Jakobus 4, 11-17

Mer däffend hüt mitenand ds Kapitel 4 vom Jakobus abschlüsse. Mer luegend mitenand d Verse 11-17 ah.

Da wärdemer merke dases eigeli zwei Themene sind womer dri luegend und dasme warschinnli au guet zu beidne en eigeni Predigt mache chönnt…

i läse d Verse 11 & 12

Jakobus 4,11–12 NLB

Redet nicht schlecht übereinander, liebe Freunde! Wer einen anderen verleumdet und verurteilt, verleumdet und verurteilt das Gesetz Gottes. Aber eure Aufgabe ist es nicht, das Gesetz zu richten, sondern dem Gesetz zu gehorchen. Nur Gott, der das Gesetz gegeben hat, kann gerecht richten. Nur er hat die Macht, zu retten oder zu vernichten. Welches Recht hast du also, deinen Nächsten zu verurteilen?

Schlächt überenand rede… das kennemer vor Schuel, vor Arbeit, imene Verein oder susch eswo… Aber es gids ebe au oft uner üs Christe… s schient es problem z sie im Neue Testhament wo nid nu de Jakobusbriefverfasser sonder au de Paulus in sine Briefe immer wieder aspricht. Und es isch öppis wo hüt zwüsche Gmeinde aber au innerhalb vo Gmeinde en vill zu grosse Platz kreigt…

Aber was heisst jetz das? Däffsch du nid nach em Gottesdienst zu mier cho und mier säge du denkisch i hegi mi z wenig uf de hüttig Tag vorbereitet? Däffemer enand nid druf hiewiese dasmer uf abwäge sind? Gads um Harmonie?

Nai s gad nid um Harmonie es gad um Hirarchie…

Glichstellig döt wos drum gad das mier Mensche üse Stellewert im verglich zu üsne Mitmensche kennend… Z problem vo verleumde und verurteile isch dasi mi dademit immer über Mensche stelle und d ufforderig i sölli mi sälber zrug neh komplett ignoriere… üs isch das sit em Afang vom Jakobiusbrief immer weider begägnet… die ufforderig egoismus loszlah sälstverwürklichung hine azstelle… und gnau um die Sache gads dött womer anderi verurteilen…

Du chasch nemmli niemer verurteile ohni Stolz z sie und ohni di über die Person wo du schlecht über si denksch oder redisch z stelle… I wet es Biespil mache…

S gid da die TV-Show wo heisst mein Leben mit 300kg. Das sind verschiedeni Mensche uns verschiedene Umständ mit verschiedene Gschichte wo allisamt über 300kg wiegend… s gad drumm wie das ires Läbe dadedur beiträchtigt und gfärdet isch und wie das sie de Vorsatz apackend zum abzneh… mindistens so vill das sie nacher chönten en Chirurgische igriff mache lah… ellei bim erste Ablick vo sondere Person fallts mier schwär die nid z Verurteile… und weme denn no gseht wie d Warnige vo de Ärzt nid hälfend und wie sie sich und ires Umfeld immer wieder belügend denn isch ds Verurteile sehr nach… weni aber die Persone verurteile denn chani das nur denn mache weni sälber stolz bin wieni mis Gwicht sälber im Griff han… Verurteile isch immer au Stolz das i nid so bin…

Villicht isches der jetz au gad schwär gfalle mi nid z verurteile dasi so sache luege… denn isches au im umkehrschluss es Stolz sie das du nid so bisch… Verurteilig hed immer au mid Stolz z tue!

ganz verrucht wirds dött woni mensche Verurteile aber gnau glich bin… denn luegi nemmli nid nu stolz uf sie sondern belüge mi sälber au… das isch es Phenomen wo Jesus ir Bergpredigt au scho aspricht…

Matthäus 7,3–5 ELB CSV

Was aber siehst du den Splitter, der in dem Auge deines Bruders ist, aber den Balken in deinem Auge nimmst du nicht wahr? Oder wie kannst du zu deinem Bruder sagen: Erlaube, ich will den Splitter aus deinem Auge herausziehen; und siehe, der Balken ist in deinem Auge? Du Heuchler, zieh zuerst den Balken aus deinem Auge heraus, und dann wirst du klar sehen, um den Splitter aus dem Auge deines Bruders herauszuziehen.

