Wieviel Verlass ist auf dein Wort?

Mier Bündner sind was de gebruch vor Sprach agaht einiges wüester als dases ier Bärner sind… so isches eigetli au gar nüt ussergwönlichs dasme im Bus z Chur es Gpräch vo zwei Junge Persone losst wo ungefähr so ablauft…

A: He alta letsch wuche bini in 45 minute vom Fürstewald uf di Rot platte gseklet… B: Jou das isch u huere schnäll das stimmt eh nid du laberi! A: Moll i schwör mer chönd am Samtstig gad nomal gah! B: Schwör uf dini mueter A: I schwör uf alles mann

I bi mer gar nid hundertprozentig sicher aber i nime ah das das da als eher vulgäri sprach gälte würd… so unterschiedlich chönd sprachkulture sie au innerhalb vor glieche sprach und vom glieche land sie…

Nai s gad hüt nid um Kulturelli unterschiede sondern ums Schwöre… oder villicht au kli um Kulture… wär weis… luegemer de hütig Bibeltext mitenand ah

Matthäus 5,33–37 (NeÜ)

„Ihr wisst auch, dass zu den Vorfahren gesagt worden ist: ‚Du sollst keinen Meineid schwören; was du aber dem Herrn geschworen hast, musst du halten!‘8 Ich aber sage euch: Schwört überhaupt nicht, weder beim Himmel, denn er ist Gottes Thron, noch bei der Erde, denn sie ist seine Fußbank, noch bei Jerusalem, denn sie ist die Stadt des großen Königs. Nicht einmal mit deinem Kopf sollst du dich verbürgen, wenn du etwas schwörst, denn du kannst nicht ein einziges Haar weiß oder schwarz werden lassen. Euer Ja sei ein Ja und euer Nein ein Nein! Alles, was darüber hinausgeht, stammt vom Bösen.

Händ isch jetz da die Bündner z chur im Bus versündiget? Oder han i mi sogar veründigt jetz da hüt Morge? Und wie gsehts us mit öpperem wo im Gricht staht und Schwöre muen d Wahrheit und nüt als d Wahrheit z säge? Was meint Jesus da mit dene Wort woner an sini Zuehörer ufem Bärg und an üs hüt richtet?

Gads Jesus da drumm dasmer das Wort schwöre nid söllend bruche, dasmer keis Gelübte söllend ablegge oder dasmer kein Eid söllen leiste?

I glaube das wär vill z oberflächlich und i glaube au das das gar nid das isch wo Jesus da wett säge… zum aber dämm kli ufd schlich z cho was Jesus da meint müemer kli wieter hine im Matthäusevangelium luege… Matthäus 23,16-23

Matthäus 23,16–23 (NLB)

Ihr blinden Anführer! Schlimm wird es euch ergehen! Ihr behauptet, es habe keine Bedeutung, ›beim Tempel Gottes‹ zu schwören – einen solchen Eid könne man ruhig brechen. Und im selben Atemzug behauptet ihr, wenn man aber ›beim Gold im Tempel‹ schwört, müsse man sich daran halten. Ihr verbohrten Dummköpfe! Was ist wichtiger, das Gold oder der Tempel, durch den das Gold erst heilig wird? Ihr sagt, ein Schwur ›beim Altar‹ dürfte ruhig gebrochen werden, ein Eid ›bei den Opfergaben auf dem Altar‹ aber sei bindend! Ihr seid blind! Was ist wichtiger, die Opfergabe auf dem Altar oder der Altar, durch den die Opfergabe erst heilig wird? Wenn ihr ›beim Altar‹ schwört, dann schwört ihr bei dem Altar und allem, was darauf ist. Und wenn ihr ›beim Tempel‹ schwört, schwört ihr beim Tempel und bei Gott, der im Tempel wohnt. Und wenn ihr ›beim Himmel‹ schwört, schwört ihr bei dem Thron Gottes und bei Gott selbst, der auf diesem Thron sitzt.

