Ostern und Gebet

Ostern und Untiabschluss Jaëlle

Was für en wunderbahre Tag! Mer däffend Ostere fiere und im glieche Atemzug d Jaëll wo ire Unti abschlüsst une mer sie sägne Täffend für ires wietere Läbe…

I de Vorbereitige zu hüt bini bir Jaëlle gise und ha sie gfragt was das denn ds Thema vor hütige Predigt däf sie wills mer amel no es Aligge isch zum nach am Läbe vo de Abschlüssler die Botschaft z gstalte… d Jaëll hed denn gseit ja z Thema sig ja scho kli geh dur e Tag… bim de wieter drüber rede hemmer gmerkt das ds Thema Gebät no daf en Ateil ha hüt und so isch das z stand koh wo eu i dere Predigt erwartet…

Ostere passt so wunderbahr guet zum Untiabschluss will an de Ostertäg luegemer nid nu das Ereignis wo z wichtigste Ereignis i de Gschicht vom Universum isch sondern luegemer au uf das Ereignis wo di allergrösti aller übertrumpfendi wichtigkeit und zentralität im Läbe vor Jaëll vo dier und mier hed…

Am Karfreitig gedenkemer em Tod vo Jesus am Krüz… Will kein Mensch vor oder nach Jesus hätt chönne de Asprüch grächt wärde wos würd bruche dasmer i de Gmeinschaft mit Gott chönt bestah schickt Gott de Vater sine Sohn Jesus Christus vo Nazaret uf die Wält… Jesus läbt als voll Mensch, voll Gott es Läbe wo em Vater im Himmel gfallt und entscheidet sich in keinere Situation öppis z tue wo Gottes Wille wiederspricht… er kriegts ufd Reihe weder unbewusst no bewusst öppis z tue wo ihn wür nachem Massstab Gottes schuldig spräche…

Är wachst uf lärnt de Job vom Zimmermah laht sich vom Johannes em Teufer taufe und wird bi dere Taufi vom Vater im Himmel mit em Heilige Geist erfüllt… De Himmel gad uf und de Vater bestätigt das isch mine gliebti Sohn an ihm hani freud! Usgrüstet mit em Heilige Geist mid de Autorität vom Vater reist Jesus durs land, rüeft Jünger id Nachfolg, redet Klartext, heilt Kranki und treibt Dämone us… alles in enger Verbundeheit und im Ständige gspräch mit em Vater im Himmel! Aber de villne Mensche zundere ziet gfallt das gar nid… sie händ sich en Status ufbaut sich an autorität und sie an Macht wo sie chönd usüebe gwöhnt und si sind stolz druf wie sie nach irne eigene Massstäb es guets und Gottesfürchtigs Läbe füerend… das da eine chunnt wo ine seit, he egal wie fest das iers probierend s isch nid möglich das ier so läbend dases Läng ir Ehwigkeit bi Gott z sie… das da öpper chunnt wo sich nid eifach so tüsche laht, öpper wo e natürlichi autorität hed, öpper wo sich nid em etablierte System apasst sondern in allem Gottes Wille an allererster Stell hed und das de vo sich sogar no seit er sigi de Versprocheni retter… das gfallt de Religiöse leiter vo dere Ziet gar nid… sie schmieden Plän wie sie de Jesus vo Nazaret wo irer Sälbstverwürklichung im Wäg staht chönd usem Wäg rume, wie sie dä chönd los wärde wo irem Ruef schadet und sie schaffends de Römisch statthalter so z manipuliere daser tatsächlich d Todesstraf am Krüz über Jesus verhängt…

Jesus wird verhaftet, vor de Hohi Raht zoge, uspeitst, bespuckt, blossgstelle, provoziert, verspottet und tatsächlich umbracht… er wird in Lichetüecher igwicklet und sis Grab wird mit me Grosst Stei verschlosse und vo de Römer bewacht… Drei Tag später findend denn als ersts d Fraue es leehrs Grab kurz drufabe au en de Petrus und de Johannes… da hani vor nonig allzulanger Ziet en Predigt drüber gha über d Raktion ufs leere Grab… d Maria wo kum wäggchunnt vo dem Gedanke sie hend min Herr wäggnoh und i weis nid wo sie ihn hiebracht hend… und de Petrus und de Johannes wo nacher innehaltend und nadenkend wiso das d Lichetüecher ächt sorgfältig zämegleit sind… i gan jetz nümm gnauer uf das ih aber s lohnt isch das no z lose i bin zimmli sicher uf üsere Websiete findeteme das no…

