Pfingsten

Der Heiliger Geist

Wär vo eu hed sich schomal gwünst das Jesus als Mensch hüt da chännt sie, mier ihm däftend frage gseh und erläbe wiener Wunder tuet und üs Lehrt wieners mit de Jünger gmacht hed? Villicht kennsch au de Gedanke dass du gärn mit einem vo de Jünger tuscht hättsch vilicht au mit einere vo dene Persone wo empfänger worde sind bi de Wunder vo Jesus, De Bartimäus wo ufzmal gseht, d Maria Magdalena wo vo Dämone befreit wird, de Lazarus wo vo de Tote uferstaht?

Was weni dier säge dases für die aber besser isch so wies isch?

Vor sinem Verrat seit Jesus sine Jünger nemmli gnau das

Johannes 16,7 NLB

Ich sage euch aber die Wahrheit: Es ist das Beste für euch, dass ich fortgehe, denn wenn ich nicht gehe, wird der Ratgeber nicht kommen. Wenn ich jedoch fortgehe, wird er kommen, denn ich werde ihn zu euch senden.

Und Jesus wird no krasser i sine ussage… wenn du dier wünschisch das miterläbt z ha wo Jesus macht denn seit är

Johannes 14,12 NLB

Ich versichere euch: Wer an mich glaubt, wird dieselben Dinge tun, die ich getan habe, ja noch größere, denn ich gehe, um beim Vater zu sein.

Also nid nur miterläbe und zueluege wies passiert sondern grössers sälber mache!

Villicht luegsch jetz dis Läbe ah und dini umgäbig und weisch gad nid wie das stimme chönnt? Und nai wenn Jesus das seit denn tüster sich nid! Und nai wenn Jesus das seit denn meinter au nid nur d Jünger sondern jede wo ihn ahgnoh hed!

Und wenn du jetz seisch ja aber dämmfall hani bestimmt de Heilig Geist au nid aber du hesch Gott i dinem Läbe schomal drumm bittet daser dier de Heilig Geist schänkt oder öpper hed für oder mid dier defür Bättet denn stimmt au die Zuesag nid!

Well lueg im Lukas 11,13 läsemer das Verspräche

Lukas 11,13 NLB

Wenn aber selbst ihr sündigen Menschen wisst, wie ihr euren Kindern Gutes tun könnt, wie viel eher wird euer Vater im Himmel denen, die ihn bitten, den Heiligen Geist schenken.«

Im 1. Korinther 6,19 läsemer das de Heilig Geist üs vo Gott gäh isch und är in üs dine Läbt. Und da isch nid d red vonere Billigkopie vo Themu oder Aliexpress, es isch kei billiggi masseproduzierti kopie sondern de ächti einzigi und wahrhaftigi Heiligi Geist wo in sinere Allmacht in sinere Autorität und Wiesheit nid hinter Jesus zrugg staht. Es isch dä ächti Teil Gottes Drüeinigkeit wo in dier dihai isch mid de gnau glieche Kraft usgstattet wie Jesus de Tod überwinde hed. Und es gid kei Macht und kei Gwalt wo Gottes säge wo dur de Heiligi Geist in dis Läbe cho isch chönnt wäggneh, weder us diner Ehe no us dinere Familie no us dinem Umfäld no diner Arbeit!

Wie laht sich denn jetz aber erkläre dass es besser für üs isch das Jesus gange und de Hilig Geist koh isch und wie chömmer das iordne wenn Jesus seit ier wärdend grössers tue als was i gmacht han!

De unterschied zwüsche Jesus und em Hilige Geist isch, dass de Heiligi Geist nid an ein irdische Körper bunde und drumm geografisch unabhängig isch! I bin mier sicher das du schomal vo grosse Wunder kört hesch wo hüt mensche erläbend, vo Heilig vo lahme über Dämone wo ustreibe wärdend und sogar Toti wo wieder lebändig wärdend. Und das wo du mitkreigsch isch nur en winzige Bruchteil was Gott dur sini Gmeind i dere Wält macht! S händ sich dur di Geografisch unabhängigkeit möglichekte ergäh wo mehrerne Mensche ermöglichend zur gslieche Ziet an verschiedene Orte begägnig mit Gott z ha und über sini Wunder z stune! Teil z ha ar Manifestation vo sinem Riech! Drumm isches besser und drumm isches grösser!

