ကုၢ်ဒီးအကစၢ် မူဒါ(Ephesians 6:5-9)

A Good Slave, obey your master sincerly and serve him deligtnly . A Good Master, treat your slave justly so your Master in heaven won’t judge you.

တၢ်လၢကုၢ်န့ၣ် မတဂၤမးတဘၣ်သးကဲဘၣ်. တၢ်သး၀ံၣ်တဖျၢၣ်စံး ၀ဲဒၣ် ယမ့ၢ်သံန့ၣ် ဂ့ၤန့ၢ် ဒံး ယကဲကုၢ်တက့ၢ်လီၤ. ပမ့ၢ်ဘၣ်ကွၢ်လၢ America တၢ်စံၣ်စိၤတဲစိၤအပူၤ စ့ၢ်ကီး ပှၤသူဖံးဖိသ့ၣ် တဖၣ်ကဲကုၢ်, ပမ့ၢ်ကွၢ်၀ဲဒၣ် ပှၤ ဂီၤဖံးဖိသ့ၣ် တဖၣ်စ့ၢ် ကီး ဖဲ ၀ဲသ့ၣ် ဒုးနၢၤလိာ်သး စ့ၢ်ကီး ပှၤလၢအ ဃၣ်သ့ၣ်တဖၣ်ဘၣ် ကဲကုၢ်. လၢလံာ်စီဆုံ အပူၤစ့ၢ်ကီး, ပှၤ အံၣ်စရ့လးသ့ၣ် တဖၣ်ဘၣ်ကဲကုၢ်. ပမ့ၢ်ကွၢ်လၢ ဖုကိၤသၤဖၠူၤ အတၢ်စံၣ်စိၤတဲစိၤအပူၤစ့ၢ်ကီး အ၀ဲဘၣ်ကဲကုၢ်. ပမ့ၢ်ကွၢ်ဖဲအံၤစ့ၢ်ကီး စီၤပီလူး တဲဘၣ် ဃးလၢကုၢ် အမူအဒါ, တကးဒ်ဘၣ် တဲဘၣ်ဃး စ့ၢ်ကီး ဒီး ကုၢ်ကစၢ် အမူအဒါ. မ့ၢ်စီၤပီလူး တူၢ်လိာ်ကုၢ်ဧါ? မ့ၢ်ကစၢ်ယွၤအဲၣ်ဒိၣ် ဆံးတၢ်ဟီဧါ? ဘၣ်မနုၤအဃိပှၤတနီၤဘၣ်ကဲကုၢ် ဒီးပှၤတနီၤဘၣ်ကဲ တၢ် အကစၢ်လဲၣ်? ဘၣ်သ့ၣ်သ့ၣ် တၢ်ဆိကမိၣ်ကထီၣ်ဖျဲးလၢပပူၤ. ဒ်သိးပကနၢ်ပၢၢ် စီၤပီလူး အတၢ်ကွဲၤ န့ၣ် ပကမၤလိသကိးကုၢ်ဒီးအကစၢ်အမူအဒါ.

၁. ကုၢ် (တၢ်အပျဲၢ်အဘီၣ်), မၤလၢပှဲၤနမူဒါ

ပမ့ၢ်ဘၣ်ကွၢ်ဖဲအံၤန့ၣ် တချုးလၢ စီၤပီလူး ယၢၤထီၣ် ဒံးကုၢ်အမူအဒါဒံးဘၣ် န့ၣ်, အ၀ဲတဲဘၣ်ဃးမါဒီး ၀ၤအမူဒါ ( ၅း၂၂-၃၂)

၂၂. ပိာ်မုၣ်သ့ၣ်ဧၢ, ပာ်လီၤသုသးလၢသု၀ၤအဖီလာ်, ဒ်လၢကစၢ်န့ၣ်အသိးတက့ၢ်.

၂၄. တၢ်အိၣ်ဖှိၣ်အိၣ်လၢခရံာ်အဖီလာ်

၂၅. ပိာ်ခွါအဲၣ်သုမါ ဒ်ခရံာ်အဲၣ်တၢ်အိၣ်ဖှိၣ်

၆း၁, ဖိသ့ၣ်ဧၢ, စူၢ်သုမိၢ်သုပၢ်လၢကစၢ်အပူၤတက့ၢ်

၆း၄, ပၢ်သ့ၣ်ဧၢမၤဒိၣ်ထီၣ်သုဖိအသးတဂ့ၤ, လုၢ်အီၣ်လုၢ်အီအီၤလၢကစၢ်ယွၤကလုၢ်ကထါ

၆း၅, ကုၢ်သ့ၣ်ဧၢ, စူၢ်သုကစၢ်ဘၣ်ဃးဒီးဖံးဒီးညၣ်အံၤ,လၢတၢ်ပျံၤဒီးတၢ်ကနိး, ဒ်လၢခရံာ်အသိးန့ၣ်တက့ၢ်.

