3. Advent

Christoph Blum

Sermon • Submitted 5 years ago

Matthew 11:2–10

Advent

0 ratings

· 16 views

Notes

Transcript

Bibeltext

Zürcher Bibel Kapitel 11

2* Als Johannes nun im Gefängnis von den Taten des Christus hörte, sandte er seine Jünger zu ihm 3* und liess ihn fragen: Bist du es, der da kommen soll, oder sollen wir auf einen anderen warten? 4 Jesus antwortete ihnen: Geht und erzählt Johannes, was ihr hört und seht: 5* Blinde sehen und Lahme gehen, Aussätzige werden rein und Taube hören, und Tote werden auferweckt, und Armen wird das Evangelium verkündigt; 6* und selig ist, wer an mir keinen Anstoss nimmt.

Das Urteil Jesu über den Täufer‡

7* Als diese sich wieder auf den Weg machten, begann Jesus zu den Leuten über Johannes zu reden: Was habt ihr zu sehen gehofft, als ihr in die Wüste hinauszogt? Ein Schilfrohr, das im Wind schwankt? 8* Oder was habt ihr zu sehen gehofft, als ihr hinauszogt? Einen Menschen, der in feine Gewänder gehüllt ist? Die feine Gewänder tragen, die wohnen in Palästen. 9* Oder was habt ihr zu sehen gehofft, als ihr hinauszogt? Einen Propheten? Ja, ich sage euch, mehr als einen Propheten habt ihr gesehen! 10* Er ist es, von dem geschrieben steht:

Siehe, ich sende meinen Boten vor dir her,

der vor dir deinen Weg bereiten wird.

Prolog

Mir fiired hüt de dritti Advent. Und ide Adventsziit beschäftiged ois ja vill Frage. Zum Biispil: Was söli minere Tante oder mim Onkel zu Wiehnacht schänke? Oder: Was söli füres Ässe choche, wenn di ganz Verwandschaft zu mir chunt? Gangi a Heiligabig id Chile oder blibi lieber dihei? (Chömed sie doch in GD! Ich hanen!) Ich behaupt jetzt eifach mal, dass d Adventsziit e Ziit vode villne Frage isch. Und dass dadebi die wichtigst Frag fasch bitz undergat: d Frag nach Jesus Christus.

Mir tauched hüt inen Bibeltext ih, wo sich um Frage dreit. De Johannes wo im Gfängnis isch, lat sini Jünger Jesus frage: Bisches du? Bisch du dä, wo da cho söll? De verheisseni Messias, de wohn ich akündigt han?

Mir hend hüt en Bibeltext, wo sich um die Frag dreit. De Johannes wo im Gfängnis isch, lat sini Jünger nach Jesus frage: Bisches du? Bisch du dä, wo da cho söll? De verheisseni Messias, de wohn ich akündigt han?

Mir fiired hüt de dritti Advent. Und ide Adventsziit beschäftiged ois vill Frage. Zum Biispil: Was söli minere Tante zu Wiehnacht schänke? Oder: Was söli füres Ässe choche, wenn di ganz Verwandschaft zum Esse chunt? Gangi a Heiligabig id Chile oder blibi lieber dihei? Ich behaupt jetzt eifach mal, dass d Adventsziit e Ziit vode villne Frage isch. Und dass dadebi die wichtigst Frag fasch bitz undergat. D Frag nach Jesus Christus.

Hüt wend mir ois dere Frag stelle.

Du oder ein anderer? Zweifel

De Johannes fragt: Bist du es, der da kommen soll, oder sollen wir auf einen anderen warten?

Uf wen wartet de Johannes eigentlich? D Ussag: “der da kommen soll” gat zrug ufen Vers im Alte Testament. Im stat:

Psalter 118,26 ZB 2007

26 Gesegnet sei, wer kommt, im Namen des HERRN. Wir segnen euch vom Haus des HERRN.

Uf die Person wartet de Johannes. De Messias wo chunt und rettet. Es sind die Wort, wo später em Jesus zuegruefe werdet, woner in Jerusalem izieht: Ich lise us , Vers 9:

Zürcher Bibel Kapitel 21

9* Und die Scharen, die ihm vorausgingen und die ihm folgten, schrien:

Hosanna dem Sohn Davids!

Gepriesen sei, der da kommt im Namen des Herrn,

Hosanna in der Höhe!

