WAT GAAN ONS NOU DOEN?

It is reported that Moody’s farewell words to his sons as he lay upon his deathbed were, “If God be your partner, make your plans large.”

To the Israelites, Goliath is “too big to hit”; but to little David, he is “too big to miss.”[1]

2 Konings 6:15–18 (Die Boodskap)

15Die volgende oggend vroeg is Elisa se assistent uit buitentoe. Hy kon sy oë nie glo nie! Reg rondom die stad het daar Aramese soldate, strydwaens en perde reggestaan om te veg. Hy het ingestorm en bang uitgeroep: “Ag tog, Meneer! Wat gaan ons nou doen?”

16Elisa het geantwoord: “Moenie bekommerd wees omdat hulle so baie is nie. Dié aan ons kant is baie meer as hulle soldate!” 17Elisa bid toe: “Here, maak asseblief sy oë oop sodat hy ook kan sien wat ek sien.” Skielik het die assistent gesien dat die heuwels rondom Elisa vol perde en strydwaens van vuur was. 18Toe die Aramese soldate vir Elisa bestorm, het hy gebid: “Here, maak hulle asseblief blind!” En die Here het dit gedoen.

Alles het te doen met hoe jy dinge sien. Die oormag soldate wat gesien word is wanneer jy dinge met jou sintuie waarneem. Jy kan dit nie ontken nie dit is regtig daar. Dit is die harde feite. En jy sal ook uitroep. “Wat gaan ons nou doen?”” Let op die klem wat hy plaas op die “ons”.

Maar geestelike dinge is nie waar te neem met die sintuie nie. En dit vra nie wat ons gaan doen nie. ‘n Gees mens weet sy lewe word bepaal deur God die Vader. Hy sien die onsienlike. Hy is bewus daarvan dat hy onder die beskerming van God staan.

Psalm 3:6–7 (Die Lewende Bybel)

6 Ek kan rustig gaan lê en slaap tot ek wakker word, want die Here beskerm my.

7 Al word ek omsingel deur ’n leër van tienduisend is ek nie bang nie.

Eksodus 14:13–14 (Die Lewende Bybel)

13 Moses sê toe vir die volk: “Julle hoef nie bang te wees nie. Bly net waar julle is en julle sal sien hoe die Here julle vandag verlos. Daardie Egiptenare wat julle nou daar sien, sal julle nooit weer sien nie.

14 Die Here sal self vir julle veg. Bly julle maar net kalm.”

2 Kronieke 20:17, 20 (Die Lewende Bybel)

17 Mense van Juda en Jerusalem, dit sal nie vir julle nodig wees om te veg nie. Neem net julle plekke in en staan stil, dan sal julle sien hoe die Here die oorwinning behaal as Hy vir julle veg. Moet dan nie bang wees nie. Trek môre op na hulle toe en die Here sal julle help.”

20 Vroeg die volgende oggend trek hulle toe uit in die rigting van die woestyn by Tekoa. Terwyl hulle nog so trek, gaan staan Josafat en sê vir hulle: “Manne van Juda en Jerusalem, luister na my! Vertrou op die Here julle God, dan sal julle veilig wees. Glo wat sy profete gesê het, dan sal julle sukses behaal.”

Ons het hier met Ou Testamentiese openbarings van God te doen gehad.

Toe gebeur Pinksterdag en God die Heilige Gees kom woon binne in ons

Efesiërs1:17–21 (AFRIKAAN)

17 bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken.

18 Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het,

19 en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag

20 wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit het:

21 hoog bo elke mag en gesag, elke krag en heerskappy, en wat daar ook al sprake van mag wees, nie net in hierdie bedeling nie, maar ook in die bedeling wat kom.

Gebed

Ek bid ook datons sal agterkom dat die krag van God wat in ons werk sterker as is enigiets anders. Dat ons kan sien hoe geweldig daardie krag regtig is toe God Jesus uit die dood laat opstaan en vir Hom die belangrikste plek in die hemel gegee het. Daardie selfde krag werk ook in ons as Christene vandag. Verhelder ons geestesoë so dat ons U grootheid en almag sal kenn sien in hierdie donker tyd. AMEN.

[1] Tan, P.L., 1996. Encyclopedia of 7700 Illustrations: Signs of the Times, Garland, TX: Bible Communications, Inc.