Jakobus 4, 1-7

Freundschaft mit der Welt Feindschaft mit Gott

I weti dä Morge gern mit es Paar Frage afange… Und zwar als aller ersts weti di Frage wend uf dini letste zwei Wuche luegsch wo bisch Weise gsie? Mer sind i dere Jakobusbriefserie wo sehr usefordernd isch und ganz ganz vill vo üs abverlangt… da ligt Gfahr drin dasme nu di neue Ufgabe und schienbar Unmögliche Ufgabe gseht… und es isch mer wichtig bevor mer i de doch nomel meh useforderndi Teil dreigönd dasmer au uf das luegend wo guet isch und mer en Moment fierend womer bereits hend chönne neus lärne und umsetze in üsem Läbe… i wet für das di letste Verse usem Kapitel 3 nomal läse wo beschriebend was Weisheit isch… Jakobus 3,17

Jakobus 3,17 NLB

Aber die Weisheit, die von Gott kommt, ist vor allem rein. Sie sucht den Frieden, ist freundlich und bereit, nachzugeben. Sie zeichnet sich durch Barmherzigkeit und gute Taten aus. Sie ist unparteiisch und immer aufrichtig.

und i wet di würkli ermuetige dezu das du die Moment in vordergrund stellsch wo der das glunge isch…

I bi devo überzügt, wemer id Bible luegend und läsend wie dasmer üses läbe söllend läbe gids weder en gliechgültigkeit no en schamvolli verurteilig… mer söllend üs motiviere und atriebele lah dur die Sache womer da läsend aber nid abezieh lah… wemer mit de Tatsach konfrontiert sind das Gott so vill zuestaht wie mer ihm nid fähig sind z bringe denn söll das in üs en Motivation uslöse und nid en berg ufrüefe wo unüberwindbahr schient und drumm in en gliechgültigkeit übergad… aber s söll und däff au nid so sie dasmer üs usruebend uf de Tatsach ja me kan ja sowieso nid drumm bringts au nüt wieter z lerne oder i han ja scho gnueg glernt i minem läbe drumm mueni jetz nümm… D Gnad wo üs entgegestaht söll dött mit aller Wucht träffe womer ir gfahr sind üs z verurteile und abezmache aber söll nie usred oder grund zur Tatelosigkeit sie!

Stiegemer ih in die hütige Verse und Will da en Frag staht als ersts weti eu die Frag au stelle und mer sammlen eifach mitenand… ohni ufzschriebe… Wohär chömend Krieg und Strietereie?

De Verfasser vom Jakobusbrief stellt die Frag aber er stellt sie no kli persönlicher… nid wiso füert de Putin Krieg oder warum wird im Gazastreife krieg güert au nid warumm strieten sich d Politiker über d Zöll sondern Jakobus 4, 1

Jakobus 4,1 ELB CSV

Woher kommen Kriege und woher Streitigkeiten unter euch?

S isch also nid d Frag nach dene Usenandersetzige wo mer nüt dezue bieträgend sondern die wo üs beträfend in üsne eigene Familiene in üsere eigene Gmeind zwüsched Gmeinde in üsem Persönliche Läbe… und er gid gad en Antowrt

Jakobus 4,1 ELB CSV

Nicht daher: aus euren Begierden, die in euren Gliedern streiten?

Ir neue Genfer übersetzig läsemers kli verständlicher

Jakobus 4,1 NGÜ NT+PS

Woher kommen die Auseinandersetzungen unter euch, woher die Streitigkeiten? Kommen sie nicht daher, dass in euch selbst ein Kampf tobt? Eure eigensüchtigen Wünsche führen einen regelrechten Krieg gegen das, was Gott von euch möchte!

und es gad wieter mit

Jakobus 4,2 NLB

Ihr begehrt und habt nichts; ihr schmiedet Pläne und tötet und bekommt nichts. Ihr seid neidisch auf das, was andere haben, und könnt es nicht bekommen; also kämpft und streitet ihr, um es ihnen wegzunehmen. Doch euch fehlt das, was ihr so gerne wollt, weil ihr Gott nicht darum bittet.

