Wiedergeburt

Wär kennt die dütschi Nationalhymne? Eigentlich wär ja jetzt Fuessball EM und mir wäred all fürd Schwiiz am Fane, oder füres anders Land. Ide dütsche Nationalhymne chunt es Wort vor, wohni vorher so noned kennt han.

Händ ihr schomal s Wort Unterpfand ghört? Ich nöd. Ich bin ide Vorbereitige zude Predigt druf gstosse. Es Unterpfand isch en Bewiis, dassme öpis anders wird becho. Also e Garantie wome abgit, dasme s andere denn au wider bechunt. So heissts ide dütsche Nationalhymne: “Einigkeit und Recht und Freiheit sind des Glückes Unterpfand”. Also Einigkeit, Recht und Freiheit sind e Garantie für Glück. Es Unterpfand isch also e Garantie für öpis wo no cho wird. So wiit so guet.

Etz hemmer all es bitz dütschi Sprach glernt und no gad die dütschi Nationalhymne, oder zmindest en Teil devo repetiert.

Etz isch nurno d Frag, wieni etz zu minre Predigt chume. Luegemer mal!

D Bible redet vonere Neugeburt usem Geischt vo Gott.

Was isch min Teil, was Gottes Teil? Rettig isch ja öpis, wo mir nöd sälber chönd mache!

Als Mänsche wärded mir zweimal gebore. Eimal usem Muetterleib, und eimal usem Geischt vo Gott. Die zwei Geburte händ durchus Ähnlichkeite, aber ebe au Gägesätz.

Nenned mir sie mal natürlichi Geburt usem Muetterleib und geistlichi Geburt us Gott.

Titus 3,5 ZB 2007

nicht aufgrund von gerechten Taten, die wir getan hätten, sondern weil er Erbarmen hatte mit uns, da rettete er uns durch das Bad der Wiedergeburt und durch die Erneuerung im heiligen Geist,