Lueg was Jesus gmacht hed isch z Himmelriech mid dere Wält kollidiere z lah! Kranki wärden da gheilt als vorgschmak uf das wies im Himmel wird sie, tod wird überwunde als iblick in das wis Rich Gottes funktioniert, und Dämone wärden vertreibe als vorgschmak uf das was üs bevorstaht wemer uf en Ehwigkeit mit Gott füre Luegen! De Sohn Gottes baut z Reich vom Vater uf dere Wält und jedes vo sine Kind isch dezue beruefe s ihm glich z mache! Wenn du Gott i dinem Läbe ufgnoh hesch hed är dier Idendität als sis Kind und als Erbe vo sinem Reich gäh! Nid nur als öppis wo du mal däff in fülli erläbe sondern öppis wo im und jetz abroche isch und stückli drus sichtbahr wärdend!

Als Jesusnachvolger isch dini Beruefig die in Dienst am Reich vo Gott z stelle zur Verehrig Gottes und zur Unterordnig unter sini Herrlichkeit. Damit du das Läbe wo Gott für die im Sinn hed nemmli eins in Fülli und Freiheit däfsch erläbe!

Villicht passt unterodrnig und freiheit gür die nid zäme aber dur dasi d Herrschaft über mis läbe in Gottes Händ legge hani en Herr wo sini Macht nid missbrucht sondern für mis wohl isetzt… Wenn du also z beste für die Suechsch denn chasch du das us dinem Blickwinkel im da und jetzt ohni z wüsse was uf die zuecho wird… wenn du aber Gott d Füerig übergisch denn wird är für die z Beste sueche aber mideme Blick wo weis was de Morgig Tag bringt, wo verstaht was hinder dier Ligt und mid vill grössere Möglichkeite… wemer also ufgforderet sind üses Läbe vom Heilige Geist bestimme z lah denn nid will Gott Machtbesässe wär sondern wiler weis das är mid sine Möglichkeite z Beste für die eifacher erreiche chan als du mid dine eigene Möglichkeite.

An Pfingste erinneremer üs an d usschüttig vom Heilige Geist an alli die wo Jesus in irem Läbe agnoh hend! Sinds im Alte Testament nur spezifisch usgwälti Mensche gsie wo de Heilig Geist mängisch au nur für e spezifisch usgwälti Ufgab becho händ so wird an Pfingste di unlimmitierti vergab vom Heilige Geist realität…

Zum uf alles izgah wo de Heilig Geist in sich trait langet sonen morge niemals! Aber i wet de Frag ufe Grund gah wie gseht es Läbe mim Hilige Geist und unter de Füerig vom Heilige Geist us und han mi entschiede das anhand vomene Bild z beschreibe woni denke das einige da ir Gmeind no chönnt zuesäge nemmli em Velofahre…

Weni uf mis Velo sitze denn hani es Ziel vor Auge… zum Bispil i wür gärn ume See fahre… oder weni da ufem Hometrainer Trainiere denn sinds villicht 50km woni mier als Ziel gsetzt han und denn machi mi ufe Weg!

Und au i minem Läbe bini unterwägs… als Kind vo Gott ir Beruefig mi für Gottes Reich izsetze, ihn mid minem Läbe z verehre mi ihm z unterordne das es Läbe in Fülli und Freiheit wo Gott für mie vorgseh hed kan realität wärde… das isch allgemeingültig für jede Christ uf de ganze Wält! Üses oberste Bestrebe söll z Reich Gottes sie und ume Rest söllemer üs nid kümmere läsemer im Matthäus 6 und mer söllen üses Läbe ganz Gott hiegäh läsemer im Romer 12 das Z Läbe in ganzer Fülli Gottes Ziel isch für die läsemer im Johannes 10 und das Jesus ellei wahri Freiheit cha geh staht im Johannes 8.

Jetz sich das aber no sehr unkonkret, wie setzimi für Gottes reich ih i minem ganz persönliche läbe? Was heissts i minem Läbe d Füerig em Heilige Geist abzgäh?