Wemer ganz ehrlich sind mit üs… was sind d uslöser für dasmer Streitend? Gads nid in allne fäll drumm dasi mier zu minem Rächt muen verhälfe, dasi z Gfühl han i kömi z churz, dasi mi in minere Ehr in minem Stolz verletzt fühle? Und da redi nid vo liebevoll gfüerte und au mal emtionale Diskusione wos drum gad dasmer mitenand usefinden was das Gott wet… De Jakobusbrief schreibt schmieden Plän und ier tötend…. wemer üs in erinnerig rüefend daser sehr nach a de Bergpredigt gschriebe isch wüssemer das da nid vo Mord im sinn vo i nieme dier z Läbe d red isch sondern s sich umd Usleggig vo Jesus vom Gebot du söllsch nid töte gad. Wenn du me Brueder seisch er seg en Idiot denn isches wie wenn du ihn Umbracht hätsch… Also döt womer usenandersetzige a de Liebi zu Gott und em Mensch verbie füerend…

Nied und Iversucht isch ds Erfolgserrezept für es unzfreides Läbe… Weni nied als treiber für mis Handle han denn wärdie nie becho wasi wet… will wenn Nied und iversucht trieber sind i minem Läbe denn wärdi vilicht kurzfristig erlange wasi will aber bin gnauso schnell wieder niedisch iversüchtig und wet öppis anders… S gid immer öpper wo no z bessere no z schönere no z tollere hed als ih… öppis no besser chan, no besser achunnt bi de lüt, no meh macht usüebe chan… En Streit wos drum gad mis eigene Rächt z erlange wird nid ände wils immer öppis wird geh woni denke da chumi z churz… S isch nüt neus womer da läsend… s isch em Jakobus ds Hauptaligge de Roti Fade dur sine Brief… Er kennt de Kampf vo de Gläubige die eigesüchtige Wünsch loszlah, sich komplett Gott z unterordne, sälber zruggzstah und sich izgestah nu Gott chan ächts Rächt schaffe… Und är redets nid klie är nimmts total Ernst und seit liebi Brüedere liebi Schwestere s isch en ernsti aglägeheit s gad umd Ehr vo Gott s gad also ums wichtigste in dinem Läbe! Au wenn du z Gfühl hesch dini Vorsorg, dine Status dis Asehe wär wichtig s isch nüt im vergliech wenns drum gad das Gott söll verherrlicht wärde… Dini eigesüchtige bedürfnis müend dött hine astah, das isch en Kampf wo söll und mune täglich gfüert wärde! Und jetz chömer in en Bereich wo no kli griefbahrer wird warumm das das em Jakobus so es grosses Aligge isch und warumm das das üs söll es Aligge sie…

Vilicht bisch vorher scho drüber gstoglet bim Läse

Jakobus 4,2 NLB

Doch euch fehlt das, was ihr so gerne wollt, weil ihr Gott nicht darum bittet.

und du hesch denkt ja moll i han ja Gott drum bätte aber das isch ja kein garantie dases denn au passiert … und drumm gads au wieter wo de Jakobus das so schriebt

Jakobus 4,3 NLB

Und selbst wenn ihr darum bittet, bekommt ihr es nicht, weil ihr aus falschen Gründen bittet und nur euer Vergnügen sucht.

Chame demfall falsch bette? Villicht kennsch de Kampf wenn du um öppis bettisch und nüt passiert das du denksch ja hani den eifach z wenig glaube kah? I meine da staht ja im Matthäus 21, das alles wasmer im Glaube drum Bettend mer au empfange wärden… Matthäus 21,22

Matthäus 21,22 ELB CSV

Und alles, was irgend ihr im Gebet glaubend erbittet, werdet ihr empfangen.

Chani denn falsch Bätte? Lut em Jakobus chame falsch bätte… und zwar immer dött wo eigeinteresse über Gottes Wunsch staht und immer dött woni minere eigene Beurteilig was jetz guet wäri meh glaube schenke alsi an Gott glaube, was heisst i vertraue im zu 100%!

