Untitled Sermon

Thoho: Kereke sa vhathu vho tanganedzaho tshifhiwa tsha khushumusi, i fanela u sedza kha vhutshilo hayo yone ine na kha vhushaka hayo na shango uri i kone u vha tshishumiswa zwandani zwa Mudzimu zwa u fhata muvhuso wawe fhano shangoni.

Ndima: . Text Verses: 4, 7, 12-13, 18, 26

Mvulatswinga.

Ri kha maduvha ane ra khou humbula tshilidzi na lufuno lwa Mudzimu kha shango lothe sa zwine ra funzwa zwone kha Yohane 3:16. Mudzimu o funa shango nga u li nekedza Murwa wawe Mubebwa e ethe uri vhothe vha mu tendaho vha si lovhe, vha vhe na vhutshilo vhu sa fheliho. Havho vhe vha tenda ndi havha vhane a khou amba navho kha itshi tshipida tshe ra vhala, na vhane vha do tenda vhenevho, na vhothe vhane vha do mu tenda u swika na nga tshifhinga tshine nne na vhone ra khou tshila khatsho. Khushumusi ine ra khou thoma u i pembelela i amba u tanganedza tshifhiwa hetshi tshe Mudzimu a ri fha nga Murwa wawe Yesu Kristo.

U tanganedza hetshi tshifhiwa zwi amba u vha vhathu vha tshipentshele kha Mudzimu na kha u fhatwa ha muvhuso wawe fhano shangoni. Ndi zwone zwe Yesu a fhedza tshifhinga na vhafunziwa vhawe phanda ha musi a tshi vhuelela tadulu tsha u vha humbudza nga zwine vha vho vha zwone. Vho no vha vhathu vha Mudzimu, vhe a bvisa shangoni a dovha a vha ruma shangoni. U khou vha humbudza zwithu zwine vha fanela u zwi tshila na u zwi divha uri vha kone u shuma zwe a vha siela zwone zwa u phadaladza muvhuso wa Mudzimu shango lothe. U khou vha humbudza zwithu zwina: 1. Vha fanela u dzula khae misi yothe, 2. Vha fanela u funana nga tshavho, 3. Vha do vhengiwa na u tovholwa nga shango, 4. Naho zwo ralo, vha do shuma vha tshi tikwa nga Muya Mukhethwa. U khunyeledza zwine a khou vha siela zwone a zwi nga bvi kha nungo dzavho, zwi nnda havho, ndi zwine vha zwi wana kha Mudzimu fhedzi.

Ndi zwithu zwine zwa amba na rine zwihulwane ri kha tshifhinga tsha u pembelela hetshi tshifhiwa tshe ra fhiwa, na tshifhinga tshine ra kona u sedza murahu kha 2019 ri tshi divhudzisa mbudziso ya uri ro tshimbila ha ni sa vhafunziwa vha Yesu Kristo. Arali a tshi ri thathuvha nga izwi zwe a sia kha vhafunziwa vhawe, a nga ri lavhelesa ha ni sa kereke ya Tshandululo ya Midrand? Ro fanelwa nga u pembelela khushumusi? Ri a kona na u ima phanda hawe nga mvalo dzo tambaho ri tshi ri ndi rine, kha vha fhate muvhuso wavho nga rine? U fhindula hedzi mbudziso ndi zwa ndeme u sedza lwa tsini hezwi zwithu zwina zwine Mune washu Yesu Kristo a khou amba na vhafunziwa vhawe a tshi khou vha lugisela u sala vha tshi fhata muvhuso wawe kha lino shango.

2. Kereke i lavhelelwa u anwa mitshelo i vhonadzaho vhugala ha Mudzimu nga u dzula kha Kristo misi yothe fhano shangoni.

Sa zwe Kristo a vha a khou onesana na vhafunziwa vhawe, phanda ha musi a tshi ya tshifhambanoni na u dovha u vhuelela tadulu, o fhedza tshifhinga o sedza nga ndila ine vhafunziwa vhawe vha fanale u sala ngayo vha tshi bvela phanda na u shuma zwe a da u thoma. Vha fanela u sala sa kereke yawe ine Mudzimu a do i shumisa u fhata muvhuso wawe nga u isa mafhungo madifha kha vhathu vhothe. Hei ndima ye ra vhala i sedza kha zwine vha fanela u vha zwone na zwine vha fanela u lavhelela kha shango line vha do shuma vhukati halo. Hu na zwithu zwine zwa tea u vha talula vhone vhane uri vha kone u khunyeledza vhudifhinduleli he vha fhiwa.

