Lesoni 1 - Fakaha 1-3

Lesoni 1: Tu'ungamaama 'e fitu moe fetu’u ‘e fitu (Vahe 1-3)

1.0) Anga fefe hano lau 'oe Tohi Fakaha?

Vaa’ihala ‘oe Tohi Fakaha: Fononga meihe Kaungamamahi moe Hau (Vahe 1-3; Rev 1:9) kihe Kaungahau moe ‘Eiki (Vahe 21-22; Rev 21:7)

Meihe Tu’ungamaama ‘e fitu moe fetu’u ‘e fitu (Rev 1-3) kihe Selusalema Fo’ou (Rev 21-22)

Fakamo’oni kihe folofola ‘a Sisu (Matt 24:11-14)

Pea moe tala ‘a Paula (Rom 8:16-17)

1.0.1) Ko Sione pe ‘oku ne talamai:

'KO E ME‘A FAKAHĀ ‘e Sīsū Kalaisi mei he Ta‘ehāmai, ‘a ia na‘e tuku kiate ia ‘e he ‘Otua, ke fakahā ki he kau tamaio‘eiki ‘a ‘Ene ‘Afio ‘a e ngaahi me‘a kuo pau ke hoko leva; ‘o ne fekau atu ‘i he‘ene ‘āngelo, ke fakahā fakatātā atu ia ki he‘ene tamaio‘eiki ko Sione: 'KO E ME‘A FAKAHĀ 1:1

•⠀Koe me'a fakaha mei he 'Otua

•⠀Na'e 'ange kia Sisu Kalaisi

•⠀Ke fakaha kihe kakai tui kotoa pe

•⠀'ae ngaahi me'a kuo pau ke hoko leva (Rev 1:8; 22:12, 20)

•⠀ke fakaha fakataataa atu ia ki he'ene tamaio'eiki ko Sione

'Monū‘iaā ka ko ia ‘oku lau, mo kinautolu ‘oku fanongo ki he ngaahi lea ‘o e palofisai ni, mo tauhi ‘a e ngaahi me‘a kuo tohi ai: he kuo panaki hono taimi. 'KO E ME‘A FAKAHĀ 1:3

•⠀Koe lea fakapalofita

•⠀'Aia koe lea'aki 'oe folofola 'ae 'Otua kihe kakai lotu

1.0.2) Ngaahi Tala fakataataa fakapalofita:

•⠀Hange koe tala 'a Taniela kia Nepukanesa:

'ka ‘oku ai ha ‘Otua ‘i langi ‘oku ne tatala ‘a e ngaahi me‘a ‘oku fufū, pea kuo ne faka‘ilo ki he ‘afio ‘a Nepukanesa ‘a e me‘a ‘e hoko ‘i he ngaahi ‘aho ‘amui. Ko ho‘o misi, mo e vīsone na‘e hā ki ho ‘ulu ‘i ho toka‘anga, ko eni ia. 'KO TĀNIELA 2:28

•⠀Hange koe tala 'a Netane kia Tevita (2 Sam 12:1-7)

'Pea fakatau folofola ‘a Nētane kia Tēvita, Ko koe ‘a e tangata ko ia. Ko eni ‘a e folofola ‘a Sihova ko e ‘Otua ‘o ‘Isileli, Na‘a ku fakanofo koe ke Tu‘i ‘Isileli, pea u fakahaofi koe mei he nima ‘o Saula: 'KO 2 SĀMIUELA 12:7

•⠀Hange koe Tala fakataataa 'a 'Isikeli (Ezek 24:15-18)

