Nachfolge

Lukas 14,26–35 NLB

»Wer mir nachfolgen will, muss mich mehr lieben als Vater und Mutter, Frau und Kinder, Brüder und Schwestern – ja, mehr als sein Leben. Sonst kann er nicht mein Jünger sein. Und ihr könnt auch nicht meine Jünger sein, wenn ihr nicht euer Kreuz auf euch nehmt und mir nachfolgt. Aber kommt nicht, ehe ihr nicht die Kosten berechnet habt. Denn wer würde mit dem Bau eines Hauses beginnen, ohne zuvor die Kosten zu überschlagen und zu prüfen, ob das Geld reicht, um alle Rechnungen zu bezahlen? Sonst stellt er vielleicht das Fundament fertig, und dann geht ihm das Geld aus. Wie würden ihn da alle auslachen! Sie würden sagen: ›Das ist der, der mit dem Bau eines Hauses angefangen hat und dann nicht genug Geld hatte, es fertigzustellen!‹ Oder welcher König käme je auf den Gedanken, in den Krieg zu ziehen, ohne sich zuvor mit seinen Beratern zusammenzusetzen und zu erörtern, ob seine Armee von zehntausend Soldaten stark genug ist, die zwanzigtausend Soldaten zu besiegen, die gegen ihn aufmarschieren? Wenn er dazu nicht in der Lage ist, wird er dem Feind, wenn dieser noch weit weg ist, Unterhändler entgegenschicken und versuchen, einen Frieden auszuhandeln. Genauso kann auch niemand mein Jünger sein, ohne alles für mich aufzugeben. Salz ist gut zum Würzen. Aber wie macht man es wieder salzig, wenn es seine Würzkraft verliert? Es eignet sich weder für den Boden noch als Dünger. Vielmehr wird es weggeworfen. Wer bereit ist zu hören, soll zuhören und begreifen!«

So weti dä Morge starte mid dere Frag! Wetsch du Jeus nachfolge? Hesch dini Choste überschlage und hesch du gmärkt das du chasch gäh wases brucht Nachfolger Jesus z sie!

Mer hend letsch Wuche vo Hansueli scho über de Ruef zur Nachfolge und d Choste vor Nachfolg kört und au mitkreigt das Gottes Gnad üsi Verfählige womers nid chönd bi wietem überwiegt!

Dr Bonhöfer schriebt i sinem Buech Nachfolge “Billige Gnade ist der Todfeind unserer Kirche. … Gnade als Schleuderwahre. … Gnade ohne Preis, ohne Kosten… Gnade ohne Kreuz, Gnade ohne den lebendigen, menschgewordenen Jesus Christus. Teure Gnade ist der verborgene Schatz im Acker, um dessetwillen der Mensch hingeht und mit Freuden alles verkauft, was er hatt; … Teuer ist sie, weil sie in die Nachfolge ruft, Gnade ist sie, weil sie in die Nachfolge Jesu Christi ruft; teuer ist sie, weil si edem Menschen das Leben kostet, Gnade ist sie, weil sie ihm so das Leben erst schenkt; … Teuer ist die Gnade vorallem darum, weil sie Gott teuer gewesen ist, weil sie Gott das Leben seines Sohnes gekostet hat… und weil uns nicht billig sein kann, was Gott teuer ist.”

Was däff die d Nachfolg vo Jesus choste? Wärsch parat wie di erste Jünger uf de Stell dini Heimat z verlah, bisch parat s em Petrus gliech z mache und d Frau dihai zruggzlah? Bisch parat dis eigene Läbe an zweiter Stell z gseh? Bisch parat dis Krüz uf die z näh und die sälber z verlügne? Bisch parat dies Läbe am Vorbild vo Christus als lebändigs Opfer darzbringe? Dis Läbe z verlüre damit ds Wahre läbe chasch gwünne?

Was isch dier d Gnad wärt? Jetz simmer dreierlai usegforderet oder?

