ဘၣ်မနုၤအဃိစီၤဒၤ၀ံးကိးထီၣ်ကစၢ်လဲၣ်?

ဖဲတၢ်အၢတသီကလုၢ်ဘၢတၢ်မ့ၢ်တၢ်တီကကတီၢ်န့ၣ် ပတံၣ်န့ၢ်ကစၢ်ယွၤကလၤကပီၤသ့၀ဲဒၣ်န့ၣ်လီၤ. စီၤနိအး, ဖဲဟီၣ်ခိၣ်ဖိသ့ၣ်တဖၣ်လူၤဖဲသးမၤဖဲသးဒီးတသ့ၣ်ညါဘၣ်ယွၤဒီးကဘၣ်တၢ်စံၣ်ညီၣ်လၢထံလုၢ်ဘကအကတီၢ်န့ၣ်, ကစၢ်ယွၤမၤပူၤဖျဲးအီၤ. ဖဲလၢစိၤဒိၣ်ဒီးကမိရၤကဘၣ်တၢ်မၤဟးဂီၤခီဖျိလၢတၢ်အၢတၢ်သီအဃိန့ၣ်, ကစၢ်ယွၤကလူးလဲၤမၤပူၤဖျဲးအ၀ဲသ့ၣ်. ဖဲလၢမိၤရှ့ဒီးအံၤရှရ့လး ခီပီၢ်လဲၣ်ဂီၤ ဒီး အစုကတၢၢ်ခီၣ်ကတၢၢ်အခါန့ၣ်, ကစၢ်ယွၤဒုးပူၤဖျဲးအ၀ဲသ့ၣ်တဖၣ်လီၤ. ဖဲဟီၣ်ခိၣ်ဖိသ့ၣ်တဖၣ်ကတုၤလၢတၢ်သံလီၤထူလီၤယိာ်န့ၣ် ကစၢ်ယွၤဆှၢလီၤဖိခွါကစၢ်ယ့ၣ်ရူးခရံာ်လီၤ.

တၢ်အၢတၢ်သီသ့ၣ်တဖၣ်န့ၣ်ဟဲခီဖျိသးလၢပှၤကညီ, မ့မ့ၢ်တၢ်မ့ၢ်တၢ်တီဒီးတၢ်ဂ့ၤတၢ်၀ါန့ၣ်ဟဲခီဖျိသးလၢကစၢ်ယွၤလီၤ. တၢ်ဂ့ၤတၢ်၀ါန့ၣ်နဘၣ်ဃုအီၤဒီးမၤဂ့ၤအီၤ, နကဘၣ်ဆိကမိၣ်အဂ့ၢ်ဒီးမၤအီၤ, တၢ်ဂ့ၤတၢ်၀ါန့ၣ်ကဖျါဒ်သိးနမၤတၢ်လၢပှၤဂၤအဂီၢ်, ဖဲနမၤတၢ်ဂ့ၤတၢ်၀ါအခါန့ၣ်ပှၤထံၣ်ကမၣ်နၤ, ဒီး တၢ်ဂ့ၤတၢ်၀ါလၢနမၤအီၤန့ၣ်ကလၢာ်နဂံၢ်နဘါ, နတၢ်ဆၢကတီၢ်ဒီးနလီၤဘှံး ခီဖျိလၢ နတဒိးန့ၢ် တၢ်ဒ်နမၤဂ့ၤတၢ်အသိးအဃိ.

ဘၣ်ဆၣ်မ့မ့ၢ် တၢ်အၢတၢ်သီတခီ တလိၣ်နဃုဘၣ်, တလိၣ်နဆိကမိၣ်အဂ့ၢ်အါလၢ်ကဲၣ်ဆိးဘၣ်, နမ့ၢ်ဆိကမိၣ်အဂ့ၢ်ဒၣ်လဲာ်, အကဘၣ်မ့ၢ်ဒၣ်ထဲလၢနတၢ်ဘၣ်ဘျုး လၢနနီၢ်ကစၢ်တဂၤဒၣ်၀ဲအဂီၢ် ဒီးအမ့ၢ်မၤဆါပှၤဂၤဘၣ်ဆၣ်နတကိၢ်တဂီၤ တဘၣ်ယိၣ်တၢ်ဘၣ်. ပှၤတဂၤလၢတၢ်အၢအိၣ်လၢအသးကံၢ်ပူၤလံန့ၣ် အမ့ၢ်လူၤဃုမၤတၢ်ဂ့ၤဒၣ်လဲာ်တၢ်ဘၣ်ဘျုးကဘၣ်ဘၣ်အီၤတတခါခါ.

ဒီးတၢ်အၢတၢ်သီလၢ အညီကတၢၢ်လၢအမၤဟးဂီၤပှၤအဂၤတဂၤအတၢ်အိၣ်မူ သ့န့ၣ်မ့ၢ် တၢ်ကတိၤလီၤ. ဒီးတၢ်ဂ့ၤတၢ်၀ါလၢအညီကတၢၢ်လၢပမၤအီၤသ့စ့ၢ်ကီးမ့ၢ်တၢ်ကတိၤလီၤ.

