Dank-, Buss- und Bettag

En wunderbahre schöne morge wünschi eu! Was für es Privilleg därfe a demm Tag zäme z cho und Gottesdiesnt z fiere! Lob und Dank em schöpfer vo Himmel und Ärde em Kreator vom Läbe em Uhrsprung vo allem guete, Lob und Danke an Jesus Christus em ehwiggültige Opfer wo als Mensch z läbe erfahre hed, d bosheit vom Mensch erläbt und ertreit hed und z wahre läbe ir Gmeinschaft mim Vater für üs frei gmacht hed, Lob und Danke em Heilige Geist wo in üs Wohnig gnoh hed, mid sinere ganze Macht hüt in üs wohnt als Hälfer, Führsprächer, Vermittler und Tröster bi üs isch!

Morn morge sitzend d Silvana und i in Zug wo üs richtig Flüger bringt. Übermorn stiegemer in Kapstadt zum Flüger us und erläbend 3 volli Wuche Südafrika und Namibia… Würender säge das isch en Grund für üs zur Dankbahrkeit?

i wet eu en kline Teil zu de Reisehiewies vo de Internetsiete vom EDA vorläse

Die Kriminalitätsrate ist sehr hoch. Kriminelle sind häufig bewaffnet, gehen brutal vor und schrecken auch vor Morden nicht zurück. Zum Beispiel wurden am 25. Mai 2023 in Kapstadt vier bulgarische Staatsangehörige erschossen. Im Oktober 2022 wurde ein deutscher Tourist in Numbi bei der Fahrt zum Krüger Nationalpark überfallen und erschossen.

Diebstahl von Autos unter Androhung oder Anwendung von Gewalt ist verbreitet. Vermehrt kommt es auch zu Überfällen auf Fahrzeuge: Um die Insassen zu berauben, schlagen Kriminelle an Kreuzungen, bei Verkehrsampeln oder im stockenden Verkehr Autoscheiben ein oder legen auf Überlandstrassen und Autobahnen Nagelbretter aus. Im Dezember 2022 sind bei einem Angriff auf einen Bus, der von Pretoria nach Harare reiste, mehrere Menschen getötet, verletzt oder ausgeraubt worden.

Entführungen mit Lösegeldforderungen nehmen auch ausserhalb der besonders betroffenen Provinzen Gauteng, Western Cape und KwaZulu-Natal zu. Beispiele:

Am 26. April 2024 ist in Stilfontein eine Person aus ihrem Haus entführt worden.Am 24. Februar 2024 ist in Northam ein deutscher Tourist entführt und getötet worden.

Am sechsten Januar 2024 sind in Mbombela vier kanadische Touristen von Personen, welche sich als Polizeipersonal ausgegeben haben, entführt worden.

Am 16.März 2023 ist in Gqeberha ein Mitarbeiter einer medizinischen Praxis entführt worden;

Am 20. Januar 2023 ist am O.R. Tambo Flughafen in Johannesburg ein indischer Geschäftsmann entführt worden;

Am 22. Dezember 2022 sind zwei Personen, darunter eine Person mit chinesischer Staatsangehörigkeit, in Kapstadt entführt worden. Eine Person wurde von den Entführern getötet.

Und es gad wieter mit Expressentfüerige, Sexualdelikt etc.

I muen eu ganz ehrlich gestah i de Vorbereitigie uf die Ferie bini meh demit beschäftigt gsie das denn an alles denkt isch, das jedi eventualität abdekt isch fals mer usgraubt werdend igedwie verkraft bar wäri… als dasi würkli dankbahr gsie wäri dasmer das mache chöne… und weni dankbahr gsie bin denn vorallem dases bi üs i de schwiz no nid so kriminell isch, will für das chani ja nüt… dasmer jetz aber ferie chönd mache hemmer üs ja au verdient, mer hend uf susch Ferie verzichtet das Jahr sind voll dra gsie und gad i de letste wuchene mit Reis plane, ds Läbe d so vorzbereite dasmer denn au chönd mit guetem Gwüsses gah jetz hämmers üs scho verdient… also uf jedefall denn hüt abig wenn no de Gottesdienst abgschlosse und am Namitag d KiLa-Rückblicksitzig düre isch…

Warumm verzelli eu das? I glaube gnau i demm drin versteckt sich d Botschaft vom Dank- Buess- und Bätttag.

im 1.Thessalonicher 5,18 staht

1. Thessalonicher 5,18 NLB

Was immer auch geschieht, seid dankbar, denn das ist Gottes Wille für euch, die ihr Christus Jesus gehört.