Einersietz denkemer ja jetz halt emal mer körend immer dasmer nüt chönd und nüt müend defür tue das Gottes Gnad für üs gilt als elei Jesus Christus als Gottes Sohn und sie Stärbe am Chrüz als Erlösigswärk z anerkenne… und da isch mier wichtig z betone du chasch nüt tue dier die Gnad z erwirtschafte aber weis de Bonhöfer so schön schriebt es däff üs nid billig sie was Gott vill wärt isch!

Stell der din emotional wärtvollste Gägestand vor! Vilicht isches dis Auto? En Zeichnig vo dinem Grosskind? Es Foti vo dine Liebste? Es Musicinstrument? Vilicht au d Bible wod sit Kind hesch? Ds Porzelangschirr wod uf Hochziet geschenkt kriegt und nie würkli brucht hesch? Egal was… Und stell der vor du würsch das mier uslehne… i weis das wo üs wehr wärvoll isch gäbemer nid so gärn in fremdi Händ aber stell der eifach mal vor du hätsch di Liebi für mie das du mier das gisch… und jetz nimis und wenns dis Auto isch fahri über Wanderwäge demit und nutze d Stosstange als Parksensor ganz nachem Motto wens klöpft no en Meter… wenns es Foti isch nimis, faltes und stecks mer zäme mid minem Verschnuderete Nastuech in hosesack, filicht vergissis sogar dött und wäsches mit de Hose mit, wenns dis Porzelangschirr isch denn bruchis zum mis ässe im Mikrowälle warm z mache und Spüeles ir Wäschmaschiene mit em Inensiefwäschprogramm… ah und wens bim Tische es näggi abkriegt isch ja au nid so schlimm… was macht das mid dier? Verstahsch Gott isches wärt gsie sine Sohn as Krüz nagle z lah das du Gnad dafsch ha… du kreigsch sie eifach gschenkt aber wie du demit Umgasch und was du drus machsch das Kostet die öppis! Nachfolg kostet die dis Läbe…

und da hämmer z zweite Dilemma… mier i de Schwiez wüssend nid wies isch Angst z ha das üsi Versammlig gstürmt wird vo öpperem wo mim Maschinegwehr um sich schüsst! Mier wüssend nid wases heisst uf de Folterbank dezue zwunge z wärde üs vom Christetum lozsäge… mer kennend au nid die Situation das üsem Kind öpper d Waffe an Kopf hebt und mier d Wahl händ Jesus z verlügen oder zuzluege wie üsi Liebste exekutiert wärdend… und trotzdemm gilt die Ufforderig de Preis for Nachfolg z zahle nid weniger für die als für en Christ in Nordkorea! Üsi useforderig isch aber nid d Frag nach Physischem Läbe sondern obmer parat sind das ufzgeh womer als Läbe definierend… Mier sind mid weniger Sichtbahre aber nid umbedingt weniger usefordernde Sache konfrontiert! I behaupte im Miteleuropäische Rum definiert sich Läbe stark an der Sälbstverwürklichung em Stredbe nach Gäld, Macht und Anerkennig! Wemmer ufgofrderet sind üses Läbe hiezgäh denn isches vill z eifach nur über üses Physische Läbe z rede sondern denn gads um Ethischi und Moralischi Themene! Dr Sälbstverwürklichung nachezjage funktioniert nie im iklang mit Jesus nache z jage! Du chasch nid es Läbe in fülli astrebe wie s d Wält definiert und demit rächne dases so wirsch erläbe wies Gott für die parat hätti du chasch nid mit de Masstäb vo dere Wält Erfolg definiere und di drüber wundere warumm das du fürs reich Gottes nid Fruchtbringend bisch! Verstönd mi richtig s heisst nid das einzelni oder sogar alli vo dene Sache ussevor bliebend wemer Jesus nachefolgend aber i chan nur einem Herr diene i bin nid fähig zwei läbensumfassendi Ziel mitenand z verfolge!