De Jakobus hängt ganz nah a dere Ussag vo Jesus… D ufforderig isch so dütlich sig Täter vom Gsetz nid richter…

S gid das Zizat Möchtest du die Welt verändern, beginne in deinem Land. Möchtest du dein Land verändern, beginne in deiner Stadt. Möchtest du deine Stadt verändern, beginne in deiner Straße. Möchtest du deine Straße verändern, verändere dein Haus. Möchtest du dein Haus verändern, so verändere dich.

Lueg nid was alli andere Besser mache chönd sondern frag die wo han i Veränderigsbedarf… Stell die nid über dine Mitmensch lueg nid uf ihn abe sondern sig sine Diener! Au dött und grad ersch rächt dött wo du sache gsehsch wo de Ander änderigsbedarf hed… Hilf ihm ufd Bei und druck en nid no wieter abe! Keine vo üs isch höcher als de ander… Wär nu eis Gebot broche hed de hed ds Ganze gsetz broche… und es isch niemer gise wo de ersti Stei hed chönne schmisse… legg au dini Methaporische Stei ab und wirf sie nid uf dini Mitmensche!

Das heisst nid das du sie nid in Liebi dafsch ermahne und das heisst au gar nid das du alles ellei muesch mache will der ja niemer daf säge wie… aber es gscheht uf augeebeni und zwar unter Gott… I dere Bibelstell wird nid nu ds Verhältnis vom Mensch zum Gsetz klärt sondern au z verhältnis vo Mensch zu Gott… är ellei isches wo ds Gsetz bestimmt unds richtet… wenn du aber richtisch denn stellsch du die uf Gottes ebeni, nimsch en platz ih wo dier nid zuestaht. Lönd üs nid Gott spiele… mier sinds nid… är ellei isch Richter au über mini Tate, und Gedanke!

und so chömemer zum zweite Kernthema vo dene hütige Verse… und da wetti gärn en Frag vorusstelle… wär vo eu glaubt dra das Gott kei fähler macht… und wär vo eu glaubt dra das Gott d Gmeind liebt? Und wär vo eu glaubt dra das Gott immer z gsamtbild gseht, är fähig isch sine Plan so z gstalte das nid ufzmal öpper vergässe gad?

Jakobus 4,13–17 NLB

Passt auf, wenn ihr behauptet: »Heute oder morgen werden wir in eine bestimmte Stadt gehen und ein Jahr dort bleiben. Wir werden dort Geschäfte machen und Gewinne erzielen.« Woher wollt ihr wissen, was morgen sein wird? Euer Leben gleicht doch dem Nebel am Morgen – schon nach kurzer Zeit ist er wieder verschwunden. Stattdessen solltet ihr sagen: »Wenn der Herr es will, werden wir leben und dieses oder jenes tun.« Nun aber seid ihr stolz auf eure eigenen Pläne. Doch solche Angeberei ist durch und durch schlecht. Denkt daran: Wer das Gute kennt und es nicht tut, der macht sich schuldig.

Wär vo eu hed de Gedankestisch vom jetzige Gmeindebrief gläse? Dött hani ja gschriebe es isch wichtig z wüsse woni hie will wieni sie will denn emal, dasi hüt chan afenge in die Richtig z schaffe… Isch jetz das en wiederspruch zu demm woni dött gschriebe han? Oder dött dezue dasmer als Gmeindleitig jetz en Vision ufgschriebe hend? Isches en ufforderig dasmer üsi Agenda söllend lär lah oder müemer jetz wemer en Uftrag im gschäft anemend immer säge… so Gott will und wir leben?