Vha tea u talulwa nga vhushaka ha tsini na Kristo sa zwe zwa talutshedzwa kha v.4. U vha talutshedza sa matavhi a muri, Ene e tsinde le haya matavhi a tuma khalo. A vha na vhutshilo arali vha songo tuma khae. Hovhu vhushaka vhu a talutshedzwa hafhu kha hune ha pfi: Ane a la muvhili wanga, a nwa na malofha anga, u dzula e kha Nne, na Nne ndi khae. Paulo u talutshedza hovhu vhushaka sa vhathu vhe vha vha vhe kule, hone ra dzhiwa ra tumiwa kha tsinde la muolivi wa hayani, ro tikwa nga tsinde lenelo. Ndi zwithu zwe ra tou fhiwa, zwine a ri faneli u dzuwa na u tonga ngazwo.

Tshifanyiso tshine tsha khou shumisiwa hafha tsha tsinde na matavhi, tshi amba nga ha vhushaka hashu na Yesu Kristo. Ndi vhushaka ha tsini tsini. Ndila ine vhafunziwa vha tea u tshila ngayo musi Kristo a si tsheho vhukati havho ndi ya u tshila vha tshi dzumbulula vhushaka ha tsini na Yesu Kristo we a vha vhidza. Vhutshilo vhune matavhi ha vha naho hune a swika na kha u anwa mitshelo vhu bva kha tsinde he matavhi a tuma hone. Matavhi a fanela u dzula kha tsinde. A sa tumiwa kha tsinde, matavhi ha na vhutshilo. Hetshi tshifanyiso tshine Kristo a khou tshi shumisa tshi ri humbudza uri vhakriste a vha na vhutshilo, maanda arali vha sa tuma kha Kristo. U tshila havho hu kha u dzula havho vho tuma kha Kristo. Vha do kona u ita zwine vha ita, vha pfa nga ndila ine vha pfa ngayo vha tshi wana nungo, thuso u bva kha Kristo. A vho ngo sala vhe vhothe hune vha fanela u sedza kha nungo dzavho. A huna zwine vha nga ita nga vhone vhane. Hune vha shaya nungo ndi hone u khwatha havho (). Vhoiwe ni do kona u sala kha heli shango arali na sala no dzula kha Khristo, Khristo o dzula kha inwi. U dzula khae ndi u mu gogodela kha nzulele dzothe, ndi Ene tshisima tsha vhutshilo na nungo. A huna hunwe hune vha wana hone vhutshilo. U dzula kha maipfi awe ndi u vheya zwe a ri laya mihumbuloni yashu zwa vha zwone zwi langaho vhutshilo hashu ha duvha linwe na linwe.

Ndi maipfi ane a humbudza vhafunziwa vhawe nndwa ine kereke ya do vha nayo tshifhinga tshothe, u vha hone ha vhatendi vha si vha vhukuma na vha vhukuma nga ngomu kerekeni. Hu do vha na mirado ya kereke nga ndovhedzo, tshilalelo na zwinwe zwa nga nnda, hone a vha mu divhi u bva nga ngomu havho. A vho ngo tuma kha Kristo, Ene tsinde la muri wo tavhiwaho nga Khotsi awe. Vha na dzina la u pfi vha a tshila ngeno vho fa ().

Ri do zwi divha ha ni uri vhathu vho dzula kha Kristo? Hetshi tshipida tshi ri sumbedza uri ri do zwi divha nga mitshelo ine vha do anwa. Ndi i fhio heyo mitshelo ine ya dzumbulula uri vho dzula kha Kristo? Ndi u rembulutshela ha Mudzimu, ndi u vha na lutendo kha mushumo wa u tshidza wa Yesu Kristo tshifhambanoni, vhukhethwa kha vhutshilo havho. U dzula khae zwi amba na u funa hashu, zwine ra khetha vhutshiloni na mbofho dzine ra tshimbila ri tshi vhofha, dzo sedza na kha u hulisa uyu we a ri tshidza. Zwi amba vhutshilo ha u dzula ri tsini na Ipfi la Mudzimu na u mu rabela. Ri dzula kha Kristo nga u tanganedza zwine a ri funza Ipfini lawe. Hei ndi mitshelo ine ya do disa vhugala dzinani la Mudzimu.

