Fakaha 12-14

Koe Talupite hono Fitu

Ko Fakaha 12-14 ‘oku ‘ikai fa’a lau ‘ehe tokolahi hano kaunga kihe talupite hono fitu. Ka ‘oku tau fokotu’u ia heni, he ‘oku ha mai koe konga pe ia ‘oe ngaahi naunau ‘oe ifi ‘ae Talupite hono fitu.

Talupite 7 = Mala 3 (Rev 11:15-14:20)

Ng le’o lalahi mei he Langi ‘oku pehe; Pule’anga ‘o mamani; hoko koe pule’anga ‘o hotau ‘Eiki mo ‘ene Kalaisi; pule ‘o lauikuonga pea ta’engata

= Iku’anga ‘oe me’a kotoa; Ikuna ‘ae pule’anga ‘oe ‘Otua (Zec 14:9)

To fo’ohifo matu’a ‘e 24 he ‘ao ‘oe ‘Otua ‘o hu; Fakafeta’i he kuo Hau ‘ae ‘Otua (v.17; ‘ita ‘ae ng pule’anga ka kuo hokomai houhau ‘oe ‘Otua (v.18); taimi ke fakamaau ‘ae pekia; totongi kihe kau tamaio’eiki; faka’auha ‘ae kau faka’auha fonua

= Hokosia ‘ae Fakamaau (Jn 12:31) = koe kolosi ‘o Kalaisi

Ava hake temipale ‘oe ‘Otua ‘i Langi; ha mai ‘ae ‘A’ake Kovinanite;

= fakamanatu ‘oe tauhi kovinanite ‘ae ‘Otua (Mk 14:24-25)

Hoko ha ngaahi ‘uhila moe mana; mofuike moe ‘uha maka (v.19)

= faka’ilonga ‘oe kau mai ‘ae ‘Otua mo hono kakai (Ex 19:16-19)

= ha’ele mai ke fakahaofi hono kakai (Ps 18:12-16; 77:18-19)

Fakaha 12

Ha ‘ihe langi ha me’a fakaofo; fefine kofu’aki ‘ae la’a; ‘i hono lalova’e ‘ae mahina; ‘ai ki hono ‘ulu ha kalauni na’e ‘iai ha fetu’u ‘e 12

= Siasi ‘oe ‘Otua Fuakava Motu’a moe Fuakava Fo’ou (Gen 37:9-10)

Kuo feitama ia; kaila he’ene langaa mo fakamamahi ke fanau

= hako ‘oe fefine ne tala’ofa’aki mai (Gen 3:15)

Ha ha me’a fakaofo ‘e taha ‘ihe Langi; koha fu’u talakoni kulokula; ‘ulu 7; nifo (me’atui) 10; kalauni ‘e 7;

= Setane (Rev 12:9); mafai fakatu’i koe ‘eiki ‘oe maama ko ‘eni (2 Cor 4:4)

Toho’aki ‘e hono iku ‘ae vahe 3 ‘oe fetu’u ‘oe langi ‘o laku kihe fonua

= fakahingaki e kakai ‘oku taki ‘a mamani kihe ma’oni’oni ‘ae ‘Otua (Dan 12:3)

Tu’u he ‘ao ‘oe fefine ene ke fanau; ke keina ‘ae tama ‘ae fefine ‘oka fa’ele’i (v.4)

= feinga ‘a Setane ke tamate’i ‘ae hako ‘oe fefine (Mat 2:16)

Fa’ele’i ‘ehe fefine ha tama tangata; tene pule’i ‘ae ngaahi kakai kotoa pe ‘aki ‘a e sepita ukamea

= koe hako ‘oe Fefine tene laiki ‘ulu ‘oe Ngata (Ps 2:9)

Hamusi hake ‘ene tama kihe taloni ‘oe ‘Otua (v.5)

= pekia, toetu’u, ha’ele hake kihe langi (Lk 9:52; Mk 16:19)