ဘၣ်မနုၤအဃိ စီၤပီလူးဘၣ် ကတိၤဘၣ်ဃးကုၢ်အဂ့ၢ်ဖဲအံၤလဲၣ်?

လၢ Greco- Roman Culture, အါဒၣ်တၢ်တက့ၢ် ကုၢ်န့ၣ်ဘၣ်တၢ်ပာ်အီၤဒ်အမ့ၢ် ဟံၣ်ဖိဃီဖိအသိးလီၤ.

လၢအနံၣ် တၢ ကယၤ အကတီၢ်န့ၣ်, ပှၤကဲကုၢ်န့ၣ် တမ့ၢ်ဒၣ်ထဲလၢ ပှၤသူဖိဘၣ်, တမ့ၢ်ထဲလၢပှၤ၀ါဖိဘၣ်, ပှၤကိးဂၤ ဒဲးကဲကုၢ်သ့လီၤ. ဒီးပှၤလၢကဲကုၢ်စ့ၢ် ကီး က့ၤကဲက့ၤပှၤ သဘျ့သ့.

အါဒၣ်တၢ်တက့ၢ် ပှၤကဲကုၢ်န့ၣ် ဟဲခီဖျိသးသ့လၢ---

၁. ပှၤလၢအဒုးတၢ်ဒီးရှူ

၂. အိၣ်ဖျဲၣ်ထီၣ်လၢကုၢ်ဟံၣ်ဖိဃီဖိ

၃. ပှၤလၢအမိၢ်မ့ၢ် ကဲကုၢ် ဒီး အပၢ် မ့မ့ၢ် ဘၣ်ဖုးပှၤလၢတကဲကုၢ် ဘၣ် ဆၣ် ပှၤတဂၤန့ၣ် ကဲကုၢ်လီၤ

၄. ပှၤ လၢအမိၢ်ပၢ် တသးလီၤ ဒီးတၢၤ အီၤသ့ၣ် တဖၣ် ကဲကုၢ်, တ ဘျီဘျီ မိၢ်ပၢ်လၢကျိၣ်စ့တအိၣ်ဘၣ်သ့ၣ်တဖၣ် ဘၣ် တၢ်ဆါလီၤ ကွံာ် အီၤ

၅. ပှၤလၢက့ၤ ဟ့ၣ် က့ၤ အကမၣ် သ့ၣ် တဖၣ် တန့ၢ်, ပှၤ လၢမၤ ကမၣ် တၢ်သိၣ် တၢ်သီသ့ၣ် တဖၣ် စ့ၢ် ကီၤ ကဲထီၣ် ဘၣ် ကုၢ်သ့. တဘျီဘျီ ပှၤ တနီၤနီၤ ဆါလီၤကွံာ် အသး ဒ်သိး အကကဲဘၣ်ကုၢ် ဒီး ကမၤဂ့ၤ ထီၣ်က့ၤ အတၢ်အိၣ်မူ ဖဲ အ န့ၢ် က့ၤ တၢ်သဘျ့,

ကုၢ်လၢစီၤ ပီလူး စံး ကတိၤ အဖဲအံၤ န့ၣ် မ့ၢ် ကုၢ်လၢ ဘၣ် တၢ်ပှ့ၤ အီၤသ့ၣ် တဖၣ် လီၤ. (bond servants or slave). တၢ် တယး၀ဲလၢ 60, 000, 000 ကုၢ်သ့ၣ် တဖၣ်န့ၣ် အိၣ် ၀ဲလၢ Rome Empire. —u ကုၢ်သ့ၣ် တဖၣ် အံၤ တနီၤ နီၤ မ့ၢ် သရၣ်, ကသံၣ်သရၣ်

ပှၤသ့ၣ် တဖၣ်အံၤ ဒ်သိးအလုၢ် အပှ့ၤ ကဒိၣ် ထီၣ် စ့ၢ်ကီး အ ကစၢ်သ့ၣ် တဖၣ် ဆှၢ အ ၀ဲ သ့ၣ် လၢကၠိ

ပှၤတဖၣ်အံၤ ခီဖျိတၢ်ပှ့ၤ အ၀ဲသ့ၣ် အဃိ တၢ်သဘျ့လၢ အဂီၢ်တအိၣ် ဘၣ်.

ပှၤခရံာ်ဖိအကျါစ့ၢ် ကီး အကဲကုၢ် ဒ်သိး အံၤ အိၣ် ဒီး တ နီၤနီၤ အကုၢ်ကအိၣ် အါဒ်အါဂၤလီၤ.