Aber das chunt ersch vil später. Ersch später wird Jesus als de Messias agruefe. De Johannes glaubts i oisem Bibelvers noned, dass Jesus de versprocheni Retter isch. Er fragt: Bist du es, oder sollen wir auf einen anderen warten?

Werum zwiiflet de Johannes? D Azeiche, dass Jesus de Messias isch, het er ja selber gse. Det woner de Jesus tauft und sich de Himmel göffnet het und e Tuube erschine isch und e Stimm gseit het, dass das de gliebti Sohn isch. Was brucht de Johannes no für Bewiis? Uf was wartet er?

Zwiifle

Zwiifel im Glaube. Kenned Sie das? Zwiifel, ob Gott würklich da isch. Ob mer im würklich vertraue chan, ober würklich rettet inere Situation.

Zwiifle im Glaube. Kenned Sie das? Zwiifel, ob Gott würklich da isch. Ob mer im würklich vertraue chan, ober würklich rettet inere Situation.

De Johannes därf ois es Vorbild si. Ganz fräch nach Gott frage. Bisches du? Würklich? Därf ich dir vertraue? Ich behaupte, dass so Frage guet sind. Sie sind guet, will si en ehrlichi Usenandersetzig mit Gott darstelled. Die Frage, wo de Johannes da stellt chömed vo Härze, vo tüfstem Härze: Bisches würklich du, uf de wohni gwartet han?

Guet will si vo Härze chömed, vo tüfstem Härze: Bisches würklich du, uf de wohni gwartet han? Unglaube liit ide Luft - Unglaube dörf au i Ihrem Läbe ide Luft lige. Mir dörfed vor Gott echt si, mit oisne Frage, mit oisne Zwiifel, oisem Unglaube.

Unglaube liit ide Luft bim Johannes. Chani würklich glaube, dass de Messias da isch? - Unglaube dörf au i Ihrem Läbe ide Luft lige. Mir dörfed vor Gott echt si, mit oisne Frage, mit oisne Zwiifel, oisem Unglaube. Er chunt demit us.

Ich möcht Sie hüt morge ermuetige, so Frage, wo de Johannes da stellt, au ihrem Läbe zuezla. Gad au jetzt ide Adventsziit. I dere Ziit wo alles söt harmonisch si, wo alles glizeret und glänzt. Aber hinder de Fassade gsets vilich nöd so perfekt us. Einsamkeit, en Schicksalsschlag oder suscht e schwirigi Situation. Fraged Sie ruhig emal zwiifelnd, ungläubig nach dem Gott, nach Jesus Christus: Bisches du? Chani dir vertraue? Chasch du mir hälfe? Und ich glaube, die Frage bliibed nöd unbeantwortet.

Mir dörfed und söled so Frage zuela und nöd eifach so tue, als wär alles in Ordnig.

Oder au d Frag, was d Chile denn hüt no zsäge het? Was isch oisi Ufgab als Chilegmeind? Gad im Advent, ide Wienachtsziit, wärded mir ghört vode Welt? Müstemer nöd lüüter schreie als die ganz Werbig wo für Produkt wo kauft wend werde gmacht wird?

Mir dörfed und söled Frage zuela.

Hört und Seht

Nachde Frag vom Johannes chunt d Antwort vo Jesus.

D Antwort vo Jesus isch aber zimli ernüechternd. Er seit zude Jünger: Gönd zrug zum Johannes und verzehled waser ghört und gse hend. Nämli:

Blinde sehen und Lahme gehen, Aussätzige werden rein und Taube hören, und Tote werden auferweckt, und Armen wird das Evangelium verkündigt.

Jesus hetti eifach chöne säge: Ja, ich bins würklich! Ich bin de Messias! Aber nei, Jesus machts echli spannend. Er nimmt de Johannes mit ufen Wäg. Er latem vo sine Jünger usrichte, was alles passiert um ihn umenand. Blindi chönd gse, Lahmi chönd ga, de Arme wird s Evangelium verchündet.

Das wär ja au vill z eifach gsi! Jesus machts echli spannend. Er nimmt de Johannes mit ufen Wäg. Er latem vo sine Jünger usrichte, was alles passiert um Jesus umenand. Blindi chönd gse, Lahmi chönd ga usw.

Und so stellt sich ganz e noii Frag fürde Johannes: wen erwart ich eigentlich als Messias? Was erwart ich vom Messias?