Hola ‘ae fefine ki he toafa; ai hono feitu’u ai ne teu ‘ehe ‘Otua; ke tauhi ia ai ‘ihe ‘aho ‘e 1260 (v.6)

= Hange pe ko hono tauhi ‘ehe ‘Otua hono kakai ‘ihe toafa he fononga kihe Fonua (Ex 16:4)

Hoko ha tau ‘ihe Langi; Maikeli mo ‘ene kau ‘angelo moe Talakoni mo ‘ene kau ‘angelo (v.7);Ikuna’i ‘ae Talakoni mo ‘ene kau ‘angelo (v.8); Kapusi ‘ae Talakoni = Ngata = Tevolo = Setane = kakaa’i ‘a mamani katoa; li hifo ia mo ‘ene kau ‘angelo ki mamani (v.9)

= Tau na’e hoko he kolosi (Jn 12:31-32)

Ongo mai ha fu’u le’o mei he Langi; Kuo hokosia ‘a e fakamo’ui moe malohi mo e Pule’anga ‘o hotau ‘Otua; Pule ‘ene Kalaisi; he kuo kapusi ‘a e “tukuaki ‘o hotau kainga ‘aia ‘oku ne tukuaki’i kinautolu ‘ihe ‘ao ‘o hotau ‘Otua he ‘aho moe po” (v.10)

To’o ‘e Sisu e Tohi tukuaki ‘etau ng angahala ‘o tukifa’o kihe kolosi (Col 2:14-15)

Ikuna’i ‘ae Talakoni ‘aki ‘ae ta’ata’a ‘oe Lami moe lea ‘oe fakamo’oni na’a nau fai; ‘ikai te nau mamae ki he’enau mo’ui ‘o a’u kihe mate (v.11)

= fa’ahinga kuo tuku ‘enau mo’ui ke mole koe’uhi ko Sisu moe kosipeli (Mk 8:34-35)

Fiefia ‘a Langi kae mala’ia ‘ae fonua; hoko hifo e Tevolo moe ‘ita lahi; toe si’i pe hono taimi (v.12); Fakatanga’i ‘ae Fefine ‘ae ne fa’ele’i ‘ae tama tangata (v.13)

= Fakatanga’i ‘oe kakai lotu ‘e Setane (Mat 10:17-19)

‘Ange kihe fefine ha ongo kapakau ‘ikale lahi; puna kihe toafa kihe potu ‘e tauhi ai ia ke ‘osi ha kuonga ‘e 3.5 ke ‘oua ‘ilo kiai ‘ae Ngata (v.14)

= Fakahaofi ‘ehe ‘Otua hono Siasi ‘oku falala kiate ia (Isa 40:31)

Pu’aki ‘ene Ngata ha vai hange ha vaitafe ke tuli kihe fefine hei’ilo te ne ‘auha ai (v.15); tokoni ‘ae kelekele kihe fefine; fakamanga ‘o inumia ‘ae vaitafe na’e pu’aki ‘ehe Ngata (v.16)

= ‘E fakahaofi ‘ehe ‘Otua hono Siasi mei he Loi ‘ae Ngata (John 10:10-11)

‘Ita lahi e Talakoni kihe fefine; ‘alu ‘o faitau moe toenga ‘oe hako ‘oe fefine; ‘akinautolu ‘oku tauhi ‘ae tu’utu’uni ‘ae ‘Otua mo puke ki he fakamo’oni kia Sisu (v.17)

= Ta’ofitu’u kihe malanga’aki ‘oe folofola ‘ae ‘Otua (Ac 4:17-19)

Pea ne ‘alu ‘o tu’u ‘ihe ‘one’one ‘oe tahi (v.18)

Fakaha 13

‘Alu hake ha manufekai mei he tahi (Manufekai hono Ua); nifo =me’atui 10; ‘ulu 7; kalauni ‘e 10; tohi ‘i hono ‘ulu ha ngaahi lea fie’otua (v.1)

= Toko Ua ‘oe Tolutapu Manufekai; tatau pe moe Talakoni; mafai fakatu’i (=kalauni 10) pe mafai fakapolitikale (Dan 7:24; Rom 13:1-2)