Nai ganz klar nid… de Jakobus seit da nid dasme nid söll plän mache sondern dasme Gott nid söll usse vor lah… Är bliebt da in dere Hirarchie woner üs die Frag stellt obmer würkli d illusion händ dasmer de Morgig Tag chöne vorhärsäge… s gad wieder um Stolz und agäberei… s gad wieder drumm das de Mensch dezue tendiert sich mitenand z verglieche und sich überendand z stelle und Gott debie us de rächnig laht… s gad voll i dere Linie wieter wos drumm gad das mier Mensche für alles abhängig vo Gott sind… und de Jakobusbriefverfasser macht das rächt schlau und klar indemm er die Frag stellt Wohär wender wüsse was morn isch? Eues läbe glicht em Näbel wo am Morge isch und nach kurzer Ziet wieder verschwunde isch…

I bin devo überzpügt es tüfs Bewusstsie vor Vergänglichkeit vom Mensch vo mier hilft mis Läbe in Gottes Händ z legge, bewahrt vor Hochmuet und gid Atrieb…

Was passiert weni mier minere Vergänglichkeit mindere Kurzwieligkeit bewusst wärde?

Als aller ersts löst das bi mier es Gsunds versändnis uns vo miere Wichtigkeit… Au weni mier sälbstversändlich wünsche das mis Läbe wichtig isch und das das woni mid minere Ziet afange vo Bedütig isch, so weisi doch dasi im Verhältnis zu de Gschicht wo Gott mid dere Wält schriebt sehr unbedütend bin… das heisst nid dasi wenig Wärt han für Gott oder mini Mitmensche… es heisst aber dasi mi nid allzuwichtig muen neh! Weder ir Sälbstverwürklichung no in Stritigkeite oder bim Gedanke i müessi zu minem eigene Rächt koh… merkender das sind alles Sache wo üs i dem Jakobusbreif scho begägnet sind…

Z zweite wo passiert isch das weni mier minere Vergänglichkeit bewusst bin und glich de Wunsch han öppis wärtvolls däffe z mache, denn gad das nur über de wo fähig isch sache vo Bestand z mache. Je meh dasi mier bewusst bin dasi en ganz klini Rolle ir Gschicht spiele desto meh keigi au ds Versändnis dasi nur inere komplette Abhängigkeit vo Gott öppis vo wahrem Wärt chan kreiere…

Mer chönd das überall beobachte… I chan rekordwältmeister sie… En Michael Schumacher wo mini Rekorde broche wärdend und scho wenigi Jahre später die Rekorde wo neu ufgstellt worde sind, wo besser sind als mini scho wieder broche wärdend…

Me chan säge d Erfindig vom Dampfschiff sigi so en Wältveränderndi sach… aber hüt wüssemer das da Verbrennigsmotore cho sind wo hüt wiederum meh und meh vom Elektromotor abglöst wärdend…

und wemer bir Elektrizität sind hed d Erfindig vom Stromnetz sicher die Wält revoluzioniert… aber simmer ehrlich was sind die paar Jährli Strom scho im verglich zu de Gschicht vo dere Wält, und sogar dött wie bi allem andere au simmer so fest vo Gott abhängig…

S gid das Gschichteli wo en Mensch vor Gott tritt und Gott seit lueg jetz bruchi di nüme i weis wie dasme en Mensch macht… und Gott siet ja guet denn zeig emal… und de Mensch tatsächlich ärde Nimmt und da drus en Mensch macht mid allem drumm und dra… Gott ihn aluegt und seit guet und jetz mach dini eigeni Ärde… Gott isch nid nu Elohim, also de schöpfer sondern er isch de Elohim vo allne Elohims… de Schöpfer vor allne Schöpfige… s gid nüt wo ir unabhängigkeit vo Gott hätti chönne erreicht wärde… Mid biblische Wort gsie es gid nüt neus unter de Sunne…

Je meh i mier minere Vergänglichkeit bewusst wärde desto meh realisierei au mini Abhängigkeit vo Gott… und gnau dadrum gads i dene Verse…

Es isch nid mach kei Plän… es isch nid resignier in dinere Vergänglichkeit sondern es isch d Ufforderig lahn Gott nid usse vor bi demm wo du dier vornimmsch!