I weis nid wies eu gad aber i finde das no en useforderig… wie oft bini ellei i de vorbereitige uf die Ferie meh gnärft gsie über di ganz arbeit wo das mit sich bringt als dasi dankbahr gsie bin dasi das überhaupt chan und däff mache… und uf de andere Siete wie oft bini ohni konkret demit konfrontiert z sie dases anderi im läbe vill schwieriger händ drüber Dankbahr dasi d Möglichkeit han imene land z wohne woni de Han cha uftue und trinkwasser useflüsst, i imne land wohne woni mier nid muen mega sorge mache wenn d Silvana nach dunkelheitsibruch no ellei unterwägs isch… wie gseht min Fokus us weni and wohnsituation denke, findis blöd dasdmer sehr schlächt isolierendi Fenster händ im Verglich zum schwiezer neubau oder bini Dankbahr dasmer im verglich zu ganz vill anderne Mensche uf dere wält wenigstens Fänster händ und en funktionierendi Heizig?

Wemer über de Dank reden sind einigi Sauhünd versteckt wo sich so als Normal bi üs ischliechend…

Ds guete woni ständig erläbe wird zur Gwohnheit und birgd d Gfahr dasis nid nud als Sälbstverständlich gsehn sondern au en Ahspruch druf entwickle… Dankbahrkeit für stetig guets hoch z phalte isch en Kunst wo trainiert wärde will Es klises Biespil: Uf üsere Packliste fürd Ferie sind Trinkfläsche druf gsie… mer chönd si ja denn dött fülle isch ja klar… aha wart mal… erstens chunnt kei Trinkwasser zu dene Häne use und zweitens z letschmal woni dött gsie bin hedme ja wäge Wassermangel d WC spüelig nu bim grosse Gschäft däffe bruche… S isch kei sälbstvertändlichkeit sondern eigetli grund zur Ständige Dankbahrkeit weni de Wasserhahn chan uftue und devo cha trinke…

Dases üs so guet gaht, dasmer üs vill leiste chönd, guet Krankeversicheret sind, imene Stabile umfäld wohnend gsägnet sind mit Arbeit, Gsundheit, Wohlstand, Begabige jeglicher art verleitet nid nur zum Gedanke es staht mier zue sondern au zum Übermuet i chan für mi sälber sorge… Mer hend gnueg Bargeld debie dases sött länge für di ganze Ferie, aber fals mer usgraubt wärdend hämmer ds Gäld uf 6 Portemonaies ufteilt das nid ganz alles ufzmal wägg chunnt und falls doch denn hämmer susch verteilt zwei Kreditkarte und ei ufgladeni Debitkarte womer immer igedwie an Gäld sötten chönne cho. D Päss, Krankekassekarte, d Füereruswis und de Regagönneruswies sind vierfach kopiert und in de verschiedene Portemonaie verteilt und uf de Handys sind jewiels alli dokument au no gspeicheret… D Date zum de Unterkünft, Flüg, Aktivitäte und Mietautos sind druckt, ufem üsne Telefon und ufere externe Festplatte plus online zuegängig… Aber s isch ja nid nu bi de Ferie so… mer sind üs gwohnt ässware dihai z ha wo locker mal für e Wuche langend, mer hend näbst de Pflicht Krankekasse no etlichi zuesatzversicherige, e haftplicht, en Husrats, en Rächstbistands etc. Mer hend es Sparkonto mid me sparziel, e dritti süle und dasmer de übeblick über alles phaltend sogar d Hilf vomene Financbroacker ah und falses denn hart uf hart kunnt isch da a mim Ketteli no kli 24karat Gold in Form vomene Brotlieb wo sicher meh als eifach ei Malziet no würd möglich mache.. Und i wet das alles gar nid schlächt mache aber d gfahr drin dasi ufzmal z gfühl han i chan ja für alles sälber sorge die isch gigantisch und real… I wet en Gschicht us de Bible mit üs aluege wo zeigend wie gfährlich die Sauhünd chönd sie… Apostelgeschichte 5 1-11