Ethik isch d Wüsseschaft wo sich mim menschliche handle befasst. Wie söll en Mensch handle, an welne Wärte söller sich orientiere ? Was isch guets und was isch schlächts handle… und als Nachfolger Christi simmer dezue usegforderet en Göttlichi Antowrt uf ethischi Frage usezfinde en christlichi Ethik z läbe. Und da simmer unglaublich usegforderet wills nid immer ganz so schwarz wies isch wiemer üs das würend wünsche… i wet es paar biespil nenne…

Fangemer doch ah bim Spende… wie funktioniert das jetz gnau? Isches nid gsetzlich 10% z verlange und falls das no aktuell isch simmer üs bewusst dases nid eifach 10% vo üsem Nettoikomme isch sondern das eigetli 3x en Zehnte izoge worde isch? Eine für d Mensche im Dienst vo Gott, ein zweite für d Wittwe und de Arme und en dritte wo all drei Jahr izoge worde isch für Fäster? Also eigetli 23.3% vo dinem Nettoikomme… guet aber dazumal händs au mit AHV und Sozialamt nid so vorgsorget kah wie hüt und die Jüdische Fester fieremer ja au nümm so umbedingt… also chömmers uf 10% zruggstufe oder lömers doch ganz und orientierend üs lieber am neue Testament und gsend das di ersti Gmeind en gmeinsame Topf gmacht hed wome sine Psitz verkauft hed und gleichermasse ufteilt hed? Also d Kontodate vor Gmeind hender ja zahlend doch mal eues ganze Vermöge ih.. müend ja nid gad euri Hüser verkaufe das beinlemer nomal mitenand us wie das gnau usgseht… oder söll jede für sich mit Gott abmache waser wet Spende und chame sich weme en Ehreamtliche Dienst macht au so investiere und kli weniger Gäld überweise wilme ja fürd Mensche im Dienst vo Gott zahlt und me sich sälber en teil cha devo neh? Und wei isches weni gar nid wet in di Lokali Chile investiere? Chani mis Patechind woni bi Compassion han devo abzieh oder wei gseht das gnau us? Ier gsend dases gar nid so eifach isch… und Jesus rüeft nid nur Theologe ind Nachfolg wo d möglichkeit hend sich intensiev mid dene Frage usenandzsetze sondern er rüeft en Fischer, en Zölner… ganz eifachi lüt… er Rüeft die! Aber was heisst das jetz? Wenn nachfolg heisst mi sälber z verlügne und mis Läbe hiezgäh heisst das dasi mine gsamti Lohn amel ad Gmeind überweise? Nai aber es änderet d Frag… s heisst ufzmal nümm wievill sölli gäh sondern wievill sölli für mie sälber phalte… lueg de Sauhund isch doch dött drin versteckt dasi min eigene Versorger wet sie… dasi mier Sorge um zuekunft mache… mis läbe möglichst usserhalb devo verbringe mal müesse uf Gott agwiese z sie… klar ir vergäbig weli nid ein Tag schaffe rein z läbe… aber merksch das isch billigi Gnad… dött woni d Bereitschaft ufbringe mi in en Abhängigkeit vo Gott z stelle… D Frag isch wievill davs mi koste und da meini nid nu im Finanzielle sondern vill meh i minere Sälbstverwürklichung, i minem Status… Bini parat mine Läbesstandart azpasse wenn Gott dena rüeft oder nid? Bini parat mal es Jahr nid uswärts z ässe, bini parat mini so liebgwunneni Freiheit es Auto oder GA z ha ufzgeh wenn Gott rüeft? Bini parat mini Altersvorsorg Gott z überlah? Bini parat mini plante Ferie über e hufe z wärfe… Was däff mi d Nachfolg choste?