Die Ereignis vo Karfrietig bis Oster Mänig sind die Wichtigste Eregnis i de Ganze gschicht vo dem Universum so zentral und wichtig dases sogar z wichtigste isch für mis Läbe und für dies Läbe! Ds Wichtigste Ereignis vo nütem z überträffe wo hüt oder morn passiert oder gester passiet isch! Und drumm wetti mer en minute Ziet neh zum en Gedanke z Teile bevor mer nacher de übergang zum Gebät machend…

Wo Jesus am Chrüz hanget… da rüefend ihm d Lüt zue

Matthäus 27,39–42 ELB CSV

Die Vorübergehenden aber lästerten ihn, indem sie ihre Köpfe schüttelten und sagten: Der du den Tempel abbrichst und in drei Tagen aufbaust, rette dich selbst. Wenn du Gottes Sohn bist, so steige herab vom Kreuz! Ebenso spotteten auch die Hohenpriester samt den Schriftgelehrten und Ältesten und sprachen: Andere hat er gerettet, sich selbst kann er nicht retten. Er ist Israels König; so steige er jetzt vom Kreuz herab, und wir wollen an ihn glauben.

Bewies üs das du Gott bisch und mier glaubend dier… jetz stiegt Jesus nid vo dem Krüz obe abe… und gliechzietig behaupt i jegz hüt am Morge aber är hätti chönne…

s isch hüt gar nid so andersch oder… dases de Jesus gäh hed isch wietläufig eigetli nid in Frag gstellt… aber ober würkli de Sohn Gottes gsie isch… wär chan das beweise…

und da kriegt d Uferstehig sone zentrali Rolle… wenn Jesus de Tod nid überwindet… wenn de Tod über ihn triumphiert und är Tod bliebt… denn hed sis Läbe kein ifluss uf mies läbe und denn isch d Behauptig dases z zentralste Ereignis isch ir Gschicht vo dem Universum sehr absurd… wenn er aber uferstande isch, wenn er de Tod überwunde hed denn hemmer höchsti brisanz wo jede vo üsne Läbesberieche sött durdringe… und mier sind kli ähnlich dasmer sägend ja bewiesemer mal das de Jesus uverstande isch… i meine isch ja klar das in de Bible da drüber gschriebe isch aber hämmer würkli en Wüsseschaftliche bewies defür… chömers igedwie glaubwürdig erkläre? au wenns demm womer kennend und demm wo üs logisch isch so fest wiederspricht… i meine so usem buch use für üs isch logisch und das wüssemer us x erläbnis wenn öpper tod isch denn isch gmeinschaft mid dere Person nümm möglich… drumm isches ja au so tragisch wenn öpper stirbt!