Vhakriste vha tshilaho nga hei ndila, vha tshi rabela Mudzimu u do vha fhindula. Zwine vha do humbela zwo fhatwaho ntha ha Ipfi lawe u do vha nea zwone. Ndi vhakriste vhane a vha nga wani hu na mushumo u no lemela u sa shumei, na vhuleme vhu sa tandululei vhutshiloni. Ndi vhakriste vha sedzaho phanda nga fulufhelo na vhukati ha swiswi lihulu. Ndi havha vhakriste vha ngaho vho John Knox (Scottish reformer) we Queen Mary wa Scotland a ri u ofha thabelo dzawe u fhira mmbi ya vha vhathu vha 20 000. Ndi zwine Yakopo a amba kha ....Thabelo ya muvhuya i na maanda mahulu, i a shuma.

Ndi mini zwe zwa vhonala khavho sa mukriste kha uyu nwaha? Ndi mini zwe zwa vhonala kha rine sa kereke kha uyu nwaha? Vho fanelwa na nga u pembelela khushumusi? Vhutshilo havho ho dzumbulula na u tuma kha Kristo? ndi mitshelo de ine ra khou kana vhutshiloni havho?

Musi vha tshi sedza vhutshilo havho, ha muta wavho, ha kereke vha wana hu si na mulalo, vha si na fulufhelo, na u sia murahu zwine zwa nga khwathisa uri ho vha na vhana vha Mudzimu vhe vha tshila nga tshifhinga tshikene, ndi mulandu washu wa u sa dzula kha Kristo, ra tshila ri tshi fulufhela zwinwe zwithu, na u gidima murahu ha midzimu i sili. Yesu u khou ri vhidza uri kha ri vhuelele khae ri tume khae, ndi lone fulufhelo lashu la u sedza phanda.

3. Kereke i fanela u funana nga tshayo sa zwe Kristo a i funa uri i kone u vha tshishumiswa tsha u fhata muvhuso wa Mudzimu.

Tshithu tsha vhuvhili tshine tsha fanela u vhonala kha kereke yo dzulaho kha Kristo ndi zwi i vhofhekanyaho uri i kone u shuma zwe ya vhidzelwa zwone zwine zwa vha lufuno vhukati hayo. Kha , hu pfi: Ndaela yanga khei: Funanani unga Nne ndo ni funa. A huna lufuno lune lwa fhira lwa muthu ane a fela khonani dzawe. Kha , ha pfi: Tshine nda ni laya asitshi: Funanani. Kha hu pfi, Vhafunwa, arali Mudzimu o ri funa zwingafhongafho, rine a si pfanelo ri tshi funana-vho naa?

A tshi amba nga ha lufuno u vha fha na ndila ine vha fanela u funana ngayo. Vha fanela u funana sa zwe Ene a vha funa. Vha fanela u funana vha sa sedzi uri muthu o tukufhala ha ni, ndi mushai ha ni ngauri na vhone vho funwa hu songo sedzwa zwine vha vha zwone. Hezwi zwi khwathiswa na nga zwine ra tenda kha Mirando ya Dordt nga ha u nangwa hashu nga Mudzimu, zwo fhatwaho kha Vhaefesa 2:8-10. Vha fanela u funa na vhane nga tshikalo tsha vhathu vha vha vha sa funei. Ndi zwone zwine zwa fanela u talula vhutshilo ha vhathu vha Mudzimu. Tshavhuvhili ndi tsha uri lufuno lu songo vha lwa u sedza iwe mune, lu vhe lwa u nekedza vhutshilo hau vhanwe. Hune lu si vhe hone naho ri tshi amba uri ri vhana vha Mudzimu, Paulo u ri ri nga ngoma i lilaho kana tsimbi i ungaho (). Hune holu lufuno lu si vhe hone a hu na vhutanzi ha mushumo wa tshilidzi we Kristo a ita vhutshiloni ha vhathu. U tshila nga holu lufuno lune lwa nga lwa Kristo hu na zwithu zwinzhi zwine vha nga kona u swikelela zwi khwathisaho vhugala ha Mune washu fhano shangoni.

Kha , hu pfi: Ndaela yanga khei: Funanani unga Nne ndo ni funa. A huna lufuno lune lwa fhira lwa muthu ane a fela khonani dzawe. Kha , ha pfi: Tshine nda ni laya asitshi: Funanani. Kha hu pfi, Vhafunwa, arali Mudzimu o ri funa zwingafhongafho, rine a si pfanelo ri tshi funana-vho naa?