Hange ha lepati; va’e hange koe pea; ngutu hange ha laione; ‘ange kiate ia ‘a e malohi, taloni moe pule ‘ae Talakoni (v.2)

= ma’u ‘ae anga kotoa pe ‘oe manufekai ‘e 4 na’e mamata kiai ‘a Taniela = ng mafai fakapule’anga hau (Dan 7:1-6)

Taha ‘o hono ngaahi ‘ulu ne hange kuo te’ia ‘o mate; ka na’e faito’o hono te’ia;

= laiki ‘ehe hako ‘oe fefine he kolosi (Gen 3:15)

Tuliimui kiate ia ‘a mamani ‘o nau ofongi ia (v.3); Nau hu kihe Talakoni; tuku ‘ene pule kihe manufekai; hu kihe manu: Kohai ‘oku tatau pe kakunga ke faitau kihe manu (v.4); ‘Ange kihe manufekai 2 ha ngutu lau me’a lalahi mo fie’otua; fakangofua kene pule ‘ihe mahina ‘e 42 (v.5); Talalakulaku kihe ‘Otua; laukovi ki hono huafa; mo hono Tapanekale; ‘akinautolu ‘oku nofo ‘ihe Langi (v.6)

= tali ‘oe mafai fakapolitikale = hu kihe mafai ‘o Setane; Fehi’a kihe kakai ‘oku hu kihe Pule’anga ‘oe ‘Otua ‘ihe kuonga fakamui (mahina ‘e 42 = mahina ‘e 1260 = ‘aho ‘e 3.5; kuonga ‘e 3.5; Dan 7:25; 12:7)

Ange kene faitau moe fa’ahinga tapu pea ke ikuna kinautolu; pule ki he matakali, lea moe pule’anga kotoa pe (v.7)

= ‘ihe kuonga fakamui kae’oua ke hokosia ‘ae Fakamaau (Dan 7:25-26)

Hu kiate ia (manufekai 2) ‘akinautolu kotoa pe ‘oku nofo he funga fonua; ‘aia kuo ‘ikai tohi honau hingoa he Tohi ‘oe Mo’ui ‘ae Lami ‘aia na’e Tamate’i Talu mei he Tanupou ‘o mamani (v.8)

= Kakai ‘ae ‘Otua ‘oku tohi he Tohi ‘oe Mo’ui ‘e ‘ikai te nau hu kihe Manufekai pe tukulolo ki ai (Lk 10:20)

‘E popula pe kau popula; mate heleta kau mate heleta; ‘oku ‘ihe me’a ni ‘a e kataki ‘ae kakai lotu (v.10)

Ko ia ‘e kitaki kihe iku’anga ‘e mo’ui (Mt 10:22)

Manufekai ‘e taha (Manufekai Tolu) ‘alu hake mei he fonua; nifo ua hange koha Lami; lea hange koha Talakoni; Fai ‘ae pule kotoa ‘a e ‘uluaki manufekai (manufekai 2); ngaohi ‘ae fonua moe kau nofo ai ke hu kihe ‘uluaki manufekai; na’e faito’o hono te’ia mate (v.12)

= Kau palofita loi ‘oku tataki e kakai ke lotu ke tukulolo kihe ng mafai fakapolitikale moe Talakoni (2 Pt 2:1-2)

Fai me’a fakaofo; tuputupulefanua ke ‘alu hifo afi meihe langi kihe fonua (v.13); Kakaa’i ‘ae kakai ‘oku nofo he fonua ‘aki ‘ae ngaahi me’a fakaofo; tala kihe kakai ‘oe fonua ke ngaohi ha ‘imisi ‘oe manu na’e taa’i ‘aki ‘ae heleta kae toe mo’ui (manufekai 2) (v.14)

= Kakai lotu kae ‘ikai fai kihe folofola ‘ae ‘Otua (Mt 7:21-23)