I de Bible läsmer vomene Junge purst mit em Name David… de David isch Teil vo Gottes Volk und isch i sinem Läbe unterwägs… Er hüetet Schaf das isch sini Ufgab nid die wo Gott ihm gäh hed sondern die woner vo sinem Vater übertreit kreigt hed… er isch so uf sinem Wäg und da chunnt eines Tages de Prophet Samuel bi sinere Familie verbie… er hegi de Uftrag vo Gott zum neue König z Salbe… de Isai de Vater vom David füert em Samuel ein Sohn nachem andere vor aber keine isch vo Gott userwählt König z wärde, bis denn de David vom Fäld greufe wird

1. Samuel 16,12–13 NLB

Da ließ Isai ihn holen. Er war sonnengebräunt, gut aussehend und hatte schöne Augen. Und der HERR sprach: »Ja, das ist er; salbe ihn.« Und während David inmitten seiner Brüder stand, nahm Samuel das Öl, das er mitgebracht hatte, und goss es über Davids Kopf aus. Von diesem Tag an kam der Geist des HERRN über ihn und verließ ihn nicht mehr. Danach kehrte Samuel nach Rama zurück.

Mer chönd da de Link zu üsem Läbe hie… mier sind unterwägs… nid i dämm Uftrag wo Gott für üs hätti sondern i de Ufgabe wo villfach die Gsellschaft an üs stellt… Aber denn Schickt Gott en Situation in üses Läbe womer üs führ ihn Off tüend är üs Sägnet und üs sine Heiligi Geist schickt… Mier sind immerno uf üsem Läbeswäg jetz mid me andere Ziel midere andere Beruefig… und gnau so wie de David en für sis Läbe spezifisch zuegnschnitteni Bestimmig kreigt so hed Gott au für die en gnaz spezielli Bestimmig wo sich nid a dämm lings und rächts vo dier Orientiert sondern a dämm wo Gott konkret für sies Rich im sinn hed und die defür wet bruche…

I dämm Momänt wo mier de Heilig Geist kreigend kreigemer de Geist vor Wahrheit wo Jesus über ihn seit

Johannes 16,13 NLB

Doch wenn der Geist der Wahrheit kommt, wird er euch in alle Wahrheit leiten. Er wird nicht seine eigenen Anschauungen vertreten, sondern wird euch sagen, was er gehört hat. Er wird euch von dem erzählen, was kommt.

Är wird dier din spezifische Wäg fürd zuekunft wiese! Das chann uf ganz verschiedeni Art passiere hüfig sind das aber einzelni impulse wo dier de Heilg Geist gid… villicht sogar bim Velo fahre… das cha verschiede usgseh… di eini Person weter als Lobpreisleiter die anderi person als Mueter vonere gsägnete Familie, de dritti als Politiker und weider de negsti als Teil vo de Leitig vonere lokale Gmeind, en wietere als Lehrling zum Detailhandelfachkraft. Das passiert nid uf wahnsinnig spektakuläri art und wies… das chan en eifache Gedanke sie wo du hesch en Liedeschaft wo in dier erwacht en Türe wo sich für die öffnet oder wie bim David en andere Mensch wo dier öppis zuespricht woner in dier gseht! Nomal das passiert in der regel nid mega spektakulär. Mer händ oft das Bild vo umkeiende Mensche wenn de Heilg Geist chunnt vo re wärmi ums Härz wo muen entstah und ere sunneklare Vision über üses Läbe… und das chann alles passiere aber lönd üs de Heilig Geist nid mideme Gfühl verwächsle… Gott cha dur Gfühl zu üs rede, warumm au nid är hed si ja gschaffe… aber gnauso heder Situatione und Möglichkeite gschenkt, Türe für en Läbeswäg göffnet, die Natur gmacht und üs sis Wort gschenkt warumm sötter nid so villfälltig wie sini Schöpfig isch au zu üs rede chöne.. De Heilig Geist isch keis Gfühl au wener dur sie rede chan de Heilig Geist isch en Teil Gottes wies Jesus isch…

Johannes 14,16–17 NGÜ NT+PS

Und der Vater wird euch an meiner Stelle einen anderen Helfer geben, der für immer bei euch sein wird; ich werde ihn darum bitten. Er wird euch den Geist der Wahrheit geben, den die Welt nicht bekommen kann, weil sie ihn nicht sieht und nicht kennt. Aber ihr kennt ihn, denn er bleibt bei euch und wird in euch sein.