Euch Schriftgelehrten und Pharisäern wird es schlimm ergehen. Ihr Heuchler! Sorgfältig achtet ihr darauf, auch noch vom geringsten Teil eures Einkommens den zehnten Teil abzugeben♦, doch um die wahrhaft wichtigen Dinge des Gesetzes wie Gerechtigkeit, Barmherzigkeit und Glauben kümmert ihr euch nicht. Ihr sollt den Zehnten geben, gewiss, aber ihr dürft die viel wichtigeren Dinge darüber nicht vernachlässigen.

S isch gang und gäb gsie sis Wort z bräche und das demit z rächtvertige ja nur bim Tempel oder nur bim Altar gschwore z ha… kli vergliechbar wie di krüzte fingere… die kennender da z bern au oder? da isch gad unter gschwüsterti es oft benutzts mittel gsie bi üs… so hani mine schwestere zum bispil gseit… wenn du für mie de gschirrspüeler usrumsch denn tueni defür für die z bad putze… und wenn denn de gschirrspüeler usgrummt gsie isch hedme gseit haha… i han mini finger krüzt kah also zellts nid dasi jetz für die muen z bad putze…

Falls du Micha das losisch frag d Sarah mal ob sie sich mag an die gspäss erinnere… De Micha isch de Mah vo minere Schwester und är lost regelmässig da mini predigte und drumm hani denkt chöni ihn ja mal grüesse…

S isch also gang und gäb gsie lüt hinter ds liecht z füere indemm me bi öppisem gschwore hed wo schienbahr nid wärt gsie wäri dä schwur denn au izhalte… und es gid zwei sache wo da Jesus wichtig wird… z erste isch dier und mier kört eigetli gaaar nüt… mier sind als verwalter igsetzt nid als eigetümer… und somit hämmer au nid eifach z rächt öppis als Bürge izsetze wo eigetli Gott kört! weder dr Himmel no d ärde no das wo üs verheisse isch ja nidemal de eige kopf… und z zweite wo Jesus da vorallem vo sine zuehörer und somit au vo dier und mier verlangt isch Ehrlichkeit…

Ja wenn uf dies wort verlass isch denn wirsch au nid müesse mid me schwur dinere ussag glaubwürdigkeit verschaffe… Dis Ja söll es Ja sie und dies Nei es Nei… Wenn du bekannt bisch defür das du zu dinem Wort stahsch denn wirds kei Schwur bruche dasme dinere ussag glaubt… und denn wirsch au kein Schwur bi öppis schienbahr unwichtigem als usred näh zum dine Wort au nid Tate folge lah z müesse…

Z problem womer händ isch dases ir praxis oft ganz andersch usgseht… im Internet kursiert e zahl vo 200 Lüge wo en durchschnittliche Mensch pro tag verzelle söll… aber z paradoxe isch das wieder anderi über die Zahl sälber sägend das si en Lüg sig… Sondern das eher 2x am Tag de durchschnitt sig vo Lüge wo en Mensch brucht…

Würsch säge das trifft öppe uf die zue?

Nai klar nied… niemer behauptet vo sich en lügner z sie… lüge isch ja schliesslich öppis schlächts oder? Und dennoch behaupti das jede vo üs au sälber mal gärn agloge wird… Wie staht mer die Jacke? Gsehni da drinn dick us? Händer z ässe chönne gnüsse? das sind alles Frage wo gsellschaftlich nid däffend ehrlich beantowrtet wärde wenns nid mid me jah chan beantowrtet wärde… oder was machsch wenn der öpper ufd Frag wie gads der mit miserabel antowrtet… ier gsehnd das Thema sich rächt verstickt ellei bi de Frag was denn würkli en Lüg sig wärdemer üs warschinnli nid ganz einig wärde… isches zum bispil lüge weni eifach d Wahrheit verschwiege? Was weni en notlüg bruche isch das denn schlimm oder was isch weni eifach wet höflich sie? Hesch zumbispil gwüsst das wend in Japan öpper nachem wäg fragsch du ganz sicher en antowrt wirsch becho… egal ob si stimmt oder nide… wills gsellschaftlich so sich das du nid dis gägeüber wetsch entüsche will dus nid weisch und du drumm au besser eifach iged en saich agisch?