Wemmer üses läbe inere Komode darstellend… denn isch hüfig so d Frag hesch denn Gott als obersti Priorität… Wemer üses Läbe ehrlich aluegend heder ganz am Schluss no kli Platz… wenn de Rest womer so müend im Läbe erledigt hend kreigt er denn au no sie Platz… oder isches am Morge z erste woni mache… D ufforderig da isch aber nid eifach mach ihn zu dinere Oberste Schublade sondern mach ihn zu deinere Komode… Gib ihm nid nu eifach en spezifische Platz i dinem Läbe sondern lahn ihn durch und durch all dini Sache beiflusse, bestimme, regiere…

wär de Gmeindebrief gläse hed de weis, das das mis Grösste Ziel im Läbe isch… dasi gärn es Läbe wet füere wo nachkommendi Generatione da drin inspiriert das Gott däff bestimme wo dure dases gad… und dasi es Gebät han woni meh und meh wet bätte und i jedem vo eu wet as Härz legge üeben eu au da drin…

Und zwar ischem am Start vom Tag en Uslegeornig z mache… Gott i han am hütige Tag folgendi sache Planet… i han die sach i minem Kalender woni mi mega druf freue und da staht die Sitzig ah woni so zentral finde für mine Dienst… du gsesch au dasi dött es Gspräch planet han woni nid würkli cool finde aber denke es wär wichtig das ds füere… und Herr du gsesch nid nu mini Plän für hüt sondern du weisch au drumm wasi zur Verfüegig han… Wo das mini Begabige liggend, weli materielle Ressource i han und du kensch au mini Grenze… klar kennsch das alles du bisch ja de Grund warum i han wasi han und chan wasi chan… jetz wetis dier hilegge und di Frage was passiert am hüttige Tag? I han mini Plän gmacht und das isch sicher nid verkehrt und i han dier ja dött scho gseit du dafsch mier säge was das dra isch… aber nomal ganz konkret für hüt… übernimm du ds Stür füer länk und leit du mi in jedere Situation vo demm Tag…

I han eu nach de Souverenität vo Gott gfragt… weni würkli and Unfählbarkeit vo Gott glaube… und ja i weis sehr guet das das au nid immer gad das isch womer tüen… denn isch das en unglaublichi Hilf denn au z tue was Gott seit…

I wet zum schluss no zügnis drüber abgeh wie das das konkret i minem Läbe usgseht imene Grössere Rahmne denkt als nur vo einem Tag… und zwar im völlige bewusst sie dasi no vill z lerne han i dem drin aber zum muet mache sich voll uf Gott z verlah und uf sini wiesige z lose! Und i weis dasi mi bi einzelheite wärd wiederhole woner scho kört hend…