Jetz chöme mer und sägend ja weme chönnt bewiese das Jesus vo de Tote uferstande isch denn würs üs eifacher falle au z Glaube daser würkli de Sohn Gottes isch… Aber da chömemer an es Problem… es Ereignis oder iged öppis über e Person vor vergangeheit Wüsseschaftlich z bewiese isch sowieso nie möglich… Wüsseschaft hed immer de Aspruch Wahrheit ufzzeige indemm sich en prozess x-mal uf di glichi Art und wies Wiederholt und vo demm beobachtet wird wo in Frag gstellt hed ob das stimmt… in anderne Wort… ob sich en Hypothese bewahrheitet wird dur es kontrollierts sich bi glichbliebende Parameter wiederholends Experiment beweise… es eifachs biespil… i säge Öl schwimmt uf Wasser und du seisch mier das glaubi aber nid… jetz nimi di mit ind Kuchi nime Wasser und Öl bi Zimmerthemperatur und fülle sie in es Glas… immer und immer wieder… dur das z Ergäbnis konstant z glieche bliebt chömmer säge und sogar dokumentiere dasmer wüsseschaftlich bewiese händ dases Wahr isch das Öl uf Wasser schwimmt… wemer also wüsseschaft zur Rat wend zie ob de Jesus würkli uferstande isch wärdemer nid zumne Ergäbnis koh… das wirsch au nid wenn du probier z wüsseschaftlich z bewiese das du hüt morge da bi üs im Gottesdienst gsie bisch… warumm… wills für de Wüsseschaftlich bewies vor Wahrheit immer gleichbliebends ergäbnis bi sich wiederholende versüech unter exakt de gliche vorussetzige handlet… will mer de morge nid chönd exakt reproduziere wirs wüsseschaftlich ubewiese bliebe das du im Gottesdienst gsie bisch… aber da chunnt die anderi Art wie dasme Wahrheit chan bestimme is spiel und die kennemer us em Gricht… dött wird anhand vo indizie und Zügeussage Wahrheit gfunde ohni dasme reproduziere muen was passiert isch… wemer uf die Art und wies ufd Uferstehig luegt denn wird me schnell merke dasmer einigi an Zügeussage hend wo Jesus nachem Tod no gseh hend… insgesamt hemmer Bricht über 11 verschiedeni Begägnige vo Jesus mit Mensche nach sinem Tod… Agfange bir Maria Magdalena hie zu de Jünger ufem wäg nach Emaus, de 10Jünger woner begägnet bi verschlossene Türe und es wiederholts mal ir Aweseheit vom Thomas… hie zu me bricht wo Jesus meh als 500 Mensche gliechzietig begägnet… zum en kline Uszug z geh lisi 1.Korinther 15,3-7

1. Korinther 15,3–7 NLB

Ich habe euch das weitergegeben, was am wichtigsten ist und was auch mir selbst überliefert wurde – dass Christus für unsere Sünden starb, genau wie es in der Schrift steht. Er wurde begraben und ist am dritten Tag von den Toten auferstanden, wie es in der Schrift steht. Er wurde von Petrus gesehen und dann von den zwölf Aposteln. Danach sahen ihn mehr als fünfhundert seiner Anhänger auf einmal, von denen die meisten noch leben; nur einige sind inzwischen gestorben. Dann wurde er von Jakobus gesehen und später von allen Aposteln.

jetz hemmer ganz e hufe zügeussage wo bir Wahrheitsfindig hälfend… klar chunnt jetz de iwand was wenn sie lügend… da däffemer es paar Umständ mit betrachte… da wäri als allerersts d Art und wies wie das ds Grab vorgfunde worde isch… zämegfalteti Lichetüecher was grabräuber usschlüsst will das z einzige vo Wärt gsie wär wo sie häten chönne intresse dra ha… öpper wo demit wet schade arichte hätti sich höchstwarschinnlich nid d Ziet gnoh d Liche no uszpacke und öpper wo Jesus gliebt hed hätti sine Lichnahm sicherlich nid so gschändet daserne eifach nackt wäggtrait hätti… denn isch z zweite womer müend in betracht zie… wärs en abgsprochene komplott und d uferstehig nu erfunde so wärs absolut fahrlässig inere Ziet wo ds Wort vonere Frau quasi nüt wärt hed Fraue als ersti Augezüge und überrbinger vo dere Botschaft z benenne… und wenn das immernoni gnüegt denn nämemer no de Fakt das zimmli jede wo da in sonen komlpt verwicklet gsie wär am schluss für die Sach stirbt, vo Steinigung bis zu Kopfüber krüzige isch da alles an schlimme Todesarte debie… Wärs erstunke und erloge wär das doch sehr unwarschinnlich das niemer igedwenn nahgid und seit… nai isch alles nu gloge gsie aber lönd mi läbe…

wemer nach wüsseschafliche methode nach de Wahrheit suechen chömemer nie zumen stichaltige ergäbnis wemer nid chönd in gliechbliebende umständ wiederholt z gliche Ergäbins erzile… drumm chömmer kei Eimaligi Ereignis und au kei Historischi begäbeheite demit prüefe… wemer aber d Wahrheitsfindismethode usem Gricht zur hilf ziend denn müemer unter de Berücksichtigung vo allne üs nekannte Fakte säge… Das Jesus vo Nazaret gläbt hed, am krüz ermordet worde isch und nach drü Tag uferstande isch… das isch Wahrheit und nichts als die Wahrheit! Und mit dämm Fakt wird sini behauptig er sigi Gottes Sohn und de Erlöser vo der Wält au unbestreitbar! Und so wird alles wo är üs seit, vorläbt, lehrt und zeigt zum absolut wichtigste Richtwärt in üsem Läbe…