'Pea lea mai kiate au ‘a e kakai ‘ikai te ke tala mai pē ko homau hā ‘ena ‘oku ke fai? Pea u tali kiate kinautolu, Kuo hoko kiate au ‘a e folofola ‘a Sihova, ‘o pehē, Lea ki he fale ‘o ‘Isileli, Ko e folofola ‘eni ‘a ‘Ātonai Sihova: Ko au ‘eni ‘oku ou ngaohi hoku potu tapu ko e me‘a noa, ‘a ia ko e mālohinga ‘oku mou pōlepole ai, ‘a e mamana‘anga ‘o homou mata, mo e me‘a na‘e ngaue ai homou loto; pea ko ho‘omou fānau tangata mo fānau fefine, ‘a ia na‘a mou tuku li‘aki, te nau tō ‘i he heletā. Pea te mou toki fai ‘o hangē ko ‘eku fai; ‘e ‘ikai te mou ‘ufi‘ufi ‘a e kava, pea ko e me‘akai ‘oku ‘omi ‘e he kakai ‘e ‘ikai te mou mama. 'KO ‘ISIKELI 24:19-22

Hange koe Tala fakataataa ‘a Sisu (Matt 13:24-30, 34-43)

'Na‘a ne toki tukuange ‘a e kakai, ‘o ne hū ki fale; pea ‘unu‘unu kiate ia ‘e he‘ene kau ako, ‘o nau pehē, Fakamatala mai ‘a e fakatātā ‘o e ngaahi tea ‘i he ngoue. Pea ne tali ‘o pehē, Ko ia ‘oku ne tō ‘a e tenga lelei ko e Fanautama ‘a Tangata ia; ko e ngoue ko māmani; ko e tenga lelei ko e fānau ‘o e Pule‘anga; ko e ngaahi tea ko e fānau ‘a e Toko Taha Kovi; ko e fili na‘a ne tō ia ko e Tēvolo; ko e ututa‘u ko e faka‘osi ‘o ha kuonga; ko e kau tu‘usi ko e kau ‘āngelo. Pea hangē ‘oku tānaki ‘a e tea ‘o tutu ‘aki ‘a e afi; ‘e pehē foki ‘i he faka‘osi ‘o e kuonga. ‘E fekau atu ‘e he Fanautama ‘a Tangata ‘ene kau ‘āngelo, pea te nau tānaki mei hono pule‘anga ‘a e tūkia‘anga kotoa pē, mo kinautolu ‘oku maumau lao; pea te nau laku kinautolu ki he fōnise afi. Ko e potu ia ‘e toki hoko ai ‘a e tangi mo e fengai‘itaki ‘o e nifo. Kae toki ho‘ata mai ‘a e kau failelei ‘o hangē ko e la‘ā ‘i he pule‘anga ‘o ‘enau Tamai, Ko ia ‘oku telinga, ke ne ongo‘i. 'Mātiú 13:36-43

1.1) Talateu (1:1-8)

•⠀Ko Sisu Kalaisi 'oku ne fai 'ae fakaha mai 'oe ngaahi me'a, pea ko ia pe 'oku fakahaa'i mai.

•⠀taumu'a kihe kau tamaio'eiki 'ae 'Otua, 'aia koe kotoa ia 'oe kakai lotu.

•⠀ngaahi me'a kuopau ke hoko leva, 'aia koe hokomai 'a Sisu (Rev 22:6-7,10,20)

•⠀Koe "palofisai" 'a ia koe folofola 'ae 'Otua 'oku 'omi kihe kakai lotu ke fakatokanga kinautolu kihe tu’unuku mai ‘ae houhau ‘oe ‘Otua.

•⠀kihe Siasi 'e fitu: koe kotoa ia 'oe Siasi he ngaahi kuonga kotoa pe.

•⠀'Oku 'iai mo na'e'iai mo kaha'u, koe huafa 'oe 'Otua 'ia Exod 3:14-15

•⠀Ngaohi kitautolu koe pule'anga moe ngaahi taula'eiki kihe 'Otua: Koe hokoatu 'o 'Isileli meia Exod 19:6 'oku 'ai mai kihe Siasi 'ia 1 Pet 2:5.

•⠀'Oku ne hokomai 'ihe ngaahi 'ao, 'o 'uhinga ia ki he'ene ha'ele hake kihe to'omata'u 'oe Tamai (Mat 24:30)

•⠀Koe 'Alifa moe 'Omeka 'oku 'uhinga ia ki he pule aoniu 'ae 'Otua mei he kamata'anga 'o a'u kihe ngata'anga 'o taimi.