Vhafunwa, arali Mudzimu o ri funa zwingafhongafho, rine a si pfanelo ri tshi funana-vho naa? Ndi Nne mulisa wa ndele. Mulisa wa ndele u kumedza vhutshilo hawe a tshi itela nngu dzawe.

Zwinwe zwine vha kona u swikelela hune ha vha na holu lufuno lwe Kristo a ri funa ngalwo, ndi phumudzo hune vha tangana na zwi kondaho zwa vhuno vhutshilo uri vha na khonani a sa vha lati we a vha tanganedza na he vha vha vha sa tendelwi. Vha vho kona u tshila na hu sa tshilei. Holu lufuno lwa vha hone vhukati ha kereke, na vhashai vha dzudzwa tafulani la vha divhalea, vhatshinyi vha kuvhatedzwa vha sumbedzwa ndila. Lufuno holwo ndi lwone lune lwa fhata kereke.

Holu lufuno lu khwathisa u nangwa hashu nga Mudzimu hune ha dzumbululwa nga lutendo, lufuno na fulufhelo. Hune zwa vha hone kereke i nga gulu/bullet kha tshigidi tsha maanda hune ya swika i tshinya zwothe. Ndi mini zwo vhonalaho vhukati hashu sa kereke? Zwo ri ita kereke de? ri a kona na u pembelela khushumusi nga mvalo dzo tambaho? Ndi mini zwe ra fhata zwi imisaho muvhuso wa Mudzimu? Kha ri dilavhelese vha hashu arali na ngoho ro dzula kha Kristo.

4. Kereke yo siwa fhano shangoni line la do i vhenga na u i tovhola i kha mushumo wayo wa u fhata muvhuso wa Mudzimu.

Vha vho khwathisa u nangwa havho nga Mudzimu na nga mitshelo ine vha anwa. Uri Mudzimu o ri nanga zwi fanela u vhonala kha vhutshilo hashu ha lutendo, lufuno na fulufhelo.

Tshithu tsha vhuraru tshine a khou lugisela vhafunziwa vhawe u tangana natsho ndi ndila ine shango line a khou vha sia khalo la do vha lavhelesa ngalo. Hezwila zwivhili zwa u thoma zwi do vha farisa u kona u lavhelesana na shango na u kona u tshila khalo. Zwa sa vha hone, vhurumiwa havho kha shango a vhu nga konadzei.

Kha hu pfi: Arali shango li tshi ni vhenga ni divhje uri lo thoma nga u vhenga Nne. Arali no vha ni vha shango ndi musi shango li tshi do ni funa, ngauri no vha ni tshi do vha ni vhalo. Zwino a ni tshee vha shango ngauri Nne ndo ni nanga khalo, ndi zwine shango la ni vhenga. Kha hu pfi: Zwenezwo-ha vha hashu, ni songo kanuka arali vha shango vha tshi ni vhenga. Vhushaka ha kereke na shango vhu talulwa nga vengo na nga u tovholwa.

Zwenezwoha vha hashu, ni songo kanuka arali vha shango vha tshio ni vhenga.

Zwine Kristo a khou bvisela khagala na u zwi khwathisa kha vhafunziwa vhawe ndi uri shango li do vha vhenga na u vha tovhola nga mulandu wa vhushaka vhune vha vha naho nae ngauri na Ene shango li a mu vhenga. Vha fanela u zwi lavhelela sa tshipida tsha vhutshilo havho. Ndi zwine divhazwakale ya kereke ya zwi tanziela uri zwinwe zwine zwa do talula vhutshilo ha vhakriste ndi u vhengwa na u tovholwa nga shango. Vhafunziwa vhenevha vhe a vha khou amba navho vhunzhi havho vho fa nga mulandu wa u tovholwa. U nyadzwa, u godwa, u nyefulwa, u ambelelwa ndi zwine vha songo rembuluwaho vha swikisa kha vhana vha Mudzimu. Hothe hune vhakriste vha do tshila hone khagala na ho dzumbamaho, mitani , mishumoni, zwikoloni vha do tovholwa nge vha vha vha Kristo (). Vhakriste vha fanela u divha hezwi zwithu uri musi vha tshi tangana nazwo vha si mangale, vha gungula zwa nga a zwo ngo fanela. Hu na vhakriste vhane vha akhamala vha tshi tovholwa zwa nga a zwo ngo fanela.

