Fussballspiel

Rituale

Wer kennt das Lied: Ich ghöre es Glöckli das lüchtet so nett, de Tag isch vergange, jetzt gahni is Bett.. ? Es Guetnachtliedli, wo vill Eltere mit ihrne Chind vorem iischlafe singed. Wer kennts? Ich hoffe, d Könfis sind etz nöd gad igschlafe, die hend nämli di letscht Nacht am Griifesee i Zält verbracht und sind drum jetzt vilich bitz müed.

Es isch doch erstunlich, wieme Guetnachtliedli oder Gebet wie “Ich ghöre es Glöckli” no immer kennt. Ich meine, d Französisch Voci oder d Ufzgi womer het söle mache vergisstme ja scho nach paar Sekunde! Aber Guetnachtliedli, die bliibed irgendwie!

Klopp

Wer kennt de da? Das isch de Jürgen Klopp, momentan Trainer vom FC Liverpool. Bim FC Liverpool spillt de Xherdan Shaqiri. De Kenneder, oder? Er isch im Summer Champions League Sieger worde, die wichtigsti Uszeichnig im Klubfuessball. Als Chind het er mit sinre Mueter jede Abig das Gebet betet:

Müde bin ich, geh' zur Ruh'

Müde bin ich, geh' zur Ruh'

Müde bin ich, geh' zur Ruh'

Müde bin ich, geh' zur Ruh' Schliesse beide Äuglein zu Vater lass die Augen dein Über meinem Bette sein. Alle, die mir sind verwandt Gott lass ruh’n in deiner Hand Alle Menschen gross und klein Sollen dir befohlen sein.

Er redet ganz offe über sin Glaube a Gott und Jesus Christus. Losemer doch mal ihne, was er über sin Glaube verzellt.

Video: Interview mit Jürgen Klopp

De Jürgen Klopp seit im Interview, dass die wichtigsti Person für ihn Jesus Christus isch, will er am Chrüz gstorbe isch für all oisi Sünde. Die Botschaft hegi d Welt verenderet und seg bis hüt am würke.

De Jürgen Klopp chan ganz offe über sin Glaube rede und ich wünsche ois allne, dass mir das au chönd! Ich glaube und hoffe, dass au ihr schomal so Erfahrige im Glaube gmacht hend unds nöd nur für oi bhalte hend, sonder mitenand teilt hend.

Ich würmi sehr gern mitem Jürgen Klopp unterhalte. Er lacht gern und vill und me chan sicher guet Ziit mit ihm verbringe. Mich würs zum Biispiil wunderne, was das für ihn heisst, dass Jesus für all oisi Sünde gstorbe isch?! Was verstat er da drunder? Oder: Wie würkt sich sin Glaube im Alltag us?

Ich glaube, dasses mega wichtig isch, sich über de Glaube z unterhalte und Erlebnis z teile. Glücklicherwiis hemmer hüt öper under ois, wo es Erlebnis möcht mit ois teile. Das brucht mega Muet, so öpis persönlichs da vorne z verzelle. Und drum bitt ich oi, dass ihr d Julia miteme ganz warme Applaus begrüessed. Chum doch füre, Julia.

Verzell doch mal zersch, wer du bisch, vo wo du chunsch, was du machsch.

Julia erzählt.

Du hesch es Erlebnis gmacht, was hesch erlebt?

Julia erzählt.

Rückfragen etc.

Danke vielmal Julia, dass du das Erlebnis im Glaube mit ois teilt hesch. Du dörfsch wider an Platz ga, nomal en herzliche Applaus fürd Julia.

Ide Bible lesed mir, dass Gott sich jedem zeige wet, wo ihn suecht:

Matthäus 7,7–11 ZB 2007

7 Bittet, so wird euch gegeben; sucht, so werdet ihr finden; klopft an, so wird euch aufgetan. 8 Denn wer bittet, empfängt; wer sucht, der findet; wer anklopft, dem wird aufgetan. 9 Wer unter euch gäbe seinem Sohn, wenn er ihn um Brot bittet, einen Stein, 10 und wenn er ihn um einen Fisch bittet, eine Schlange? 11 Wenn also ihr, die ihr böse seid, euren Kindern gute Gaben zu geben wisst, wie viel mehr wird euer Vater im Himmel denen, die ihn bitten, Gutes geben.

Matthäus 7,7–8 ZB 2007

7 Bittet, so wird euch gegeben; sucht, so werdet ihr finden; klopft an, so wird euch aufgetan. 8 Denn wer bittet, empfängt; wer sucht, der findet; wer anklopft, dem wird aufgetan.

Mt 7,7-

De Jürgen Klopp het ja gseit, dass Jesus für oisi Sünde gstorbe isch. Und d Julia het de Jesus als Sanitäter beschribe. Jesus isch de wo heilt: wo oisi Beziehig zu Gott widerherstellt. Wenn mir a das glaubed, denn chönd mir wider en direkte Zuegang zu Gott ha und er zeigt sich ois. Und das gilt au für dich. Für das Jahr und für immer: du derfsch en direkte Draht zu Gott ha. Er isch din Fan, er füührt dich ah und de Heiligi Geischt hilft dir, coacht dich durs Läbe.

Ich wünsch ois allne, dass mir i dem Jahr Erlebnis mit dem Gott mached. Im Konf, Unterricht oder eifach im Alltag, wie bide Julia. Und dass mir die Erlebnis in Erinnerig bhalted wie s Guetnachtliedli und enand devo verzelled. Und das mir wüssed, dass mir Gott als Fan hend, de Heiligi Geischt als Coach und Jesus als Sanitäter.

Erlebnis: Nationalhymne Militär

Amen.