Apostelgeschichte 5,1–11 NLB

Auch ein Mann mit Namen Hananias verkaufte mit seiner Frau Saphira etwas von seinem Besitz. Er brachte mit Wissen seiner Frau den Aposteln einen Teil des Geldes, behauptete aber, es sei der gesamte Erlös. Da sagte Petrus: »Hananias, warum hat der Satan Besitz von deinem Herzen ergriffen? Du hast den Heiligen Geist belogen und einen Teil des Geldes für dich behalten. Es war dein Besitz, den du nach Belieben verkaufen oder behalten konntest. Und auch nachdem du ihn verkauft hattest, durftest du mit dem Geld machen, was du wolltest. Warum hast du das getan? Du hast nicht uns belogen, sondern Gott.« Als Hananias diese Worte hörte, fiel er um und war tot. Jeder, der von der Geschichte erfuhr, war entsetzt. Schließlich kamen einige junge Männer, wickelten Hananias in ein Tuch, trugen ihn hinaus und begruben ihn. Etwa drei Stunden später kam seine Frau. Sie wusste noch nicht, was geschehen war. Petrus fragte sie: »War das der Preis, den dein Mann und du bei dem Verkauf erzielt habt?« Sie erwiderte: »Ja, das war der Preis.« Da sagte Petrus: »Wie konntet ihr beide nur auf einen solchen Gedanken kommen, den Geist des Herrn auf die Probe zu stellen? Gleich vor der Tür stehen die jungen Männer, die gerade deinen Mann begraben haben; sie werden auch dich hinaustragen.« Augenblicklich stürzte auch sie zu Boden und starb. Als die jungen Männer hereinkamen und sahen, dass sie tot war, trugen sie sie hinaus und begruben sie neben ihrem Mann. Furcht überkam die gesamte Gemeinde und auch alle anderen, die davon erfuhren.

Em Hananias und de Saphira isches schienbahr guet gange… uf jedefall hend sie wörtvolli Sache in ihrem Psitz kah ohni das sie das ka hettend wär di ganz gschicht ja gar nid passiert… ine isch also öppis vo Gott avertraut wo sie niemer dezue nötigt das z verkaufe und au niemer vo ine verlangt das sie das Gäld de Gmeind bringend… niemer isch nid ganz richtig oder… di ersti Gmeind läbt i dere Moral vo mier wärfend alles in ein Topf vili vo ihne händ scho vorher iri Psitztümer verkauft und de erlös geh und so sind Hananias und Saphira kli vo demm gnötigt au mitzmache… oder besser gseit lönd sie sich nötige… irgendwie wennd sie ja nid die sie wo da nid mitgmacht hend… was denken echt di andere über üs isch en starke treiber i dämm dine… wär das ine gliech denn wärs au kei problem zum säge he mer gäbend da en Teil vo dem womer vom Verkauf kreigt hend… Sie händ also wele dezueköre, mitmache sich sälber asehe und Status generiere aber sie sind nid parat gsie die ganzi sicherheit wo ine ire Psitz geh hed ufzgeh… en Notgrosche für de eige wohlstand oder für schlächteri Ziete dä isch no zrugghalte worde…

Sie händ zweierlei wele für sich sälber sorge… im Status und asehe aber au im Finanzielle sind sie nid parat gsie sich ufd Versorgig vo Gott z verlah! Wie gseit i wet die sache nid schlächt rede und au bi Hananias und Saphira gsemer das niemr vo ine Verlangt hätti die Sicherheit eifach so ufzgeh… aber was sie sicher nid gmacht hend isch Gott gfragt wie sis söllend mache… ds Problem a dere Gschicht isch nid das sie nid alles geh hend sondern das sie nid nu d Mensche sondern Gott probiert hend z pschiesse… und sovort word unglaublich dütlich… i chan jetzt und i wärd nie chönne mi uf mini eigeni Versorgig verlah egal wie guet und usklüglet das schiene mag… alles woni mier erwirtschafte, woni mier an Sicherheite schaffe isch nur solang irgendöppis wärt wie Gottes Gunst das zuelaht… i dämm moment wo Gott sini Gunst vo mier nimmt isch mini Zuekunft die vo Hananias und Saphira… nemmli uf de Stell de Tod! Elei d Tatsach dasi am Morge ufgstande bin isch de bewies das Gottes Gunst no mit mier isch, Sis Ja für mie bestand hed! Achtung das isch nid umkehrbar… i meine nid weme stirbt das sich d Gunst vo Gott abgwendet hed sonder dasmer ohni Gunst vo Gott nid Läbesfähig sind…

Drumm au komme was wolle, Gott forderet Dankbahrkeit vo dier! Au wens Menschlich perspektivelos isch! Wens mer ussichtslos schlächt gad denn gads mer nur schlächt weli no läbe und das wiederum isch de bewies da Gottes Gunst no da isch und das isch wärtvoller als alles woni susch an zuesag oder sicherheit chönnt ha!