Was isch mid Hüchle isch das mid lüge gliechzsetze? Also wenn du öpper fragsch wies ihm gad die aber gar nid würkli defür interresiertsch sondern nur de höflichkeithalber derna fragsch?

I glaub wemer vorsätlich d unwahrheit verzellend denn simmer üs einig das isch lüge… aber was isch mid ironier?

D wüsseschaft hed grosses interesse am Thema Lüge… und es gid ganzi pruefsgattige wo sich dem Thema widmen wie das Lügner chönd entlarft wärde… zum Bispil isches grosse Teil vom Job als richter chöne Wahrheit vor Lüg z unterscheide… I de Wüsseschaft redet me vo zwei arte vo lüge… vor wisse und vor schwarze lüg… di scharzi lüg isch das was vorsätzlich villicht sogar böswillig passiert und di wiessi lüg isch au di sogenannti prosoziali lüg… die wo notwändig sig für en funktionierendi gsellschaft… oder au das was vili würend als Höflichkeit betitle… Es desinteressierts Nafrage wie gads… es em Kelner säge s isch guet gsie obwohl z Poulet roh gsie isch… es das föteli hesch aber schön gmacht obwohls jetz würkli gar nüt speziells isch…

Der Prof. Matthias Gamer isch proffessor ir klinische psycologie und seit „ Lügen sind nicht immer verwerflich oder zu verteufeln. Prosoziale Lügen können als „sozialen Klebstoff” hilfreiche Strategien sein, um besser miteinander umzugehen.”

S isch also und simmer ganz ehrlich zu üs… doch so das lüge kli zum kulturelle guet kört… au da i de schwiz… me wet hald höflich sie… und i glaube s gid zwei siete vo demm… z erste isch dases solang du di im glieche kulturkreis befindisch nid als unzueferlässigkeit gwärtet wird… dasme dinem wort immerno traut au wenn du die prosoziale lüge bruchsch… aber i glaueb au das d Kultur vom Himmel kei söttig unwahrheite kennt… Grächtigkeit Barmhärzigkeit und Glauebe oder in anere übersetzige Treui köri zum wichtige… nid Höflichkeit… was aber nid z verwächsle isch mit Lieblosigkeit…

