ALLIANZ HOFFNUNG FINDEN

HOFFNUNG FINDEN

HOPE Miteinander Hoffnung leben isch z Thema vor disjährige Allianzgebätswuche...

Zum Hoffnig läbe mueme zersch aber Hoffnig finde…

I behaupte jede brucht Hoffnig in irgend ere form… dött wo kompletti Hoffnigslosigkeit itritt wo jeglichi Zueversicht endet dött isch Läbe nid möglich… Me hofft vieles und isch zueversichtlich in ganz alltägliche sache… was üsem Läbe atreib motivation muet und grund gid… wili mier erhoffe dass… bringi mini Kraft uf das z tue…

Eis vo de idrücklichste Biespil findi die Bränd in LA im Moment… D Hoffnig das ds Für nid ds eigene Hus erreicht motiviert mi und triebt vili ah iri Hecke, Strücher und Bäum rund ums Hus zruggzschneide uszriesse em Erdbode glich z mache anderersitz gsemer au gad uf politischer Ebeni wie sich vili erhoffend jetz scho chönne grundstei z legge für d Zuekunft… S wird drüber gredet wie das d Struktur vor Statt muen veränderet wärde wievill Budget dases Brucht, wie dasme sich gägesietig zuesicheret dasme Hilft bim weiderufbau vo dere Statt. Zwar sind d Bränd no lang nid glöst… und gliech ligt ganz ganz vill augemerk uf de Ziet wo denn nacher chunnt…

Me chan sini Hoffnig uf ganz verschiedes setze aber im kern gads immer um läbeserhaltig, oder läbesoptimierig…

Christliche Hoffnig hed de aspruch Hoffnig über üses irdische Läbe z gäh indämm das de Tod überwunde isch… Wemer Hoffnig suechend und Jesus als üsi Hoffnig betitlend denn müemer bir überwindig vom Tod und somit bim lääre Grab afange sueche…

Jesus vo Nazaret isch zwiefelsfrei en Historischi Person wo sini Existenz es villfachs bessers beleit isch als die vom Julius Cäsar… Wenn Jesus aber eifach en Historischi Person isch wo gläbt und am Krüz gstorbe isch denn isches potentiell glich unbedütend für mis läbe wie das de Juslius Cäsar de Rubikon uberschritte hed… Wenn aber Jesus de Tod überwunde hed s Grab lär isch denn findet sich Hoffnig wo für mie hüt zentral un dfür mis Läbe jetz und über das Läbe uf der Wält vo Grösster bedütig isch!

Wie findemer jetz Hoffnig im lääre Grab? D uverstehig Vo Jesus isch tatsächlich passiert au wenn sie kei Historischi tatsach isch… obi dra Glaube weni uf das lääre Grab reagiere isch aber vo gröster Bedütig…

I wet zwei Persone aluege wo uf das läre Grab reagiert hend nu ganz oberflächlich… Di ersti isch d Maria Magdalena i läse Johannes 20,11-18

Johannes 20,11–16 GNB2018

Maria stand noch draußen vor dem Grab und weinte. Dabei beugte sie sich vor und schaute hinein. Da sah sie zwei weiß gekleidete Engel. Sie saßen an der Stelle, wo Jesus gelegen hatte, einer am Kopfende und einer am Fußende. »Frau, warum weinst du?«, fragten die Engel. Maria antwortete: »Sie haben meinen Herrn fortgetragen und ich weiß nicht, wo sie ihn hingelegt haben!« Als sie sich umdrehte, sah sie Jesus dastehen. Aber sie wusste nicht, dass es Jesus war. Er fragte sie: »Frau, warum weinst du? Wen suchst du?« Sie dachte, er sei der Gärtner, und sagte zu ihm: »Herr, wenn du ihn fortgenommen hast, dann sag mir, wo du ihn hingelegt hast. Ich will hingehen und ihn holen.« »Maria!«, sagte Jesus zu ihr. Sie wandte sich ihm zu und sagte: »Rabbuni!« Das ist Hebräisch und heißt: Mein Lehrer!