တနံၤအံၤန့ၣ် ပကစံးကတိၤတၢ်ဘၣ်ဃးဒီးထါစံးထီၣ်ပတြၢၤ အယုၢ် ၁၂း၁-၈.

ပမ့ၢ်ကွၢ်ထါတယုၢ်အံၤအခိၣ်တီန့ၣ် ကွဲး၀ဲဒၣ်လၢအမ့ၢ် စီၤဒး၀ံးအထါ လၢအဘၣ်တဒ့အီၤလၢတနၢ် အိၣ်ဒီးအပျံၤဃိးဘိ, ပမ့ၢ်ကွၢ်လၢ Arabic version န့ၣ် နီၢ်ဂံၢ်ဃီးမ့ၢ်ဟီၣ်ခိၣ်ကတၢၢ် ဒီးနီၢ်ဂံၢ်ဃီးဒုးနဲၣ်ဖျါထီၣ်စ့ၢ်ကီးမ့းရှံအၤအတၢ်ဟဲလီၤ. ဖဲအံၤဖဲပဖး၀ဲထါအ၀ဲအံၤတၢ်သံကွၢ်လၢပကသံကွၢ်သကိၤန့ၣ် ဘၣ်မနုၤအဃိစီၤဒး၀ံးဘၣ်ကိးထီၣ်ကစၢ်ယွၤလဲၣ်?

၁. ခီဖျိလၢတၢ်မ့ၢ်တၢ်တီတဖၣ်သံကွံာ်အဃိ

v1. အုၣ်ကံၤခီၣ်က့ၤတက့ၢ်, ယွၤဧၢ, အဂ့ၢ်ဒ်အံၤ, ပှၤစီဆှံလၢာ်၀ဲ, ပှၤအကလုၢ်တီတအိၣ်လၢၤဘၣ်လၢပှၤကညီအကျါဘၣ်

တၢ်ကလုၢ်အ၀ဲအံၤ ပနၢ်ဟူဘၣ် ဖဲ ၁ စီၤပၤ ၁၉

ကစၢ်ယွၤကတိၤတၢ်ဒီးစီးအ့ၤလံယၤ, စီၤအ့ၤလံယၤမ့ၢ် ၀ံဖးဒိၣ်တဂၤဘၣ်ဆၣ် အ၀ဲပျံၤ၀ဲလၢပှၤကမၤသံ အီၤ, ကစၢ်ယွၤအ၀ံသ့ၣ်တဖၣ်ဘၣ်တၢ်မၤဃုမၤသံအီၤ, ခီဖျိလၢတၢ်န့ၣ်အဃိ အ၀ဲဒၣ်ဃ့ၢ်အိၣ်ခူသူၣ်လီၤ. အ၀ဲဆိကမိၣ်၀ဲလၢအအိၣ်တ့ၢ်တဂၤလီၤဘၣ်ဆၣ်ကစၢ်ယွၤတဲအီၤ (၂၂-၂၃) ပှၤအိၤဒံး နွံကထိ (v18) လၢအတချံးလီၤအခီၣ်လၢဘၤဧၤလး အမဲာ်ညါ, ဒီးအထးခိၣ်ခဲလၢာ်တနၢ်မူဘၣ်အီၤဘၣ်.

ပှၤအံၣ်စရ့လးဖိသ့ၣ်တဖၣ်အံၤဘၣ်တၢ်ဃုထၢအီၤ, မၤတၢ်အၢၣ်လီၤဒီးကစၢ်ယွၤ, ဒီး တၢ်မ့ၢ်တၢ်တီ ဒီးတၢ်စီတၢ်ဆှံသ့ၣ်တဖၣ်ကဘၣ်အိၣ်ဒီးအ၀ဲသ့ၣ်, ဘၣ်ဆၣ် တၢ်မ့ၢ်တၢ်တီသ့ၣ်သ့ၣ်တဖၣ်န့ၣ်ဟးသဒၣ်ဒီးသံသဒၣ်ကွံာ်အ၀ဲသ့ၣ် လံ, ကစၢ်ယွၤအ၀ံဒၣ်လဲာ်တပာ်ကလီ၀ဲဘၣ်.

ဖဲလၢတၢ်မ့ၢ်တၢ်တီသံကွံာ်လၢနထးခိၣ်, ဖဲလၢတၢ်မ့ၢ်တၢ်တီသံကွံာ်လၢနသး, ဖဲလၢတၢ်မ့ၢ်တၢ်တီသံကွံာ်လၢနတၢ်ဆိကမိၣ် ဒီးဖဲလၢတၢ်မ့ၢ်တၢ်တီသံကွံာ်လၢနတၢ်အိၣ်မူအပူၤ န့ၣ်… နလုၢ်နပှ့ၤအိၣ်တ့ၢ်ဒ်သိးချါ, ဒီးနတၢ်စံးတၢ်ကတိၤသ့ၣ်တဖၣ် (အယးသၣ်) လီၤဘျါ.