I glaueb dases nid ir ornig isch unzueverlässsigi ussage z mache und s erschreckt mi ehrlichgseit wie oft das zuesage nid ighalte wärdend… vor zwei Jahr hani em Micha är wo äbe vilicht denn die Predigt dihai no lost es wiehnachtsgschenkli gmacht… i han ihm en guetschie gschnekt für e Rundi uf de Nordschleife chönne mit em eigene Auto z fahre… ca. 8,9 Monet später hani mi nomal bi ihm gmolde und gseit jetz müessemer denn das agah… mer händ planet und sind gange und an üsem abreisetag heder mer gseit er hägi nid demit grächnet das das stadtfindet… nid weler mier nid traut hätti aber wills doch üblich isch dasme vo so sache schwäzt unds nid ihaltet oder guetschine schenkt wo denn nie iglöst wärdend… und hed mi erschroke und trurig gmacht dere Tatsach so ind auge müesse z luege… und i wet i dämm momänt buess tue vor eu… vor guet 4 Jahr hani mim Richu über Capuns gschwäzt und är hed gseit er wäri sovort debie das mal mit mier zäme z choche… i han ihm gseit das chönemer gärn mal mache und has bis hüt nid iglöst… i han zwar immer wieder dra denkt… gad dött womer für üses hochziet so vill Capuns gmacht hend aber i has weder planet no hanis iglöst… Richu i wür gärn mit dier und mit allne anderne wo das gärn mal würend koche Capuns mache! Schlönd mer öppis vor und villicht schaffemers im negste Kalenderjahr mal! Öppis wo villicht nid negschjahr möglich wird sie isch öppis woni mid Rene gredet han… är hed gseit är wäri debie und warschinnli no anderi us de Gmeind weme mal wür vor Ort es Formel 1 renne wür go luege… leider hanis nid gschaft bis jetz mer chönne ziet defür z neh aber i wär voll debie und Micha wenn du zuelosisch die und d Sara hani nid vergässe… genauso wie die Micha und Noemi Kneubüel… i wets nid bi lärem gerede lah sondern i wärde eu wüsse lah wenis denn entli schaffe es Formel1 Wucheend live z erläbe und ier däffend mi sehr gärn begleite! Und bie ganz vilne mueni mi für mini zuesag entschuldige am Schuelafangsgottesdienst zu Sorge… woni gseit han wener eue Name ufe zättel schrieben wärdi uf eu zuecho und die Sorg aspräche… bi villne vo eu hani das nid gmacht und es tuet mer leid… immer wieder luegi uf die Papier vo denn woni no hann und wärd an mini unzeverlässigkeit erinneret… und i wet mi bi eu entschuldige für uniglösti zuesage woni gmacht han! I glaube s isch nid richtig vorallem nid wilmer eigetli doch sehr wichtig isch dasme zu dämm stah wome seit!

I glaueb das Kultur vom Himmel immer ehrlichkeit und wahrheit isch! Und au denn wenn das heisst dasi em kelner ehrlich säge dasi mid minem ässe nid ganz z friede gsie bin… klar immer uf e liebendi art und wies!

I han mi gfragt warumm dasmer denn überhaupt lügend und au da gids wüsseschaftlichi antowrte…

S wird gloge wills vo einem erwartet wird… i hüchle interesse am Wohl vo minem gägeüber vor willmes hald so macht und i säge s gad mer guet au wenns gad nid so isch wills sich so kört… i bin über mini Meinig nid ganz ehrlich wili nid wet verletze weni öpperem säge das die Hose jetz also würkli nid so schön usgsehnd… i gang somit unagnehmen usem wäg… d Bible seit üs aber mer söllend üses Joch träge nid mer söllen üs es möglichst agnehms läbe mache… i chan au liebend und ehrlich sie im glieche moment!

Me lügt aber au zum ufmerksamkeit z kriege… i denke da vorallem an nonverbali lüge woni mi uf soziale medie imene unwahrschinlich guete liecht präsentiere… und gad dött wüssemer das au wenns allne klar isch das das nid di ganz wahrheit isch dases doch grosse schade chan arichte…

En wietere grund warum dasme lügt isch Manipulation und Macht… das sind denn die vorsätliche lüge und irrefüerige woni mier sälber en Vorteil verschaffe… indere vilicht kli weniger bös gmeinte vorm isch z beste bispil vom lüge für de eige vorteil z schummle bimene Spiel…

Aber me chan au lüge zumere konversation usem wäg z gah… ja s gad mer guet wili mi jetz nid will erkläre… au wenns en möglichkeit wöri zum öpperem liebevoll z säge he im momänt isch nid gad guet aber jetz gad wetti nid drüber rede i hoffe das isch okey für die…

