Xai Muas Graduation

Graduation

Xais Muas - High School Graduation

Daniel 1:

Daniel 1:8 NIV

But Daniel resolved not to defile himself with the royal food and wine, and he asked the chief official for permission not to defile himself this way.

“Daniel resolved not to be defiled”

Xais,

Zoo siab heev koj kawm ntawv tiav ib qeb lawm. High school yog ib theem rau tib neeg ntsuas nws lub zog hais tias nws paub thiab txawj yam twg. Koj twb yeej paub qhov nov zoo hais tias koj yuav ua licas thiaj khwv tau nyiaj los yug koj tsev neeg thiab koj lub neej yav tom ntej lawm.

Txawm koj yuav kawm ntawv thiab ua tau ntau npaum licas los koj nco ntsoov Daniel lub neej nawb.

Daniel yog ib tug hluas uas Vajntxwv Nebuchadnezzar uas yog txiv huab tais Babylon tuaj txeeb tau lub teb chaws Isxayees thiab xaiv cov hluas coj mus rau teb chaws Babylon. Daniel yog ib tug hluas uas muaj peev xwm, zoo nqaij tawv, zoo ntsej muag, thiab ntse heev. Nws tuaj kawm thiab paub ntau yam tsav.

Thaum lawv tuaj noj haus thiab npaj kawm txhua yam hauv txiv huabtais lub tsev, lawv muaj kev noj haus thiab ntau yam tsav. Daniel hais tias kuv yuav tsis noj cov nqaij thiab haus cov cawv no. Vim licas? Daniel hais lino vim cov cawv thiab cov nqaij nov lawv muab fij rau cov dab mloom, cov cawv hli rau cov dab haus ces mam li muab rau lawv haus.

Daniel hais meej hais tias nws yuav tsis pub nws lub cev thiab lub siab ua txhaum. Nws xaiv los hais tias “I resolved not to defile myself with the royal food and wine, and he asked the chief official for permission not to defile himself this way.”

Cov neeg Isxayees hlub Vajtswv thiab coj raws Vajtswv kev cai mas lawv tsis pub noj haus nrog cov neeg uas tsis yog Vajtswv cov menyuam.

Daniel kawm thiab paub ntau tsav yam. Muaj ib hnub Vajntxwv Nubuchanazzar npau suav ces nws hais kom txhua tus neeg txawj saib tes, saib xyas, saib hnub qub thiab saib caij nyoog tuaj txhais nws zaj npau suav. Nws tshaj tawm thoob plaws lub teb chaws kom cov neeg noj nws mov, nyob nws av ua nws pej xeem tuaj txhais nws zaj npau suav. Cov neeg muaj peev xwm tuaj koom uake thiab hais tias txiv huabtais koj qhia koj qhov npau suav rau peb ces peb mam txhais. txiv huab tais hais tias cov niag dag, nej yuav dag kuv kom kuv qhia nej ces nej mam li dag txhais li ub li no. Yog nej paub tiag ces nej cia li hais seb kuv npau suav licas.

Cov neeg tsis muaj leej twg txhais tau thiab lawv tsis kam vim lawv txhais tsis tau ces yauv tuag. Yog lino lawv thiaj hais cov tub rog tuaj muab cov tub kawm coj mus txiav caj dab vim pub mov rau lawv los nkim mov xwb. Daniel thiaj nug hais tias vim licas. lawv qhia tag rau Daniel ces Daniel thov Vajtswv, Vajtswv nthuav qhia rau Daniel. Nws thiaj txwb kom txhob coj cov neeg mus tua pov tseg vim nws mam mus txhais npau suav rau Vajntxwv.

Daniel mus hais rau Vajntxwv hais tias kuv paub koj zaj npau suav thiab kuv yuav txhais rau koj. Tom qab Daniel hais tias Vajntxwv npau suav licas tag ces txhais tib si rau Vajntxwv. Lawv thiaj tsa Daniel ua ib tug saib dej num thiab cov tub txawg tub ntse tag nrho.

Peb tuaj nyob teb chaws Asmelikas nov Vajtswv coj peb los paub Vajtswv. Koj nco ntsoov hais tias koj txhob muab koj lub neej tsau thiab tsuas nrog txoj kev phem qias hauv lub tebchaws nov mog.

Qhov khwv noj hausj, kawm ntawv, ua hauj lwm, ua si, yeej muaj tiamsis qhov yuav ua phem qias, siv yeeb tsuaj, quav cawv quav beer thiab muag yeeb muag tshuaj txhob ua nawb.

Txhob muab koj tus kheej poo nrog cov neeg phem vim cov kev phem yuav tsuas koj tsis dawbhuv.

Yexus los ua cov tshuaj ntxhua khaub ncaws ntxhua koj dawb huv lawm. Hnubno koj ua yam twg ces ua kom Vajtswv tau ntsej muag nawb. Asmes.