BESKERM MY O GOD

Psalm 16 Die Boodskap

1. Vers 1 Gaan Oor Geloof En Vertroue.

1Beskerm my, o God, want ek kom kruip by U weg.

U pas my op.

2. Vers 2 Beskryf Oorgawe / Surrender

2Ek het vir die Here gesê: U alleen is my Heer.

U is die heel belangrikste in my lewe.

Ek is deel van ’n skare mense wat U dien en eer. Ek is bly as ek tussen hulle is.

3. Vers 3-4 Gaan Oor Afsondering Aan God

3Maar daardie mense wat dooie gode dien se hartseer word by die dag net groter.

4Sulke afgode, hoe mooi hulle ook al mag lyk, sal ek nooit dien nie.

Ek sal selfs nie eens hulle name noem nie.

4. Vers 5-6 Gaan Oor ‘N Gelukkige Lewe

5Alles wat die Here vir my doen, maak my vol vreugde. Hy is die grootste geskenk wat ek nog ooit gekry het. U sorg vir my, Here.

6U het die mooiste dinge in die lewe vir my gegee.

Ek kan nie uitgepraat raak oor al die wonderlike dinge nie.

Dit maak my baie gelukkig. Ek bly in ’n mooi land.

5. Vers 7 Gaan Oor Die Aanvaarding Van Onderrig En Leiding

7Ek sal die Here prys.

Ek wil sy Naam grootmaak omdat Hy my hand vat en my op die regte pad lei.

Selfs as ek slaap, weet ek Hy is by my.

6. Vers 8 En Verder Praat Van ’n Standvastige Lewe.

8Daar is nie ’n oomblik van die dag dat ek nie aan die Here dink nie.

Hy is die belangrikste in my lewe.

Hy is altyd by my.

9By Hom is ek veilig; Hy hou my op die regte pad.

Ek is baie bly;

my blydskap hou nooit op nie.

.....

11U sal my leer om reg te lewe.

Daar is niks wat iemand groter blydskap kan gee as om saam met U te wees nie.

U gee altyd vir u kinders die heel beste.

Hulle kry die heel mooiste wat die lewe aanbied by U.