Oder was ganz erschrekend isch… me lügt zum sich sälber imene bessere liecht dastah z lah… ca. 80% sigends wo wärend eme Bewärbigsgspräch nid ganz ehrlich sind zum sich ines bessers licht z stelle…

z verruckte isch bim lüge isch dases immer igedwie mit em eigene vorteil z tue hed… i wet d konsequenze vore ehrlichkeit nid träge… i wet mi sälber besser darstelle als wasi würkli bin… i wet mis läbe ines liecht stelle wo nid ganz so de Wahrheit entspricht…

und ja das Stimmt üsi gsellschaft baut es stuck wiet uf dem System uf dasmer unwahrheite däffend verzelle zum höflich könne z sie… aber i glaube würkli das kultur wo üs Jesus da lehre wet udn wo de Himmel repräsentiert immer Ehrlich isch! Nid respektlos nid lieblos aber kompromisslos ehrlich und zueverlässig! Dis Ja söll es Ja sie dis Nai es nai… red nid um de brei!

Luegend mer händ de Paulus wo seit mer söllend em Griech en Griech wärde und em Jud en Jud… sprich mer söllend d lüt in irer Kultur abhole und so an glaueb füere… aber mer wüssend au dasmer zwar i dere wält läbend aber nid vo dere Wält sind und dasmer üs absondere sölend vo dere Wält! Und i glaube das d Ehrlichekti öppis isch womer üs nid söttend gsellschaftliche oder kulturelle norme apasse sondern dasmer gad i dämm punkt söttend Gott representiere… En kompromisslosi ehrlichi Art nid respektlos nid lieblos aber ehrlich! I glaube das isch möglich und i wet eu au säge wie…

Wemer üs voll in e abhängigkeit vo Gott gäbend denn wird üsi Idendität au vo dämm bestimmt wo är über üs denkt! Wenis schaffe über das nahzsinne wo Gott über mi denkt und was är über mi seit denn mueni mier sälber kein vorteil meh verschaffe… denn mueni mier kei macht erschummle mueni mi au nümm ines bessers liecht stelle! Gott spricht dier wärt zue är nimmt di als sis Kind… wenn du di in en abhängigkeit stellsch vo demm wo Gott über di denkt und nid vo demm wo anderi über di denkend… wenn du dier bewusst wirsch dases är isch wo am schluss wird richte und nid dini mitmensche denn wirsch du au märke dases sich lohnt ufrichtig z sie! Ufrichtig in de Frage wo du an anderi stellsch ufrichtig i de Antowrte wo du ine gisch! Ufrichtig in dine ussage wo du machsch egal ob es i verspriche dier oder sogar i schwöre dier dervorgsetzt wird oder nid… wenn du di ine volli abhängigkeit vo Gott stellsch denn muesch di nid fürchte z kurz z koh, vo Mensche verurteilt z wärde… nai wenn du di ine volli abhängigkeit vo Gott stellsch denn wirsch du dier bewusst sie das er dine Versorger isch mit allem wo du hesch! Das er de einzig isch wo du rächeschaft schuldig bisch will är de einzig isch wo uhrsprung isch vo allem wo du hesch und är de einzig isch wo z rächt hed z richte!

i glaube das Jesus da vo üs kompromisslosi ehrlichkeit verlangt! Au entgäge de gsellschaftliche norm… und i weis sälber das mier üs zwar alli wünsten dases eifach isch aber mer au wüssend dases das nid würkli isch…

Eis vo de beste bispil isch de Petrus… De Petrus de Mensch wo Jesus usgwählt als Fels woner sini Gmeind wet druf baue… de leitendi Apostel wo a de Gründig vo de erste Gmeinde en entscheideni Rolle hed… De Petrus wo 3 Jahr mit Jesus unterwägs gsie isch… wo zu de 3 beste Fründe vo Jesus kört hed… de wo Jesus als Messias erkennt und dä wo parat isch sis läbe ind Nachvolg vo Jesus z stelle… Dä Petrus isches au wo Jesus verlügnet wiler angst kriegt was ächt mid ihm passiert… de Petrus schwört dä Jesus nid z kenne

Matthäus 26,70–75 (NLB)

Doch Petrus leugnete laut, sodass es alle hören konnten. »Ich weiß nicht, wovon du sprichst«, sagte er.

