebi fürenand gha hend und für mich, woni gar ned kennt han. I ha dörfe vu Jesus ghöre und des er mi liebt und mi animmt, so wieni bin. I han gmerkt: Für Jesus bini gnueg. Und i ha die Liebi in Jesus gfunde, noch dere i so lang gsuecht han.

o I bi HEI CHO ZU JESUS wills Lüüt geh hed die hend e Liideschaft und e Hiigob gha zum di Verlorene, wie i das gsi bin, hei z bringe. HEI ZU GOTT. Es sind Lüüt gsi wo checked hend, des si als Christe en Uuftrag hend uf dere Welt, und zwor Gottes Herrlichkeit z verbreite, de Mensche sini Liebi ufzzeige und ihne s Evangelium, die Guet Bootschaft vu Jesus z verkünde.

o Doch denn, wie isches wiitergange? I han Gott kenneglernt, han mi i sinere Liebi badet und ihn gliebt. Und irgendwenn hani denn au checket des i au dezue beruefe bin zum das wiiterzverzelle und Mensche HEI z BRINGE ZU GOTT. Aber i ha weder die Liideschaft no die Hiigob defür gha. Im Gegeteil

§ I ha Angst gha, Menschefurcht und i ha au gar ned gwüsst wie das god. Mengisch hani mi unfähig gfühlt, mengisch überforderet und mengisch hani au kei lust gha. I han Angst gha, des i usglacht wird, komisch aglueget wird, desmer mi meidet oder desmer mir schwieregi Froge stellt, woni ned beantworte chan. Und das hed mi am Afang lang devo abghalte, zum würklich aktiv werde, de Mensche vu de Liebi Gottes z verzelle und si zu ihm HEI z bringe. Die Liideschaft hed mir eifach gfehlt.

· We

o Und i weiss i bi mit dene Gfühl, woni dozmol gha han, ned di einzig. Do inne heds vermuetlich einige, dene gods genau glich.

o Du weisch Gott isch en iladende Gott. Er ladet Lüüt i für e Beziehig mit ihm. Er hed di iglade für die Beziehig mit ihm. Er will des si HEI CHÖMED ZU IHM, i die Beziehig mit ihm. HEI ZU SINERE LIEBI….aber du hesch kei Liideschaft defür und kei Hiigob, oder zums andersch sege….si halted sich in Grenze.

o Villicht kämpfsch mit dere Angst oder Menschefurcht wie i das au gha han. Oder vlt. fühlt sichs für die au wie en Druck a…Du muesch jetzt öper bekehre….Villicht hesch au no anderi Gründ, wieso du zrugghaltend bisch, aber du merksch…der fehlt die Liideschaft, das Füür und die Energie dodefür.

o Oder vlt. weisch au gar ned so genau, wieso? Vlt. denksch, ja Jesus hilft mir scho, aber isch ja jetzt ned so dringend desi das verzelle mues… willsch ja niemerem öpis ufschwätze oder so.

· GOD

o Aber i mein, also i weiss ja nöd wies dir god….aber Jesus isch s Beste, wo mir im ganze Leba passiert isch. Und wenn i doch mini Fründe lieb, denn will i doch au nur s Beste für si…und das isch halt eifach mol Jesus.

o Und i de Bible stoht jo au: «Denn Gott hat uns nicht einen Geist der Angst gegeben, sondern der Kraft und der Liebe und der Besonnenheit.»

o Jesus hed üs de Uuftrag geh. Und wer letscht Sunntig die Chille gsi isch, hed die Biblestell au scho ghört:

· «Geht nun hin und macht alle Nationen zu Jüngern, und tauft sie auf den Namen des Vaters und des Sohnes und des Heiligen Geistes, und lehrt sie alles zu bewahren, was ich euch geboten habe!» (Mt 28,19-20).

o De Pfarrer hed gseit: Es müend ned alli Missionare werde….so ja, es müend nöd alli is Usland, aber a paar bruuchts halt definitiv scho. I mein wemmer d Welt erreiche wend, denn müemer no chli gas geh. Und zum Missionare si, so i mein de Uftrag wommer do lesed, de Missionsbefehl de gilted für alli.

o Und wenn d lüüt das ghöred, lössts verschiedene Gfühl us, einige sind ghyped und anderi fühled sich unwohl.