U dovha hafhu a ri vhudza uri ndi nga ri tshi fanela u kondelela hohu u vhengiwa hune ra do tangana naho. Kristo na ene o nwa hetshi tshinwelo tsha mu swikisa kha lufu lwa tshifhambano. O vhengiwa nga vhahulwane vha lushaka sa vhafarisei, vhamanwalo. Arali Mune washu vho mu ita hezwi rine vhalanda vhawe zwi do nga ni. U tovholiwa ndi tshiga tsha uri ri vhana vha vhukuma vha Mudzimu. Arali ro vha ri vha shango, shango lo vha li tshi do ri funa. Hezwi zwi fanela u ri fhata u kondelela ri tshi humbula mukovhe we a ri vhetshela wone ngei tadulu. Ri ambe sa vhatendi vha tshifhinga tsha 15 century musi vha tshi nwala thanziela ya Holanere vha tshi dzumbulula fulufhelo lavho kha khosi uri hezwi zwine ra khou vha vhudza ndi zwone zwine ra fulufhela zwone, arali hu tshi pfi ri rwiwe mitana, ri tumulwe ndimi dzashu na vhunwe vhutungu hothe, Khosi Vho Filipi kha vha zwi ite vho takala. Vho amba sa khonani dza Daniele uri vhone a vha nga luvhi midzimu i sili vha nga namba vha ya muliloni. Ndi heyo kereke ine a khou lavhelela na nga tshifhinga tshashu. Ro fanela na vha hashu na u pembelela hei khushumusi? Vhutshilo hashu vhu khou amba na zwine ya amba zwone? Mavhadzi na matsivha e ra vha nao nga 2019 a bva nga fhi? ndi mini zwe zwa ri tambudza kha hoyu nwaha? A si u funesa hashu zwithu zwa shango, zwa Mudzimu vho zwi vhetshela dubo?

5. Kereke i fanela u fhumudzea kha u khunyeledza mushumo wa u fhata muvhuso wa Mudzimu fhano shangoni ngauri Kristo o i vhudza zwine ya do tangana nazwo na uri u do i tika nga Muya Mukhethwa misi yothe.

Naho Kristo o vhudza vhafunziwa vhawe zwithu zwine zwa konda, u fhedzisela nga u vha fhumudza uri zwi a konadzea u tuma kha Kristo, zwi a konadzea u funana, zwi a konadzea u tshila vhukati ha shango line la ni vhenga, na hune vhathu vha do humbula uri ndi hone vha khou shumela Mudzimu nga u ni vhenga.

Kha v.26 u amba nga ha Mutiki ane a ri ndi Muya Mudivhadzangoho. Ndi Ene ane a do tanziela ngoho ya Kristo khavho, vhone vha kona u mu tanziela. A vha nga ambi zwavho. Vha na Muya wa Mudzimu ane a do vha dzumbululela zwothe. Ndi phumudzo khulwane kha kereke. A ri rothe, ri songo ofha.

Tsha vhuvhili tshine tsha tea u fhumudza kereke ndi hetshi tshine a tshi amba kha 16:1, 4. A ri nga tou mangala zwine ra do tangana nazwo o dzula o ri vhudza. ri songo xelelwa nga lutendo nga mulandu wa phambano dzi daho phanda hashu sa vhana vha Mudzimu. Hone vhatendi namusi vha humbula kerekeni sa fhethu ha mulalo, kerekeni ndi nndwani, vha do bva malofha ngauri ane ra mu shumela sha ngo a li mu divhi, na rine a li ri divhi. Ho ngo ri dzumbama, o amba e khagala.

6. Mafhedziselo.

Vhahashu haya maipfi a fanela u ri tutuwedza u funa Ipfi la Mudzimu, u li vhala sa vhatendi sa mita, sa kereke tshifhinga tshothe. Ri fanela u li vhona sa lupfumo luhulu. ndi hone ri tshi do kona u dzula khae. Ri fanela u funana sa mmbi nthihi ine ya tshimbila rothe, ra tenda u fhadiwa hu wela fhasi na zwe a ri farisa nga zwanda zwashu. Kha ri lwele u funana sa kereke. Kha ri gude u tshila sogani, hune ra sa do vha na madi na zwine ra zwi shaya, hune ra sa do funwa na nga vhathu vhane ra lavhelela uri vha do ri funa.

Hafhu ri si rothe. Hafhu o ri vhudza.