Hebreeuse Woord - Emor

Goeie dag - die week kyk ons na die 31ste gedeelte/parashah met die titel Emor.

'n Titel wat afkomstig is van die vers in Lev 21:1 wat lees: “VERDER het die Here vir Moses gesê: Spreek met die priesters, die seuns van Aäron, en sê vir hulle: Aan 'n dooie moet 'n priester hom nie verontreinig onder sy volksgenote nie ….” So “Emor begin met spesiale wette van heiligheid en reinheid vir die priesterskap. Dan gee Levitikus 23 'n oorsig van die Bybelse kalender en 'n lys van die vasgestelde tye van Abba Vader. Vandag is ons die tempel van die Heilige Gees wat in ons woon. Ongelukkig, as ons kies om ongehoorsaam te wees aan Abba Vader se Woord, of as ons onheilige dinge of mense opsetlik in ons lewens wil toelaat, skep hierdie aksies onmiddellik 'n afstand tussen ons en Abba Vader. Heilige Gees, kan nie op 'n plek woon waar Abba Vader se heiligheid bedreig word nie. Nee Abba Vader sal Homself van die persoon verberg in 'n poging om Sy heiligheid sowel as die persoon teen 'n skielike dood te beskerm. Dit is waarom Paulus in Filippense 4:8 sê: “Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is — watter deug en watter lof daar ook mag wees, bedink dit.” M.a. w enigiets iets anders sal ons besoedel.

Soos die Emor, die 31ste gedeelte is wat saam bestudeer word, is daar ook ‘n woord met dieselfde gamatria waarde van 31. Gematria is 'n manier om die Skrif te interpreteer deur die letters van 'n Hebreeuse woord met die ooreenstemmende numeriese waardes te vervang en dan 'n totaal te bereken. ‘n Verwysing na Abba Vader is El (wat ons kan sien in Deuteronomium 32:15, 17; Job 3:4)), wat uit die Hebreeuse letters Lamed en Alef bestaan. Die numeriese waardes van hierdie letters is 30 en 1, wat 'n totaal van 31 gee.

So in ‘n Parashah gedeelte waar Abba Vader Sy kinders leer om hulself vir Sy koninkryk af te sonder, en hulle uitnooi na Sy feestye toe, sien ons hou dit direk verband met die naam El, wat Abba Vader self is, en dit skep by my hierdie gedagte dat Abba Vader Sy kinders wys, wat SY hartsbegeerte is, ‘n gedeelte waar El openbaar hoe Sy kinders Hom kan nader en saam Hom moet feesvier.

Die drie letters wat ons kry in die titel Emor is (Aleph - Mem - Resh) אֱמֹר

So die eerste letter waarna ons kyk

Die piktogram prentjie vir Aleph is dié van ’n os. Hierdie beeld simboliseer krag en leierskap. In die oorspronklike Palio-Hebreeuse skrif was Aleph voorgestel as ’n eenvoudige tekening van ’n oskop met horings – ’n simbool van gesag, sterkte en die vermoë om te lei. Dit wys op die karakter van Abba Vader wat sterk en vol gesag is, en wat Sy krag gebruik om te dien en verbind.

Die eerste woord wat Aleph bevat, is “Beresheet” (בְּרֵאשִׁית) – die eerste woord in die Bybel. Dit wys hoe fundamenteel Aleph is tot die hele skeppingsverhaal en Abba se plan vir mensdom.

Die kern idee van Aleph is eenheid, leierskap, krag en die verbinding tussen hemel en aarde. Dit wys op hoe Abba Vader Sy hand uitstrek na die mens, en hoe die mens op sy beurt na Hom uitstrek.

Aleph is dus veel meer as ’n letter – dit is ’n openbaring van wie Abba is, Sy plan van versoening deur Yeshua, en Sy hartsverlange dat ons met Hom verbind sal wees in liefde en waarheid.

Die oorspronklike piktogram vir Mem is ’n prentjie van water. Water word gesien as ’n bron van lewe — niks kan leef sonder water nie. Dit kan ook aandui op lewe en oorvloed (soos lewende riviere); Suiwering en reiniging . In Johannes 4:14 belowe Yeshua dat die water wat Hy gee, ’n fontein van ewige lewe sal wees — ons sal nooit weer dors hê as ons van Hom drink nie. Die vorm van Mem, selfs in moderne Hebreeus, lyk soos golwe.

Die numeriese waarde van Mem is 40. Die getal 40 het ’n diep Bybelse betekenis, en word dikwels geassosieer met: Beproewing en voorbereiding (bv. Israel in die woestyn vir 40 jaar). Dit kan ook verwys na oorgangstye — ’n nuwe seisoen of ’n nuwe skepping na ’n tyd van loutering. Yeshua se 40 dae vas in die woestyn voor Sy bediening begin het. Noag se 40 dae van reën wat ’n nuwe wêreld voorbereid het. Hierdie 40 dae/jare is nooit verniet nie — dit berei mense voor vir iets groters. Soos die water reinig, so berei Abba Vader Sy kinders deur beproewing voor vir hulle Godgegewe roeping.

Die woord Mem is verwant aan die Hebreeuse woord "mayim" (מים), wat water beteken. Efesiërs 5:26 sê Yeshua reinig Sy bruid met die waterbad van die Woord. In Eksodus 30 moes die priesters hulleself was om Abba Vader se teenwoordigheid veilig te kan nader. Water is dus nie net vir oorlewing nie, maar ook vir geestelike suiwering en intimiteit met Abba Vader.