Woni realisiert han das Gott real isch und das Jesus nid en Tote Mah sondern lebändige Gott isch hani en Moment kah woni brüelet han drüber was dasi bis jetz mid minem Läbe gmach han… i han ghaderet vorallem mid dem Gedanke das wenn Gott ja allmächtig isch daser ja mid minem Brueder wo am plötzliche Kindstod gstorbe isch gnau di gliche sache wenn no nid die Grössere Sache hät chönne mache wiener jetz mid mier vor hed… i ha denkt Gott hägi da en Fähler gmacht! Är hätti de Johannes chönne läbe lah und denn mini Eltere nid nomal schwanger… und i han in mier en Motivation entwickelt zum ds Läbe vo minem Brueder z ehre möglichst z beste drus z mache… i demm Moment soni Gott vorwürf gmacht han ischer mer begägnet und hed mer z verstah geh daser mine Schmez verstaht aber er kei fähler macht… er hegi sine Sohn Gopferet und wünschi sich dasi au das Sterbe als atrieb nime z bester us mim Läbe z mache… nid nu will de johannes an öppisem Gstorbe isch wo susch warschinnli min Tod gsie wäri sondern au das Jesus gsorbe isch wäge öppisem wo mini verdammnis wär… jetz hani da uf mis läbe gluegt und gseh weni sälber beurteile was das guet und richtig isch denn chunnts sehr schlächt… i han realisisert i muen regelmässig bi Gott nafrage und han das agfange… weni wet z beste us minem Läbe mache denn bruchi hilf und awiesig… und mid beste meini nid z bequemste oder z gmüetlichste…