‘Ange ha laumalie kihe ‘imisi ‘oe manufekai; ke lea; pule ke tamate’i ‘akinautolu kotoa pe ne ‘ikai hu kihe ‘imisi ‘oe manu (v.15); Kouna e kakai kotoa pe; ke ‘ai kiate kinautolu ‘a e faka’ilonga honau nima to’omata’u moe la’e; ke ‘oua na’a lava ha taha ke fefakatau’aki ‘okapau ‘oku ‘ikai ‘iate ia ‘ae faka’ilonga ko ia (v.17)

= Mafai fakaetangata fakafofonga e lotu moe mafai fakapolitikale ‘o ‘ai ke faingata’a ‘aupito ‘ae mo’ui ‘ae kakai ‘e ‘ikai muimui kihe fanga manufekai (Dan 3:5-6)

Koe faka’ilonga, koe hingoa ‘oe manufekai moe fika ‘o hono hingoa; koe fika fakaetanga ia; koe 666 (v.18)

= Fika ‘o Nelo Sisa (666); mafai fakapolitikale pe fakalotu ‘oku fakasino ai ‘ae ngaue ‘a Setane ke fakatanga’i kakai lotu (1 Jn 4:1-3)

Fakaha 14

Tu’u e Lami ‘i Mo’unga Saione; ‘iate ia toko 144,000, kuo tohi honau la’e hono huafa moe huafa ‘oe Tamai (v.1)

= Siasi fakalangi ‘oe ‘Otua ‘oku fakataha ‘i Mo’unga Saione ma’u pe (Heb 12:22)

Ongo mai ha le’o mei he langi; hange ha le’o ‘oha ng vai lahi; hange ha le’o ‘oha fu’u mana; hange ha ta ha’ape ‘aha kau faiva (v.2)

= fakafeta’i ‘oe ‘Otua ‘ihe Siasi fakalangi (Ps 98:5-6)

Matamata koe hiva fo’ou na’a nau fai ‘ihe ‘ao ‘o e taloni; ‘ao ‘oe me’a mo’ui ‘e 4; moe matu’a ‘e 24?; ‘ikai ha taha ‘e ‘ilo kihe hiva ngata pe he toko 144,000, ‘aia ne fakatau mei mamani (v.3)

= hiva ‘ae kau ikuna, ki he fakamo’ui ‘a hotau ‘Otua (Ps 96:1-2)

Ko kinautolu ia (toko 144,000) ‘ikai ‘uli’i he fai moe fefine; taupo’ou; muimui kihe Lami ha potu pe te ne ‘alu ki ai; fakatau mei he kakai; fuatapu ma’ae ‘Otua moe Lami (v.4); ‘Ikai ‘ilo honau ngutu ha loi; na’a nau ta’emele (v.5)

= Siasi fakalangi ‘oe ‘Otua ne fakatau’aki e ta’ataa ‘oe Lami (1 Pet 1:19-22)

Puna e ‘angelo ‘e taha he loto langi moe Kosipeli Ta’engata; malanga’aki kihe kau nofo he fonua; pule’anga kotoa pe; matakali; lea; moe fa’ahinga (v.6); Lea ‘o pehe: Mou manavahe ki he ‘Otua pea tuku kololia kiate ia; hokosia ‘a e taimi ‘o ‘ene Fakamaau; mou hu kiate ia na’e ngaohi ‘a e langi moe fonua moe tahi moe ngaahi matavai (v.7)

= Kei fanongoa ‘ae kosipeli he ngaahi tukui fonua (Mt 24:14)

Muimui mai ha ‘angelo hono 2; Kuo tokilalo ‘a fu’u Papilone ‘aia ne fakainu ‘ae kakai ‘aki ‘ae uaine koe tautea ‘ene fe’auaki (v.8)

= Koe fili ‘oe kakai ‘ae ‘Otua ‘oku fakavaivai’i ma’u pe ‘ehe kosipeli (Lk 10:18)