Dini und mini Hauptufgab isch Gott z Liebe! Liebi verstaht d Bible nid als romantischs Gfühl sondern als Selbstufgab, Sälbst hiegab… I lueg wägg vo mier und hie zu dier! i lege all mini Sälbstsüchtige Egozentrische wünsch abe und wende all mini Kraft für dies Beste uf… I suche koste es wass es wolle vo mier dis Beste! Die liebi wo alles parat isch z geh und kompett vo sich wägg z luege söllemer all üsi Läbesbereiche durströme lah und die Liebi söll d Bezüchig zu Gott bestimme und dominiere…

Abebroche seit de Jakobus da nüt anders als Gott laht sich nid für dini eigene Interesse missbruche… ja er isch Liebi und suecht dis Beste aber er isch nid eifach en Marionette wo dur dini Gebät beliebig chan gstüret wärde…

I wet das amene denki sehr ilüchtende Biespil erkläre… Nämemer ah i nime mins ganze Geld und bringes zum Wettbüro und setzt alles uf de Underdog… und jetz gangi und bätte Liebe Herr im Himmel bitte mach, das das Team woni gad all mis Gäld druf gwettet han au gwünnt… was meineneder wie fest wird Gott das Spiel beiflusse?

Das isch jetz es ganz offesichtlichs Biespiel gsie… aber gnau gliech gilt das für üsi andere Läbesberiech… I wünsche mier es neus Sofa für dihai und han en meega tolls Occasionagebot gshe woni jetz sött ersteigere… Bitte Gott mach dasi die Auktion gwünne damiti neu es Sofa han wo zu mine Vorhäng passt und i defür bewunderet wärde wie guet dasi chan irichte… das wird Gottes Arm nid bewege…

mer gönd no wieter… Bitte Gott mach das üsi Gottesdienstsäl gfüllt sind mit vilne Mensche us allne Generatione mach das d Mensche us de Region erkennend dasmer nid komischi lüt sind und lueg doch das au üsi Junge regelmässiger chömend… will das wür en cooli Atmosphäre bilde und s wär schön wenn die Rüm kli mit Läbe gfüllt wärend und wenn d Mensche uf de Strass sägend oh du bisch de Teil vonere meega coole Gruppe denn tuet das unglaublich guet… das wird Gottes Arm härzlich wenig bewege…

Bitte Gott gib mer di rächte Wort hüt am Morge für die Predigt damit alli gsehnd was für en guete Rethoriker dasi bin… das wird Gottes Arm nid bewege…

Bitte Gott mach das sich mini Familieahörige zu dier bekehrend will i wünsche mier persönlich dasi si denn wieder daf gseh… das wird Gottes Arm nid bewege…

Was isch min Beweggrund ds igrife vo em Allmächtige Gott z erbitte? Wo ligt ds Haupaligge hinder minem Gebät? Isches eigeniteresse, isches sälbstverwürklichung oder gads drumm dasi Ihn so sehr Liebe dasi Sine Name verherrlicht gseh wet?

Und de Jakobus erklärt au gad wieso dases sovill sinn macht das Gott sich nid eifach als Läbesverbesserer missbruche laht…

Jakobus 4,4–5 NLB

Ihr Ehebrecher! Ist euch denn nicht bewusst, dass die Freundschaft mit dieser Welt euch zu Feinden Gottes macht? Ich sage es noch einmal: Wer ein Freund der Welt sein will, wird zum Feind Gottes. Meint ihr, die Schrift sage umsonst, dass der Heilige Geist, den Gott uns gegeben hat, eifersüchtig auf unsere Treue bedacht ist?