ဒ်ပှၤခရံာ်ဖိသ့ၣ် တဖၣ် တနီၤ နီၤ, ကဲကုၢ် တကးဒ်ဘၣ် အ ကဲစ့ၢ်ကီး ဟံၣ် ဖိဃီဖိအ သိး န့ၣ်, စီၤပီလူးမၤလိာ် သအ၀ဲသ့ၣ် လၢ ကကဒိကနၣ် အကစၢ်ကလုၢ် လၢ တၢ်ပျံၤ ဒီးတၢ်ကနိး, လၢသးဒီဖျၢၣ်ညါ, ဒ် အမၤ၀ဲ လၢကစၢ်ယ့ၣ် ရူးခရံာ် အသိးလီၤ.

တၢ်ဒိကနၣ်, တၢ်ပျံၤယွၤတၢ်ကနိးကစုဘၣ် ဒီး သးတဖျၢၣ် န့ၣ် လံာ်စီဆှံကတိၤအီၤ အါမးလီၤ.

ဘၣ်မနုၤအဃိတၢ်ဒိကနၣ်ဟဲဆိလဲၣ်?

နီၢ်အံၣ်အုစီၤအၤဒၤတဒိ ကနၣ် ကစၢ်ယွၤ ဘၣ် ခီဖျိ, အတပျံၤယွၤဒီးတၢ်က​နိး ကစုဘၣ်...

(တၢ်ပျံၤဒီးတၢ်ကနိးကစုအခီပညီမ့ၢ် တၢ်ယူးယီၣ်ပာ်ကဲ ဒီးတၢ်သူၣ်တီသးရၤ)

တကးဒ်ဘၣ်အ၀ဲသ့ၣ်တဖၣ်န့ၣ် အသးတဘၣ်အိၣ်ခံဖျၢၣ်ဘၣ်… ပှၤလၢအသး အိၣ် ခံဖျၢၣ် န့ၣ် မ့ၢ်ကနၣ်တၢ် တခါ န့ၣ် အဘၣ် သးမၤ တၢ်အဂၤတခါလီၤ.

ပှၤလၢအသးအိၣ် ခံဖျၢၣ်န့ၣ် မၤတၢ်တတုၤ ထီၣ်ဘးဘၣ် ကအိၣ်၀ဲဒၣ် လီၤ. တဘျီဘျီ ခီဖျိလၢ အသး အိၣ်ခံဖျၢၣ် အဃိ မၤတၢ်တ ကဲထီၣ်လိၣ်ထီၣ် ၀ဲဒၣ်သ့စ့ၢ် ကီး လီၤ.

ဘၣ် ဆၣ် ကုၢ်သ့ၣ် တဖၣ် ဖဲအံၣ် န့ၣ် ဒ်အမ့ၢ် ပှၤလၢအဘၣ်ဃးဒီး ခရံာ်လီၤစိၤ, ဒီး ဟီၣ် ခိၣ် အ ကစၢ် တစိၢ်တလီၢ် အသိး, အ၀ဲသ့ၣ် တဖၣ် ဘၣ် ဒိ ကနၣ် ဒီး မၤ တၢ်လၢ သး တဖျၢၣ် ဃီ ဒ်သိး အမၤ၀ဲလၢ ကစၢ်ခရံာ် အိၣ် အသိးန့ၣ် လီၤ.

တၢ် တခါ လၢ ကုၢ် တဘၣ် မၤ ဘၣ် န့ၣ် မ့ၢ်

၁. တဘၣ် မၤ တၢ် ထဲလၢပှၤ ကွၢ်အီၤ အ ဆၢ ကတီၢ် ဘၣ် (ဒ်ပှၤဟီၣ်ခိၣ်ဖိတၢ်ဘၣ်သး) ကဘၣ် မၤ တၢ်ဒ် ခရံာ် အကုၢ် ဒီး ဒ် တၢ်ဘၣ် ယွၤ အသး ဒီး တၢ်မၤန့ၣ် ကဘၣ် မ့ၢ်တၢ်ဟဲထီၣ်လၢသးကံၢ်ပူၤလီၤ.

ပှၤလၢအကဲခရံာ်အကုၢ် န့ၣ် အသး အိၣ် တဖျၢၣ် လီၤ. အ ခီပညီန့ၣ်, ဖဲလၢအ အိၣ် လၢဟံၣ် အခါမ့ၢ် ဂ့ၤ, ဖလၢအလဲၤ လၢ တၢ်မၤခါ မ့ၢ် ဂ့ၤ… အတၢ်အိၣ် မူသကဲးပ၀းသ့ၣ် တဖၣ် တဆီတလဲဘၣ်. အမဲာ်သၣ်အိၣ် တဘ့ၣ် လီၤ. အမၤ တၢ်သ့ၣ် တဖၣ် န့ၣ် က ဟဲထီၣ် လၢသူၣ် လၢသးလီၤ.