Muimui mai ha ‘angelo ‘e taha (‘angelo 3); le’a ‘o pehe: ‘Ilonga ‘ae lotu kihe manufekai mo hono ‘imisi; ma’u ‘ae faka’ilonga ‘i hono la’e pe nima; tene inu ‘a e uaine ‘oe tautea mei he ‘Otua; fakatau ta’ehu’i ‘ihe ipu ‘o ‘ene houhau; ‘e fakamamahi’aki ‘a e afi moe sulifa ‘ihe ‘ao ‘oe kau ‘angelo ‘ae Lami (v.10)

= Fakamamahi ‘o Heli kihe kakai ‘ae manufekai (Lk 16:24-25)

‘E ‘alu hake ‘ae kohu ‘o ‘enau mamahi ‘o lauikuonga pea ta’engata; ‘ikai ha’anau malolo ‘aho moe po; ‘akinautolu ‘oku lotu kihe manufekai mo hono ‘imisi; moe kau ma’u faka’ilonga ‘o hono hingoa (v.11)

= ‘Oku ‘ikai matamate’i ‘ae afi ‘o Heli mo hono ‘uanga (Mk 9:43-48)

‘Ihe me’a ni ‘a e kataki ‘ae kakai lotu; ‘akinautolu ‘oku tauhi ‘ae ngaahi tu’utu’uni ‘a e ‘Otua mo e tui kia Sisu (v.12)

Ke tau kataki mamahi pe kihe iku’anga (Mt 10:22)

Ongo mai ha le’o mei he Langi: Tohi, hili ‘eni, ‘oku monu’ia ‘a e pekia ‘oku pekia ‘ihe ‘Eiki; ‘io, te nau malolo mei he’enau fakaongosia; ko ‘enau ng ngaue te nau muimui atu mo kinautolu (v.13)

= ‘Oku tau hu kihe Malolo’anga Fakasapate ‘ihe’etau pekia (Phil 1:23; Heb 4:9) he ‘oku fakamo’oni kiate kitautolu ‘etau ng ngaue ‘ihe tui (1 Thess 1:3; Jas 2:20)

‘Iloange ko e ‘ao hinehina; heka kiai ‘ae Fanautama ‘a Tangata; ‘i hono fofonga ha kalauni koula; ‘i hono nima ha hele tu’usi koane masila (v.14); ‘Alu atu mei he Temipale ha ‘angelo ‘e taha (‘angelo 4) ‘o kalanga le’o lahi kiate ia ‘oku heka he ‘ao: Tu’usi ‘ae ta’u he kuo hokosia ‘ae ututa’u; kuo hulu ‘ae ta’u ‘o mamani (v.15); pea na’a ne utu ‘ae ta’u ‘o mamani (v.16)

= Ha’ele ‘angaua ke utu ‘ae ta’u ‘o mamani (Mt 13:39-43)

‘Alu ha ‘angelo ‘e taha (‘angelo 5) mei he Temipale mo ha hele tu’usi koane masila; Ha’u kitu’a mei he ‘olita ha ‘angelo ‘e taha (‘angelo 6); ‘a’ana ‘ae pule kihe afi; lea kiate ia na’e to’o ‘ae hele masila: ‘Ai atu ho’o hele masila ki he fuhi vaine ‘o mamani he kuo momoho hono kalepi; velo ‘ehe ‘angelo ‘ene hele ki mamani ‘o ne utu ‘ae vaine ‘o mamani; laku kihe tata’o’anga kalepi ‘oe houhau ‘oe ‘Otua (v.19)

= Koe Fakamaau ‘oe kau faikovi mo ta’etui (2 Thess 1:8-9)

Malaki ‘ae tata’o’anga kalepi; ‘i tu’a kolo; tafe ‘ae toto mei he tata’o’anga; a’u hake kihe piti ‘oe fanga hoosi; mole atu ki he vahe valu ‘e 1600 ‘oe maile (v.20)

= ‘E malaki ‘ehe ‘Otua ‘ae tata’o’anga kalepi ‘o ‘ene houhau ‘ihe ngaahi pule’anga kotoa pe (Isa 63:2-6)