so hani Gott immer weider ganz konkret in entscheidige vo minem Läbe ibezoge… sölli d Bruefsmatura mache… I han gar kei lust kah und au nie demit grächnet wilme mier immer gseit hed das wärdi sowieso nüt… aber Gott hed gmeint ja… gägeüber allne normalitäte bini de erst und einzig ir schweiz gsie wo im dritte lehrjahr no di Bruefsbegleitend Matura afangt… nu drumm hani uf Chur gwächslet als usbildigsort woni denn ir Jugendgruppe Leitig übernoh han… nach drei jahr d Frag wo reduziere… Job, Gmeind oder Schuel hani lang kämpft mid Gott wo Gott gseit hed hör mir Matura uf… i han z ziel kah die uf Chur z bringe nid das du en Abschluss machsch… gäge allne normalitäte hed min Usbildner ufzmal glich mis EFZ gfunde… die gschicht hani scho paarmal verzellt drumm holi jetz nid weiter us… d Frag isch aber immer mal weider cho wie hesch denn das mid Gott besproche… i demm fall hani mer zwei Mont lang jedi Wuche en Tag ziet gnoh zum mit Gott konkret drüber z rede… ihm die Frag z stelle was dasi söll oder ober mer nid wet Kraft und glinge mit allem mitenand geh… am schnluss isches es immer stärkers Gfühl worde dasi d Matura söll abbräche und dasi Gott söll vertraue… nachdemm i denn de Schuel gschriebe han isch am negste Tag d Bestätigung in Form vom EFZ cho wo ufzmal bi mim ehemalige Usbilder füre cho sig, dasi di richtig entscheidig Troffe han und Gott absolut min Versorger isch. I häti das EFZ bis jetz nie meh brucht, s isch eifach en zuesatz gsie vo Gott mier e freud z mache und mi z bestätige… wieter hed sisch denn scho glie d Frag gstellt nach Millitär woni hät chönne es Praktikum im Spital mache was mi sehr greizt hed oder Zivi woni ir nächi ha chönne bliebe und wieter ir Jugendgruppe ha chönne helfe… au da hani Gott gfragt… ohni grosses spektakel isch die Entscheidig denn uf Zivi gfalle… und au nach demm Jahr hed sich d Frag gstellt sölli jetz wieder zrugg ufe Pruef oder eher in richtig vollziet Gmeind… villfach hani so frage still mit Gott trait… villicht mal imne Hörende Gebät gluegt ob Gott öppis z säge hetti aber vorallem hani Gott immer zuetraut uf verschiedensti Art und Wies zu mier z rede… eini devo isch dur Mensche wo mi nid so guet kennend… und so isches au i demm fall gsie… s isch öpper uf mie zue cho und hed gseit obi mier das nid chön vorstelle als Jugendastor swo z schaffe sie hägi mier susch e stell wo i mi chönnt bewärbe… bim das hie und här traie hani gmerkt dasi das würkli sehr gärn wür… vorallem hani das a minere entüschig gmerkt woni d Absag kriegt han will em Pfarrer sine Sohn die Stell aträtte hed… so hani agfange ume luege und han Gott vo minem Wunsch verzellt… han mid ihm aber au abgmacht dasi nid ehwigs sueche… so bini uf die Stell bir VFMG cho wo sie mi absolut gäge mini erwartige agstellt hend… d Frag bim vorstelligsgpräch isch nach de Ziet gise woni mier chön vorstelle dasi bliebe woruf i gantowrtet han dasi mer chönn vorstelle Längeri Ziet z bliebe und i mer bewusst seg das so e arbeit Bezüchigsbau beinhaltet wo kli Ziet brucht… aber i au nid wet müed wärde Gott immer wieder z frage… vilicht kenneneder die Antowrt au no vo mier wos drum gange isch obi da als Pastor wet afange… im Protokoll vo dere Mitgliedervesammlig staht dasi scho gärn wür lenger bliebe als 2,5 Jahr… Au bi dere Entscheidig hani lang grunge obi mi als Pastor vo dere Gmeind söll bewärbe… i han fasch über das ganze Jahr wo niemer da gise isch nachem Jovan mit Gott drumm grunge, mit vielne Mensche drüber gredet und schluss am end au wieder Gott dur Mensche zu mier rede lah… nemmli immer weni mier gseit han dases nid logisch isch dasi ja bim Youthteam gseit han s sig bezüchigsarbeit und drumm sicher au meh als zwei Jahr und dases ja nid logisch isch vor der vertige Usbildig isch igedöpper uf mie Zuecho und hed mie wieder gfragt obi mer das nid chönn vorstelle, sie würend mi no gseh dött drin… Also hani au da en wieteri Sach gläbt wieni glaube das z läbe mit Gott beinhaltet… nemmli i bi Gloffe im volle vertraue das Gott türe wird uftue und zuetue… immer vor me Gspräch hani mer Ziet gnoh im z säge wasi sälber gärn wür aber ihn drum bätte er sölli lenke wie er gärn weti… bi de Astellig da hani Gott drum bittet daser sini Füerig wür dadedur zeige das d Abstimmig einstimmig sig… Dazumal hani nid ganz gnau gwüsst wasi will… i han die Ufgab im Verband sehr gnosse