Teus Utupe-hè yamak hila mo wei thã

Hapa xoniki wei thã

Epeso pèku-hè Paulun thã tũlu xumu le wei thã 5:18 (1)

Upa uk naxin wamak nomap xiha. Nomaoin ninam nosiama ihè, kama pihi apè xõwali la ma wei. Nomaoin ninam apè wãlihiki la ma wei. Wãlihiki thap hèm apè lulu po wei. Inaha wamak ku nokaa xeleop xiha. Teus Utupe-hè wamak hila mo yaioi. Teus Utupen wamak nosiama yaiop.

Nomaoin wa nosiama thehe

Kahon ai ninam wa xe xemo ithe

Ai walon ai thuwe hipo yo maha lã lehè nih tha xemo ithe.

Ai thuwen i wãlo nih tha maha lã lehè kama nih tha xemo ithe.

Ai wãlon ai thuwe nikili ma xemo ithe

Xinak xai po heli ithe

Nini ma ithe

ai wa ūku ma ithe

ai wa nini ma ithe

Ai ninam e thèk thomo xemo ithe

Homa pèku-hè Paulun thã tũlu xumu le wei thã 13:9-10 (2)

Teus e nosiama wei thãa-hè painaha thã apè kule: "Wãlo, ai thuwe hipo lã wei elihè wa nih tha xemop xiha. Thuwe, ai wãlo hipo lã wei elihè wa nih tha xemop xiha. Ninam pèk wa xelap xiha. Wa thomop xiha. Wa pihi wayiyio lãop." Ũhu nosiama wei thã ku maha kii, ai yalami nosiama wei thãak kum pè hetile. Maha kii, mõli nosiama wei thã totihi tolehe lehè apè kii: "Kahowa pihi po mo wei apè kule naha, ai wa pèk pihi pom hetioi", ũhu thã totihi tolehe lehè apè kii. Ai wa pèk pihi po thehe, ũhu pèku-hè wãlihiki wa tha xemo lã ithe. Inaha thã kua yalo, ai wa pèk pihi po thehe, Teus e nosiama wei thã hua wei wa taa ma ithe.

Teus Utupe-hè yamak hila mo thehe

Kalasia pèku-hè Paulun thã tũlu xumu le wei thã 5:22-23 (3)

Inaha maha kii, painaha Teus Utupen pihi tha ma xeleo wei apè kule: Pihi po yo wei apè tha ma wei. Pihi xiho wei apè tha ma wei. Pèk pihi yãnuku apè tha ma wei. Pèk pihi lopai waye lã wei apè tha ma wei. Pèk payili ma yo xaalio wei apè tha ma wei. Pihi totihio wei tha ma pè hetio wei. Pihin thã hu lothotho po wei apè tha ma wei. Pihi yãnuku totihio wei tha ma pè hetio wei. Pihi wasi mo wei apè tha ma wei. Inaha kõmoli totihi tha wei yamak tha ihè, ain yamak wasi lã ithe.

Hamnaha Teus Utupe-hè yamak hila mo wei thã kua?

Teus e thã hèm wa wãha hilai

Koloso pèku-hè Paulun thã tũlu xumu le wei thã 3:16 (4)

Kahowamak õxi-hè Xesus Klistu e thã ku totihiop. Kama e thãa-hè wamak pihi xati kei. Inaha tha wei, kama e thãan wamak pihi miyawe la ma le ithe. Teusin tha xumap naha wamak pihi miyawe la ma le ithe. Inaha wamak pihi miyawei, Xesus Klistu e thãa-hè wamak miyawe hila yoi. Kama e thãa-hè wamak nih waxua yoi. Wamak pihi miyawe la ma mo yoi. Wamak pihi miyawe la ma mo yo wei, Teus elihè aiamo wei wam thã thai. Wamak õxi hèm Teus elihè wamak xiho yalamio wei, aiamo wei wam thã thai. "Teus, kamiyamaku-hè wa totihi pè haikii. Inaha apè totihii", wamak ku yo wei, wamak aiamoi. Teus e thã tũlu-hè pata pèk e aiamo wei thãaxo, Xesus pata taa wei aiamo wei thãaxo, Teus Utupen ai aiamo wei thã hipia wei thãaxo, inaha aiamo wei thã kõmoli-hè wamak aiamoi.

Wa Teus pahalumai

Xutasin thã tũlu xumu le wei thã 1:20 (5)

Ipa nih ma wei wamak, Xesus e thã lixixi-hè wam thã hu lothotho pop. Ũhu thãan wamak pihi pata mam maxuluop! Teus elihè wamak wãha xuo thehe, Teus Utupen wamak lulu pop.

Teus elihè wa oplikato mo yoi!

Epeso pèku-hè Paulun thã tũlu xumu le wei thã 5:19-20 (6)

Teus elihè aiamo wei wam thã thai. Teus e thã tũlu-hè pata pèk e aiamo wei thãaxo, ai aiamo wei thãaxo inaha kõmoli wam thã thai. Inaha ku wei thã tha pehè wamak pihi lothotho la mo yoi. Wamak pihi xiho wei, Teus totihi taa wei, aiamo wei, Teus totihii wam thã thai. Kahowamaku-hè Xesus Klistu Pata kua yalo, kaman wamak thẽlema yalo, kõmoli themu-hè Opaho Teus totihii wam thã thai. Teus xi ũta mo wei wam thã thai. Kõmoli themu-hè xiho wei wam thã thai. Them totihi-hè, them wãlihiki maha kiihè, oplikatu mo wei wam thã thai. "Totihi. Totihi pè haikii", Teus elihè wamak ku yoi.

Xesusin wa nosiama wei wa hua xaalioi

Kalasia pèku-hè Paulun thã tũlu xumu le wei thã 5:16 (7)

Painaha ya pè wãha wei: Teus Utupen wamak lulu po maxuluop. Inaha wam thaa thehe, wamak pihi pexima wein wam yai nosiama kõ lã ithe.

Teus utupe-hè yamak hila mo thehe ku la yo wei thã

Pihi yãnuk

Pihi wasi wei

Pihi lopai waye puo lã wei

Pèk payili ma yo xaali wei

Pihi totihi wei