တၢ်အိၣ်ဖှိၣ်သရၣ်အိၣ်လၢ Tenesses တဂၤ အဂ့ၢ်အကျိၤလီၤလၢတၢ်ကစီၣ်ပူၤ အ၀ဲကွၢ်ထွဲ၀ဲဒၣ် ပှၤက့ၢ်ဂီၤတဂ့ၤဘၣ်အိၣ်တဂၤ ပှၤတဂၤအံၤခီဖျိလၢအက့ၢ်ဂီၤတဂ့ၤဘၣ် ခိၣ်နူာ်တဘၣ်လီၢ်ဘၣ်စးအါဘၣ် အဃိသရၣ်အ၀ဲန့ၣ် ကွၢ်ထွဲန့ၢ်စၢၤ ၀ဲ အကျိၣ်စ့ ခံနွံတဘျီန့ၣ် အဟ့ၣ်ဒုးသူၤ ၀ဲပှၤက့ၢ်ဂီၤ တဂ့ၤဘၣ်တဂၤအံၤ ၂၅၀. ကျိၣ်စ့လၢအပိၣ်တရၢန့ၣ် အ၀ဲဒၣ် ဆှၢလီၤက့ၤ၀ဲလၢ အ bank ပူၤ. ကျိၣ်စ့လၢအဆှနုာ်သ့ၣ်တဖၣ်န့ၣ် သူ၀ဲလၢတမၤမဲ အဂီၢ် ဒီး ပှ့ၤန့ၢ်တၢ်လၢအမါဂီၢ်. အ၀ဲဒၣ်ဘၣ်လဲၤထီၣ်လၢ Court, ဘၣ်ဆၣ် အထီးအထါလီၤတံၢ်လီၤဆဲးဒု တသ့ၣ်ညါလီၤတံၢ်လီၤဆဲးဘၣ်.

တၢ်ဂ့ၢ်အ၀ဲအံၤမ့ၢ် အလီၤတံၢ်ဧါ ပမ့ၢ်တသ့ၣ်ညါအီၤလီၤတံၢ်ဘၣ်ဆၣ် လၢပတၢ်အိၣ်မူပူၤ လၢပှၤတ၀ၢအပူၤ ပမ့ၢ်ကွၢ်ထံထံန့ၣ် တၢ်မ့ၢ်တၢ်တီသ့ၣ်တဖၣ်သံကွံာ်ဒီး ပှၤအါဂၤလူၤမၤဘံၣ်မၤဘၢတၢ်မ့ၢ်တၢ်တီလီၤ.

ဖဲလၢတၢ်မ့ၢ်တၢ်တီသ့ၣ်တဖၣ်သံကွံာ်အ ခါန့ၣ်, လုၢ်လၢ်အသီအိၣ်ဖျဲၣ်ထီၣ်၀ဲဒၣ်န့ၣ်လီၤ.

လုၢ်လၢ်တခါအံၤ မ့ၢ်ဒၣ်တၢ်လံၣ်တၢ်လီ န့ၣ်လီၤ.

ဘၣ်မနုၤအဃိစီၤဒး၀ံးကိးထီၣ်ကစၢ်ယွၤလဲၣ်း

၂. ခီဖျိတၢ်လံၣ်တၢ်လီကဲထီၣ်လုၢ်လၢ်အသီလၢယွၤအပှၤဂီၢ်မုၢ်ကျါအဃိ

v2-4 ပှၤကတိၤတၢ်ကလီကလီတဂၤဒီးတဂၤ လၢအပျုၤသဘျ့လီၤ. လၢအသးခံဖျၢၣ်န့ၣ်ကတိၤ၀ဲလီၤ. ဒီးယွၤကဒီၣ်တဲာ်ကွံာ်ပျုၤသဘျ့ ခဲလၢာ်, ပှၤအပျ့ၤလကအတတိၤတၢ်အဒိၣ်အထီတဖၣ်လီၤ. ပှၤလၢအစံးတ့ၢ်, ပအိၣ်ဆူၣ်လၢပပျ့ၤအဃိ, ပပျုၤမ့ၢ်ပတၢ်ဒၣ်ပ၀ဲ, ပတၢ်မ့ၢ် ကစၢ်လၢပဖီခိၣ်တဂၤလဲၣ်.

စီၤဒၤ၀ံးအ နီၢ်ကစၢ်ဒၣ်၀ဲ ဖဲလၢ အကွဲးထါတယုၢ်အံၤ မ့တမ့ၢ်ဘၣ် ဖဲလၢ ပှၤကွဲးန့ၢ် အီၤထါတယုၢ်အံၤလၢအဘၣ်ဃးဒီးအီၤ အခါန့ၣ် ဘၣ်သ့ၣ်သ့ၣ် အ ကဘၣ်ထွဲဒီး အတၢ်လဲၤ ခီဖျိဖးဒိၣ် သၢခါ

၁. အမံၤပှၢ် စီၤစီလူး

လၢ ၁ ရှမူၤအ့ လး အပူၤ ပထံၣ်ဘၣ် လၢ စီၤပၤစီၤစီလူးလူၤဃူမၤသံ၀ဲ စီၤဒး၀ံး တဘျုးဘျီ. ဆှၢပှၤလၢကမၤသံအီၤ, လူၤဃုမၤသံအီၤ, ကွံာ်စီဒး၀ံးဒီးဘီ… တဘျီဘျီ ကတိၤတၢ်ကတိၤအမုာ်လၢဖျါဒ်သိးတဘၣ်သးမၤသံစီၤဒၤ၀ံးလၢၤဘၣ်… ဘၣ်ဆၣ်အတၢ်ကတိၤသ့ၣ်တဖၣ် န နာ်အီၣ်တသ့ဘၣ်

