John 17

Thoho: Mushumo wa u tshidza we Kristo a da u shuma ndi wone mutheo wa zwine kereke ya Kristo ya fanela u vha zwone musi i tshi khou shuma zwe ya vhidzelwa zwone fhano shangoni.

Ndima: Yohane 17:1-26. Text Verses: 4, 6, 9, 11, 15, 20, 24.

1. Mvulatswinga.

Ndima ye ra vhala i dzumbulula zwithu zwinzhi nga ha mushumo we Kristo a da u ita na zwine wa vhidzela kereke khazwo. Ndi ndima ine ya ri thusa u divha Mune washu Yesu Kristo na ndila ine a lavhelesa kereke yawe ngayo. Ndi maipfi e a swika kha kereke ya tshifhinga tshothe sa khuthadzo ye ya konadzeisa kereke u tshila i tshi khunyeledza vhudifhinduleli hayo he ya sielwa hone fhano shangoni.

Ndi maipfi a thabelo e Yesu Kristo a rabela musi a tshi khunyeledza mutangano we a vha nawo na vhafunziwa vhawe phanda ha musi a tshi ya tshifhambanoni. Kha thabelo hei o rabelela a tshi amba nga ha mushumo wawe, nga ha vhafunziwa vhane a khou vha sia fhano shangoni, na vhane vha do tenda vho pfa vhafunziwa vhawe.

Ndi maipfi a ri fhaho mato nga ha mushumo we Yesu Kristo a da u ita, na ndila ine a lavhelesa vhathu vhe vha tanganedza mushumo wawe, na zwine a lavhelela khavho, zwine a khou humbela Mudzimu Khotsi uri a vha itele zwone. Musi ri thetshelesa haya maipfi e Muya Mukhethwa a vhea phanda hashu a fanela u ri thusa u elekanya lwa tsini nga ha u tshidzwa hashu na nga ha mushumo we ra sielwa wone sa kereke na ndila ine ra khou khunyeledza ngawo.

Zwothe zwine ra ita sa kereke zwi fanela u thathuvhiwa nga zwine Mune wa kereke a lavhelela kha rine sa vhathu vhawe.

2. Mushumo we Yesu Kristo a ita, o runwa nga Khotsi awe ndi wone u fhaho kereke mvumbo yayo musi i fhano shangoni.

Zwe Yesu a khunyeledza fhano shangoni ndi mushumo wa u tshidza vhathu vhe Mudzimu Khotsi a mu nekedza wone. O shuma zwothe nga u fulufhedzea hune ra vho kona u amba nga ha vhushaka hashu nae sa ho khunyelelaho. A ri tsha ofha u latwa naho ri tshi nga talutshedzwa sa tshigwada tshi si na nungo, nahone vhumatshelo hatsho vhu si khagala.

Kha , Yesu Kristo u ri: Fhano shangoni ndo vhonadza vhugala hau nga u khunyeledza mushumo we wa ri ndi u ite. Ndi mushumo we a u ita a tshi zwi funa na u takalela u u khunyeledza. Yesu Kristo o lilela u ita lufuno lwa Mudzimu Khotsi we a mu ruma fhano shangoni. Kha , Yesu Kristo a tshi amba nga ha mushumo wawe uri: Zwanga zwiliwa ndi u ita zwine o thumaho a zwi funa na u khunyeledza mushumo we a mpha. Mushumo hoyu we Yesu Kristo a dela u u shuma u bviselwa khagala kha hune ha pfi: Yesu a swiswina iyo waini a konou ri, “Zwo khunyelela.” A ri u ralo a kotamisi thoho a welela. Mushumo we a vha o dela wone wo khunyelela a tshi fa tshifhambanoni. Ndi mushumo wa u tshidza vhathu uri vha vhuelele kha vhushaka na Mudzimu Khotsi. Kha hoyu mushumo Yesu Kristo u dzumbulula vhuthihi hawe na we a mu ruma ane a vha Mudzimu Khotsi. Kha zwothe zwe a ita ri fanela u vhona Mudzimu Khotsi

Context: , Zwanga zwiliwa ndi u ita zwine o thumaho a zwi funa na u khunyeledza mushumo we a mpha. , Yesu a swiswina iyo waini a konou ri, “Zwo khunyelela.” A ri u ralo a kotamisi thoho a welela.