1.2) Koe tu'u 'ae 'Eiki Toetu'u 'ihe lotolotonga 'oe Siasi (1:9-20)

•⠀'Oku mo'ua mamahi 'a Sione fakataha moe Siasi (Rev 1:9

•⠀Ngaahi kaveinga lalahi 'e tolu 'oe Talanoa 'ae Tohi Fakaha:

•⠀1) 'Oku tau lolotonga mo'ua he fu'u mamahi lahi koe'uhi ko Kalaisi (Rev 2:9-10, 22; 7:14)

•⠀2) 'Oku tau 'amanaki ke kau ki hono Pule'anga 'oka faka'auha e Pule'anga 'o Setane he hokomai 'a Sisu (Rev 11:15; 12:10; 16:10; 17:12, 17-18)

•⠀3) Koia, 'oku uki kitautolu ke tau kataki mamahi ke a'u kihe ngata'anga (Rev 2:2-3, 19; 3:10; 13:10; 14:12)

•⠀Siasi 'e fitu, koe kakato ia 'oe Siasi he ngaahi kuonga kotoa pe

•⠀Tu'ungamaama koula 'e fitu, koe ngaahi siasi ia (Rev 1:20; Zec 4:2-3, 10)

•⠀Koe fetu'u 'e fitu 'oku ne puke 'I hono to'omata'u, ko e kau 'angelo ia 'oe ngaahi Siasi; pe koe kau faifekau (Dan 12:2; cf Ps 103:20)

•⠀'Oku tu'u 'ae Fanautama 'a Tangata 'ihe lotoltonga 'oe Siasi (Rev 1:13) kuo ne teu'aki 'ae kotoa hono teunga fakataula'eiki lahi (Ex 28:4; 29:5)

•⠀ Koe heleta fakatoumata masila 'I hono ngutu koe folofola ia 'ae 'Otua 'oku tau malanga'aki (Isa 49:2; Heb 4:12)

1.3) Koe Tohi kihe Fitu'isiasi moe 'afio'i 'e Sisu hono Siasi (2:1-3:22)

1.3.0) Fokotu'utu'u 'oe Fitu'itohi:

•⠀Koe tokotaha 'oku fai kiai e tohi:

•⠀Koe tokotaha 'oku fai mei ai e tohi:

•⠀Koe me'a 'oku 'ilo 'e Sisu kihe Siasi:

•⠀Koe me'a 'oku ne fiema'u kihe Siasi:

•⠀Koe tala'ofa 'a Sisu kihe Siasi:

1.3.1) Tohi kihe Siasi 'I 'Efeso: Siasi ma’u e tui totonu kae mole e ‘ofa (Rev 2:1-7)

Tokotaha ‘oku ne to’o e fetu’u ‘e fitu ‘ihono to’omata’u pea ‘oku ne fononga he lotolotonga ‘oe tu’unga maama ‘e fitu (Rev 2:1)

‘Ilo’i: fakaongosia; kataki, ‘ikai makataki’i ‘a e kau akonaki hala, sivi’i ‘o ‘ilo kau ‘aposetolo loi; kei kataki pe ‘o fuakavenga koe’uhi ko Sisu ‘o ‘ikai fiu (Rev 2:3)

Siasi ne mole 'ae 'ofa ne nau tomu'a ma'u kia Sisu pea mo 'enau fe'ofa'aki (Rev 2:4 sio kia James 2:14-18)

Uki ke fakatomala he 'oka 'ikai pea 'e hiki 'ene tu'unga maama (Rev 2:5)

Fehi'a kihe Nikolaitani 'aia na'a nau tui kuo fakatau'ataina kitautolu 'e Kalaisi ke tauhi 'aitoli mo fe'auaki (1 Cor 6:12).