und mi nid parat gfühlt asl Pasor aber die useforderig hed mi au greizt und i han mi scho denn mir Gmeind verbunde gfühlt… Die Abstimmig isch denn eistimmig usecho was wieder nid nötig gsie wäri aber en bestätigung… und jetz chömemer i das teretorium wo ier kli mitkriegt hend… wärend Corona isch mier z Studium immer schwärer gfalle so dasi mi für en wächsel is fernstudium entschiede han… aber au das isch igedwie nid würkli das wahre gsie… i han d Motivation nid zämebracht und au nid d Strukur so chönne z bode bringe wie das ds Studium das gforderet hetti… Also hani grunge mit Gott… wetsch du würkli dasi wieter so vill gäld und Ziet in die usbildig investiere… und es isch nid vill koh… i bin i dere Spannig hange bliebe vo eigetli wetti und machts mer spass… aber so wienis im moment mache isches nid es guets verwalte vo mine Ressource… usserdemm hed min Stolz ganz e grossi Rolle gspillt… weni jetz wieder öppis Abbräche was denkend d Lüt… ach das gad scho igedwie… und mid demm Gedanke hani Grunge und kei klari awiesig vo Gott becho… i han vill mit Fründe und Studiumsverantowrtliche drüber gredet… han mer aber au immer wieder igredet das scho alles passt… bis Afangs Jahr 2024 woni Gott gseit han los mal so chans nid wieter gah… also hani mer regelmässig Ziet gnoh mid Gott drüber z rede womer ganz vill de Vers usem Philipperbrief in sinn cho isch… Gott isch de wos welle schaft unds Vollbringe nach sinem Wille… beides hed je lenger je meh abgnoh… ar schuel blibe bini vorallem minem Stolz z lieb… das hani denn nonig so klar gseh… also hani im März 24 mer e Dedlain gstellt und bin mit demm Vers ganz oft is Gebät… i han Gott gseit du bisch de wos Welle unds Vollbringe schenkt und du dafsch i mier ds Welle bewürke und mer hälfe dasi chan… i wünsches mer sogar dasi denn es paier han und nid öppis iweters muen abbräche dasmal sogar öppis woni no vill meh Gopferet han defür… und i han u vill Grunge mit Gott und ihm gseit das isch doch e gueti sach jetz bewürk doch bitte z welle in mier… aber egal ob Presenzstudium, Coronajahr, Fernstudium reduziert oder voll… alles was i minere Macht gstande isch z tue hani probiert woni nacher Gott gsiet han also i glaube dra das du chönntsch wenn du wetsch in mier e knopf uftue… du heschs nid also brächi ab… das hed mi imfall meh kostet als nu vo allne Siete unverständnis z ernte… hüt chani ufgrund vo dem Schritt mini Schwester eimal ir Wuche go Psueche was susch nie möglich gise wäri und mi vergliechbahr wen nid sogar meh id Nächi Gottes treibt… und so chömemer zu dem letste so Grosse schritt… üse Weggagn vo da… nachem Studiumsabruch sins wieder Mensche gsie wo üs usegforderet hend üs gnau z überlegge was das mier denn wend… en Gedanke woni no gar nid so kennt han weli immer eifach Gott gfragt han… en Gedanke wo aber u schön isch wili hüt überzügt bin Gott interresierts au was mier üs wünschen… das isch gar nid so eifach gsie… bim so hieluege sind ufzmal da und dött sache ufgfalle womes no chönnt besser und gmüetlicher ha, womes sich no andersch wünscht… und ja klar gids die Sache s wär en illusion dra z glaube dasme en Gmeind findet wome alles super findet… das isch also hine und forne nid de Grund gsie für üsi überleggige z gah… die sind am Muetertag 24 entstande… öppis womer gmerkt hend isch das üs fählt isch mit Fürnde uf natürlichi Art und wies d Leideschaft unds Aligge fürd Gmeind z träge… Mensche in üsem Läbesabschnitt wo üs useforderend andersch z denke und üsi gwonheite z hinterfrage, mer aber wüssend das sie es riesigs Herz hend für de Jesus und sini Gmeind… das isch da nie so natürlich entstande was aber an sich nid en grund gsie wär z gah… aber a demm Muetertag simmer in Brunn bi minere Schwester und irem Mah gsie… bi dene zwei Mensche wo üs immer in Sinn koh sind wemer üs gfragt hend mid wemm dases denn äbe gnau so es vorwertsgah isch… i han d Predigt ka bi ine a dem Sunntig mini Family isch debie gsie und i han es paar sache gseh woni jetz au nid di coolste gfunde han ar Art und Wies wie sie kile bauen… si hend denn aber bim Zmittag erwähnt das sie jetzdenn uf de suechi nachme Pastor sigend was mi nid losglah hed… nüme Bunde an Ort wägem Studium, die eini Sach wo üs am zentralste in Sinn cho isch mid dene Mensche womer als Biespil für das gwähöt hend womer üs denah sehnend… villicht chönnt das öppis sie…