A zwi konadzei uri ri ambe nga ha u tshidzwa ha vhathu fhano shangoni ro khethekanya mushumo we Kristo a ita na mushumo wa Mudzimu khotsi. U talutshedza zwe a ita sa zwe a tou fhiwa uri a kone u swikisa u tshidza ha Mudzimu kha avho vhe Khotsi a mu fha vhone. Mushumo we a u khunyeledza ndi wa u tshidza (redemption) nge a ambadza vhe a vha tshidza u luga ho fhelelaho. Nga mushumo wa tshifhambano, vhathu vha vho kona u sendela tsini na Mudzimu. Hoyu Yesu ha tou vha Mutshidzi fhedzi, ndi ane a ditalutshedza sa we a vha e na vhugala na Mudzimu phanda ha musi a tshi vha muthu, a hwala u nyadzea e kha tshivhili tsha muthu. Ndi Mudzimu we a kona u khunyeledza zwothe zwe a dela u shuma zwone.

U tshidzwa hashu a hu ngo shunwa nga we a hu sia li gake, ho khunyelela. Kha ri livhuwe Kristo ngaho ri gogodele khae ri na fulufhelo. Ngauri Yesu Kristo ndi Mudzimu o kona u ri tshidza nahone u a kona u vhulunga u tshidzwa hashu. Hei thabelo a i dzumbululi fhedzi zwine Yesu a vha zwone na mushumo we a u khunyeledza, i dzumbulula vho na ndila ine Yesu a vhona rine sa vhathu vhe vha mu fulufhela. Kha v.6c -7 hu pfi: Zwe wa amba vho zwi tanganedza. Nahone zwino vha vho vhona uri zwothe zwe wa nnea zwi bva kha Iwe. Ndo vha vhudza mafhungo e Iwe wa mmbudza, vha a tanganedza; vha a zwi divha uri ndi ngoho uri ndi bva ha Iwe nahone vha a tenda uri ndi Iwe wo nthumaho. Haya ndi maipfi ae a ri dzumbululela uri Mune washu we a ri tshidza u ri lavhelesa ha ni. Zwi khagala kha rothe uri hei ndila ine Yesu a khou talutshedza vhafunziwa vhawe ngayo a si yone ine ra vha nayo musi ri tshi humbula nga ha vhafunziwa vhawe. Ri vha humbula sa vhathu vha lutendo lutuku, vhathu vhana ndivho thukhu, vha sa lengi u hangwa, vhe vha mu shavha musi zwi tshi khou konda a sala e ethe, munwe a mu landula luraru lwothe a tshi ri ha mu divhi. Ane a vhala zwavhudi Mafhungo a Yesu Kristo a nga si kundwe u vhona uri Yesu o vha e na vhafunziwa vha no ofha, hone ndi vhone vhane Mune wavho a khou vha hulisa nga hei ndila. Kha vhane vha mu tenda, vha tanganedza mushumo we a ita Yesu u vhona zwithu zwihulu khavho u fhira ndila ine vhanwe na vhone vhane vha dilavhelesa ngayo. Hune ha vha na lutendo naho lu lutuku, Yesu u vhona zwithu zwihulwane. Vhafunizwa havho naho vho vha vhe si na nungo, vha tshi nga magabelo, vho tenda, vha funa Yesu he vhanzhi vha mu landula. Ra mu funa, ra mu tenda vhukati ha u kundelwa hunzhi, u do khunyeledza zwe a ri fulufhedzisa. U do fulufhedzea u swika magumoni. Hei ndi phumudzo khulwane kha vhana vha Mudzimu. U tenda hashu na u mu funa hashu ndi zwa ndeme khae u fhira u shaya hashu nungo. Ri songo dilavhelesa nga u shaya hashu nungo.