Da gids e hufe womer chönd und däffend aluege aber ein Punkt hed sich d Jaëlle gwünscht woni au i dere Ziet vor Ostere gärn no wet belüchte… und zwar isches wie akündigt ds Gebät…

Jesus reist mit sine Jünger uf Jerusalem wo ds Jährliche Passapheft gfieret wird… warumm macht me das in Jerusalem? Will dött de Thempel staht wo Gott im Allerheiligste zmitzt i sinem Volk wohnt… Dr Tempel isch begägnigsort mit Gott dött isch sini Heiligi gägewart spürbahr und erläbbahr, dött wärden Opfer bracht und dött isch z Zentrum vom Jüdische Glaube! Mer gsehnd das vo afang ah wo Gott sich entscheidet mit sinem Volk unterwägs z sie dases de Ort wird vor begägnig… wo sie durd Würsti Reisend isches z zält vor begägnig oder au Stirtshütte gnennt de Ort wo de Mose mit Gott redet und vo ihm agleitet wird wie das är z Volk daf füere… De Salomo Baut denn en Tempel wo im Babylonische Exil zerstört aber speter wieder uferbaut und wärend em Läbe vo Jesus no vergrösseret worde isch…

Unabhängig ob Stiftshüte, ersti Tempel, zweiti Tempel oder vergrössereti Tempel z kärnaligge vo Gott isch en Bebägnigsort z zwüsche Mensch und Gott z ha! S gad um interaktion und kommunikation zwüsche Gott und Mensch… villicht seisch jetz i han aber gmeint es göchi dött vorallem ums Opfere… und ganz unrächt hesch dademit nid… täglich sind Opfer im Tempel darbracht worde und mer läsend im Exodus ganz vill awiesige wie das die z vollzie sind und d Jude machen es grosses Gschäft drus… da nid jede sini Tier mit nach Jerusalem chan neh wird mit Opfertier ghandlet… wo Jesus i demm Jahr woner au söll krüzigt wärde uf Jerusalem gad füert sine Wäg ihn wie gewohnt in Tempel…

Lukas 19,45–46 ELB CSV

Und als er in den Tempel eingetreten war, fing er an, die Verkäufer hinauszutreiben, und sprach zu ihnen: Es steht geschrieben: „Mein Haus soll ein Bethaus sein“; ihr aber habt es zu einer Räuberhöhle gemacht.

und au i de David wo de Wunsch ufem Härz trait Gott däffen en Tempel z baue schriebt im Psalm 40,7

Psalm 40,7 NLB

Du hast keine Freude an Opfern und Gaben. Aber du hast mir die Ohren geöffnet und ich erkenne, dass du keine Brand- und Sündopfer willst.

Was de David da beschriebt isch nid daser d Opfer als nichtig erklärt aber er seit eigetli Gott gads dier doch um öppis anders… Eigetli wetsch du begägnig und bezüchig mim Mensch das isch dis grosse Aligge vo ganz em Afang ah… für das Kämpfsch du wieter und wäge demm bisch du au unter dies Volk in Tempel go wohne cho… das isch de Grund warumm das de Sohn Gottes Mensch wird, sich schände und blosstelle laht stirbt als ultimatifs Opfer… das isch de Kern vo Aligge vo Gott… er wünscht sich nüt sehnlichster als Gmeinschaft als Bezüchig als Ziet mit dier!