Isches eine wo chunt und machtvoll d Herrschaft a sich riisst und dene wo Mänsche unterdrücked mal so richtig d Levite lisst? Sozsege Top-Down: de Messias chunt vo obe, wird igsetzt und luegt emal dass alles wider justiert wird, dass e fairi Ordnig hergstellt wird.

Oder isch de Messias eine, wo ebe gad andersch würkt, als die Welt funktioniert. Bottom-up: vo une nach obe. De Messias als eine wo luegt, dass zersch d Bedürfnis vode Arme, vode Unterdrückte, vode Unghörte deckt werded. Und so d Welt vo unde nach obe ufmischlet.

De Johannes wird dur die Antwort vo Jesus ufgforderet, sis Messias-Bild z überdenke. Er hetti sich warschinli lieber en starche Herrscher gwünscht, eine wo ihn sofort usem Gfängnis holt und mit ihm zeme für Ordnig luegt. Jesus rüert em Johannes sini Erwartige an Messias über de Huufe.

Hüt Morge möcht ich Ihri Erwartig a Jesus Christus und sis Riich au über de Huufe rüere.

Bild von Kirche

Vilich hend Sie au sones Bild vo Chile. E Chile wo wider müst säge, um wases dases gat a Wiehnacht und so richtig ufruumt. E Chile wo Top-Down de Lüt vorschriibt, wie sie Wiehnachte z fiire hend. Schliesslich sind die Freitäg ja de Chile z verdanke! Ostere, Pfingste oder ebe Wiehnacht, sötig Täg ghöred abgschafft, wilsi zweckentfremdet sind! MIr münd als Chile de Welt wider sege wie sie z Glaube het!

Ich glaub, oisi Botschaft als Chile isch e anderi. Jesus isch nöd als Herrscher, sondern als Diener i die Welt cho. Und als Diener sorgt er sich zersch mal um die, wo bim Top-Down als letschti profitiert hetted: All die, wo zunderst sind, die wo ehrlich nach Hilf sueched.

Bottom-Up. Das isch oisi Botschaft. als Chile. aber au für Sie persönlich.

Gott löst Ihri Problem und Useforderige nöd eifach Top-Down. Er nimmt sie nöd eifach weg. Er möcht mit Ihne en Wäg ga. So wiener mitem Johannes en Wäg gange isch. Aber er nimmt sich Ihrne Useforderige ah. Liebevoll, geduldig, vo Agsicht zu Agsicht. Er laht sie nöd im Stich.

Das isch die frohi Botschaft womer inere Wuche dörfed verchünde: Gott wird Mänsch. Er nimmt sich ois ah. Und er stellt dademit die Verbindig zu Gott wieder her. Für das isch Jesus am Chrüz gstorbe. Aber ich möcht nöd zfescht vorgriffe, es söll bimne Usblick blibe.

Gott gat mit ois de Wäg, Bottom-Up. Er nimmt sich oisne Useforderige ah und gat mit ois de beschwerlichi, aber heilsami Weg richtig Himmelsriich. S Himmelriich wo under ois abricht.

Erwarted Sie kein starche Herrscher wo Sie us ihrne Problem useriisst. Erwarted Sie en liebende Mänsch uf Ihrere Ebeni und sie werded nöd enttüscht werde vo dem Chind wo ide Chrippe gläge isch.

Selig

Wie sölled mir also die letschti Wuche bis zu Wiehnachte no verbringe? Lönd Sie ois suechend und fragend mit Gott underwegs si: Bisches Du? Chani dir vertraue? Lönd Sie sich uf de Weg mit Gott ih, gad i dere Wuche, i ihrne Useforderige. Lönd Sie sich uf de Gott ih, wo Mänsch worde isch, ois gliich und mit ois underwegs möcht si. Wär die Botschaft chan anäh und de Gott als Diener erchennt, de isch vo Gott riich beschenkt. Das sind die letschte Wort, wo Jesus de Jünger fürde Johannes mitgit:

Matthäus 11,6 ZB 2007

6 und selig ist, wer an mir keinen Anstoss nimmt.

Er ist es, von dem geschrieben steht:

Gsägnet sind die, wo ihri Top-Down Erwartige a Jesus Christus über de Huufe grüert hend und sich ganz uf ihn ilönd. Kein Astoss a Jesus Christus nä, das heisst, sich ganz uf ihn ilah, will er sich ganz uf ois ilat. Bottom-up.

und selig ist, wer an mir keinen Anstoss nimmt.