၂. အဖိခွါစီၤအၤဘရှါလိၣ်

စီအၤဘရှါလိၣ်ဂုာ်ထီၣ်န့ၢ်အပၢ်လီၢ်… အကွဲန့ၢ်လွဲန့ၢ် ပှၤဂီၢ်မုၢ်သ့ၣ်တဖၣ် ဒီးလၢခံ ဖဲအဂံၢ် အဘါလၢပှဲၤ အကတီၢ်န့ၣ်အလူၤဃုမၤသံအပၢ်လီၤ.

၃. စီၤအဃံသဖ့ၤလး

ပှၤတဂၤအံၤမ့ၢ် စီၤဒး၀ံး အပှၤဟ့ၣ်ကူၣ်တၢ်တဂၤလီၤ. အမ့ၢ်စ့ၢ်ကီး ပှၤတဂၤလၢအဟ့ၣ်သဆၣ်ထီၣ် စီၤအၤဘရှါလိၣ် အ ခံ… တကးဒံးဘၣ် အ၀ဲယိးကဒါက့ၤဘီလၢစီးဒၤ၀ံးအဖီခိၣ်လီၤ.

ပှၤသၢဂၤအံၤအတၢ်ရ့လိာ်ဘူးတံၢ်ဘၣ်ထွဲအိၣ်ဒီး စီၤဒၤ၀ံးလီၤ ဘၣ် ဆၣ် လၢအတၢ်ရ့လိာ်ဘၣ်ထွဲအပူၤမ့ၢ်ပှၤသ့ၣ်တဖၣ်လၢအလံၣ်အီၤလီအီၣ်တၢ်, မ့ၢ်ပှၤသ့ၣ်တဖၣ်လၢအတၢ်ကတိၤဆၢ (အခီပညီန့ၣ်ကတိၤတၢ်ထဲလၢပှၤဘၣ်သးနၢ်ဟူလီၤ, တၢ်မ့ၢ်တၢ်တီလၢကဘၣ်တဲပှၤဂၤန့ၣ်တတဲ၀ဲဘၣ်, အ ဒိၣ်ကတၢၢ် မ့ၢ်ပှၤသ့ၣ်တဖၣ်လၢအိၣ် ဒီးအသးခံဖျၢၣ် (ပှၤတဂၤလၢနအဲၣ်အီၤန့ၣ် အသးမ့ၢ်အိၣ်ခံဖျၢၣ် ဒုအသ့ၣ်ညါလၢအတမ့ၢ်ပှၤအဲၣ်တၢ်တီဘၣ်).

လၢအ၀ဲသ့ၣ်အသးပူၤ တၢ်ဂ့ၤတၢ်၀ါသ့ၣ်ညါ၀ဲ, ခီဖျိလၢအမိၢ်န့ၢ်သးလီတၢ်အဃိ, ကူၣ်ထီၣ်ဖးလီၤတၢ်အၢ လၢအသးကံၢ် ပူၤ, ဒီး ဒုးဟးထီၣ် ၀ဲဒၣ်တၢ်ကတိၤ အဆၢလၢအထးခိၣ်, ဒီးစံးကတိၤတၢ်ဒ်အဘၣ်အ သးဒၣ်၀ဲ.

ပှၤသ့ၣ်တဖၣ်အံၤ အပျဲကစၢ်ယွၤပၢ အ၀ဲသ့ၣ်လၢၤဘၣ်, အပျ့ၤအအစၢ် ဒၣ်၀ဲန့ၣ် ပၢ ၀ဲန့ၢ်. မတဂၤမးတပၢ အတၢ်ဘၣ်

ပထးခိၣ်လၢကစၢ် ယွၤဟ့ၣ် ပှၤအံၤ န့ၣ် မ့ၢ် ဒ် သိး ပကအီၣ် တၢ် လၢ နီၢ် ခိ, တကးဒ် ဘၣ် မ့ၢ် ဒ်သိးပကအီၣ် နီၢ်သးအတၢ် အီၣ်လီၤ.

ပပျ့ၤ စ့ၢ် ကီး ကစၢ် ယွၤဟ့ၣ်ပှၤဒ်သိး ပကသူ အီၤလၢ တၢ် စံးထီၣ်ပတြၢၤ အီၤ ဒီး မၤ အ တၢ်လီၤ.

ဘၣ်ဆၣ် တၢ်သ့ၣ်တဖၣ်အံၤ ပမ့ၢ် သူ အီၤ ဒ် ပနီ ကစၢ် အ တၢ်ဒၣ်၀ဲ အ သိး န့ၣ် ဘၣ်သ့ၣ်သ့ၣ် ပအီၣ်နုာ် ဘၣ် တၢ် တဂ့ၤတဘၣ် သ့ၣ်တဖၣ်သ့. တကး ဒ်ဘၣ် ပပျ့ၤစ့ၢ်ကီး ပတစံးပတြၢၤတၢ်ဘၣ် အမဲာ်ညါပမၤပာ်ကမၣ်တၢ်လၢပှၤဂၤလိၤ ခီဖျိလၢတၢ်လီတၢ်န့ၣ်သ့၀ဲလီၤ.

