20260314 團契聚會領詩

想先同大家分享平安詩集462首《耶穌在榮耀中再來》，我哋先唱成首詩歌一次；因為結他的確有啲難去為呢首詩歌伴奏，所以我哋就跟住YouTube一齊唱啦。

《耶穌在榮耀中再來》全首一次

詩歌嘅副歌重複提到「古今來，最大盼望」—主嘅再來係歷代信徒最大嘅盼望，唔知我哋係咪呢？講起主再來，唔知大家係期待、係恐懼，定係覺得可惜呢？

但係詩人同樣提醒我哋，正正因為主再來嘅日子越嚟越近，弟兄姊妹最近嘅IG都喺度將最近嘅中東局勢同啟示錄拉上關係，主番黎嘅日子越嚟越近，我哋信徒更加應該警醒，否則我哋有可能被撇下。

想同大家再唱多一次呢首詩歌，今之請弟兄唱第二節、姊妹唱第三節，一四節同副歌我哋一齊唱。

《耶穌在榮耀中再來》全首一次

講完將來，而家又想同大家分享一首關於今日嘅詩歌，佢叫做《建造當趁今日》，相信大家都唔陌生嘅。

我哋先唱呢首詩歌全首一次，第一節請姊妹、第二節請弟兄，最後兩節我哋一齊唱。

《建造當趁今日》全首一次

呢首詩歌讓我想《哈該書》，《哈該書》第1章裡面咁講：

哈該書 1：2 「2 萬軍之耶和華如此說：“這百姓說：‘建造耶和華殿的時候尚未來到。’ ”」 我地有時候都會甘架啵，「最近好忙，冇咩時間靈修讀經」、「去旅行，係好難就到時間讀經架」、「最近靈性唔好，唔係好想同弟兄姊妹食飯」⋯⋯ 我哋有時都有好多藉口去解釋點解我追求得咁慢嘅原因，但係

哈該書 1：7–9 「7 萬軍之耶和華如此說：“你們要省察自己的行為。8 你們要上山取木料建造這殿，我就因此喜樂，且得榮耀。”這是耶和華說的。9 “你們盼望多得，所得的卻少；你們收到家中，我就吹去。這是為甚麼呢？因為我的殿荒涼，你們各人卻顧自己的房屋。”這是萬軍之耶和華說的。」

的確，我哋有時都會軟弱，但係神最強調嘅係今日：今日我哋願唔願意去省察自己嘅行為？今日我哋願唔願意就上山取木料建造這殿？重點唔係過往，而係今日我哋嘅選擇。

正如詩人一樣，我想，我地每一個認真信主都曾經有過感動：要為神建殿。但有時候我哋會盲咗眼，變得淨係顧自己嘅事，但係重點唔係過去，而係此時此刻，我哋願唔願意被神激動起來建造神家。

想問大家再唱一首詩歌全首一次，今次我哋一齊唱。

《建造當趁今日》全首一次