Luegemer es weiters Thema ah… Sabbat… i meine es isch ja eis vo de zehn Gebot und au wemer vili vo de Verhaltensregle usem Alte Testament schnell mal wägdiskutierend so isches bi de Zehn Gebot doch einiges verbindlicher oder? S isch Gottes heilige Tag… aber wie verbringi de? Was isch ir Ornig? Sölli eifach nüt für mini Arbeitsstell tue? Wie gsehts mit Rasemaie us? Isch ässe koche ir ornig? D Spüelig ufem WC z betätige gad oder isch das z vill? Die Frage chömend nid vo ungefähr sondern vo Ortodoxe Jude wo de Kochherd vor Sunneufgang atraiend wills kei Knöpf däffend betätige am Sabbat… au nid d WC spüelig… händ sie jetz das Sabbatgebot eifach falsch verstande? Wie isches denn mid minem Hobby? Däffi mi binere Wanderig vergnüege oder bir usüebig vo minem Sportliche Hobby völlig uspowere? Isches ir Ornig am Sabbat es Formel 1 renne z luege oder ds EM-Final z verfolge? Und fasli das mache däfi Mensche dezue ilade und wie gorss däf mine Ufwand sie denn no d Wohnig z putze und Snacks und Getränk parat z stelle? Wie isches mid me Buech z läse oder Ziet am Handy z verbringe? Und was machi demit das Jesus sälber sini Jünger am Sabbat schickt zum Äre ufzläse und daser en Kranke heilt und Sünde vergid? und was machemer mid dere Ussag usem Kolosser 2,16

Kolosser 2,16 NLB

Lasst euch deshalb von niemandem verurteilen, nur weil ihr bestimmte Dinge esst oder trinkt oder weil ihr bestimmte Feiertage, religiöse Feste oder Sabbate haltet oder nicht haltet.

isch de Sabbat da dasi nid ines Burnout laufe, dasi en gueti Work, life balance han schliesslich isch de Tagesvers für hüt das de Sabbat füre Mensch gschaffe worde isch und nid de Mensch füre Sabbat… und was machi denn mim Fakt dasmer hüt 2 Wucheendtäg han… Im Sabbatgebot heissts ja 6 täg söllsch schaffe und am Sibete sölsch rueh ha! Au i däm Thema isches ganz sicher falsch wemer en Gsetzlichkeit drus machend… im 2. Mose 31,13 heissts.

Exodus 31,13 NLB

»Befiehl den Israeliten: Haltet meine Sabbate, denn sie sind ein Zeichen des ewigen Bundes zwischen mir und euch für alle Zeiten. Dadurch sollt ihr erkennen, dass ich, der HERR, euch heilige.

Es gad bim Sabbat also nid umbedint um Work/Life balance sondern um z erkenne Gott isches wos tuet… nid ih… und wieder simmer bim Thema vollkommeni Abhängigkeit vo Gott… Das heisst aber im Umkehrschluss au dasi ines völligs Bewusstsie kume dasi das woni so stolz bin druf erreicht z ha nur einem nemmli Gott z verdanke han… Dasi en Job han, Sin verdienst… Dasi en Familie han… Sin verdienst… Dasi guet bin im Music mache… Sin verdienst… dasi agseh bin bi mine Mitarbeiter… Sin verdienst… dases mer Guet gad… Sin verdienst… weni mi immer weider zruggversetze in de zuestand woni realisiere i chan no so jedi minute in öppis investiere nu Gott cha öppis vo wahrem Wärt drus mache! Au da isch d Frag was dafs mi Koste… nid in erster linie an Ziet sondern vorallem au an Stolz uf das woni leiste chan. Bini parat alles woni mier erschaft han Gott zuezordne? Was passiert wen mer morn de Job kündet wird? Weni ab morn vo minere beste Fründin ignoriert wärde? Was passiert weni en Umfal han woni Querschnittglämt wärde? Was weni morn das eine Ding woni defür vo allne bewunderet wärde nümm chan mache verlüre?

D Frag isch nid widmi Gott ein Tag pro wuche sondern widmi ihm mis ganze läbe? wele Preis bini defür parat z zahle?