ခီဖျိလၢတၢ်န့ၣ် အဃိ စီၤဒၤ၀ံး ကိးထီၣ်ကစၢ် ယွၤလၢ ကဒီၣ်တဲာ်ကွံာ် ၀ဲ ပှၤသ့ၣ် တဖၣ် အံၤအပျ့ၤခဲလၢာ်. အခီပညီန့ၣ် မၤဟးဂီၤကွံာ်ပှၤသ့ၣ်ဖၣ်အံၤ.

There are three kinds of lies; a lie told, a lie taught, a lie acted out.

Joseph Caryl

Joseph Caryl စံး၀ဲဒၣ်, တၢ်လံာ်တၢ်လီန့ၣ်အိၤ၀ဲသၢခါ; တၢ်လံၣ်တၢ်လီလၢနတဲပၠးပှၤဂၤ, တၢ်လံၣ်တၢ်လီလၢနသိၣ်လိပှၤဂၤ, ဒီး တၢ်လံၣ်တၢ်လီလၢနမၤထွဲ

- တၢ်သၢခါအံၤဖျါလၢပှၤသၢဂၤအံၤအလိၤလီၤ

ဘၣ်သ့ၣ်သ့ၣ် အကအိၣ်လၢပ၀ဲတနီၤနီၤအလိၤစ့ၢ်ကီး

ဘၣ်သ့ၣ်သ့ၣ်ပကလီအီၣ်တၢ်, ဘၣ်သ့ၣ်သ့ၣ်ပကသိၣ်လိပှၤလၢတလံၣ်တၢ်လီ, ဒီး ဘၣ်သ့ၣ်သ့ၣ် ပတလီလၢပတၢ်ကတိၤလၢၤဘၣ်- ပလီခီဖျိလၢပတၢ်မၤထွဲသ့လီၤ

ပ၀ဲလၢပပိာ်ခရံာ်အခံသ့ၣ်တဖၣ်ပကဘၣ်အိၣ်မူဒ်န့ၣ်ဧါ

တၢ်လၢတၢ်လံၣ်တၢ်လီန့ၣ် န​နီၢ်ကစၢ်ဒၣ်နဲမးနတနာ်ဘၣ်… လၢနသးပူၤနသ့ၣ်ညါတၢ်မ့ၢ်တၢ်တီ ဘၣ်ဆၣ်တၢ်လၢအဟးထီၣ်လၢနထးခိၣ်တခီတလီၤပလိာ်သးဒီး တၢ်အိၣ်လၢနသးပူၤဘၣ်. တၢ်ကတိၤလံၣ်လီန့ၣ် ကဲဘျုးလၢပှၤ တဂၤအ ဂီၢ် ဘၣ်ဆၣ်မ့ၢ်တၢ်လီၤဃံၤလၢပှၤဂၤအဂီၢ်သ့ ဒီး အဒိၣ်ကတၢၢ်မ့ၢ်တၢ်လၢအဒုးကဲထီၣ်တၢ်လီၤဃံၤလၢ ကစၢ်လၢပဘါတဂၤ အံၤ ဒီး မ့ၢ်တၢ်တခါလၢအဒုးဒွဲၣ် မၤဟးဂီၤကွံာ် ကစၢ်အလၤကပီၤသ့.

ဘၣ်မနုၤအဃိစီၤဒၤ၀ံးဘၣ် ကိးထီၣ်ကစၢၢ်ယွၤလဲၣ်

၃. ခီဖျိ လၢ အသ့ၣ်ညါ၀ဲလၢ ကစၢ်ယွၤမၤစၢၤအီၤသ့အဃိ

ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤန့ၣ် ကတိၤတၢ်လၢအဂီၢ်တသ့ဘၣ် . ကဘၣ်တူၢ်၀ဲဒၣ်ပှၤဂၤအတၢ်ကတိၤ. ပှၤလံၣ်ပှၤလီတၢ်သ့ၣ်တဖၣ်သံကွၢ်၀ဲဒၣ် မ့ၢ်မတၤကဲ ကစၢ်လၢပဖီခိၣ်တဂၤလဲၣ်

_အ၀ဲသ့ၣ်တဖၣ်နာ်အီၣ်လီၤအသး, ခီဖျိလၢကစၢ်ယွၤတဖျ့အ၀ဲသ့ၣ်တဘျီဃီဘၣ်အဃိ

-အါစုအါဘျီ ပှၤဟီၣ်ခိၣ်ဖိသ့ၣ်တဖၣ်န့ၣ် ဖဲလၢကစၢ်ယွၤ တဖျ့အ၀ဲသ့ၣ် ဒီးတသိၣ်အ၀ဲသ့ၣ် အကတီၢ်န့ၣ် အ၀ဲသ့ၣ်အိၣ်မူဒ်အသးမၤဒ်တၢ်ဘၣ်အသး

