Untitled Sermon (2)

Slide 1

哈巴谷書 1:12-17，2:1

講題：「哭訴、困境、盼望」

上星期David弟兄幫我地開始左哈巴谷的講道系列。大家都對哈巴谷書的背景有一定認識。

Slide 2

今次同大家分享的講題係「哭訴、困境、盼望」，我地會睇1:12-17，2:1，先知哈巴谷在1章當中向上帝發出第一個疑問，就係呼求上帝呢的暴力要到幾時，點解上帝坐視不理？神在之後5-11節就答哈巴谷，神謂要做一件事就連有人講出呢都唔會有人相信，就係上帝要興起迦勒底人去對付以色列人，呢個係第一個神喻Oracle，即審判的神喻，神使用迦勒底的人去懲罰以色列人。而哈巴谷第二個對神的疑問在1:12-2:1。

Slide 3

而我想同大家去將哈巴谷呢個向神發出的呼求用3個向導去同大家分享。1)信心的哭訴，2) 面對的困境，3) 忠誠的盼望。

Slide 4

首先從12-13節裡面哈巴谷向神哭訴，在哭訴裡面他仍然將上帝放在很高的位置，他稱上帝為聖者，你從亙古就有的神，哈巴谷知道上帝是的自有永有的主載。這一次哭訴分開2個問題。第一個就問神咩唔係個位超然的神咩？第二個哈巴谷提出的疑問是點解神睇住惡人行脆詐都唔出聲保持沉默，猶大雖然犯錯但仍比迦勒底人公義。呢2個就係哈巴谷先知對神第二個哭訴的2個問題。我地好難去明白當時哈巴谷佢的心情，但從文字看來佢好似用哀求的語氣去求問神，什至乎講到神好似唔知道敵人有幾惡，有幾詭詐，有幾咁唔公義。因為好多時候信左耶穌好耐的基督徒曾幾何時都會好似哈巴谷咁一邊認定神的全能、從亙古已有、亦知道神是公義的神、佢眼目清潔不喜愛邪惡脆詐，一邊就向神哭訴點解要違背自己的屬性。當我地普遍用人的邏輯去推論上帝的行為時，總係覺得上帝有時係同自己的意願相違背。當我自己去讀到呢兩節經文時候，心裡好有感觸。

Slide 5(10 sec)

就好似上年香港發生事件，自己成長的地方可以黑白不分，是非顛倒到一個地步好多基督徒都懷疑神究竟去左邊，係咪睇唔見，聽唔到呢？先知哈巴谷係咪就從此唔再相信神呢？並唔係喎，佢仍然去以神為至神聖的，仍然以神為中心，因為佢知道神係聽佢哭訴的神，其實上帝邀請我地係佢面前去哭訴，出埃及記 15:25 “摩西 呼求耶和華，耶和華指示他一棵樹。他把樹丟在水裏，水就變甜了。 耶和華在那裏為他們定了律例、典章，在那裏試驗他們” 詩篇 50:15 “並要在患難之日求告我； 我必搭救你，你也要榮耀我。” 馬太福音 14:30-31 “只因見風甚大，就害怕，將要沉下去，便喊着說：「主啊，救我！」 耶穌趕緊伸手拉住他，說：「你這小信的人哪，為甚麼疑惑呢？」” 呼求神系作為基督徒應該要做的，係神容讓我地去舒發我地的情感，主耶穌在客西馬利園都曾經呼求神，求神將祂的苦杯拿走，但耶穌最終都係跟從神的旨意。先知哈巴谷的困擾係由於佢自己的理性同自己對神的信心有衝突而造成，以至事與願違。作為主耶穌的門徒，我地又何嘗唔係經常處於這種狀況底下。上星期我大仔Isaac的老師同我地有一次網上的會面，就講到佢有幾次因為計唔到條數又或者串唔到個字就覺得好煩惱，因而走左出課室，我地就覺得好驚訝shock，因為Isaac從來都無同我地講過。後來同佢講反就叫佢以後有咩唔開心或者有咩困擾你的一定要同爸爸媽媽講。

Slide 6

我諗大部份父母都會認為子女認該向佢地哭訴，但好可惜事實並唔係咁樣，而好多基督徒都唔係咁，唔識或者唔敢向我地的阿爸父去哭訴，身為神的兒女你係可以向神哭訴，而天父爸爸好想你去到佢身邊喊，同樣地我地都要清楚神的屬性，因為所有權柄都是出於祂，以至祂用比以色列人不義的迦勒底人去懲罰佢地都係出於神的手。