Mer könten jetz wieter mache und eis nachem andere Thema mitenand aluege… mer würend immer wieder ufe Punkt koh dasmer üsi in en Abhängigkeit vo Gott stelle söllend wo vorallem dur eis kennzeichnet isch nemmli Vertraue! Sich z verlügne, sis krüz uf sich z näh und Gott über alles z stelle funktioniert nur denn weni Vertraue das Gott guet isch, das är kei Fähler macht das är min Wärt am Krüz festgleit hed das er Treu und zueverlässig isch… S funktioniert nur dur Glaube wo sich imene Situationsunabhängige Vertraue weiderspieglet und d Antwort uf all die Themene wieni mis Läbe söll gstalte ir Nachfolg wird immer sie suech das wo Gott d Ehr gid und mach dött drin kei halbi sache! Suech nid dini Sälbstverwürklichung sondern streb denah das sich Gott i dere wält chan verwürkliche! Das brucht das du dini eigene Idee verwirfsch und di in en Abhängigkeit vo ihm Stellsch… Scho bim Glaube schenke will är de afänger und vollender vom Glaube isch…

Und denn chunnt das Dritte dilemma womer händ i de Nachfolg und das isch d Moral… Moral isch di innerhalb vonere Struktur gläbti Ethik… niene ufgschriebe aber dütlich spürbahr weme en Menschegruppierig erläbt… so isch christlichi Ethik en verantowrtigsvolle umgang mit Alkohol wo d MOral vor FMG Grosshöchstette isch mer fierend gärn mid eme glas Wie und d Moral vonere Heilsarmee hingäge isch mier verzichten komplett uf Alkohol… Das hed jedi Gruppierig vo Mensche jedi Konstelation vo Mensche mid Idee und überzügig hed igedwo en Moral… die isch immer da, hilft fest debie z zämeläbe z regle aber chan au unglaublich gfärlich wärde… Moral wird vorallem dött gfärlich wo si eifach unhinterfragt übernoh wird ohni en klari begründig defür z findt oder wome sich gäge das wome eigetli als richtig empfindet vo ire bestimme laht… Eis klieses Biespil defür isch üse Lobpries… d Moral isch dasme sitzend Lieder singt… i dene Jahre woni da bin hani aber erläbt wie immer meh au mal z bedürfnis ka hend ufzstah und sich das denn traut hend wenn sie in in di hinderst reihe gstande sind wo si ja niemerem chönnten z nah trätte… d Händ id höchi z strecke sich ufd Knüh falle z lah z tanze oder mal in Zunge z rede das isch en innerliche Kampf sondergleichen… i passe mis verhalte de Gwohnheite um mie ume ah und stelle das woni gad denke gäbti Gott d Ehr hine ah… Nid nu da ir Gmeind… de Gsellschaftlich druck isch in verschiedenste themene gewaltig… au da isch d Frag wämm wetti gfalle? Minere Gruppe, mim Gägeüber oder Gott? Klar isches au da nid immer ganz so klar… was machi jetz? Isches ehrender für Gott weni mi zruggstelle und em andere nid astössig bin weli vor ihm mini händ id luft strecke oder isches ehrender für Gott weni gnau das tuen d Händ id höchi strecke! D Frag au dött isch was Jagi nah? Gads mer drum Anerkennig und zueghörigkeit z ha i dere Gruppe i dere Gsellschaft woni mi bewege oder jagi Jesus nah und gads mer drumm ihm z gfalle?

Weni Bible läse, weni probiere usezfinde wie das Glaube gläbt wird denn mueni mier bewusst sie dasi immer mid de Brille vo minere Moral ufd Sache luege… weni mier gwohnt bin dasme kei Alkohol trinkt, denn wärdi meh finde ir Bible wo gägeds Alkohol trinke spricht und wärde d rücksichtnahm uf die wo ir Versuechig sind meh betone, weni gwohnt bin das es amne Fest Alkohol gid wärdi die Stelle betone wos Jesus Wie trinkt und wies mal im Himmel wird sie wemer mit ihm zäme Wie trinkend… jede vo üs nimmt Prägige mit ideologie, erläbnis und es Gottesbild… I dämm isch ganz wichtig z wüsse Gott definiert sich nid über das Bild wo du vo ihm hesch… niemer vo üs chan d Umfänglichkeit vo Gott und sinem Reich fasse… ir Gmeinschaft aber mid villne überzügige mängisch sogar komplett gägesätzliche zeigt sich immer es grössers Bild vo demm wie Gott würkli isch… d Frag isch obi parat bin vo minem Gägeüber z lerne oder i z gfühl han i müessi ihm mis Bild überstülpe und ihn verurteile wener öppis andersch handhabt als i das als richtig empfinde… gsehni de Balke i minem Aug oder de Spiess i demm vo minem Gägeüber?