Mängisch sägen Mensche i han de Heilig Geist hüt nid gspürt! Aber de Heilig Geist isch au keis Gfühl er isch e Person. En Hälfer… viliicht staht in dinere dütesche übersetzig au Biestand oder Ratgeber. Ds Greichische Wort wo da brucht wird isch Parakletos und das chunnt usem Wortstamm Parakaleo Para-zu / kaleo-rufen. Mit em Heilige Geist passiert also das… du kreigsch es Upgrade i dinem Läbe en Unterstützig en Hilf!

Also mit em Heilige Gesit kreigsch du de Geist vo de Wahrheit wo als Hälfer a dini Siete gruefe wird wo dier wird das wo chunnt säge!

Und jetz?

De David wird zum König Gsalbt usgstadet mim Heilige Geist, und de Samuel gad eifach wieder wägg… ein kurze Moment wo me chönnt ignoriere oder ärnst neh… de David nimmt en ärnst… aber er isch i dämm Momänt nid zum Saul und hed gseit he jetz bin i neue König… Nai er gad zrugg ufs Fäld und hüetet wieter d Schaf… kämpft wieter gäge Bäre wo chömend und bezwingt Löwe wo d Schaf würend riesse wele! Schriebt Lobpreislieder an Gott wo niemer kört kriegt kei Likes für sini Heldetate, biser denn an Hof vom Saul gruefe wird, nid id usbildig zum nachfolgekönig sondern als Musiker als Diener vo Dämm wo eigetli uf dämm Poste sitzt wo Gott ihm zugseit hed das wird dine sie! Und denn chunnt da de Goliat en Philister wo z ganze Lager vo de Israelite zum Zittere bringt und was macht de David… uh Gott heds bis jetz je nonid gschaft sini Zuesag z erfülle dasi König wärde gidsne würkli? Nai er Vertraut mid allem uf Gottes grössi und stellt sich dem Reis entgäge… Menschlichi logik wäri… weni jetz da stärbe chani die Zuesag Gottes gar nid i minem Läbe erfahre… aber z Vertraue vom David in Gott isch grösser! Är bezwingt de Goliat und muen jetz no meh em Saul go Diene, muen sogar für ihn in Kreig zie und wird sine Heerfüerer… und denn wo z Volk parat wäri ihn als König z neh wo si ihm zuejublen Saul hed 1000 tötet de David aber 10000 dött überchunnt de Saul d iversucht und er wet de David töte… nüt vo Kariereleitere ufe und denn König sie sondern Flucht, Angst um z Läbe… Aber da bütet sich ihm e Möglichkeit er könnti de Saul wo ihn mit Elitekämpfer verfolgt umbringe… de Mensch wo ihm z Läbe so schwär macht und uf demm Poste sitzt wo Gott ihm zuegseit hed könnter usem Wäg rume und de Poste us eigener Kraft jetz da an sich riesse! Aber au da bliebt sini ehrfurcht vor Gott riesig woner seit i legge mini Hand sicher nid an eine wo Gott gsägnet hed! zwei mal verschont de David de Saul! Aber de David vergisst au die Zuesag nid… er laht sich nid entmuetige vo de Umständ und so chunnts daser vom Tod vom Saul in kenntnis gsetzt wird fragter bi Gott nah was sine negsti schritt söll sie 2.Samuel 2,1

2. Samuel 2,1 (NLB)

Danach fragte David den HERRN: »Soll ich in eine der Städte Judas zurückgehen?« Und der HERR antwortete: »Ja.« Daraufhin fragte David: »Wohin soll ich gehen?« Und der HERR antwortete: »Nach Hebron.«

Dött wird er zum König vo Juda gsalbt woruf en Kreig usbricht zwüsche de Ahänger vom Saul und dene vom David und ersch im 2.Sam 5,1-2 wird de David König über Israel

2. Samuel 5,1–3 NLB

Danach zogen alle Stämme Israels nach Hebron zu David und sagten: »Wir alle gehören zu deinem Volk. Schon lange, selbst als Saul noch unser König war, hast du das Heer Israels im Kampf angeführt. Und der HERR hat dir zugesagt: ›Du wirst wie ein Hirte mein Volk Israel führen und wirst der Anführer Israels sein.‹« Und so schloss König David bei Hebron vor dem HERRN einen Bund mit den Ältesten Israels. Und sie salbten ihn zum König über Israel.