Ds Hauptaligge im Tempel isch es söll es Gebätshus sie wo Mensche hiechömend zum i dere Form Gmeinschaft mit Gott z ha wo ine möglich isch… und drumm chan Jesus au behaupte i riesse de Tempel ab und richtene in drei Tag wieder uf… wiemers im erste Vers gläse hend hüt… Will i demm Moment wo Jesus als allgemeingültigs Opfer stellverträtend all üsi schuld begliecht wird Gmeinschaft mit Gott imene neue Mass möglich… de Wohnort Gottes änderet sich i dämm moment wo Jesus stirbt… s bruchts das de ungrächtvertigt Mensch d Heiligkeit vo Gott erträge mag das sich Gott uf de Rum im allerheiligste als Wohnort uf dere Wält beschrenkt aber i dämm moment wo Jesus de Preis zallt hed wird de Mensch grächt vor Gott und ertrait dur das er grächt gsproche worde isch wieder d gägewart und d Heiligkeit vo Gott drumm zerriesst de dicki vorhang vom Allerheiligste vo obe nach une… will Gott nu druf wartet daser us sinem Kämmerli kan stürme wills ihn nach Gmeinschaft mim mensch dürstet! Er lat kei sekunde lah verstreiche zumm nächer zum mänsch z gah sobald das de Mensch das vertreit! I dämm moment wo Jesus stirbt stürmt Gott usem allerheiligste… wohie? In de vo Jesus errichteti Tempel… in die und in mie und in üs sini Gmeind als sin Lieb 1.Korinther 3,16

1. Korinther 3,16 ELB CSV

Wisst ihr nicht, dass ihr Gottes Tempel seid und der Geist Gottes in euch wohnt?

Das was an Ostere passiert das was ds Univerum ufe kopf stellt isch das Gott möglich wird, ohni das sini Heiligkeit die gad wür töte, daser in Form vo sinem Geist wohnig in dier nimmt. De Begägnigsort vo Gott und Mensch wird für die jedi sekunde vo dinem Läbe zugänglich will er in dier dihai isch! Kein 3Wuchemarsch empfärnt hinter me dicke Vorhang sondern nächer als alles andere!

Du dafsch jederziet an jedem Ort eifach druf los pläuderle das nennt me denn Gebät… Gebät isch nüt anders als i entscheide mi dezue die Bezüchig mit Gott au z pfläge… sig das in Form vo Rede, zuelose, Singe, Tanze, Brüele, Lache, Klage und Flehe, Lobe und Danke…

Im Büechli der kniedende Christ wird Gebät folgendermasse beschreibe.

Es wird als Hinwendung der Seele zu Gott verstanden, die Gemeinschaft und Erkenntnis mit ihm fördert. Gebet ist ein Ausdruck der Abhängigkeit von Gott und eine Möglichkeit, seine Herrlichkeit und Gnade zu erfahren. Es ermutigt zur Anbetung und Dankbarkeit, was zu innerer Veränderung führt.

Drum isch d ufforderig bättend ohni unterlass au gar nid so unrealistisch…

Und will dä wo über Sünd und Tod triumphiert hed die als sies dihai wählt isches au gar kei frag ob Gott dini Gebät kört oder nid und wemer wüssend wär das empfänger isch vo üsne Gebät denn stellt sich au d Frag gar nümm ob sie öppis chön bewürke… He Gott kört gseht und freut sich über jedes vo dine Gebät und er laht sin allmächtige Arm dedur bewege!

Zwei Sache weti dier für dis Läbe mitgeh Jaëlle und ier andere däffend gärn au mitlose…

Z erste isch wenn du di jemals sötsch frage was wett Gott eigetli…

De Kern vom Wille vo Gott… das wo bir erschafig vom Mensch isch… das was Gott defür kämpft nachdems de mensch verbockt hed und das was ir Ehwigkeit uf üs wartet isch gmeinschaft mit Gott! Das isch Gottes wichtigsts aligge für das ischer parat z stärbe! und für das überwindet er de Tod! Är läbt hüt und gnau jetz gnau da isch möglichkeit für bezüchig mit ihm… das isch en Satz wo du dier übrigens egal wenn egal wo immer dafsch säge.. Är läbt hüt und gnau jetz isch möglichkeit für Bezüchig mit ihm!

und ds zweite i sinem Stärbe bewiest Gott sini Liebi zu dier! i sinere uferstehig sini Allmacht und Power! mit sinem Ganze Wese nimmt är Wohnig in dier! Wenn du die an ihn wendisch wenn du ihn gad gspürsch oder wen du wiet entfärnt vo ihm fülsch däfsch der dene Sache ganz gwüss sie! Är isch unveränderet wied ihn us de Bible und us dinem eigene Läbe kensch in dier dihai är Liebt die und ihm isch nüt unmöglich… gnau so dafsch du die an ihn wende dafsch du mit ihm dis Läbe bestreite und dine schöne wie au usefordernde Moment im Läbe entgägeträtte!