Kau ikuna te nau kai mei he 'akau 'oe mo'ui 'ihe Palataisi 'oe 'Otua (Rev 2:7) 'aia koe potu ia te tau nofo kiai moe 'Otua (Lk 23:43)

1.3.2) Tohi kihe Siasi 'I Simana: Siasi mo’ua mamahi kae tu’uma’u pe (Rev 2:8-11)

•⠀Tohi meia ‘Uluaki mo Kimui, ‘aia na’e mate pea toe mo’ui (Rev 2:8)

‘Ilo’i: Siasi mo'ua mamahi he ngaahi laukovi pea 'oku ene ke mo'ua mamahi he ki'i taimi nounou ('aho 'e hongofulu Rev 2:10)

•⠀Uki: Ke pikitai kia Sisu 'o a'u kihe mate pea 'e ma'u 'ae kalauni 'oe mo'ui.

•⠀Kau ikuna 'e 'ikai te nau mo'ua ha mate 'angaua (Rev 2:11 sio kia Rev 20:10, 14).

1.3.3) Tohi kihe Siasi 'I Peakamosi: Siasi ‘oha kau mateaki ka na’e tali ai e akonaki hala (Rev 2:12-17)

•⠀Tohi meiate ia ‘oku ‘a’ana ‘ae heleta fakatoumata (Rev 2:13)

‘Ilo’i: Tu’u he feitu’u ‘oku tu’u ai ‘ae Taloni ‘o Setane ‘aia koe senita eni na’e feinga’i ai kakai lotu ke afe meihe lotu kia Sisu (Rev 2:13)

Kuo ‘osi mate ai ‘a ‘Anitipasa koe tangata ma’ata mateaki ‘a Sisu.

Siasi na'e ma'u e kau tui ki he akonaki 'a Pelami ke fakatukia kihe kakai lotu, ke nau kai me'akai 'aitoli pea mo fe'auaki (1 Cor 8:8-13)

Ngaue'aki 'enau tau'ataina koe me'a ke fakaai 'ae holi honau kakano (1 Pet 2:13)

Akonaki pe ia 'ae Nikolaitani (Rev 2:16)

Fakatomala 'oka 'ikai 'e tau'i'aki 'ae folofola (Rev 2:16)

Kau ikuna: ma’u ‘ae mana fufu; maka hinehina; hingoa fo’ou (Rev 2:17)

1.3.4) Tohi ki he Siasi 'I Taiataila: Siasi tupu fakalaumalie kae kataki’i ai ‘ae akonaki hala (Rev 2:18-29)

Tohi meia ‘Alo ‘oe ‘Otua ‘aia ‘oku hange hono ongo mata koe ulo’i afi pea ko hono va’e ‘oku hange koe palasa ‘afu hina (Rev 2:18)

‘Ilo ‘ene ngaahi ngaue: ‘ofa, tui, tokoni, kataki moe lahi hake ‘ene ngaue kimui (Rev 2:19) ‘aia ‘oku nau tupu fakalaumalie.

Kovi’ia: Kataki ‘o Sisipeli, taukave koe palofita, faiakonaki, takihee’i ‘ae kakai lotu, ke fe’auaki mo kai me’a ‘oku ‘oatu kihe ‘aitoli (Rev 2:20 sio foki kia 1 Cor 10:20-21).

‘Oku ‘ikai fakatomala ‘e li ki ha mamahi lahi pea ‘e tamate’i ‘ene fanau ‘aki ‘ae mahaki faka’auha, pea ‘e ‘ilo ‘ehe ngaahi siasi ko Sisu ‘oku hakule holi ‘ae loto, pea ‘atu takitaha fakatatau kihe ngaue (Rev 2:23)

Fakalotolahi kihe kakai ‘oku ‘ikai tali ‘ae akonaki loloto ‘o Setane ke pukema’u ‘o a’u ki he’ene toeha’u (Rev 2:26)

Kau ikuna: tuku kiate ia ‘ae pule ki he ngaahi kakai, ke pule ‘aki ‘ae sepita ukamea pea te nau ma’u ‘ae fetu’u pongipongi (Rev 2:27-28 sio kia Num 24:17)