ပှၤလၢအသးအိၣ် ခံဖျၢၣ်န့ၣ်, လၢ ပှၤမဲာ်ညါမၤ တၢ်ဖျါဃံလၤ, လၢပှၤလီၢ်ခံတမၤတၢ်ဘၣ်

လၢအသကိးအိၣ်တဲတၢ်တမံၤ, လၢပှၤအဂၤ အိၣ်တဲတၢ်အဂၤတမံၤ

တၢ်လံၣ်တၢ်လီဘိးကၢ်ကွံာ် အပျ့ၤ

တကးဒ်ဘၣ် ပှၤလၢကဲခရံာ် အကုၢ် န့ၣ် တလူၤ ဘၣ်ပှၤ ဟီၣ်ခိၣ် ဖိ အသး ဘၣ်.

ပှၤလၢလူၤဘၣ် ပှၤဟီၣ်ခိၣ်ဖိအသးသ့ၣ် တဖၣ် မ့ၢ် ပှၤလၢ အကွၢ်မဲာ်တၢ် လီၤ.

ခရံာ်တၢ်အိၣ် ဖှိၣ် အါဒ်အါဖျၢၣ် ဘၣ် လီၤမုၢ်လီၤ ဖးကွံာ် ဒီး ဘၣ်တၢ်ဒုၣ် ဒွဲၣ် ၀ဲခီ ဖျိ လၢ တၢ်ကွၢ် မဲာ် တၢ်အဃိ လီၤ.

People-pleasers have an inordinate desire to please other people; servants of Christ have an all-consuming passion to please God. People-pleasers are motivated by the fear of man; servants of Christ are inspired by the fear of God. People-pleasers pretend to serve God when they really intend to serve themselves; servants of Christ actually intend to serve God by meeting the needs of other people. People-pleasers are anxious for approval from others and distraught when they don’t get it; servants of Christ simply love others and leave approval or disapproval to the judgment of God.

Todd Wilson

တၢ်အိၣ်ဖှိၣ်လၢ အတၢ်လဲၤ ထီၣ် လဲၤထီတအိၣ် ဘၣ်န့ၣ်, အါ စုအါဘျီအကဲထီၣ်သး ခီဖျိလၢ တၢ်ကွၢ်မဲာ် တၢ်အဃိလီၤ. အ၀ဲသ့ၣ် အလုၢ်အလၢမ့ၢ်တၢ်ဒ်လဲၣ်… ကသ့ၣ် ညါ၀ဲလၢပှၤ တဂၤအံၤ မၤ တၢ် ဒီး တလဲၤ ဒ်ပှၤ ခရံာ် ဖိ အတၢ်လဲၤကျဲ, ကထံၣ် ၀ဲလၢပှၤ တဂၤ အံၤ မၤဘၣ် ဒိ၀ဲခရံာ် အလၤ ကပီၤ, ဘၣ် ဆၣ် တတဲ၀ဲ ဘၣ်, အမဲာ် ညါ အိၣ် ဃူ ၀ဲဒၣ်

ဘၣ်သ့ၣ် သ့ၣ် ခီဖျိလၢ တဘျီခါ ပှၤ တဂၤ အံၤ မၤ စၢၤ ဘၣ် အီၤ, ဘၣ် သ့ၣ်သ့ၣ် ပှၤ တဂၤ အံၤ အ သး ကဘၣ် ဒိ, ဘၣ်သ့ၣ်သ့ၣ် ပှၤ တဂၤ အံၤမုာ် ဒီးအီၤ, ဘၣ် သ့ၣ် သ့ၣ် လၢ တၢ်အိၣ် ဖှိၣ် ဖိ ကစှၤ လီၤ ဒီး တၢ်ဟဲနုာ် ကလီၤစှၤ. အဃိတတဲ၀ဲဘၣ်.

တၢ်အိၣ်ဖှိၣ် တဖုလၢအ မ့ၢ် လဲၤ တၢ်ဒ်သိး အံၤ န့ၣ်, တၢ်အိၣ်ဖှိၣ် အ ၀ဲန့ၣ် တမ့ၢ် ခရံာ် အကုၢ် နီၢ် နီၢ် ဘၣ်. ဒီးတမ့ၢ် စ့ၢ် ကီး တၢ်အိၣ် ဖှိၣ် တဖု လၢ အလဲၤ တၢ်ဒ် တၢ်ဘၣ်ယွၤ သး အသိး ဘၣ်.