-ဖဲတၢ်အိၣ်ဖှိၣ်သိၣ်သီအ၀ဲသ့ၣ် အခါ စံး၀ဲဒၣ်လၢ နကဲမတဂၤလၢနကဘၣ်သိၣ်ယၤလဲၣ်

တၢ်ခဲလၢာ်န့ၣ်အိၣ်လၢ ယၤဒီးအစၢ်ယွၤအဘၢၣ်စၢၤလီၤ

တဘၣ်ဟဲသိၣ်ယၤတဂ့ၤ တဘၣ်ဟဲတဲယၤတဂ့ၤ

ဘၣ်မနုၤတၢ်ကတိၤသ့ၣ်တဖၣ်အိၣ်ထီၣ်လဲၣ်… ခီဖျိလၢတၢ်မ့ၢ်တၢ်တီသ့ၣ်တဖၣ်သံကွံာ် ဒီးတၢ်လံၣ်တၢ်လီသ့ၣ်တဖၣ်ကဲထီၣ်က့ၤလုၢ်လၢ်အသီလၢအ၈ီၢ်

ပှၤသ့ၣ်တဖၣ်အံၤမ့ၢ်စံးလၢအဒိၣ်စိဒိၣ်ကမီၤ မၤတၢ်သ့ဘၣ်ဆၣ်ပှၤလၢအဆၢထၢၣ်အိၣ်လၢအ၀ဲသ့ၣ်အဖီခိၣ်အိၣ်တဂၤ, လၢအမ့ၢ်ကစၢ်ယွၤ, ကစၢ်ယွၤကဂဲၤဆၢထၢၣ်ဒီးကကတိၤ တၢ်လၢပှၤဘၣ်ဘၣ်တၢ်မၤနး ဆီၣ်သနံၤသ့ၣ်တဖၣ်အံၤအခၢၣ်စး. ဖဲဖဲအံအကျါန့ၣ် စီၤဒၤ၀ံး ဖျါလီၤဂာ်ဒ်အထံၣ်လီၤ အသးလၢအမ့ၢ်ပှၤဖှီၣ် ဒီးဘၣ်တၢ်ဆီၣ်တံၢ်မၤနၢၤအီၤ, ဒီး လိၣ်ဘၣ်ကစၢ်ယွၤလၢ ကကတိၤန့ၢ်တၢ်လၢအဂီၢ် ဒီးမၤပူၤဖျဲးအီၤလၢတၢ်နးတၢ်ဖှီၣ် အပျံၤသကွီၤပူၤ.

၀ံယရှါှယၤ ၅၉း၁, “ကွၢ်ကွၢ်, တမ့ၢ်ဘၣ်ယွၤအစုဖုၣ်လီၤတုၤအအုၣ်က့ၤခီၣ်က့ၤတၢ်တသ့ဘၣ်, ဒီးတမ့ၢ်ဘၣ်အနၢ်ဃၢ၀ဲတုၤအနၢ် ဟူတၢ်တသ့ဘၣ်.”

စီၤဒၤ၀ံးနာ်၀ဲဒၣ် လၢကစၢ်ယွၤအစုတဖုၣ် လၢကအုၣ်က့ၤခီၣ်က့ၤအီၤဘၣ်. ဒီးကစၢ်ယွၤန့ၣ်အနၢ် တတအၢဘၣ်, အနၢ်ဟူအတၢ်ကိးပသူလီၤ.

ကစၢ်ယွၤအတၢ်ကတိၤန့ၣ် မ့ၢ်တၢ်ကတိၤလၢအဆှီ

ကဆှီဒ်သိးစ့လၢတၢ်မၤကဆှီထီၣ်အီၤနွံဘျီ

ဘၣ်မနုၤအဃိအသူစ့လဲၣ်?

စ့န့ၣ်အိၣ်ဒီးအလုၢ်အပှ့ၤ, လုၢ်ပှ့ၤဒိၣ်, ဒီး နီၢ်ဂံၢ်​နွံမ့ၢ် တၢ်ပနီၣ်လၢ တၢ်လၢတၢပှဲၤ

အခီပညီန့ၣ် ကစၢ်ယွၤအကလုၢ်ကထါန့ၣ် အိၣ်ဒီးအလုၢ်အပှ့ၤ တကးဒ်ဘၣ် မ့ၢ်တၢ် လၢအလၢအပှဲၤလီၤ.

မ့မ့ၢ်ပှၤကညီအတၢ်ကတိၤန့ၣ် တကဆှီဘၣ်, ဒီးနနာ်အီၣ်အီၤတသ့ဘၣ်. ဘၣ်ဆၣ်မ့မ့ၢ်ကစၢ်ယွၤကလုၢ်ကထါန့ၣ် နနာ်အီၣ်အီၤသ့. ခီဖျိလၢအနာ်ကစၢ်ယွၤအဃိသတးဒီး စံး၀ဲ လၢကစၢ်ယွၤကအံၤက့ၤကွၢ်က့ၤအီးဒီး ကပၢၤအီၤလၢ ပှၤတစိၤအံၤလီၤထူလီၤယိာ်.