D Elberfelder schriebt a dere stell kli di gnauer übersetzig wo seit ihr Ehebrecherinnen… und da gads nid drum das d Fraue i dere Gmeind sexuell unmoralisch gläbt hettend… sondern das d Gmeind als Brut Christi ihm untreu isch… will mier i de Welt wend guet acho, will mier üs vo de Wält sache erhoffend will mier üs ständig vom System vo dere Wält verfüere lönd, will mier fründschaft zu dere Wält läbend machemer üs zum Feind Gottes! Wär d System vo dere Wält liebt, Richtum, Macht, Status, Belustigung hed nid nu en Aphäre mit igedöpperem… Sondern mit em grösste Find vo Gott em wiederscher! Mer müend verstah dases i dere entscheidig für Gott oder gäg Gott kein graubereich gid. Alles womer tüend wird in die zwei Kategorie iteilt für Gott oder gäge Gott was wiederum de Satan freut!

I ha letstens en Bricht gseh über en Christ wo mid Mensche us de Statanistische Kirche unterwägs gsi isch… und er hed verzellt wie erstunt daser gsie isch das die eigetlich sehr liebe Mensche in irne Versammlige nid Lobpreis für e Satan machend… und wie er dadedur realisiert hed dases Satam gar nid umbedingt drum gad das är abättet wird sondern das sis höchste Ziel vorallem isch das Gott nid abätte wird! Will wenns nid für Gott isch den isches gäge Gott, sig das weni mini alltäglichste ufgabe erledige oder weni die schienbar frommsche Sache mache… Lueg Gott wett nid eifach de Wichtigsti Teil vo üsem Läbe sie er wet jede bereich vo üsem Läbe durdringe in allem drin presänt sie!

De Jakobus bringt da en schwärwiegendi aschuldigung is fäld… Ehebruch isch für die Jüdisch prägte zuehörer ganz klar das mid Steinigung bestraft wird… s isch also ganz offesichtlich daser nid eifach die wiebliche Teilnehmer a dene Versmmlige wet töte sondern daser d Gmeind und somit jedes Gmeindeglied ind verantowrtig Ziet lueg wo du Gott untreu bisch…

Jetz liebt Jesus sini Brut d Gmeind ganz i demm Sinn vor Sälbsthigab vo i sueche dies beste und sini Brut isch ihm immer und immer weider untreu! Und zwar nid eifach mid igedöpperem… Sini Brut gad fremd mit em gröste feind wo Gott hed und trotzdemm liebt er üs wieter!

Jetz trai das mal um und probier die in Gott ine z versetze… das isch sälbstverständlich jetz nid de realität entsprechend aber s Hilft z verstah wie Absurd dasmer mengisch denkend das Gott müesst agiere… Weni us sälbstsucht oder egoismus use bätte denn isch das gliechzetze demit als ob i ufd Silvana wür zuegah und ire wür säge he i han da en Bitt an die… i weis du liebsch mi über beidi ohre und bisch parat z letste für mie z gäh… drumm wärs dier nid ächt möglich mi zu minere Affäre z fahre woni mid dere Person han wo die am meiste Hasst… hilf mer doch bitte debie die z betrüge!

Jakobus 4,5 NLB

Meint ihr, die Schrift sage umsonst, dass der Heilige Geist, den Gott uns gegeben hat, eifersüchtig auf unsere Treue bedacht ist?

S isch so sunneklar das Gott sich trotz sinere ganze Liebi für die und grad wäg sinere ganze liebi zu dier nid eifach für dini Sälbstsüchtige Wünsch missbruche laht und drumm isches so zentral dasmer üses Härz prüefend… Was isch gnau de Motivator hinter minem Gebät weles Ziel vervolgi…

Isches voller verlange nach eigenem Vorteil oder isches gfüllt mit vollem Glaube und Vertraue…

Und das isch gar nid immer so schnell z beantowrte… da mueni mengisch innehalte und mi Frage was wetti denn jetz genau weni mini Bitt an Gott richte… Weni Gott bestürme weni mis aligge uf eis Wort chönnt abebräche was wür bliebe weni hinter d Fassade luege? Was isch mis warum hinter dem woni erbitte… Wärs würkli en liebende Gott wener mi i dem unterstützt woner gnau weis dases am schluss sälbstzerstörend isch wills mi wägg füert vo ihm? Isches nid vill meh grossi Gnad wener mini gebät wo sälbstsüchtig sind nid erhört?