Römer 11,36 NLB

Denn alles kommt von ihm; alles besteht durch seine Macht und ist zu seiner Herrlichkeit bestimmt. Ihm gehört die Ehre in Ewigkeit! Amen.

Z Läbe ellei und alles drüberus sigs Materiell oder nid Materieller art isch gschenkt vo Gott und nid zu minere sälbstverwürklichung sondern zu sinere Herrlichkeit bestimmt! Und da chunnt d Buess is spiel! Wie oft gangi mit minere Ziet, mine Talent, mine Ressource so um als gängs nur um mie… wie oft vergässi dasi all das woni han und chan nur drumm han zum Gott d Ehr dedur z geh? Zu sinere Herrlichkeit heist zu sinem Lobpries! Ds Gägeteli vo Lobpries isch Murre! En Dankbahri haltig isch also gliechzstelle mit Lobpreis mit fürd Herrlichkeit vo Gott! Well i und will du und will mier als Gmeind und will mier als Gsellschaft wiet devo empfärnt sind das 24/7 z läbe isch Buess tägliche nötig!

Dött woni d Dankbahrkeit verlahn oder i mier ibilde i chöni mi sälber Versorge wärdi schuldig! Das chönnt jetz in e Passivität füere oder und säge für was schaffi denn überhaupt? Wiso setzi mi nid eifach da in egge und warte uf die wunderbahr versorgig vo Gott? Gott hed sich enschiede in sinere Macht dier Ziet, Ressource etc. z gäh nid das du die demit sälber in e unabhängigkeit vo Gott manöfriersch sondern das du si zu sinere Herrlichkeit isetzisch und das funktioniert nie dur passivität!

I bin überzügt Gottes Plan A gäge d Ungrächtigkeit wo uf dere Wält erläbt und durläbt wird isch sini Gmeind als Hoffnigsträger usgstattet mid gueter Nachricht und als Teil vo sinere Gmeind bisches du! Wenn du nid Hoffnigsträger bisch für die Wält wo du Jesus kennsch wär isches denn? Wenn mier wo üs de Versorgig vo Gott gwüss sind eifach passiv wärdend und üs bediene lönd wär isch für die Bedürftige da? Wenn du als Erbe vo Gott usgstattet mid de Macht vom Heilige Geist nid vollgas gisch für Shalom wär machts susch? Mer händ hine de Satz ufgängt… i bin nid nur Grettet vo öppisem sondern für öppis! Di guete Wärk wo Gott für die vorbereitet hed sölsch mache!

Epheser 5,15-20

Epheser 5,15–20 NLB

Achtet sorgfältig darauf, wie ihr lebt; handelt nicht unklug, sondern bemüht euch, weise zu sein. Nutzt jede Gelegenheit, in diesen üblen Zeiten Gutes zu tun. Handelt nicht gedankenlos, sondern versucht zu begreifen, was der Herr von euch will. Betrinkt euch nicht mit Wein; sonst ruiniert ihr damit euer Leben. Lasst euch stattdessen vom Heiligen Geist erfüllen. Singt miteinander Psalmen und Lobgesänge und geistliche Lieder, und in euren Herzen wird Musik sein zum Lob Gottes. Und dankt Gott, dem Vater, zu jeder Zeit für alles im Namen unseres Herrn Jesus Christus.

Nid eifach blind druf los! Sondern em Wille vo Gott hinedrie! Bi de eine isch das ds Evanglium i di verlohre wält z bringe, weider anderi söllend d Lüt ir Gmeind ir Lehr unterwiese, wieder anderi sind defür usgstattet Gottes Profetische Wort z köre und ad Gmeind wieter z geh, wieder anderi sind da zur Versorgig vo dene wos nid so guet gad etc. wemer das Blatt hine abnämend denn chömemer zumne acht punkte wäg us em Römer 12 womer dezue ufgruefe sind das womer chönd dasmer das söllend guet mache… Sig en guete Verwalter vo demm wo Gott dier i sinder Gunst gschnekt hed.. vo dinem Läbe und allem drüber us! Will das niemerem vo üs 24/7 gling isch Buess täglich für üs nötig!

Und da chunnt äbe de dritti Teil ds Gebät! Us mier use wärdi kei Verbesserig i dene Pünkt erreiche chönne woni no so bedürftig bin z lärne! Und wenn du no kei 24/7 Dankbahrkeit und 24/7 isteze vo allem zur Herrlichkeit Gottes schaffsch denn bisch du au lernbedürftig und wünschi dier vo härze dass du das merksch und willig bisch schritte z gah! Gott zu Ehr!