ကစၢ်ယွၤမ့ၢ်ပာ်ဖျါထီၣ် အတၢ်အဲၣ်ကဟုကယာ်ထဲလဲၣ်ဘၣ် ဆၣ် ပှၤတတီတလိၤသ့ၣ်တဖၣ်အိၣ်ဒံး တုၤဒၣ်လဲာ်ပာ်ထီၣ်ထီ၀ဲဒၣ်တၢ်အၢတၢ်သီလၢပှၤကညီအကျါလီၤ.

ပှၤအါဒ်အါဂၤသ့ၣ်ညါလၢမူခိၣ်ဘီမုၢ်အိၣ် ဒီးလၢၢ်ရာ်အိၣ်လီၤ. ဘၣ်ဆၣ်ပှၤအါဒ်အါဂၤ ဃုၤဒီးပှၤခရံာ်ဖိ တမၤမူခိၣ်ဘီမုၢ်အတၢ်မၤဘၣ်, အမၤလၢၢ် ရာ်အတၢ်မၤ. မ့ၢ်မၤမူခိၣ်ဘီမုၢ်အတၢ်မၤန့ၣ် မၤ၀ဲထဲတစဲးဖိ, ဘၣ်ဆၣ်မ့မ့ၢ်လၢၢ်ရာ်အတၢ်န့ၣ်မၤ၀ဲဒၣ်အါအါကလဲာ်လီၤ.

ဘၣ်မနုၤအဃိစီၤဒၤ၀ံး ကိးထီၣ်ကစၢ်ယွၤလဲၣ်

ပထံၣ်ဒီးသ့ၣ်ညါသပှၢၢ်တၢၢ်လီၤ. အကိးထီၣ်ယွၤခီဖျိလၢ

တၢ်မ့ၢ်တၢ်တီသ့ၣ်တဖၣ်သံကွံာ်လၢယွၤအပှၤဂီၢ်မုၢ်အကျါ

ခီဖျိလၢတၢ်လံၣ်တၢ်လီကဲထီၣ်လုၢ်လၢ်အသီလၢယွၤအပှၤဂီၢ်မုၢ်အကျါ

ဒီးခီဖျိလၢ ကစၢ်ယွၤမၤစၢၤအီၤသ့အဃိလီၤ

မ့မ့နၤယၤတခီပကကိးထီၣ်ကစၢ်ယွၤအကတီၢ်ဖဲလဲၣ်?

မ့ၢ်ပကိးထီၣ်ယွၤဖဲနဘၣ်တၢ်ကီအကတီဧါ

မ့ၢ်ပကိၤထီၣ်ယွၤဖဲနဘၣ်ဆူးဘၣ်ဆါအကတီၢ်ဧါ

မ့ၢ်ပကိးထီၣ်ယွၤဖဲနစုကတၢၢ်ခီၣ်ကတၢၢ် အခါ ဧါ

တၢ်မ့ၢ်တၢ်တီမ့ၢ်ဟးထီၣ်ကွံာ်လၢပထးခိၣ် ပူၤ, တၢ်လံၣ်တၢ်လီမ့ၢ်ဟးထီၣ်လၢပထးခိၣ်ပူၤ, ပမ့မ့ၢ်ဘၣ်ဖုးပှၤလၢအသးအိၣ်ခံဖျၢၣ် ဘၣ်ဖုၤန့ၣ် ပမ့ၢ်ကိးထီၣ်ကစၢ်ထဲလဲၣ်ထဲလဲၣ်ဘၣ်ဆၣ်ကစၢ်ယွၤတမ့ၢ် ကကနၣ်ပတၢ်ထုကဖၣ်ဘၣ်

ဘၣ်မနုၤအဃိလဲၣ်န့ၣ် ပလုၢ်လၢ်သကဲးပ၀းသ့ၣ်တဖၣ်မ့ၢ်အိၣ်ဒံးလၢ ပပူၤ ဒီးတၢ်ဆီတလဲတအိၣ်နီတစဲးဘၣ်ဖဲလၢပ အၢၣ်လီၤပသးလၢပကပိာ်ခရံာ်အခံဒ်ဘၣ်ဒီး ပမ့ၢ် ပှၤလၢအဘၣ်ဃးဒီးမုၢ်ကီၤလံၢ် ဒီးအိၣ်မူမၤတၢ်ဒ်တၢ်ဘၣ်အသးလီၤ. ယိၤဟၣ် ၈း၄၄, မုၢ်ကီၤလံၢ်မ့ၢ်တၢ်ကတိၤကဘျံးကဘျၣ်အပၢ်, ဒီးအ၀ဲဒၣ်ကမၤစၢၤနၤဒ်သိးနကမၤဟးဂီၤလီၤက့ၤနသး, ကမၤတၢ်အၢ

ပကိးထီၣ်ကစၢ်ယွၤဒ်စီၤဒၤ၀ံးလီၤ, ဘၣ်ဆၣ်ပမ့ၢ်ဘၣ်သးလၢကစၢ်ယွၤဒိကနၣ်ပတၢ်ထုကဖၣ်န့ၣ်

၁. ပကဘၣ်ဆီတလဲပသး

၀ံယံးရမံယး ၁၇း၉, “ပှၤကညီအသးန့ၣ် လီတၢ်ဒိၣ်န့ၢ်အါန့ၢ်တၢ်ခဲလၢာ် တက့ၢ်, ဒီးအ၀ဲဒိၣ်မးလီၤ. မ့ၢ်မတၤသ့ၣ်ညါအီၤသ့ၣ်တဂၤလဲၣ်.”