Jakobus 4,6 NLB

Weil Gott gnädig ist, gibt er uns immer mehr Kraft, solchen Begierden zu widerstehen. So heißt es auch in der Schrift: »Gott stellt sich den Stolzen entgegen, den Demütigen aber schenkt er Gnade.«

Stolz isch de trieber hinter em Egoismus… wili wet guet acho, wili wet Status, Ansehen, Macht… wili mi sälber wet verteidige… wili mi sälber wet rüehme und vo anderne Anerkennig kriege… Stolz isch ds gägeteil vor Liebi… de Stolz suecht de Eigeni vorteil, isch nid parat sich öppis säge z lah, isch uf de eigni Vorteil bedacht und isch ganz hüfit uslöser für üsi strietereie und vill z Oft triebendi Kraft hinter üsne Gebät…

Demuet vereint Glaube und Liebi… s isch es vollkommes Vertraue das Gott besser weis, är wichtiger isch und i mi zruggnime wens ihm zum Wohl dient! Das hed Gott verdient! und drumm chunnt au die Ufforderig im Vers 7

Jakobus 4,7 NLB

Deshalb ordnet euren Willen Gott unter! Widersteht dem Teufel, und er wird euch verlassen.

Was für e verheissig… wenis schaffe vo mier wägg z luege uf Gott wenis schaffe mi für sini Ehr sini Verherrlichung izetze weni ihm vo ganzem Herz vertraue weni mini Wünsch prüefe lahn und mi ganz Gott verschreibe… so wird au d Versuechig ihn z betrüge mid sinem Feind immer gringer wärde!

I weti üs allne jetz en Moment vo de Stilli gönne… womer üs gad Ziet nämend üsi Bitte z prüefe… was isch de Treiber hinter minem inbrünstigste Gebät! Gads drumm das i guet da stahn oder gads drumm das Gott gross wird? Und nacher wetti no mit me persönliche herzensaligge schlüsse!

Warumm isches wichtig in e Gmeind z gah? De Paulus schriebt im Hebräer 10,25

Hebräer 10,23–25 NLB

Deshalb wollen wir weiter an der Hoffnung festhalten, die wir bekennen, denn Gott steht treu zu seinen Zusagen. Spornt euch gegenseitig zu Liebe und zu guten Taten an. Und lasst uns unsere Zusammenkünfte nicht versäumen, wie einige es tun, sondern ermutigt und ermahnt einander, besonders jetzt, da der Tag seiner Wiederkehr näher rückt!

De Glaube ersthaft z läbe… so wiemer im Jakobusbrief ufgforderet sind… also nid nach de Bekehrig eifach stah z bliebe sondern üses Läbe so umzgstalte dasme d Liebi Gottes drin wiederspieglet gseht das isch gar nid immer so eifach…

Wemer Gott en grössere stellewert wend geh als eifach die billigi Rettig in aspruch z neh und en Ort z ha woni mini Nöt und Wünsch chan plaziere denn bruchemer enand damitmer enand chönd ermahne und asporne… Mer hend mit de Bergpredigt und em Jakobusbrief sache mitenand agluegt womer ehrlich enand müen igestah das niemer vo üs fähig isch das alles im Läbe umzete! I has igangs gseit dases nid söll verurteilend abedrucke aber es däf au nid en resignation oder es ufgeh und au keis i han jetz gnueg glernt in minem läbe uslöse… S söll us motiviere alles z geh und nachdemm i alles geh han d Gnad für das wos nid glangt hed in aspruch z neh!