1.3.5) Tohi kihe Siasi 'I Satisi: Siasi fua kavenga kae ‘ikai kakato ha ngaue (Rev 3:1-6)

Tohi meihe Tokotaha ‘oku ‘iate ia ‘a e Laumalie ‘e fitu (kakato ‘oe LM) pea moe fetu’u ‘e fitu (kau tataki kihe ma’oni’oni)

‘Ilo’i: ngaahi ngaue; hingoa ko mo’ui kae mate, ‘ikai kakato ha’ane ngaue ‘ihe ‘ao ‘oe ‘Otua (Rev 3:2 sio kia Rom 14:23)

‘Oka ‘ikai fakatomala, ‘e ‘ikai tene ‘ilo ‘ae hokomai ‘ae ‘Eiki.

Kihe kakai ‘oku te’eki ‘uli’i honau kofu te nau ha’ele moe ‘Eiki kuo ‘ai kofu hinehina (Rev 7:9-14) he ‘oku nau taau (Rev 3:4)

Kau ikuna: ‘Ai ha kofu hinehina, ‘e ‘ikai tamate’i honau hingoa mei he tohi ‘oe mo’ui, fakamo’oni hono hingoa he ‘ao ‘oe Tamai, moe kau ‘angelo (Rev 3:5 sio kia Mark 8:38)

1.3.6) Tohi kihe Siasi 'I Filatelifia: Siasi ivi si’i kae pikitai kihe folofola (Rev 3:7-13)

Tohi meia Mo’oni, Toputapu, tokotaha ‘oku ‘iate ia ‘ae ki ‘a Tevita ‘aia ‘oku ne to’o pea ‘ikai tapuni ‘e taha pea ne tapuni pea ‘ikai lava hano toe fakaava (Rev 3:7)

‘Ilo’i: ngaahi ngaue; tuku kiate ia ha matapa ‘oku ava ‘aia ‘e ‘ikai lava ‘e taha ke tapuni, he ‘oku si’i hono ivi ka ‘oku ne tauhi ‘a e folofola ‘o ‘ikai fakafisinga’i ‘ae hingoa ‘o Sisu.

‘E ha’u hono ngaahi fili mei he sinakoke ‘o Setane ‘aia ‘oku lau koe kau Siu kae ‘ikai (Rom 2:28-29), ‘o hu kiate kinautolu ke nau ‘ilo ‘ae ‘ofa ‘a Sisu ‘oku fai ki hono siasi

Koe me’a ‘ihe’ene tauhi folofola ‘e tauhi ia mei he taimi ‘ahi’ahi ‘oku ene ke hoko ke ‘ahi’ahi ‘ae kau nofo ‘ihe fonua (Rev 3:10)

Kau Ikuna: ngaohi moe pou ‘ihe temipale ‘oe ‘Otua; ‘ikai toe ‘alu; tohi kiai e huafa ‘oe ‘Otua moe hingoa ‘oe kolo ‘oe ‘Otua, ‘a Selusalema Fo’ou ‘aia ‘oku ‘alu hifo mei langi pea moe hingoa fo’ou ‘o Sisu (Rev 19:13)

1.3.7) Tohi kihe Siasi 'I Leotisia: Siasi koloa’ia kae li’aki ‘a Sisu (Rev 3:14-22)

Tohi meia ‘Emeni, Fakamo’oni Falala’anga mo Mo’oni; Kamata’anga ‘oe Fakatupu ‘ae ‘Otua

‘Ilo’i: ‘Ikai momoko pe mafana, kae mamafana pe (matu’aki ta’etaau fakalaumalie), pea koia ‘oku teu ke pu’aki ‘ehe ‘Eiki (Rev 3:16)

Lau ‘oku koloa’ia; ma’ume’a, pea ‘ikai masiva ha me’a, kae ‘ikai ‘ilo ko e mala’ia taha moe tu’utamaki taha (‘ikai ma’u e ‘Eiki), masiva (‘ikai ma’u ha tui), kui (‘ikai ‘ilo ‘ene angahala’ia) mo telefua (‘ikai hano kofu katoanga) (Rev 3:17).