ပညိကွံာ်သူၣ်အၢသးသီတဖျၢၣ်အံးမ့ၢ်တန့ၢ်ဘၣ်ဒီးပပိာ်ခရံာ်အခံအသ့ဒ်လဲၣ်.

တၢ်အညီကတၢၢ်လၢပဆီတလဲသ့န့ၣ် ပာ်လီၤတၢ်မ့ၢ်တၢ်တီလၢပသးပူၤ ဒီး ဆီၣ်လီၤသးလၢတၢ်ခဲလၢာ်လၢအကြၢးအဘၣ်အပူၤ.

အါဒၣ်တၢ်တက့ၢ်ပသးန့ၣ် အၢဒီးစၢဃာ်ပှၤတၢ်ကမၣ်န့ၢ်

အဃိသတးဒီး သရၣ်တ၈ၤတဲ၀ဲ ပှၤမ့ၢ်မၤကမၣ်နၤန့ၣ်- ပျၢ်အတၢ်ကမၣ်တဘျီဃီ, ဘါထုကဖၣ်န့ၢ်တၢ်လၢအဂီၢ်, ဒီးဆဲးပျၢ်ဒံးအတၢ်ကမၣ်

၂. ပၢၤဃာ်ပပျ့ၤ

ယၤကိာ် ၃း၈-၉, ပပျ့ၤန့ၣ်အိၣ်ဒီးအစုၢ်အပျၢ် လၢအမၤသံတၢ် တကးဒ်ဘၣ် ပဆိၣ်ဂ့ၤတၢ်သ့ဒီးပဆိၣ်အၢတၢ်သ့လီၤ

ပတဘၣ်ပၢၤဃာ်ပပျ့ၤလၢပကတဲတၢ်မ့ၢ်တၢ်တီဘၣ်

ပကဘၣ်ပၢၤဃာ်ပျ့ၤလၢတၢ်တဲလီၤဃံၤပှၤဂၤ

ပပျ့ၤန့ၣ်လီၤဂာ်ဒ်စံၢ်ညီၣ်ကွီၢ်တဂၤလီၤ. အဃိသသတာ်ဒီးပၢၤဃာ်နပျ့ၤ

၃. အီၣ်ကစၢ်ယွၤအကလုၢ်ကထါ

ပှလၢအီၣ်ကစၢ်ယွၤကလုၢ်ကထါကအိၣ်အါ ဘၣ်ဆၣ်တဒုးကဲထီၣ်၀ဲလၢတၢ်ဂံၢ်တၢ်ဘါဘၣ်. အီၣ်ကစၢ်ယွၤကလုၢ်ကထါ၀ံၤတသူ၀ဲလၢအတၢ်အိၣ်မူဘၣ်.

ပှၤသ့ၣ်တဖၣ်အံၤ ဖဲတၢ်ကတိၤ တိၤအၢသီ ဟဲဘၣ်အီၤတဘျီလၢ်လၢ် တပၢၤအသးလၢၤဘၣ် တပၢၤအပျ့ၤလၢၤဘၣ် တကးဒံးဘၣ်အမဲာ်ညါ စၢဂၤပှၤဂၤအတၢ်ကမၣ်လီၤ.

အဃိဒီပုၢ်၀ဲၢ်သ့ၣ်ဧၢ

စီၤဒၤ၀ံးကိၤထီၣ်ယွၤန့ၣ်ခီဖျိလၢ, တၢ်မ့ၢ်တၢ်တီသ့ၣ်တဖၣ်သံကွံာ်လၢယွၤအပှၤဂီၢ်မုၢ်အကျါ, ခီဖျိလုၢ်လၢ်အသီလၢအမ့ၢ်တၢ်လံၣ်တၢ်လီသ့ၣ်တဖၣ်အိၣ်လၢအကျါ, ဒီးသ့ၣ်ညါ၀ဲဒၣ်လၢယွၤမၤစၢၤအီၤသ့လီၤ.

နၤဒီးယၤစ့ၢ်ကီးပကကိးထီၣ်ကစၢ်ယွၤဖဲ တၢ်အၢတၢ်သီ ဒီးတၢ်ဆီၣ်သနံးသ့ၣ်တဖၣ်ဘၣ်ပှၤ လီၤ. ဘၣ်ဆၣ် ပ မ့ၢ်တပၢၤပသး, ပမ့ၢ်တပၢၤပပျ့ၤ, ဒီးပမ့ၢ်တအီၣ်ကစၢ်ယွၤကလုၢ်အထါန့ၣ် ပတၢ်ထုကဖၣ် ပတၢ်ကိးသတြူ တမ့ၢ်လၢအတုၤထီၣ်ဘးဘၣ်