ဒ်ကုၢ်သ့ၣ် တဖၣ်န့ၣ် ဘၣ် တၢ်ပှ့ၤ အီၤ လၢကျိၣ် စ့ အသိး, ပ၀ဲနၤ ယၤစ့ၢ် ကီး ဘၣ် တၢ်ပှ့ၤ က့ၤပှၤ လၢ ပ ကစၢ်ယ့ၣ် ရူး ခရံာ် အသွံၣ်. ပှၤ လၢ အမၤသံပနီၢ် ခိ ဒီး ပနီၢ်သးသ့ တဂၤအံၤ ပကဘၣ် မၤ တၢ်ဘၣ် အသး အါန့ၢ်ဒံး ပှၤဟီၣ်ခိၣ်ဖိအသး လီၤ.

ကုၢ်သ့ၣ် တဖၣ်မ့ၢ် ဒိကနၣ် အကစၢ် ကလုၢ်န့ၣ် ကဘၣ် မၤ လၢ တၢ်သးဂ့ၤ အပူၤ ဘၣ် ဆၣ် တမ့ၢ်ဒ်ပှၤကညီ ဂီၢ်အသိးဘၣ်, မ့ၢ် ဒ်လၢ ကစၢ် အဂီၢ် အသိးလီၤ.

တၢ်မၤလၢ ဘၣ်တၢ်မၤအီၤလၢ တၢ်ကဒူး က ဒ့ၣ် ဒီး တၢ်သူၣ် အ့န့ သးအ့ န့ အပူၤ န့ၣ် မ တဂၤ မး က နၣ် တမုာ် ဘၣ်

ကစၢ်ကလုၢ် ကထါစံး၀ဲဒၣ် မၤယွၤ အတၢ်ဒီး တၢ်သး ခု ဟဲဆူ အအိၣ် ဒီး တၢ်သး ၀ံၣ်.

ပှၤလၢအကဲကုၢ် မ့ၢ် ဂ့ၤ ဒီးသဘျ့မ့ၢ် ဂ့ၤ န့ၣ် ဒ် အမၤ တၢ်အသိး န့ၣ် ကဒိးန့ၢ် ဘၣ် က့ၤ တၢ်အဘူး အလဲလီၤ.

Revelation 20:12–13 CSB

I also saw the dead, the great and the small, standing before the throne, and books were opened. Another book was opened, which is the book of life, and the dead were judged according to their works by what was written in the books. Then the sea gave up the dead that were in it, and death and Hades gave up the dead that were in them; each one was judged according to their works.

2 Corinthians 5:10 CSB

For we must all appear before the judgment seat of Christ, so that each may be repaid for what he has done in the body, whether good or evil.

Romans 8:1 CSB

Therefore, there is now no condemnation for those in Christ Jesus,

အဃိသတာ်ဒီး တၢ်မၤ တၢ်လၢ တၢ်သူၣ် ဂ့ၤ တၢ်သး ၀ါ, တၢ် တီ တီ လိၤ လိၤလၢ ယွၤ အဂီၢ် လၢ ဟီၣ် ခိၣ် တဘ့ၣ် အံၤ အချၢ န့ၣ် မ့ၢ် တၢ်လၢ အရ့ ဒိၣ် မး လီၤ. ဘၣ် မနုၤ အဃိ လဲၣ် န့ၣ်. ဒ် နမၤ တၢ် အသိး န့ၣ် တၢ် ကဟ့ၣ် လၤ ဟ့ၣ် ကပီၤ နၤ လီၤ.

တၢ်ဟ့ၣ် အ၀ဲအံၤ ကမ့ၢ် ဒၣ် ခိၣ် သလုး ထူ မ့ တမ့ၢ် လၢၢ် ရာ် လီၤ.

ပှၤ လၢ အကလဲၤ နုာ် ဆူ မူ ခိၣ် ဘီမုၢ် န့ၣ် တမ့ၢ် တၢ်အိၣ် ဖှိၣ် သရၣ် ဘၣ်, တၢ်အိၣ် ဖှိၣ် သဲၣ် ထီး ဘၣ်, လံာ် စီဆှံ ကၠိ ဖိဘၣ်, လံာ် စီဆှံ သရၣ် ဘၣ်, ပှၤ ကူၣ် သ့ တ မ့ၢ် ဘၣ်

ပှၤလၢ အမၤကစၢ်ယွၤတၢ်မၤ သ့စ့ၢ် ကီး တမ့ၢ် ထဲလၢ တၢ်အိၣ် ဖှိၣ် သရၣ် ဘၣ်, တမ့ၢ် ထဲလၢ သဲၣ် ထီး ဘၣ်, တ မ့ၢ် ထဲလၢ ပှၤဖျိကၠိ ဖျိတီၤဘၣ်, တမ့ၢ် ထဲလၢ ပှၤ ထီၣ် လံာ် စီ ဆှံကၠိဘၣ်, တမ့ၢ် စ့ၢ် ကီး ထဲလၢ ပှၤကဲဒိၣ် ဘၣ်, တမ့ၢ် စ့ၢ် ကီး ထဲလၢပှၤဖှီၣ်ဘၣ်,

ပှၤလၢကဲခရံာ် အကုၢ်သ့ၣ် တဖၣ် ဘၣ် မၤယွၤတၢ်လီၤ.