Jetz hani ganz fest müesse lerne das zwar i persönlich ufd Gmeind agwiese bin… weni wet wachse im Glaube denn bruchi Mensche wo mi aspornend mier en Spiegel hiehebend mit mier erfolg fierend… aber i han mer au müesse igestag das Gott uf keini vo üsne zahlrieche Gmeinde i de Schweiz, egal mid welne drei Buechstabe vornedruf, agwiese isch sis Rich z baue! I gang sogar so wiet dasi säge au wenn sich Gott sehnlichst wünscht dasi mis Läbe mit ihm verbringe so isch er nid druf agwiese dasi mi für ihn entscheide… sini Hiligkeit sini grössi Macht autorität ja sis ganze sie bliebt unveränderet obi mit ihm oder ohni ihn durs läbe gang… Aber i bruche Ihn! S macht alles us obi mit oder ohni ihn durs Läbe gang… jetz und denn au in Ehwigkeit! Und das isch gad wemer Gmeind denken oft en wichtige und vilicht au vergessene Punkt…

Wiso gnau machemer was mer machend? Warumm gnau hemmer de Wunsch das di Junge meh in Gottesdienst chömend? Warum gnau wünschemer üs das neui Lüt zu üs id Gmeind chömend? Wenn de Grund und de Wunsch dehinder isch das üsi liebgwunneni Gmeind womer sovill herzbluet drigeh hend und üs so wohl fühlend daf en villversprächendi Zuekunft ha denn isch das definitiv die falschi Motivation!

D Gmeind isch mittel zum Zwäck Das i minem Läbe und i dinem Läbe Gott meh und meh daf verherrlicht wärde

und das funktioniert nunmal besser wemer mitenand unterwägs sind! Wetsch du i dinem Läbe meh und meh in das Bild wachse wo sich Gott wünscht denn isches unerlässlich das du chunsch… und isch dine Wunsch das Gott au im und durs Läbe vo dine mitchriste verhärrlicht wird denn isches unerlässlich das du dine Hälfendi Teil dezue bietreisch… Wenn z aligge isch mer wend en Verein sie wo über generatione Bestand hed denn simmer als Gmeind druf agwiese das neui mensche dezuechömend und das Mensche parat sind alli gwohnte funktione z erledige… wenn aber z aligge isch i persönlich bruche en Ort woni meh und meh lärne wieni Jesus ähnlicher wärde woni zur Liebi un dzu guete Tate ermahnt und ermuetigt wärde denn stellt sich au d Frag nümm obi mi am Gmeindeläbe beteilige… und weni drüber use sogar no ds Aligge han das Gott au durs Läbe vo mine Mitmensche verherrlicht wird, denn stelli Gott kontinuierlich d Frag wasi wämm wenn daf bringe! I glaube s isch üs wichtiger e schöni Homepage z ha, weli Lieder dasmer singend, weli susch programm mier abütend als dases Gott isch! Ihm gads drum das Mensche mit ihm bezüchig läbend und somit z beste us irem Läbe machend… dadefür bruchter d Gmeinschaft nid e spezielli Form…

Mier isch in letster Ziet vo verschiedenste Mensche in unterschiedlichster Form immer wieder begägnet dasmer de Lüt müess klar mache dasmer sie in verschiedene sache bruchend… i glaube das isch aber de falschi asatz! I glaube dases jedem vo üs muen bewusst wärde dasmer üs gägesietig bruchend wemer im Glaube wend wachse… und zwar nid zum es programm ufrächt erhalte oder öppis agwönts oder neus dure z zie sondern dasmer üs immer weider chönd asporne schritte im Glaube z mache… und ganz speziell wetti da di Junge erwähne! Die Gmeind brucht die Junge gnausowenig wie das Gott die gmeind brucht… Aber die Junge bruchend die! Sie stönd voll i dere spannig zwüsche wält und Gott und müend ire wäg finde… grad in de Ziet vor isolation und medialisierig bruchend sie physisch Mensche wo ine hälfend de Glaube azgah und da chusch du is spiel! Und äbeso isches mim Summerfest, de Gottesdienstleitig em Lobpries, em Putzteam oder de Gebätsstund… eifach zums ufrächt z erhalte das lohnt sich nid sich ufzmache und mit azpacke… wenn du aber chasch mithälfe das Gott dur dies oder durs Läbe vo anderne so meh chan verhärrlicht wärde denn lahn der d chanz nid entgah!

Lönd üs immer wieder für Gott entscheide und gäge die Wält! Und lönd üs enand mit ifer und Liebi gägesietig debie hälfe! Amen