§ Und menschisch frogi mi, wieso mer sich unwohl fühlt.

§ So das Lied: Chum bring en hei, das isch so voller Liideschaft und Freud und em Gfühl vu: I bi en Teil devo. Und i mein ganz ehrlich, do gods eifach um es Spiel mit vergänglichem Wert.

§ Wieso hemmer sone Liiedeschaft für die 90 Minute vomere Spiel aber bi Jesus, bi dem Wo d Kraft hed zum ganz Lebe z verändere, isch alli Liideschaft weg…? Wieso?

§ Mir hend s Beste womer ha cha, mit ewigem WERT und Impact. Mir sötted am meiste ghyped si. Und bi dem Uftrag ned es unwohlsi empfinde, sondern e Freud, e Liiedeschaft, en Drang wo üs zieht. CHUM BRING SIE HEI.

· Und übrigens… wemmer zum Uftrag zrugg ghönd… wa hend d Jünger gmacht, demit sie die Liideschaft becho hend? Sie hend uf d Kraft vom Heilige Geist gwartet, sind vu ihm erfüllt worde und hend die Liideschaft und Hiigob becho und de Petrus isch ufgstande und hed e richtig krassi Preach gmacht, so des sich 3'000 Lüt bekehrt hend

· You

o Wie gods dir mit dere Bibelstell? Was lösts in dir us? Inwiefern bewegts di?

o I glaub es hed 2 Gruppe vu Mensche do inne. Di eine wo sich jetzt denked, was machi do? Vlt. bisch du selber nonig HEI CHO ZU GOTT. Oder du bisch dete gsi und wieder weg gange. Hey Gottes Arme sind wiit offe für di. Er liebt di und LADET DI I zum HEI Z CHO ZU IHM. Er liebt di so sehr, deser selber Mensch worde isch, er hed sich begrenzt und isch uf die Welt cho demiter für üsi Fehler, d Bible seid dem Sünde am Krüz gstorbe isch. Eifach zum de Weg wieder chöne frei z mache zwüsched dir und Gott. Und d Frog a di isch: Wie reagiersch du uf sini Liebi? Sini Arme sind wiit offe für di und du chasch eifach inelaufe.

o Und di ander Gruppe, ihr sueched noch dere Liideschaft und Freud i dem inne. Ör wennd die Begeisterig ha. Und du weisch ganz genau, des de Uuftrag au für di denkt isch und du liebsch d Mensche, du liebsch dini Familie und dini Fründe und willsch ihne die gueti Bootschaft ned vorenthalte. Hey bitt Gott um die Liideschaft und das Füür. Lad ihn i zum di mit sim Heilige Geist z erfülle. Und denn mach Schritte, bis muetig. Lauf mitem The Four bändeli ume, lad dini Fründe inen Gottesdienst i, verzell dim Brüeder oder dim Schuelkolleg vu Jesus, Bett für dini VIPs, mach Strosseisätz oder en Missionsreis oder was au immer. Aber fang irgendwo mol ah, will en relativ bekannte Missionar de Dwight L. Moody im 19Jht hed mol gseit: «Wenn man erst einmal einen Menschen für Jesus gewonnen hat, will man nichts anderes mehr tun.». Willsch die Liideschaft ha bim Verkündige, fang ah. Wenn du erlebst wie Lüüt sich für Jesus entscheided, wie Lüüt noch dim Gebet gheilt werded – das isch eifach liideschafts steigernd.

o Und wennd froge dezue hesch oder Problem, denn chum währed de Ministry Ziit doch unbedingt uf mi oder anderi Leiter zue!

· US

o Min Wunsch, ganz ehrlich, isch des mör so begeisteret vu Jesus sind, wie die Lüüt vu dem Pokal und dem Spiel begeisteret sind…nei sogar no meh!

o I möchte zum Abschluss gern no bette.