ဘၣ်မနုၤအဃိလဲၣ် န့ၣ် ပှၤလၢအလဲၤထီၣ်လၢမူခိၣ်ဘီမုၢ်သ့န့ၣ်

အမ့ၢ် ဒၣ် ထဲလၢ ကုၢ် လၢ အဂ့ၤ ဒီး အကလုၢ် တီ လီၤ. မး သဲ ၂၅း ၂၃, ကုၢ် လၢ အကလုၢ်တီ ဒီး အ ဂ့ၤ တဂၤ န့ၣ် လဲၤ နုာ် ဘၣ် ဆူ အ ကစၢ် အတၢ်သးခု ပူၤ လီၤ.

ပ၀ဲ ပကဲကစၢ်ယ့ၣ် ရူး ခရံာ် အကုၢ် ကိး ဂၤ ဒဲး လီၤ. ပ မ့ၢ် တတီ ဒီး ကစၢ်လၢ ဟီၣ် ခိၣ် သ့ၣ် တဖၣ် ဒီးမၤလၢပှဲၤ ပမူ ဒါ ဒ်လၢ ခရံာ် ပူၤ အသိး ဘၣ် ဒီး ပ က ကဲ ကုၢ်လၢ အကလုၢ် တီ ဒ် အဘၣ် ကစၢ် အတၢ် ဘၣ် သး သ့ၣ် တဖၣ် န့ၣ် လ့ၤ တက့ၤ ပကဲတသ့ဘၣ်.

၂. ကုၢ်ကစၢ် (တၢ်ခိၣ်တၢ်နၢ်)မၤလၢပှဲၤနမူဒါ

လၢအခီၣ် ထံး ခါ ပသံကွၢ်, မ့ၢ် စီၤ ပီ လူး တူၢ် လိာ် ကုၢ် ဧါ. ဖဲ အံၤ ပထံၣ် ၀ဲ ဒၣ် ဆှံ ဆှံ လီၤ. အတူၢ်လိာ် ၀ဲဘၣ်.

၉. ဒီး ကစၢ်သ့ၣ် ဧၢ, မၤ အ၀ဲသ့ၣ် တဖၣ် ဒ်န့ၣ် အသိး, ဒီး ကတိၤ ပျံၤ တၢ်တဂ့ၤ. အဂ့ၢ် ဒ်အံၤ, သု သ့ၣ် ညါလၢသု က စၢ်ဒီး အ၀ဲသ့ၣ် အကစၢ်, အိၣ် စ့ၢ် ကီး လၢမူခိၣ်, ဒီး တကွၢ်မဲာ် ဘၣ် ပှၤကညီဘၣ်.

ကုၢ် သ့ၣ် တဖၣ် လၢ စိၤ ကတီၢ် ဖဲန့ၣ် အ၀ဲၣ် သ့ၣ် ဘၣ် တၢ် မၤ တရီ တပါ အီၤ. ဒီးအတၢ် ခွဲး တၢ်ယာ်တအိၣ် ဘၣ်

ဘၣ်ဆၣ်စီၤပီလူး အတၢ်ကွဲးဖဲ အံၤန့ၣ် လီၤဆီ

အတဲ၀ဲ ကစၢ်သ့ၣ်ဧၢ, မၤအ၀ဲသ့ၣ် တဖၣ်ဒ်န့ၣ် အသိး- မၤဒ်န့ၣ် အသိး အခီပညီန့ၣ် ဒ်နကုၢ် ယူး ယီၣ်ပာ်ကဲနၤအသိးန့ၣ် ယူးယိၣ် ပာ်ကဲအီၤ, ဒ်နအဲၣ် ယွၤ အသိး န့ၣ် နဘၣ် အဲၣ် ပှၤဂၤ ဒ်နအဲၣ် လိာ် နသးလီၤ