D Maria staht vorem Grab midere ganz klare Brille wodur sie filteret was sie wahr nimmt… und zwar “sie Händ mim Herr wegggnoh und i weis nid wohie sie ihn bracht hend…” die Sicht versperrt ire im erste Moment z erkenne wär das ire da gad begägnet… ersch wo Jesus sie bim Name nennt erkennt sie das ischer ja…

S isch öppis zuenemend normals das me Hoffnig in Spirituellem, übernatürlichem suecht dasme Hoffnig in Gott suecht… z problem isch nur das vili und au christe nid nach dem wahre Gott suechend sondern villmeh nach me Gott suechend wo in üsi vorstellig in üsi Wunschvorstellig passt…

Wenn sich Gott in üsi vorstellige und erwartige wür verbüge denn findet d Maria nid en lebändige Jesus, sondern de Standort vor Liche… das erfüllt vilicht d Hoffnig nach Trost… aber will sich Gott als wahre und unverbogene Gott zeigt findet sie Hoffnig wo grösser stärker und sogar für üs hüt gültig isch…

Suechsch du also Hoffnig und wetsch sie in Gott gründe denn bruchtses das du dini Brille immer wieder parat bisch abzzie und die überrasche lah wie wahrhaftigi Hoffnig bime unverbogene Gott z finde isch…

Die zweiti Person isch de Johannes. Johannes 20,3-8

Johannes 20,3–8 HfA

Da beeilten sich Petrus und der andere Jünger, um möglichst schnell zum Grab zu kommen. Gemeinsam liefen sie los, aber der andere war schneller als Petrus und kam zuerst dort an. Ohne hineinzugehen, schaute er in die Grabkammer und sah die Leinentücher dort liegen. Dann kam auch Simon Petrus. Er ging in das Grab hinein und sah ebenfalls die Leinentücher zusammen mit dem Tuch, das den Kopf von Jesus bedeckt hatte. Es lag nicht zwischen den Leinentüchern, sondern zusammengefaltet an der Seite. Jetzt ging auch der andere Jünger, der zuerst angekommen war, in die Grabkammer. Er sah sich darin um, und nun glaubte er, dass Jesus von den Toten auferstanden war.

was heder gseh wo ihn Glaube laht? irgendwas hed bim Johannes klik gmacht… wemer kli tüfer itauchend denn wüssemer das ds Griechische wort wo da mit sah übersetzt wird als nid eifachs visuells wahrneh isch sondern gnaus inspiziere gründlichs drüber nadenke… z Wort isch theoreo was so vill heisst wie theoretisiere… Sie gsend die tüecher und hinterfragend… wär Jesus nid würkli tod gsie hätter so schwer verwundet nid d Kraft kah sich vo dene Tüecher z befreie und ersch rächt nid ohni sie z zerriesse… wär er vo feinde wägtreit worde warumm packends ne us? erstens sind d Tüecher z einzige vo Wert und anderersietz hed d Verwesig nach drü täg müesse igsetzt ha und wär das nid nur wärtvoll sondern au no en schutz gäge gstank… wärens Fründe gsie wo ih wäg treit hättend denn hättens de Lichnahm sichernlich nid entwürdigt indämm sie Jesus nackt wäggtreit hättend… und warumm sind die Tüecher fin süberlich zämegleit? S gid kei anderi erklärig als das Jesus sälber uverstande isch … de Johannes brucht sine verstand und wird so de erst wo im Glaube ad uverstehig Hoffnig findet… wenn du Hoffnig suechsch lahn di zwar gäge dini Erwartige überrasche aber bruch dine Verstand… Aber de Johannes belahts nid eifach binere intelektuelle usenandersetzig sondern glaubt ohni wüsseschaftliche bewies er richtet sis läbe jetz a dere erkenntnis us… Jesus läbt s stimmt waser gseit hed.. är isch de Messias… glaube isch da meh als es intelektuells zuestimme sondern es im Härz festhebe unds Läbe beiflusse lah…

Es gid die gschicht vome berüemte Hochseiltänzer wo täglich d Mengi beidruckt mid sine künscht über das seili z laufe, z tanze, sogar mit Velo oder Schubkarre überquert er das Seili… Nachdemm er d Mengi beidruckt hed fragt er wär ih zuetraui dasier mid 100kg ir Schubkarre immerno