Die eerste voorkoms vir die letter Mem is in Genesis 1:1 waar daar verwys word na Abba Vader in die woord Elohim . Mem se assosiasie met water koppel aan die Gees van Abba Vader wat in Genesis 1:2 oor die waters gesweef het — die Gees bring orde en lewe uit die chaotiese waters. Abba Vader, wat as Elohim beskryf word, is die bron van alle lewe, en water (Mayim) is een van die eerste simbole van Sy skepperkrag en teenwoordigheid.

Dan kom ons by die letter Resh.

Hier is die antwoorde op jou vyf vrae gebaseer op die gegewe inligting oor die Hebreeuse letter Resh (ר):

Piktogram prentjie: 'n Kop Betekenis: Leier, hoof, begin, meester.

Die gebuigde kop simboliseer ook nederigheid en diensbaarheid – 'n leier wat neerbuig om te dien, soos Yeshua wat Sy dissipels se voete gewas het.

Eerste voorkoms

Genesis 1:1 in die Hebreeuse woord "Bereshit" (בְּרֵאשִׁית), wat beteken "In die begin."

In hierdie woord is "Rosh" (ראש) ingesluit, wat "kop" of "hoof" beteken. Wat simbolies dui op Yeshua as die Hoof van die huis van Abba Vader.

Naaste verwante woord: "Rosh" (ראש) Betekenis:

Kop, leier, hoof, begin. Dit verwys na ’n persoon in gesag, soos Yeshua wat die Hoof is van die liggaam, die gemeente (sien Efesiërs 1:22–23).

Gematria waarde: 200 Betekenis: Die getal 200 word verbind aan:

2 (die letter Beit, verwys na die huis van Abba Vader)

10 (die letter Yod, verwys na die regterhand van God – Yeshua)

Die interpretasie is: Die Een met al die gesag in die Vader se huis – Yeshua, die Hoof van die huis.

Kern idee:

Yeshua as die Koninglike Dienskneg – die Leier wat neerbuig om te dien. Resh verteenwoordig die hoof, maar nie net as gesagvoerder nie – as diensbare leier, soos Yeshua wat gekom het om te dien, nie om gedien te word nie (Markus 10:43–45).Dit leer ons dat ware leierskap in die koninkryk van God beteken om ander in liefde te dien.

So hoe kom hierdie drie letters bymekaar en wat leer dit ons oor hierdie week se parashah: Ons het eerstens die Alef - wat verwys na : Krag, leierskap, en Aleph wys op Abba Vader self – El (אל) – die Een wat spreek en leiding gee. Deur "emor" spreek Abba vader Sy karakter uit: Hy is heilig, sterk, en Hy wil met Sy mense in verbond wandel. So roep Aleph ons om met gesag Abba Vader te eer en Hom te vertrou as ons leier. In die week se gedeelte moes die priesters afgesonder wees, om Abba Vader se volk te lei in aanbidding. Die priesters moes gesag hê vir Abba Vader se heiligheid en so word ons geroep om dit wat Abba Vader ons leer aan te neem en daagliks onsself te vind op hierdie pad van heiligmaking. Ons word geroep om die feeste van Abba Vader te eer, want dis ‘n ewige instelling, dis ‘n uitnodiging van Abba Vader aan elkeen van ons.

Dan herinner Mem ons aan die reiniging van die Woord – die waterbad van die Torah. Abba Vader se opdragte is nie 'n las nie, maar 'n fontein van lewe. Hy berei Sy kinders voor vir heilige intimiteit met Hom. Hierdie gedeelte wys dat reinheid nie net uiterlik is nie, maar ’n geestelike voorbereiding is vir iets groter — ‘n Goddelike ontmoeting. In die Parashah gedeelte sien ons die priesters moes hulself rein hou, offers moes heel en sonder gebrek gewees het en feesdae moes met ‘n rein hart gevier word. Sonder daardie reinheid kon hulle nie Abba Vader se teenwoordigheid binnegaan nie. En so word elkeen van ons gewas deur die waterbad van Sy Woord, as ons Sy Woord bestudeer en deelmaak van ons alledaagse lewe. Soos wat ons op hierdie pad van heiligmaking as diensknegte van Abba Vader wandel kom vorm die Woord ons meer en meer om op te tree soos ons Messias opgetree het.

Dan die laaste letter, die Resh. Die Resh wys op Yeshua as die ware Hoof van die huis van Abba Vader – die Een wat gekom het om te dien. Soos die priesters in Levitikus, roep Resh elke gelowige tot ‘n heilige, diensbare leierskap: om in liefde te lei, nie in trots nie. Soos in die week se gedeelte was die priesters in ’n posisie van gesag, maar was hulle ook gewaarsku om nie uit ‘n plek trots of onverskilligheid op te tree nie. Hulle moes as dienskneg-leiers optree – mense wat ander lei deur diens en gehoorsaamheid. En so teken Abba Vader vir ons ‘n padkaart. ‘n Padkaart wat ons lei en leer om ‘n priester, ‘n nederige dienskneg en ‘n dissipel maker te word in Sy koninkryk.

Daarmee wil ek vir ons afsluit in gebed…