မၤတရီတပါအ၀ဲသ့ၣ် တဂ့ၤ

ကတိၤပျံၤ ကတိၤဖုး အ၀ဲသ့ၣ် တဂ့ၤ

ကုၢ်ဒီးအကစၢ်သ့ၣ် တဖၣ် တၢ် ဘၣ်ထွဲမ့ၢ် အိၣ် ဒ်အံၤ သၢ ပျၢၤ န့ၣ်

ကုၢ်သ့ၣ် တဖၣ် တမ့ၢ် ကတူၢ်ဘၣ်လၢအကဲကုၢ်ဘၣ်

ဘၣ်မနုၤ အဃိလဲၣ် ပမ့ၢ် ကွၢ်လၢ စိၤ ဆၢ ကတီၢ် ခဲအံၤ န့ၣ် ကုၢ် တ ဒ်သိးလၢညါလၢၤ ဘၣ် (Modern Day Slavery)

ကုၢ်ခဲအံၤသ့ၣ် တဖၣ် တၢ်ခွဲး တၢ်ယာ်အိၣ်လၢလၢပှဲၤ ပှဲၤလၢ အ ကဃုကျဲ မ့ၢ် အကကဲကုၢ် ဧါ အကကဲကုၢ် ကစၢ် ဧါ

နမ့ၢ် ဘၣ် သး ကဲကုၢ် ကစၢ် နစးထီၣ် န company သ့

နမ့ၢ် တဘၣ်သးကဲကုၢ် ကစၢ်ဘၣ် ဟီဒု နမၤ တၢ် ဒ်ပှၤ မၤ တၢ် ဖိ တဂၤ သ့ လီၤ

ဘၣ် ဆၣ်သနာ်က့, တၢ်မၤခိၣ် သ့ၣ် တဖၣ် န့ၣ် ဟ့ၣ်၀ဲဒၣ် ပှၤ မၤ တၢ်ဖိသ့ၣ် တဖၣ် အခွဲး ဒီး ယူး ယီၣ် ပာ်ကဲ ၀ဲ ဒၣ် အတၢ်မၤ ဖိ ဒ်ပှၤ ကညီ တဂၤ အသိး

တကးဒ်ဘၣ် ဟ့ၣ် တၢ်မၤဖိသ့ၣ် တဖၣ် အပှ့ၤ ဒ် အကြၢး အဘၣ် အသိးလီၤ

ခီဖျိလၢတၢ်အံၤ အဃိ ပှၤအါဒ်အါဂၤ တတူၢ် ဘၣ် လၢအကဲကုၢ် ဘၣ်

ဒီးဖဲဖဲအ့ၣ် စ့ၢ် ကီး ကုၢ်ကစၢ် မ့ၢ် အဲၣ် ကွၢ်ထွဲအကုၢ် ဒ် စီၤ ပီလူး တဲ၀ဲ အသိး ဒီး ကုၢ်သ့ၣ် တဖၣ် တပလၢၢ် လၢ အကဲကုၢ်ဘၣ်

တကးဒ်ဘၣ် အမဲာ်ညါ တဲအါထၣ်၀ဲလၢကုၢ် ဒီးအကစၢ်သ့ၣ် တဖၣ် အကစၢ်န့ၣ် အိၣ် လၢမူခိၣ်.

အမ့ၢ်စ့ၢ်ကီးကစၢ်လၢအတကွၢ်မဲာ် တၢ်ဘၣ်

ဒ်ကစၢ်လၢမူခိၣ် တဂၤအံၤ တကွၢ်မဲာ်တၢ် အသိးဘၣ် န့ၣ်

ကုၢ် ဒီးကုၢ် ကစၢ်သ့ၣ် တဖၣ် စ့ၢ်ကီး တဘၣ် ကွၢ်မဲာ်တၢ်ဘၣ်

ဒ်ပသံကွၢ်လၢထးအသိးမ့ၢ်ကစၢ်ယွၤအဲၣ်ဒိၣ်ဆံးတၢ်ဧါ?

အတအဲၣ်ဒိၣ်ဆံးတၢ်ကွၢ်မဲာ်တၢ်ဘၣ်

What we must never forget is that God has shown favor to us precisely because he does not show favoritism. That is the only way you and I ever became Christians. If God had shown favoritism, we would not have been saved.

James Montgomery Boice

အဃိသတာ်ဒီးဒ်နကဲတၢ်ခိၣ် တနၢ် ဒီးဒ် နမ့ၢ် ကဲဘၣ်ဖုး တၢ်အကစၢ် တခါ ခါ ဒီး သ့ၣ် ညါနဲဒၣ် ကစၢ် အိၣ်လၢမူခိၣ် အိၣ်တဂၤ ကွၢ်လီၤနၤလီၤ.