Slide 7

第二點係哈巴谷面對的困境有幾艱難，從14-17節可以看到。哈巴谷用魚和爬行動物來形容以色列人在逼迫中的境況，先知講到困境中的以色列人就好似魚和爬行動物咁，被人用鉤釣，用網來捕捉。大家有無試過釣魚？我自己就唔係好識釣，兩年前同團契去Drumheller釣魚就一條都釣唔到，因為帶埋小朋友去，就要額外小心，因為當你將魚杆拋出去時就要留意周圍有無人，因為驚魚鉤鉤到其他人，被魚鉤鉤到的係好可怕的事，因為魚鉤係有倒鉤，好難拔出，哈巴谷形容以色列人就好似魚被巴比倫玩弄，不單去虐待佢地，更加將佢地俘虜作為奴隸。我諗死對當時的人來說並唔係最難捱，而係好似條魚咁釣左上呢成為奴隸，無自由永遠活在惶恐下，被人操控成為別人的獵物，最參的係對方係豪不留情地將你放開後又再折磨你。我諗哈巴谷已經用盡方法去形容當時的參況，簡直就將人的尊嚴切底地踐踏，不單無自由，更加被視作死物一般沒有價值，完全係參無人道的困境苦況。咁同我地又有咩關系呢？當然在呢種參痛情況底下，自然會失去尊嚴同盼望，好似總係見唔到署光咁，總係好想一切回復正常好似以前一樣。有時同太太講番香港現時的處境，就好擔心香港的舊同事，無唔會有一日講錯野比人釣消教師牌照，對好多人來說香港的情況都同以前認識的香港好唔同，我地都知唔會好似以一樣，甚至香港教會都在討論緊點樣在政治不穩情況下牧養弟兄姊妹。同樣地當我地面對唔知幾時完的疫情時，我地總係想盡早有疫苗，可以唔使戴口罩，可以一大班人出街食飯，見番的老朋友，呢的都係我地好想回復以前生活的樣式，究竟我地活在當下又點樣解讀呢的困境難處呢？哈巴谷同樣要面對巴比倫的打壓，佢又點樣在上帝面前在哭訴後，與神對話呢？對以色列人的末來又用咩態度去自處呢，第三點可能比到大家一些看法。

Slide 8

第三點想同大家分享的是哈巴谷對神忠誠的盼望，亦即在上帝回應第二個神喻心前哈巴谷的盼望心態。2:1 “我要站在守望所， 立在望樓上觀看， 看耶和華對我說甚麼話， 我可用甚麼話向他訴冤。” 當時哈巴谷正在準備去接受神親自的回答，所以佢嚴陣以待在守望所接聽第二個神喻，守望所即以前古代在城牆的四隻角的調堡，又或者叫瞭望台，通常都是好堅固用來探測外面有無敵人，所以當瞭望台的士兵係要打醒十二分精神去監視住周圍的情況，一有風吹草動就要通風佈信通知其他人。呢度講到哈巴谷在樓上觀看上帝同佢講咩的說話，好奇怪先知用眼睛去聽上帝的說話，to see (rh) 希伯來文意思係揭示、顯露的意思，所以先知等待上帝對佢第二個疑問的答案、預示。而哈巴谷就用一個好嚴謹的態度來等待上帝的回覆，係唔可以鬆懈的等待、係一個對上帝有信心的等待，好奇怪雖然先知唔知道上帝將來會點樣對待以色列人，但佢對上帝仍滿有盼望，因為佢知道上帝是創天造地的神，係一個回應哭訴的神，只不過上帝有佢自己的時間同安排，唔係人能夠測度，就算係好似哈巴谷咁順服的先知都唔知，唯一就係用信心去盼望神的預備。

Slide 9

星期二我地一班教牧同工就去左Cochrance 退修，有一個鐘頭時間比我地自己去周圍行默想祈禱，咁我就行左上一個小山崗上，個日天氣好好，有好溫暖的太陽，有些微風，好舒服。一路沿住一條小徑行上山，諗住由一小徑上由另一小徑落山，上山有的都幾斜，要好小心。當我發現落山更加困難，正所為「上山容易落山難」，要睇路同時又要唔好被兩邊的有莿的植物2985;到自己，所以要特別專注。就好似人生裡面有高有底，順境的時候要懂得去感恩，在底處時更加要注目主耶穌，求祂的憐憫，得到隨時的幫助，因為主耶穌係能夠體恤我地的軟弱和難處，希伯來書 4:16「所以，我們只管坦然無懼地來到施恩的寶座前，為要得憐憫，蒙恩惠，作及時的幫助。」 我地要坦然無懼來到神面前去求神的幫助，求祂的憐憫，雖然唔知疫情幾時完，又或者會唔會完，我地遠方家鄉人與人的衝突好似無左公義，中國大陸裡教會的弟兄姊妹一直被逼迫，唔感講耶穌傳福音，連查經聚會都唔敢去。但哈巴谷先知謂比我地聽只要憑信心去仰望神，就會有從祂而來的平安，因為佢係一位回應哭求的主，我地身處逆境困難，周圍的環境都好似要考驗我地的信心，去挑戰我地底線時，我地更加要去倚靠上帝。上星期參加左同步靈修，同兩位弟兄去到分享祈禱，去呼求神，當我地去分享到一點就係在信仰上都知道要去渴慕神、去思念神。但因為種種的原因就會同神的距離逾來逾遠，呢個都係我地在地上生活的困擾係好真實的。當中讀到詩篇27 「有一件事我求過耶和華，我還要尋求。詩人講到門徒要不斷去尋求神的心意，甚至求神比我地有能力去尋求祂的旨意。當我地屬靈生命去到一個底谷時，更加要去尋求神，向佢呼求哭訴，求神幫助自己去重建同佢的關系，去重建我地自己的靈性生活。係度再一次邀請大家向神哭訴，係禱告裡面講比佢聽你有幾唔掂，你需要上帝大能的手去拓住你，係佢面前係可以喊。若你仲未認識主耶穌，我更加邀請你去尋求祂，你重未係基督徒都可以去祈禱，讓上帝打開你的眼睛打開你耳朵去聆聽祂。願神祝福大家，隨時的向祂呼求、哭訴。