Fale’i: fakatau ha koula kuo haka (tui kuo fakahaohaoa); moha ngaahi kofu hinehina (kofu ‘oe kau taau mo hevani); mo ha feau ke pani’aki hono mata (Laumalie Ma’oni’oni) (Rev 3:18).

‘Oku kinisi ‘ehe ‘Eiki hono ‘ofa’anga (Heb 12:6) koia faimanavakavakava pea fei mo fakatomala (Rev 3:19).

‘Oku ne tu’u he matapa ‘o tukituki (Song of Songs 5:2) (‘aia ‘oku ‘itu’a ‘a Sisu ia he Siasi), ka ‘oka tali ‘eha fakafo’ituitui (‘o fakatomala) pea te ne feohi tu’uma’u mo Sisu (Rev 3:20)

Kau Ikuna: nofoma’u mo Sisu ‘i hono taloni ‘o kaungahau mo ia ‘ihe Taloni ‘oe ‘Eiki (Rev 3:21)

1.4) Ngaahi Fakataataa mo hono ‘uhinga

Ngaahi me’a kuo pau ke hoko leva: Ko ‘ene hokomai he ngaahi ‘ao ke mamata kiai ‘a mamani kotoa (Rev 1:7; Dan 7:14; Matt 24:30-31)

Laumalie ‘e Fitu = Kakato ‘oe Laumalie Ma’oni’oni (Rev 1:4)

Huafa ko ‘Oku-’iai mo Na’e-’iai mo Kaha’u = Huafa ko KOAU AIPE (= Molitoni: Ko IAA-MO’UI-AIPE) (Exod 3:14)

Tu’ungamaama ‘e 7 = Katokatoa ‘oe Siasi (Rev 1:20)

Fetu’u ‘e 7 = Kau faifekau ‘oe Siasi ‘oku taki kakai kihe ma’oni’oni (Dan 12:2)

Tu’u ‘ae Fanautama ‘a Tangata (Heb 2:5-8) he lotolotonga ‘oe tu’unga maama = Tu’u ‘ae ‘Eiki toetu’u he lotolotonga hono Siasi ‘o kaungamamahi mo ia (Rev 1:9, 13)

‘Aho ‘oe ‘Eiki = ‘Aho Sapate = ‘Aho ‘oe toetu’u = ‘aho fakataha ‘oe Siasi (Rev 1:10)

Laumalie’ia = Sio’aki hono mata fakalaumalie kihe mo’oni’ime’a fakalaumalie ‘oe Siasi (Rev 2:10)

Fofonga moe lau na’e hinaekiaki = ‘ikai lava ke mamata kataki’i ha me’a ‘uli (Hab 1:13)

Ongo va’e koe palasa ‘afu hina = malohi ke tu’uma’u ta’eue’i ‘eha me’a (Rev 1:15)

Le’o hange ha vai lahi = le’o ‘oe kololia ‘oe ‘Otua ‘oku tu’u he loto Siasi (Ezek 1:24; 43:2)

Heleta fakatoumata masila mei hono ngutu = malohi ‘oe folofola ‘ae ‘Otua ke fai fakamaau hotau loto (Rev 1:16 sio kia Heb 4:12)

Fotunga hange koe la’a ulo malohi = Fotunga langilangi ‘o Kalaisi (Matt 17:2)

Kau Nikolaitani: Ngaue’aki e fakatau’ataina ‘ae kosipeli koe me’a ke fakaai ngaahi holi fakakakano (Rom 14:20-21)

kofu hinehina = kofu ‘oe kau ikuna, kuo taau moe nofo langi

mana fufu (Rev 2:17) = me’akai ‘oe fonua ko Langi ‘oku fafanga’aki kakai kuo pau ke ‘ausifonua (Jos 5:12)

maka hinehina tohi ai ha hingoa fo’ou (Rev 2:17) = maka fakamo’oni ‘oe mo’ui ta’engata (Jos 24:27; Isa 55:13)