Üse Läbeswäg isch äbe nid eifach gradus es isch en Bärg und Talfahrt… nach minere bekehrig hani Gott bestürmt er söll mer säge wie gnau das er mi wet i sinem rich isetze… anere Conferenz amene Lobpreiesabig hani mega rugge kreigt und han mi im hallestadion z züri wo die coferenz gsie isch müesse ufd tribüne zruggzie wo ni us de empfärnig die 4000 lüt beobachtete han wie si gott loben… und i dämm momänt reded Gott zu mier und seit i wet di bruche vor ere grössere Menschemängi als du da gsehsch mins WOrt z verkünde… nid spektatulär sondern imene Gedanke woner mer gid woni mi hät chönne dezue entscheide ne z ignoriere oder ne ernst z neh… weni Gott da bestürmt han daser mier söll säge waser mid mim Läbe gnau füren Plan hed und er mier gseit hed das isch das was ir Zuekunft liggt bini jetz nonig dött… i bin zrugg und han wieter als Stromer gschaftet… han wieter i de Kile mitgschafft und han müesse umzieh… han Gott gfragt waser vor hed, han min Dienst ir Kile abote und bin i dere Position gloffe wo Gott für mie parat kah hed, han Gott nach minere Usbildig gfragt und bin wieter ufem Stromerpruef bliebe, han Zivildienst gmacht und Gott wieder gfragt waser vor hed… s Händ sich türe Göffnet für en Astellig bime Verband im mitpräge vo Events wo Schwiezwiet sind klar hani treumt dasi jetz mal vor 2-3 Tusig lüt chönnt rede… han Gott wieter gfraget waser mid mier vor hed und es isch die Astellig da ir Gmeind gsie… das sind nid gad x tusig lüt und de zuegang zu Nationale projekt isch au nümm umbedingt da…

und so sind Bärge und Täler problem und Situatione woni i minem Läbe atriffe wo du i dinem Läbe atriffsch und jetz simmer zäme mit em Heilige Geist da unterwägs är isch da aber i chan mi immerno entscheide mis Läbe ohni sini Hilf azgah… i chan mi immerno entscheide au de Ufstieg ohni ihn z mache… schliesslich bini ja trainiert die useforderig dä Bärg i minem Läbe erklimmi au ohni ihn… z problem isch dases denn gar nid unwahrschinnlich isch dasi Gott als Klotz am Bei emfinde… ds Velo sich schwärer und weni probiere mini usevorderige im Läbe z bewältige und han da no regle woni söll befolge wo mier Gott ufe wäg gid, weni no söll religiösität söll erfülle denn wirds unglaublich asträngend frustrierend und ermüedend… Weni mi aber entscheide mine Stolz ufd siete z legge und afnage d Hilf in aspruch z neh wo de Heilig Geist offeriert… denn gids meh als eifach Ruggewind denn wird de Bärg zwar nid kliener aber z läbe wird so vill eifacher!

Lueg de Heilig Geist isch weder eifach wägg no wängt er sich dier eifach uf… Er isch an dinere Siete und wartet bis du ihn rüefsch daser dier cha Hälfe sig das bim perspektieve z kreige dini Bestimmig z finde oder de alltag mid allne useforderige z meistere! Und denn wirds Sägensreich i dinem Läbe!

i wet schlüsse mid me letstze Satz woni eu wet mitgeh zum drüber nahzdenke… Nüt chan de Säge Gottes woner dur de Heiligi Geist in dis läbe setzt stoppe, weder de Säge für dini Familie, au nid für dis Umfäld, nid für dini Arbeit und au nid für dini Bestimmig usserd dini eigeni Entscheidig ellei welle unterwägs z sie, dini resignation sini Hilf azneh, dis Läbe vo ihm bestimme z lah oder dini Abweisig usere sälbstüberschätzig wo du sälber wetsch probiere & du di uf dini eigene Fähigkeite verlahsch anstat uf Gott vertrausch…