Bätte beinhaltet für mie uf de eine Siete resigniere vor em König! Weni merke i bruche Gott denn wärdi mi au an ihm mit mine bitte wende! Bätte bedütet für mie hiegab! Weni mi wet em Wille vo Gott unterordne denn wärdi ständig denah frage was den sin Wille isch! Bätte isch aber au e mächtigi Waffe woni de Arm vo Gott in bewegig setze chan! Bätte bedütet für mie sehnsucht nach sinere Stimm! Bim Bätte doggi dött ah wo de Uhrsprung vo allem isch!

Es gid das wunderbahre Gebät wo für mi die Spannig vo i wet gärn alles hiegäh für die Gott aber weis au dasi ohni die machtlos bin öppis z beürke in sich treit… Gott, gib mir die Gelassenheit, die Dinge hinzunehmen, die ich nicht ändern kann,   Mut, die Dinge zu ändern, die ich ändern kann,   Und Weisheit, um den Unterschied zwischen beidem zu erkennen.   Einen Tag nach dem anderen zu leben,   Einen Moment nach dem anderen zu genießen,   Beschwernis als einen Weg zum Frieden zu akzeptieren,   Diese sündige Welt, wie Jesus es tat,   So anzunehmen, wie sie ist,   Nicht so, wie ich sie gern hätte,   Darauf zu vertrauen, dass Du alles richtig machen wirst,   Wenn ich mich Deinem Willen hingebe,   Auf dass ich recht glücklich sein möge in diesem Leben   Und überglücklich mit Dir auf ewig im nächsten.   Amen.

Ds Gebät sig das in Form vo Wort, Schrift, Lieder, Mit Wort oder au Ohni isch für mie z in verbindig trätte mit Gott… isch für mie d Art wie Dank und Buess en usdruck finden…

Nach dämm i ufgruefe bin zur Dankbahrkeit in allem, märki dasi ständig Buess muen tue für mis nid Vertraue, für min Stolz wasi erreicht han, min Übermuet und d Illusion i chöni ja sälber und mini passivität mi in sinem Heilsplan mit dere Wält izbringe! Das findet usdruck indemm i mi an Gott wende ihm Danke säge und ihm säge dases mer leid tuet…

Für mie gids es wunderbahrs alltäglich wichtigs zemespiel zwüsche Dank, Buess und Gebät!

Alles woni han und alles woni bin verdanki Gott! Ellei dasi läbe und sigs no so beschwert isch es zeigche das Gottes Gundst nonig vo mier wägg isch, das löst in mier es Dank us und es verständnis dasi ohni ihn nüt chan und bin… die Tatsach aber spricht mi schuldig wili doch so vill probiere ellei öppis wärtvolls z kreiere… und weni ehrlich bin denn merki dases da gad nid umd Herrlichkeit Gottes gad sondern dases mer oft gnau in dene Sache um mini Herrlichkeit gad… das wiederum füert mi in en Entschuldigung an Gott will he dä wo mier alles gid woni han hed sogar no gduld und nachsicht wener vo mier im gägezug nid das kreigt wonem eigetli zuestaht… die Gnad, Liebi, Geduld wiederum löst in mier es erneuts vertüfts dank us womi atriebt ihm alles welle z gäh… wili aber oft gad nid weis was das heisst isch de einzig wäg wiederum ds Gebät woni d Nächi sueche und mi in mine Schritte vo Gott länke lahn!

De Dank-, Buss- und Bettag hed für mi i dem Jahr en neui bedütig becho… eini woni mi nümm frag was gnau hed de Tag mid mier z tue und isches würkli wichtig dasmer da extra no en Gottesdienst ibauend… i erkenne drin es konstrukt woni denke wär so fest wichtig für üses läbe! Danke usem tüfe Bewusstsie, alles woni igedwei chönnt vorwiese isch nid min eigene verdienst, au weni mis dezue tue han denn isch klar ohni Gottes gunst würi uf de stell läblos zu bode sacke!

Buess drüber wie agfange bi mier sälber i immer wieder nid alles Bringe, i en schlechte verwalter bin…

D nächi zu Gott wo mier Macht und Autorität gid öppis vo Wärt mid minem Läbe z bewirke was mer muet macht vollgas z geh und mis verständnis vor Abhängigkeit vo Gott schärft!