Und wieder hani das agfange mit Gott diskutiere mir Silvana diskutiere mid Fründe teile und au mal mir Schwester ganz hypotetisch drüber z rede… wo si mier denn verzellt hed das au vo dere Gmeind us die Gedanke gsie sind, das de Vorstand scho mal abklärt hed wies denn usgseht mit öpper ohni Bachelor astelle und das Mensche mire Prophetische gab uf sie zucho sind und ine gseit hend sie gsechend das i mi sött uf die Stell bewärbe da sind für mie vili putzleteili zäme cho… und wieder hani Gott gseit lueg i lauf aber sig du de wo lenkt… du muesch türe uf und zue tue… und so hani mi beworbe… uf d Stell in Brunne bi de Gmeind wo mini Schwester hiegad…

jetz isch das aber nid üblich dasme sich bir gmeind bewirbt sondern bim Verband… also isch für üs klar gsie wenn de Regioleiter Ja seit denn hemmer die Stell zimmli ischer… alli vorzeiche und azeiche und d Stimme us dere Gmeind und d Vorzeiche bi üs händ i die Richtig dütet…

Bi dem bewebigsgspräch hed mi de Leiter vor Vivakile usegforderet mid de Frag obi denn au glaubi dases chönn sie das Gott das alles so ind Wäg gleitet hed eifach dasi mi mal bi ine vorstelle und sie mi jetz däffend wieterleite… sie hättend eigetli en anderi Stell wo sie denkend das no besser wür uf mini Begabige passe und i meh zum Flüge chön cho… i han ine denn gseit dasi nie wet d Wäge wie Gott chan lenke minimiere aber dasi egetli scho sehr gärn wenn denn uf brunne weli und susch müesiss mer sehr guet überlegge… Sie hend das so agnoh und uf de Heifahrt hani mi an Deal mit Gott erinneret… i gang und du lenksch… also gangi au da wo d Türe wieter offe gange sind… aber für üs isch eigelti au klar gsie wenn sie jetz die Bewärbig an brunne wieterleitend denn staht demm nüt meh im wäg… aber mer hend ine au d sOk geh mini bewerbig an ander Ort z schicke… kurz drufabe isch das erstgspräch gsie aber was vill wichtiger isch usem Nüt use d Absag vo Brunne cho… gliechzietig aber in Hallau d Tür immer wieter uf… und jetz gad üse wäg deött hie… und i muen eu ehrlich säge i han grosse respeckt… neui gägend neui mentalität keis umfäld uu vill theologe wo dött debie sind, musiker wo schwiezwiet bekannti lieder komponiert händ zum nu so s paar sache z nenne wo mir respeckt machen… dezue chunnt dasmer üs würkli wohl gfühlt hend mid eu… klar mer sind nid mid allem zfriede gsie aber doch eigetli isches nid mal so eifach das jetz z hinterlah… weisch wie oft hani mensche gseit ja aber was isch wenn d FMG Grosshöchstette niemer findet… i han scho es grosses aligge… vilicht chann und wet mi Gott da no wieter bruche! weisch was mer d Mensche um mie ume immer wieder gsiet hend… nimm di nid z wichtig! Gott chan mit und ohni die Gmeind baue sig das ds Brunne, z Hallau, z Höchi… dies dezuetue isch Näbel…

Weisch s wür me um wälte lichter falle z gah weme e suberi nachfolgelösig hätti… aber da chunnt mini Frag fest isch spiel… weni glaube da Gott kei fähler macht und daser sini Gmeind liebt… wen är die ganz situation gseht… denn isch au logisch das är d FMG Grosshöchstette nid vergesse hed unds ober das jetz scho gsehnd oder nid au de best möglich plan für Grosshöchstette isch so wies jet chunnt… was au immer drus resultiert… är hätti d möglichkeit kah öpperem das Höchstette ufs härz zlegge und är hetti d möglichkeit kah d Türe uf alli richtige zue z tue… oder ersch gar nid ufztue… är gseht üsi plän als Silvana und Andy Blind und er gseht d plän vor FMG höchi… är wie um alles woner üs an Recourse, Möglichkeite, Liedeschaft, Talent und Grenze zur verfüegig gstellt hed… simmer muetig s im hiezlegge und z säge so wie du wetsch wemmier au! Nid was mier als guet bewärtend sondern so wie du weisch dases guet isch… du dafsch d Kommode sie und nid eifach nur e schublade! Amen