Später, als er draußen am Tor war, bemerkte ihn eine andere Dienerin, und auch sie sagte zu den Umstehenden: »Dieser Mann war bei Jesus von Nazareth.«

Und wieder leugnete Petrus, diesmal schwor er sogar: »Ich kenne den Mann noch nicht einmal.«

Ein wenig später kamen andere Umstehende und sagten zu ihm: »Du musst einer von ihnen sein; wir erkennen dich an deinem galiläischen Akzent.«

Wieder sagte Petrus: »Ich schwöre bei Gott, ich kenne diesen Mann nicht.« Und in diesem Augenblick krähte der Hahn. Plötzlich fielen Petrus die Worte von Jesus wieder ein: »Ehe der Hahn kräht, wirst du mich drei Mal verleugnen.« Und er ging fort und weinte bitterlich.

aber gnau i dere gschicht zeigt sich au das uf Gott verlass isch… das är dä isch wo würkliche wärt chan gäh… will so schuldig wie sich de Petrus da macht… so schlächt är sich da fühlt und so fest angst das är da hed… die gschicht isch nid vertig da…

Nachdemm jesus uverstande isch begägnet er de Jünger 3 mal und bim dritte mal läsemer vo folgender begägnig

Johannes 21,15–19 (NLB)

Nach dem Frühstück sagte Jesus zu Simon Petrus: »Simon, Sohn des Johannes, liebst du mich mehr als die anderen?«

Petrus erwiderte: »Ja, Herr, du weißt, dass ich dich lieb habe.«

Jesus sagte: »Dann weide meine Lämmer.«

Jesus wiederholte die Frage: »Simon, Sohn des Johannes, liebst du mich?«

Petrus antwortete: »Ja, Herr, du weißt, dass ich dich lieb habe.«

Jesus sagte: »Dann hüte meine Schafe.«

Noch einmal fragte er ihn: »Simon, Sohn des Johannes, hast du mich lieb?«

Petrus wurde traurig, weil Jesus die Frage zum dritten Mal stellte, und sagte: »Herr, du weißt alles. Du weißt, dass ich dich lieb habe.«

Händer gmärkt Jesus spricht ihn da nid bim Name ah woner ihm geh hed als Fels vo sinere Gmeind… de Petrus wird sich sicher unheimlich gschämt ha… Jesus heds vorusgseit und i hans abgstritte… aber gnau so isches koh i han mine fründ verlügnet… sogar bi Gott hani gschwore was nid stimmt… De Petrus hed sich sicher als Simon gfühlt und nid als Fels… Jesus holt ihn gnau dött ab fragt nach sinere Liebi und spricht ihm wieder die idendität zue… Denn gang und weid mini schaf! Jesus spricht ihm drü mal idendität zue… die woner ihm eigetli scho lang geh hed! und drüber use nimmt er ihm die Angst wo ihn dezue verleitet hed die unwahrheit z verzelle… er dütet de Tod ah wo de Petrus so fest hed wele vermeide… aber indemm das Jesus em Petrus neui idendität gid schänkter ihm au Muet bis zum üsserste z gah! Waser denn au tuet! Furchtlos spricht er wahrheit versteckt sich nümm… Stellt sich in die Idendität wo Gott ihm gid und bliebt Gott treu!

Und i wünsche mier das mier das glich däffend erläbe…

es jedes vo üs hed scho unwahrheite gredet wo nid nötig wärend wemer dene Verheissige vo Gott würend glaube… mer wend üs vorteil verschaffe üs ines bessers liecht rücke oder gäbend üsere Angst vo Konsekuenze nah…

Und so weti die hüt Frage hesch du Jesus lieb? Wenn ja denn nimm die Idendität ah wo Gott dier will gäh, lahn di keie in sini Arm wo di wend versorge und sig furchtlos! S lohnt sich!