(I glaube das de igangs Ghörti ufruef Vater, Mueter, Frau, Kind, Schwester und Brueder weniger z Liebe als Gott ganz fest in das Thema ine schwätzt… Ire Familie isches nemmli so extrem wie in fasch keinere andere Konstellation dasme Moral läbt… i bin zum Bispiel i minere Familie de zweitjüngst im Cousinekreis… das z durbräche und jetz als erwachsene Mah au respektiert und als gleichwärtig aglueget z wärde isch nid immer so eifach… I minere Familie bini mier gwohnt immer kli über z Limmit use z necke und kli rebellisch gäge das z sie was di andere säge… dasi mini Schwestere als inspirierend und wärtvoll prägend chan neh isch jedes mal wieder en klare Entscheid woni muen mache weni mid ine Ziet verbringe… Ds eigene Kind als öpper z gseh woni vo ihm chan lerne wie dasi mis Läbe chan und söll gstalte stelli mer nach jahrzehnte woni dä gsie bin wo gseit hed wie z läbe funktioniert sehr usefordernd vor… Gott meh z liebe heisst mi nid vo dene festsitzende Strukture bremse z lah sondern gmeinsam dena z strebe Gottes wille z erkenne und üs gägesietig dezue azstrebe us ungsunde Verhaltensmuster uszbräche!)

Johannes 21,15–22 (NLB)

Nach dem Frühstück sagte Jesus zu Simon Petrus: »Simon, Sohn des Johannes, liebst du mich mehr als die anderen?«

Petrus erwiderte: »Ja, Herr, du weißt, dass ich dich lieb habe.«

Jesus sagte: »Dann weide meine Lämmer.«

Jesus wiederholte die Frage: »Simon, Sohn des Johannes, liebst du mich?«

Petrus antwortete: »Ja, Herr, du weißt, dass ich dich lieb habe.«

Jesus sagte: »Dann hüte meine Schafe.«

Noch einmal fragte er ihn: »Simon, Sohn des Johannes, hast du mich lieb?«

Petrus wurde traurig, weil Jesus die Frage zum dritten Mal stellte, und sagte: »Herr, du weißt alles. Du weißt, dass ich dich lieb habe.«

Jesus sagte: »Dann weide meine Schafe. Ich versichere dir: Als du jung warst, konntest du tun, was du wolltest, und hingehen, wo es dir gefiel. Doch wenn du alt bist, wirst du deine Hände ausstrecken, und ein anderer wird dich führen und hinbringen, wo du nicht hingehen willst.« So deutete Jesus an, auf welche Weise Petrus sterben würde, um Gott damit zu verherrlichen. Dann forderte Jesus ihn auf: »Folge mir nach.«

Petrus drehte sich um und sah, dass der Jünger hinter ihnen ging, den Jesus liebte – jener Jünger, der sich beim Abendmahl zu Jesus hinübergelehnt und gefragt hatte: »Herr, wer von uns wird dich verraten?« Petrus fragte Jesus: »Was ist mit ihm, Herr?«

Jesus erwiderte: »Wenn ich will, dass er am Leben bleibt, bis ich wiederkomme, was geht das dich an? Folge du mir nach.«

Nahfolg fangt dött ah womer trotz üsne verfählige üs entschiedend fürd Liebi zu Gott! Und hört bi mier uf! Nafolg isch nüt woni mier söll de Kopf drüber zerbräche wies füre ander usgseht sondern i für mie us de Verbindig zu Jeus us söll lärne z läbe!