မၤလၢပှဲၤနမူ ဒါ

ဒ်နကမ့ၢ်ပှၤလၢအမၤလၢပှဲၤ တၢ်ကနၢ့် ကသ့အဂီၢ် န့ၣ်

၁. သ့ၣ်ညါနမူ ဒါ

ဒ်နမ့ၢ် ခရံာ် အကုၢ် အသိး မ့ၢ် အသ့ၣ် ညါနမူဒါထဲလဲၣ် လံလဲၣ်? ဒ်ယကဲပှၤ ခရံာ်ဖိ တဂၤ အသိးန့ၣ် မ့ၢ် ယမူ ဒါအိၣ် ထဲလၢ ယဘၣ်ဟဲဘါ တၢ်လၢမုၢ် အိၣ် ဘှံး န နံၤ လီၤဧါ? ဒ်ယမ့ၢ် ပှၤခရံာ် ဖိ တဂၤ အသိး မ့ၢ် ယမူဒါ အိၣ် ထဲ ယဘၣ်အိၣ် ဂ့ၤလီၤ သး ထဲလၢ မုၢ် အိၣ် ဘှံး နံၤ လီၤ ဧါ? နမူဒါဒ် အမ့ၢ် ခရံာ် ဖိတဂၤမၤလၢပှဲၤ နဲ, နမူ ဒါလၢအိၣ် လၢတၢ်အိၣ် ဖှိၣ် အပူၤ မၤ လၢပှဲၤနဲ, နမူဒါလၢတၢ်မၤ ပူၤမၤလၢပှဲၤနဲ, နမူဒါဒ်ပှၤကၠိဖိ တဂၤအသိး မၤလၢပှဲၤနဲ

တၢ်ခဲလၢာ်လၢနမၤအီၤသ့ၣ် တဖၣ် နမ့ၢ်မၤအီၤလၢခရံာ် အ​ဂီၢ် လၢာ်သူၣ်လၢာ်သးန့ၣ် ခရံာ် အလၤကပီၤ ကအိၣ်ဖျါထီၣ် ဒီးနကဒိးန့ၢ် ဘၣ် တၢ်လၢအကြၢးဒီးနၤလီၤ.

၂. ဒိကနၣ်ကစၢ်ယွၤအကလုၢ် ဒီးမၤထွဲ

တၢ်သ့ၣ်ညါန့ၣ် ဟဲခီဖျိသးလၢတၢ် ဒိကနၣ် လီၤ. ဖဲနဖး ကစၢ်ယွၤ အကလုၢ် ကထါန့ၣ်, အလီၤဂာ်ဒ်သိး ကစၢ်ယွၤကတိၤတၢ်ဒီးနၤလီၤ.

ပသံကွၢ်လိာ်ကွသကိးပသး

ဒီတနံၣ် အတီၢ်ပူၤ ပနၢ်ဟူဘၣ် တၢ်ကစီၣ် အါမး

လၢသရိာမ့ၢ် ဂ့ၤ, လၢဟံၣ် လၢဃီမ့ၢ် ဂ့ၤ. ဒီး ဘၣ် သ့ၣ်သ့ၣ် ကိးနွံ ဒဲး ပကနၣ်ဘၣ် ကစၢ် ယွၤကလုၢ် ကထါ လီၤ

ဘၣ် ဆၣ်ကစၢ်ယွၤကလုၢ် ကထါလၢ ပကနၣ်အီၤ ဒီး ဖး အီၤသ့ၣ် တဖၣ်

မ့ၢ် ပအိၣ်မူထွဲဒီးမၤ ထွဲဆံးအါလဲၣ်?

တနံၣ် ဒီးတနံၣ် ဖဲလၢ ပဖးဒီး ဒိကနၣ် ကစၢ်ယွၤကလုၢ် ကထါ န့ၣ် တၢ်ဆီတလဲ လၢပတၢ်အိၣ် မူ ပူၤ ကဘၣ် အိၣ် လီၤ.

ပတၢ်အိၣ် မူ မ့ၢ်တဆီတလဲဘၣ် သၢ ပျၢၤ အဖျါ လီၤ ဂာ် ဒ် ပဟဲထီၣ် လၢသရိာ်စိာ် မိၤ ခီ ဖျိလၢလုၢ်လၢ် အဃိလီၤ.

အဃိန့ၣ် ဒီပုၢ်၀ဲၢ်သ့ၣ် ဧၢ

ဒ်ပကဲတၢ်အပျဲၢ် အဘီၣ်, ကုၢ် ဒီး ခရံာ် အကုၢ်

ဒ်ပမ့ၢ်တၢ် အခိၣ် အနၢ်, ကစၢ် ဒီး ခရံာ် အကုၢ် အသိး န့ၣ်

မ်ပကမၤလၢ ပှဲၤ ပမူဒါ